ChumChum味 (已結業)

上完堂就去食野，朋友搵左lee 間，環境唔錯，同埋坐得舒服。一開始就上左六小碟，泡菜辣但算頂到，水果沙律唔算特別，芽菜好食，其他唔錯。之後食左韓國炒粉絲，好好ar, 難得唔會太油兼重口味，欣賞佢落好多菜。泡菜壽司: 酸酸地，唔會覺得辣人参雞湯: 叫左原味，好豐富，入面有糯米飯，紅棗，好補ga, 朋友覺得可以暖身，而且味道唔錯韭菜餃子: 原來可以點辣醬油或咸菜，朋友試下咸菜，辣到頂唔到，點左辣醬油就好夾，感覺減低熱氣程度不過兩個人黎講就真係好飽ar

今次係第一次去呢間食, 攞住個地圖行黎行去就係唔知呢間野係邊。咁岩有個路人行過見到我地望望下, 提示要行入去個商場入面~個商場人煙稀少, 加上附近又修輯緊, 真係心慌慌~入到去冇人, 得一台客, 我地有少少卻步，不過都係入左去。佢有outdoor 位置, 不過佢唔俾我地出去坐。前菜有4樣小食, 甜薯、泡菜、茄子、青瓜。全部都幾好食，泡菜唔太辣~比出面好食。我地叫左：韓式蛋包飯：個樣有D似日式.....蛋包飯都幾好食, 佢個汁同日式有少少唔同, 但個腸仔就唔好食,炸到外皮好硬下.韓式牛肉飯：呢個算味道幾好, 出面都係差唔多味道, 牛肉唔算太乾~不過你話佢好好食, 又未到。其實總體黎講都唔算差, 不過佢又唔算平, 仲要加一, 中午咁少人都幾難做生意。

半年前食過一次就對炸雞念念不忘 終於再幫襯第二次!!9點黎到唔駛等位.可惜舖頭11點就關門.冇得坐耐d慢慢食...  食韓國菜都會有免費既泡菜伴碟小魚乾同甜蕃薯好好味 鴛鴦炸雞有晒原味同甜酸醬不過今次個炸漿厚左少少.冇上次食個陣咁好趁熱食可以拉出芝士絲 不過芝士份量唔多海鮮十分足料!有青口、好多蝦同魷魚絲仲有半隻蟹!! 而且芝士味都好濃 雖然比印象中退步左少少.不過都係會繼續幫襯

同朋友慶生，她想吃韓國菜，有朋友推介chum chum味，仲要唔止一個，當然要黎拜訪一下喇。先講一下地理位置，喺香港，只要有Google map就唔怕搵唔到路，但今次真係考起了，去到麼地道，明明到左37號，但門面係住宅大廈，搵來搵去都見唔到港匯廣場，最後只好打俾店家，原來係要喺大眾銀隔離行入去再左轉先到。鋪內有室內同露天area，可惜今晚有點凍，唔係坐出面都不錯。我地一行5個人叫左6個菜，先來一些前菜。前菜份量似乎定左,兩人又或我地5個人都係一樣。先來泡菜壽司，食落就係泡菜味，沒有太大驚喜。跟住係芝士雞蛋卷，甜蛋中充滿芝士香，很不錯，如果蛋再滑一些會更好。主角登場-部隊鍋，真係好豐富。有腸仔，午餐肉，豆腐……最重要緊係個麵喇，麵吸收晒湯既精華，好好味，但應該只有一個麵餅，唔夠分所以加點多個麵。 鴛鴦炸雞，甜酸味出色，炸雞外掛甜酸醬汁，好醒胃。而原味始終不及李家。豬手，忘記左呢個餸既名，佢有大細portion,我地嗌左個細但都有十多片，豬手好入味，加埋生菜，青瓜，蒜片同麵豉醬，一啲都唔膩，好食。呢度既野食有水準，加上今晚聽到好多好消息，很愉快的慶生飯聚。

