Chop Chop 食神叉燒 (新城市廣場) (已結業)

第一次難食到寫食評！出前一丁都可以煮到咁難食🙄啲叉燒又無味又難食！第一啖食落去己經知道自己唔會再食！垃圾到爆！真係想叫救命，我同家人一路食一路鬧真係好難食！我寧願食大快活好過🤦🏻‍♀️

下午茶時間，見佢無咩人等位，就沖入去，真係衝動左，應該上黎睇左食評先，但慶幸我只係食下午茶，至在坐下飲下野坐底同店員落單，十五分鐘送試，全部用即棄餐具🥴 佢自稱「食神叉燒」，所以都要試下既，就叫一碗叉燒一碗燒鵝賴粉各$38。凍飲加8蚊太過份囉黎到，試菜賴粉湯底無味，燒鵝都係，好在都滑但無咩味道，佢出名既叉燒，超市買既仲好過佢，出前一丁麵都可以比佢煮到難食，好野好野奶茶茶底唔得無茶味，服務員又晦氣，請都唔會有下次

去完一田掃貨,有D肚餓就諗住求其搵D嘢食,咁就揀左呢間食神叉燒。坐低左一陣就叫左個黯然銷魂飯,仲要指定叉燒半肥瘦,成碗嘢黎到,D叉燒燶嘅,口感又唔淋,邊忽係半肥瘦?想抄人地敏華又炒唔好,講真敏華好食過佢,連埋杯凍檸茶都係$75,呢度凍檸茶加$8,仲要加一服務費,成個午餐$94完全唔值。

第一次寫食評，從未有一間差到要的起心肝寫，呢間真有料到。今日下午，兩公婆點了叉燒一丁下午茶餐，見到啲叉燒，又黑又瘦，完全係似賣唔晒留隔夜咁款。食落去，真係鞋過煲湯豬肉，仲要無味成碗麵，最好味，係碗味精湯！38蚊，仲要加一，無服務可言！自己招牌菜都可以差成咁，唔係下午茶就比垃圾人哋食下話？$38絕對可以响大X樂或茶餐廳食得好過佢！咁嘅食物質素話叫食神，笑死人！食物係一間餐廳嘅靈魂，無心做生意，唔好厄飯食咁無品無良。

14:26坐下、14:27吹我下單、14:28放下下午茶歺牌、半価、但我要比正価。見隔離叫下午茶、粉量一樣、自己唔知有下午茶、冇辦法、算了。我叫半肥瘦叉燒瀬粉、來了全瘦叉燒！！！！ 一d肥都冇、硬得好緊要、勁難食、仲有一pat豆豉醬物體、問店員係咪來錯、因歺牌有另外一個全瘦叉燒可下單的。佢求其望一眼、木口木面話係半肥瘦。好明顯係全瘦。態度好差、望都唔望淸楚仲答我係半肥瘦。食到一肚氣。疫症下又話冇生意、有生意又咁差！

星期六下午三四點係沙田等人冇野做，就搵個下午茶食，見到呢間餐廳好似叉燒好出名咁就去試下。叫咗個下午茶餐，叉燒飯一丁連熱奶茶，$38。好似等咗五分鐘左右就上菜，唔知係唔係疫情影響，全部都用即用器皿同餐具。講返個食物，就咁見d叉燒同出面唔同，係個醬汁唔同，可惜d叉燒瘦到入唔到口，又細份，出前一丁都未煮淋就拎出黎。另外Service 非常麻麻，幾個後生服務員係咁吹水，俾錢又要去收銀機俾錢，仲要收加一服務費，埋單$42。總結：叉燒未夠水準好，服務差不值要付加一服務費。

行過見到呢間主打叉燒既小店，打算試下點知大失所望，中伏過多既醬汁，全口都係醬既味道打住黯然燒魂飯既旗號，但賣相似兩餸飯叉燒豬頸肉，即係有叉燒汁既豬頸肉，味道接唔接受因人而異，依然有濃濃既醬汁，如果喜歡食醬應該還好，否則可以不試🙈雖然整體舖面乾乾淨淨，但不值一試...

食神叉燒chop chop燒鵝同油雞都賣曬，所以叫咗肥仔叉燒飯，半肥瘦叉燒飯同燒排骨飯。基本上最令人尷尬嘅係佢個汁，基本上個汁並唔係傳統叉燒汁，而係獨家改良品種。但改良還改良改得好就係良改唔好就係劣。雖然味道嘅野因人而異，但同行三人都表示難以接受。肥仔叉燒比半肥瘦差燒厚2/3，外架2舊全肥膏，貴10蚊好正常。但味道就好似以前婆婆係屋企蒸嘅豆豉蒸猪肉一樣嘅豆豉蒸叉燒味。呢個味感因人而異。劣在乎瘦嘅部份好鞋，肥嘅部份好膩瘦肉渣加肥膏完全融合唔到，好似遺產分唔均，兄弟爭身家咁嘅口感，完全係人同人之間不和既味道。另外，叉燒果陣雪藏味係用佢獨特既醬都掩蓋唔到。所以我地以後應該唔會選擇再食，但杯凍奶茶幾好飲，但後叫個杯完全係燶咗。出品完全做唔到一致，令我好忐忑。如果佢叫食神叉燒，咁佢一定係未入少林寺之前既廚司。

