Chi Tachinomi (已結業)

呢排工作壓力好大，所以收工之後要釋放壓力🤟🏻上星期同左幾個朋友試新餐廳順便relax下🥰 剛入去, 我先叫咗一杯啤酒，真係忍唔住！大大杯又足料，大大啖飲落肚，感覺好舒暢👍🏻 朋友叫咗日式吉列炸蝦🤩 超級好味！外層唔會太厚，或炸到好油，啲蝦都幾新鮮，我幾鑽意!!另外叫咗飯團，配合炸蝦一齊食，好似食緊定食咁，好好味，飯團上面嘅醬汁滲落去中間，唔算鹹，亦唔算淡！幾好食！另外我都叫咗一系列串燒，味道不過不失，肉質都幾唔錯~ 最緊要我自己覺得個賣相好啱 非常之啱我口味 抵食 自己就好鍾意食串燒 加埋啤酒就真係正到爆 啤酒同埋串燒就最啱呢間真係一間工作壓力大可以過嚟呢度放鬆嘅一間餐廳 食過去質素亦都非常之好 環境又好舒服 佢真係值得幫襯👍👍👍👍

由於好耐冇食日本嘢，見年尾放大假得閒少少，就同左老公去食下串燒🤣 上網見推介比較多，就膽粗粗過咗嚟試吓✌🏻呢間野都幾大，我哋落咗地牢食，紅色主調嘅餐廳環境設計真係幾大膽又有創意😋我哋兩個人叫咗少少嘢食，都係跟上網推介！我自己比較食枝豆，但係唔係間間有得食，呢間竟然搵到，所以二話不說叫咗碗，都算足料👍🏻燒鰻魚燒菠蘿就例牌必要啦～不過我就想講講串燒部分！除咗有啲配搭好特別之外，款式都嘅新穎！呢一串係豬欄葡萄卷，好值得一試～豬腩燒得好香口，成串食落口感好特別，豬腩既油膩感夾住葡萄嘅清新感，食落唔會覺得好流👍🏻仲有一種爽口感，正！真係值得回味！至於其他，味道都唔錯，我自己會再去食👍🏻

個囡收工話想食串燒，我一諗起，就帶咗佢過嚟試吓呢間。之前已經嚟過食，貪佢喺中環方便自己，二來質素有返咁上下！我哋叫咗少少嘢食！鰻魚必叫！除咗感覺好新鮮之外，鰻魚大大件，鰻魚汁燒到好入味！再嚟就係燒菠蘿，又甜又大嚿，唔會燒到乾掙掙，一咬，菠蘿汁成口都係！好滋味！另外叫咗少少肉串，例如，京蔥雞髀肉、雞比肉，牛粒串，日本豬腩串等等，串燒配搭都幾特別👍🏻 超推介呢一串京蔥雞髀肉~!! 燒到恰到好處~ 本身唔係太鍾意食洋蔥既我，試咗都覺得值得再試，洋蔥口感好清，配搭雞髀肉，中和口感👍🏻

今次過嚟食真係有少少驚喜 之前喺其他分店都有食過 可能因為太耐冇 所以今次食完我覺得真係超級 有種超級想再過嚟食多次嘅感覺呢個地方都舒服 坐得好舒服首先要介紹下呢一個我今次食完真係上癮嘅芝士年糕 呢個年糕入面係充滿住芝士嘅餡料 好好食 同埋芝士嘅味道係啱啱好唔會好鹹 再加上年糕嘅 彈牙 所以食落去兩件事混合埋一齊就好正啦呢個牛舌 用咗鹽嚟燒 所以我覺得食落去嘅時候都好原汁原味嘅感覺 真係食得出牛本身嘅味道鰻魚都好大塊好厚身 呢個價錢好抵食 一件一件咁樣嘅 夾起食都幾好呢個京蔥雞髀肉 因為有京蔥嘅味道係入面 所以食落去嘅時候雞髀係有 京蔥嘅味道呢個就雞髀肉 同京蔥雞髀肉嘅雞髀肉係一樣 笑得非常之好食 味道係有好濃烈嘅雞味