朋友推介話好食，一於黎踩塲！  落著微雨，唸著都唔會好多人，點知話咁快就7-8成滿！服務同環境都唔錯，呢度好多韓國侍應同好多韓國人，呢個魷魚撈麵真係唔講得少(對我黎講係), 真係要食牙！ 份量都好夠, 個汁同 d 魷魚都好好味!!指定動作啤酒加燒酒呢個炸雞話好好食, 我朋友推介, 不過我就一般般！

又想吃korean food 記得友人的ig post過chumchum味於是決定試試 地方不易找 花了10分鐘才找到當日是星期日中午 人流極少 只有2,3桌有lunch set提供 由50多到80多元不等飯 面等有接近10多款套餐但其實最想食的還是炸雞 可以向店員要求regular的menu最後order 了1) 辛辣拉面餐 $~50 +$8有凍飲 (3/5)其實都知道與一般辛辣面無異湯底夠辣 面身彈牙 加入了冬菇及少量蔬菜總算比在家煮的方便面好一些2) 甜酸炸雞 (半份) $95 (2.5/5)炸雞有分原味 甜酸 及辣味部分有半份及全份 以及每種味各一半之分但索價近百也非便宜 特別是份量偏少味道方面雖是甜酸但有點辛口 頗開胃的可惜是於其他本地的korean restaurant一樣炸粉奇厚 而且骨比肉更多 再一次令人失望也許要再去一次korea才可以回味一下服務極求其 態度愛理不理店員略懂英語 店舖人客不多地方大 也算是個好處吧

服務態度差劣,不會再來光臨, 服務員大多都是韓國人未叫埋單,已主作主張幫你埋埋單放係你枱,叫你快d走當你用餐時已不停係你枱收碗, 無晒水就當睇唔到 隔壁枱二人早過我們一行五人來,食完沒有人趕或收枱, 令我們感覺好似有人不停趕住你食野,叫你走, 唔知係咪我們一班不是韓國人才俾人趕.........食物:前菜很少, 不論二人定五人份量是一樣韓國炸雞 半份及石頭雜錦鍋飯 很普通, 以前係餐廳於美麗華商場時, 半份炸雞又香脆份量又多芝士海鮮辣年糕 D辣汁夠辣香濃,食落煙韌非常野味泡菜薄餅顏色火紅,但其實不辣,口感很煙韌, 有點似年糕, 賣相很好牛根湯是清湯底牛根完全無騷味,芝士蛋卷及牛肉壽司 都不過不失魚餅完全冇味,我沒有吃,但朋友們也不吃要點年糕辣汁才能吃下粟子牛肋骨煲, 只找到半粒粟子,牛肋骨很淋,非常入味大家也都捧著肚子, 五人叫了9樣菜很豐富的一餐

究竟一段關係可以維持多久呢 是否如食物一様都有保鮮期？ 常聽人們說 朋友嘛 各散東西了開始時也許還會偶爾聚頭 但日子久了 街上見面也會調頭 要將友誼保鮮的確是件難事 然而 我十分慶幸 我們雖應驗了句子的前段 卻沒有應驗了後段 兩年後 我們終於再聚了為此難道的聚會 我特別搜尋了多間餐廳 受韓風影響 大家都一致贊成吃韓國菜 尋尋覓覓下 我終選址於這間位於尖東的chumchum味 當天雨下得非常大 加上三號風球縣掛中 但也無阻我們見面的決心 但經「攀山涉水」大家都餓了 所以點了不少食物1.鴛鴦炸雞配椰菜大熱的炸雞又怎麼少得了呢 原味炸雞炸粉不多 但雞肉較乾身粗糙 而且味道欠奉 雖配上有千島的椰菜來吃 相反 甜酸炸雞則好多了 雞肉肉質鮮嫩多汁 甜酸醬汁又非常醒胃 再配上椰菜便更添風彩 水準截然不同2.芝士海鮮辣年糕海鮮份量非常之多 而醬汁雖濃又辣 但鮮味仍存 年糕取出時拉出條條芝士絲 吃下 芝士絲與年糕一糕又煙又韌 同時辣味使人不禁一口接一口 不消數分鐘 我們便將其消滅了3.雜錦鍋其實就好像一般的部隊鍋一樣 材料豐盛 有午餐肉 腸等肉類之餘也有不少蔬菜類平衡 再倒上即食麵與芝士 一鍋煮沸 芝士

