Chop Chop 食神叉燒 (新城市廣場) (已結業)

星期六下午三四點係沙田等人冇野做，就搵個下午茶食，見到呢間餐廳好似叉燒好出名咁就去試下。叫咗個下午茶餐，叉燒飯一丁連熱奶茶，$38。好似等咗五分鐘左右就上菜，唔知係唔係疫情影響，全部都用即用器皿同餐具。講返個食物，就咁見d叉燒同出面唔同，係個醬汁唔同，可惜d叉燒瘦到入唔到口，又細份，出前一丁都未煮淋就拎出黎。另外Service 非常麻麻，幾個後生服務員係咁吹水，俾錢又要去收銀機俾錢，仲要收加一服務費，埋單$42。總結：叉燒未夠水準好，服務差不值要付加一服務費。