食既野都係茶餐廳咁上下，晏晝黎食，都揀左試出名既燒味，叫左一個平版一個貴版。食神黯然銷魂飯 ($78)黯然銷魂飯即係用上半肥瘦豬再加隻蛋，食頭一兩舊ok, 但食到一半時覺得有啲太肥，但有超級豐富既蜜糖汁淋係面，係好食好多既，另外仲有一碗例湯，好飲既。食神玫瑰叉燒飯 ($58)都係叉燒飯啦，但係就比較瘦既叉燒，可能同黯然銷魂飯一齊食 一半一半就岩曬。雖然唔包野飲，但以呢個價錢都ok. 下次想食叉燒飯都會想再黎呀。

原本見到一田開左新既餐廳，叫得食神•叉燒，咁應該有番咁上下既信心同實力啦，咁咪去試吓囉。但係令我太失望。從未食過咁難食既叉燒，黯然銷魂飯隻蛋煎得唔差，舊叉燒脂肪同肉分離，叉燒味道太淡，肉既口感乾淨淨，味道全靠醬油。個飯一到，就問佢攞特製豉油，原來特製豉油係燒焦既，味道係苦既，望落去似鑊燶。仲有個例湯，咸到不得了服務態度係幾好既，即使我提出問題，侍應都有幫我換過新既。不過應該唔會有下次🤮🤮🤮🤮🤮

下午經過呢邊，想排下對面班戥店，後來實在太多人，於是見到對面有優惠下午茶，結果入去醫肚算數坐底見餐牌極力推介叉燒，就點個叉燒飯。結果，侍應話無叉燒。無叉燒唔緊要，就點燒鴨，侍應話無燒鴨，乜都無，只有雞⋯⋯⋯起初就係想食燒鴨獺，同叉燒先入嚟，突然想起身走人⋯⋯不過都係算啦，是但叫兩個下午茶算。豉油雞湯麵雞不見得特別水準，如圖片所見，一般質素，豉油味不太突出，偏瘦。雞髀配薯條雞髀略算大隻，炸得不錯，即叫即炸，外脆內軟。要配上呢一款曲曲彎彎嘅薯條，個人很歡喜。因為呢一次，食唔到呢度嘅招牌叉燒，所以只能對普通下午茶以作評論。至於服務方面，整體上也算還好。

睇過食神既你，暗然銷魂飯你食過未？😆原來當時食神嘅藍本戴龍師傅係食神叉燒既餐廳顧問！唔怪之得要成$80一份，但係呢個價錢究竟值唔值得呢？⚠️食物：▪️暗然銷魂飯 二人套餐 $129二人套餐包兩份飯同例湯，隻碗仲還原番隻雞公碗，分叉燒上到嚟熱辣辣，焦味仲響度，不過我覺得最特別其實係個醬汁，點完別有一番風味！.老實講，如果見到$80一份叉燒飯，的確係冇特別衝動去試，不過食完都覺得值得試試既😁⚠️環境：冇咩特別⚠️價錢：人均65

放工八點幾入去諗住食個飯叫咩無咩都算侍應就話得番暗然銷魂飯咁我地就算啦 都係想見識下個叉燒有叉燒就叫啦過左5-10分鐘 佢送上兩碗公仔麵暗然銷魂飯 姐係 叉燒 蛋 同 飯啦咁何來公仔麵呢？原來因為無哂飯 所以送上公仔麵代替🥱🥱你無你咪講 你送個公仔麵要我吞聲忍氣食就唔係咁好囉😐😐

Um 認真比一搬燒味舖做得更差....連最出名既义燒都 因為個汁太甜 又乾又硬， 個二人餐份量小到呢⋯⋯如有兩個男仔的食量肯定唔夠，要食好味义燒有大把堆介.....如無意外無第二次.

港式燒味快餐其實無咩特別，不過下午茶餐有蝦仁餐肉炒蛋拼多士就吸引左我入去tea。蝦仁餐肉炒蛋拼多士😍火腿奄列就食得多。不過將火腿換左蝦仁餐肉感覺豪華得多。🤤呢個炒蛋嫩滑得黎有蛋香。蝦仁爽口又有蝦味。餐肉預先炒過夠香口。。真係好好味丫不過多士因為無即時食，貼住蛋果邊比d蛋汁浸淋左。另一邊係脆嘅🤣下次要醒目d，一黎到就拎開多士先。炸雞脾拼薯條話明港式茶餐緊係有炸脾薯條。即炸需時，等左十幾分鐘。波浪薯條香脆。雞脾就炸得乾左少少。另外重有叉燒炒蛋同樣期待🤣希望保持到水準I will be back！飽肚D叉燒一丁都唔錯～