好難得食韓國野唔洗等位啊~~~仲唔限時,可以同朋友吹水 (環境有D暗但好好FEEL)前菜有我最鍾意既番薯,真係好正!!!其他款就一般,但番薯1樣已經夠哂吸引~冷麵..我自己不太喜歡。因為我不太愛酸的味道, 而且有我最討厭的菜..(我不知道名字啦,有時候韓式燒肉也會用來包肉的...)但有朋友喜歡吃那種菜的說很好吃啦...不過比較辣哦是日主菜:炸雞, 好好味啊。個人認為比FAIRYXXXX更好吃啊。雖然我一向喜歡重口味,但不得不讚一下這個原味炸雞,比辣味更出色啊! 原汁原味的感覺,很棒啊!芝士是我的最愛, 再配年糕和雞一起,真的是絕配啊!!!我太喜歡這兒了, 食物款式多, 味道又好!!!除了炸雞,還有其他種類的食物。普通韓食甚致韓燒也有!!!雖然價錢較貴...但偶爾跟朋友聚聚也不錯 (不限時真的太好了)另外就是,服務員大多都是韓國人,電視也播著韓國節目(雖然我看不懂XD),但感覺就像置身韓國之中

好好味又不老土的韓國餐廳。最怕去果D門口，一）係有D著韓服既公仔放係門口，二）有D周圍掛滿太極韓國旗。三）任食而且係燒埋果D香腸、牛丸果種韓國餐廳。呢間真係似去左韓國當地年青人去食野既餐廳。仲有好多年青oba啊！講返食物，所有燒烤食物都好食，由其豬肉最好食，（但我本人是喜歡吃牛肉的）。但估吾到最好食是炸雞。（所有人都覺得乾身無汁果款最好食）。還有免費送的沙律菜超好食（汁是酸酸辣辣的）。

At the height of its hype it was nearly impossible to book a place for Korean fried chicken, so I've been patiently waiting for some time, and still I barely managed to book Chum Chum Mi tonight. You could tell this place is good! (and that I'm probably biased). The exterior was a nice wood-laden wall with a stylish sign slapped beside the door. We were starving we went got there, so sadly no pics.The Ban Ban Chicken ($162) portions are large enough to make a good appetizer for a table of four,

聞名已久, 不少地道韓國人會來消遣的食店, 位置比較難找. 看來預先訂座比較好, 有室外花園或室內選擇, 由於是次隨興之所至, 沒訂座, 所以被安排到坐bar檯. 在場播放k-pop, 身後兩枱為香港人, 高談闊論好不熱鬧. 店員似乎沒個懂廣東話, 下單時需用英文或肢體語言(手指指). 2碟共6款的小前菜 : 右上的薯仔絲很特別, 即使在正宗韓國料理店也不常見, 可能因為處理費時吧~ 總之這可口的小菜不一會就被消滅清光了. 韓式辣拌麵 ($90) : 看起來份量少, 可是超級辣的! 淺嚐入口, 味道酸辣得宜, 然後辣味會慢慢增強, 即使平常嗜辣的人也忍不住要飲水緩解哦!韓式香腸 ($120) : 由豬紅和糯米組成的米腸, 配以豬潤, 很地道的韓國菜, 畢竟非香港能常吃到的口味, 初嘗只覺沒甚味道, 可沾紅色辣椒粉增味.韓式甜酸雞 (half $95) : 皮脆肉嫩, 甜酸味道突出, 令人回味. 如果有無骨版本讓人可以盡情地大口咬就更好了!

