Chop Chop 食神叉燒 (新城市廣場) (已結業)

食神叉燒chop chop燒鵝同油雞都賣曬，所以叫咗肥仔叉燒飯，半肥瘦叉燒飯同燒排骨飯。基本上最令人尷尬嘅係佢個汁，基本上個汁並唔係傳統叉燒汁，而係獨家改良品種。但改良還改良改得好就係良改唔好就係劣。雖然味道嘅野因人而異，但同行三人都表示難以接受。肥仔叉燒比半肥瘦差燒厚2/3，外架2舊全肥膏，貴10蚊好正常。但味道就好似以前婆婆係屋企蒸嘅豆豉蒸猪肉一樣嘅豆豉蒸叉燒味。呢個味感因人而異。劣在乎瘦嘅部份好鞋，肥嘅部份好膩瘦肉渣加肥膏完全融合唔到，好似遺產分唔均，兄弟爭身家咁嘅口感，完全係人同人之間不和既味道。另外，叉燒果陣雪藏味係用佢獨特既醬都掩蓋唔到。所以我地以後應該唔會選擇再食，但杯凍奶茶幾好飲，但後叫個杯完全係燶咗。出品完全做唔到一致，令我好忐忑。如果佢叫食神叉燒，咁佢一定係未入少林寺之前既廚司。