今日想同大家介紹一間我自己覺得係中環比較高質素嘅串燒居酒屋 呢度嘅嘢食我覺得食物質素好好 等我嚟介紹一下🇯🇵飯團 $45呢個飯團真係好有日本風味 用得好啱口味嘅醋飯 再加上去 手握得得咁啱啱好 唔會太緊 都唔會太鬆雞翼 $50呢個雞翼燒出嚟就非常之香 再加上雞翼其實係好大隻嘅 所以價錢嚟講我覺得相對抵食日本雞皮 $45呢個日本雞皮真係要試下 入口嘅時候 脆卜卜 非常之脆口嘅 同埋雞皮有雞油 所以係會食得到雞嘅味道京蔥雞髀肉 $40鍾意食正宗嘅可以試下呢一個 京蔥雞髀肉 一啖 京蔥一啖雞髀 食落去嘅時候兩個口味會混合埋一齊 感覺好得意好搞笑雞髀肉 $50呢個就單純雞髀 變咗啖啖肉嘅滋味 好好食 同埋佢燒得啱啱好 雞髀肉本身都好嫩滑牛肉粒 $50牛肉一日都係燒得啱啱好 咬落去嘅時候入面仲有少少血汁嘅感覺 非常之好味道

今日朋友介紹我過嚟呢間餐廳食串燒 可以一邊慢慢食一邊 兩個人傾下偈 佢話呢個地方啱曬兩個人傾計 過到嚟嘅時候見到個環境裝修的而且確真係好舒服 所以真係好適合傾計 餐牌上面嘅嘢食都幾特別 平時出邊串燒店比較少見牛肉粒 $50首先呢個係牛肉 出面都成日會有 不過佢係燒得好好食 個火啱啱好 燒出嚟嘅牛肉出面嘅皮係好熱 但係裏面亦都係保留住牛嘅汁京蔥雞髀肉 $40呢個京蔥雞髀肉 好大件 同埋我自己鍾意京蔥同埋雞髀肉一齊 兩個嘅口味會混合係一齊豬腩葡萄卷 $45呢個亦都係好特別嘅 出面係冇食過 一個係用 豬腩肉 包住葡萄 所以出面 豬腩肉嘅肥膩感覺會畀葡萄中和一啲 食埋佢好舒服蜜糖西班牙午餐肉 $40呢個係好厚嘅午餐 蜜糖整出嚟好好食鰻魚 $75鰻魚好大塊呢個價錢真係好抵食 同埋燒得都好香

❤️❤️❤️今日嚟到呢一間 喺中環嘅串燒舖頭 試下呢度嘅串燒嘢食 過到嚟嘅時候 見到好多人都圍住 睇嚟呢度 生意真係好好 所以我都 急不及待過嚟呢度 呢度啲嘢食 都係幾特別嘅 比出面都比較少見到❤️❤️❤️❤️豬腩葡萄卷 $45呢個豬腩葡萄 真係好得 外面係 用咗豬腩 但係入面會包住一粒葡萄 所以食落去嘅時候兩樣嘢溝埋 感覺口感好特別 豬肉本身嘅鹹味再加埋葡萄少少酸味 兩件事嘅 混合有幾特別❤️土手燒 $45呢一個 土手燒 分量都幾多 幾好食 同埋非常之入味道❤️日本雞皮 $45呢一個日本雞皮 係燒出嚟嘅雞皮 所以燒得非常之脆口 本身雞皮 亦都好濃烈雞味❤️雞肉丸 $35雞肉要燒得啱啱好 有少少焦 所以令到佢更加香口❤️鹽燒牛舌 $55呢個牛舌好大塊 好抵食 再加上海鹽燒 所以令到牛 舌嘅味道 有增加