中午時份訂枱，好彩仲有吧枱。 估唔到咁爆架其實。 仲响美麗華商場個時食過一次，今次就係想隨便食啲野，飲我想飲嘅soju。兩個人要左一壺soju，好新鮮嘅檸檬汁加左落去，飲下飲下走個下起身先知high high 地。 炸雞好好食，原味個隻冇辣嘅好味，冰凍冷面我覺得好食過銅鑼灣時代個間。兩個菜都夠份量，下次想試湯麵。啲服務員十分唔錯，唔知係咪韓國人本身嘅敬業精神呢，佢地會盡量滿足客人嘅，我地嘅炸雞叫左成大半個鐘都未黎，同個服務員講聲，佢話冇落過我地張單，但佢話會落返，一邊講晒唔好意思，一邊已經到嘞 (唔知邊枱唔好彩要等多陣 )整體上餐廳細過以前，但我會再黎，佢個BBQ好似幾好，價錢唔貴。

難得約到老朋友大家約好食韓國菜，特別係炸雞添XDDD好難先搵到間午餐有炸雞仲要又抵食既餐廳環境寧靜舒適，冇咩其他客人中間個位好似居酒屋，不過都係餐桌好d前菜有別於平時見到食到既豆角微辣，主要係甜味，而且清爽脆口沙律中特別係薯仔，香而不膩泡菜唔會太酸太辣，幾順口西蘭花腸仔都好好食，腸仔片唔會太膩，整體清新不膩炸醬炒飯炸醬味偏淡，有不少肉塊，煮得稔又唔爛炒飯底有點油，不過好香（特別蛋香），海鮮料都不少份量都大，唔只係個器皿大XDD飯卷（加配）有醃蘿蔔酸甜清新開胃冇咩麻油味，主要靠材料既味道酸甜炸雞　$168（全）酸甜得宜，稠度剛好夠黏附炸雞炸雞香脆可口，上桌仲係熱辣辣既，完全不油膩另外，肉質鮮而多汁，冇雪味，真係好正隨炸雞仲會附上醃蘿蔔，清新酸甜真係好送口沙律菜清爽新鮮，仲要好解膩呢間係我食過咁多入面覺得最抵食佢唔係雞球雞肉塊，而係全雞連雞骨性價比高，在質在量都好令人滿意

這篇遲到的食評其實已寫好一段時間，可能由於一直未有傳照片至電腦的原因，一直都未有發表，慢慢地也就遺忘了。今日翻看時發現，原來這也算是我2014年的小計劃之起始點，還是要將它完整地post出來。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊“妳是壹個對吃比較有要求的人”；說這句話的人和我認識才不到半年。的確，我基本不會“隨隨便便”吃一餐，那樣會很不“落胃”（家鄉話，大意是吃得不滿足），而且很容易“踩地雷”。有事沒事的時候，我便會逛逛別人寫的食評，一來在去之前可以對餐廳有個大致的了解，二來看的多了，腦海裏也儲存下一些印象深刻，或有興趣一試的餐廳，方便下次有機會在附近時可以馬上決定飯點。 一直都想紀錄生活裏的點滴，抑或懶抑或忙，總是一拖再拖。轉眼間已到2014，再不開始行動，我應該老了會後悔吧。 以後會爭取每餐都做個紀錄。 就先寫個上周末吃的chumchum味吧。這是一家在尖沙嘴的韓國餐廳，尖沙嘴及周邊我想是全香港韓國餐廳最集中的地方了吧，感謝近年來韓劇在港越來越火，韓國餐廳如雨後春筍般林立，而且每家生意都還不錯。很多食評也會寫到“就跟在韓劇中看到的一樣”，韓劇的確給了人很多幻