Chi Tachinomi (已結業)

簡簡單單想食一餐，去左自己「飯堂」食，呢間已經食過好多次！好多都試過，都好有質素👍🏻今日好興奮，分享吓自己食過幾次感覺！其實整體來講都係中上質素，有啲好特別嘅款式，其實都好有新鮮感，味道係唔差，食材都算新鮮，所以唔擔心品質～我自己最愛呢，就係佢嘅豬腩同埋牛肉系列😂 佢嘅牛柳粒燒得好，燒烤同時鎖住牛肉肉汁，食落唔會感覺到好硬身，牛舌嘅話，更加推介，用鹽燒方式令到牛舌嘅味道好出色👍🏼 睇到都流晒口水，食落好享受

前幾日心情唔係咁好，於是化悲憤為力量，自己一個去擦翻餐勁嘅！呢間嘅裝修都幾有氣派，俾佢吸引咗去試！環境格局算幾乾淨，少少氣派～至於食物款式就唔太多, 不過幾樣都好好味！重點講兩樣食物，我都幾推介！飯團，出乎我意料之外幾好食，我本身以為乾爭爭又凍又講好難食，結果比我想像中好，用嘅日本醬汁令飯團好好味👍🏻 仲有佢嘅芝士年糕，雖然外層好脆口，但裏面軟綿綿嘅芝士好香好滑，食完好滋味，好想翻桌再翻桌，一啲都唔滯

依家食串燒越嚟越貴，但偶爾都對自己好啲，既然要食，就要食間好味嘅。呢間我經常都去，但係就冇點分享過！通常我叫支野飲，今次叫左sparking carbonated drink！一路飲，一路暵串燒~燒味醂魚乾 真係伴酒佳物😍 燒得好脆，唔會好硬身，雖然份量唔算好多，但係夠送酒食，必叫啦！串燒我就推介佢Menu入邊推介，尤其係豬腩肉，豬腩肉有返咁上下質素👍🏻 唔同配搭有唔同口感。葡萄豬腩卷同日式豬腩串，都係好推介！估唔到用豬腩再加埋葡萄嘅感覺係咁正！食得出豬腩嘅香味同埋提子嘅甜味！燒鵪鶉蛋都好好食！整體來講，呢一間餐廳都係一個好適合聚會傾偈嘅地方！食物質素幾高！

聖誕假期期間，去咗試一間居酒屋，其實嚴格啲來講，係日本串燒✌🏻 我同我朋友叫到一枱都係，見佢餐牌嘅款式都勁新穎，當然要叫黎試下啦。燒物都幾快，即叫即燒係有一定時間，最緊要上枱睇落賣相有板有眼，整得好香，肉都幾juicy，唔燒到好乾至於土手燒，超級特別既名，本身以為手燒土豆絲😆 一上台你聞到香噴噴，一啖咬落肉，醬汁嘅味喺肉度湧出來，食到停唔到口，係咁追住食🤣 大家可以試吓，值！我覺得呢間餐廳真係非常之高質素 土手燒真係一定要試 真係好好味 食落去嘅時候真係會追住 食 真係忍唔住 一定會介紹畀唔同嘅朋友過嚟呢度食飯

平時都慣咗一個人食飯，今餐想食得特別啲，就單拖去咗食串燒。其實呢間我都間唔中黎下✌🏻 因為真係唔會令我失望！燒菠蘿真係必叫，每次叫都維持到質素👍🏻 大大條菠蘿，燒到外層入味，內層Juicy!! 我落去菠蘿汁仲保留喺度！另外必推介鰻魚，鰻魚汁深入鰻魚表皮，一啖咬入去，高質嘅肉配合濃味鰻魚汁👍🏻 正！還有雞髀肉，我真係每次都叫😂 因為佢揀嘅位置係雞髀位，必好味，加上佢燒得好入味好值得一試！😋😋😃

今次繼續試新野，搵到呢間喺中環黃金地段嘅日本菜✌🏻 一個人試咗幾樣嘢，飯團、天婦羅、燒菠蘿、雞翼、葡萄豬南卷、京蔥雞比肉等等等等，好多幾有創意既燒物。炸蝦天婦羅食落脆卜卜，唔係普通平價外層同內層分開嗰種，食一啖感覺仍然保留到裏面蝦嘅鮮味👍🏻飯團估唔到串燒舖頭有飯團食，擔粗粗叫咗個試吓，見佢一上枱大大件就知份量好足，一個人食顯然好飽肚，幾好味，好抵食！串燒即叫即燒，論顏色來講，一睇就知燒得好唔錯👍🏻 單單睇燒雞翼就已經好抵讚，調味浸到雞翼，外皮脆內裏夠香，好味

有時自己食嘢都幾有樂趣，周圍搵野食，搵到間好食既，推一推先✌🏻有我至愛鰻魚，鰻魚汁有料到又夠大件，算幾高質，份量足，自己一個食真係幾飽肚🤣 再來就係炸蝦天婦羅，一上床香噴噴，有賣相，趁熱食真係滋味到不得了😍 串燒叫咗豬腩串、牛舌、牛肉、葡萄豬腩卷，都好唔錯！伴秋葵，可以幫手中和下油膩感！超級推介佢牛舌，肉質好嫩滑，又夠味！一個人來講，都算幾飽肚，因為佢份量都幾足。總括嚟講呢間餐廳真係非常之滿意 搵到一間好嘅餐廳真係要推一推介 呢度無論係鰻魚定係天婦羅都係我超級鍾意食嘅 而且串燒又係非常之好味道 肉質好嫩滑 所以真係值得推介。

聽老細係咁讚，忍唔住過嚟試一試👍🏻先講下環境格局，怖置好似幾簡單，但不失氣派，感覺好有feel！見佢幾整齊，識落都好開心😍而且枱與枱之間幾闊落，傾偈唔怕講秘密！我同朋友最主要想飲下酒傾吓計，叫咗少少串燒填肚。之前老細好推介呢度既燒午餐肉，果然不出所料，厚一塊，又燒得香，其實送飯一流😂😍 另外好推介鹽燒牛舌，燒到好入味又唔硬身，佢牛肉粒都好好味，唔會燒到好難咬～ 總括嚟講呢間餐廳真係好好食 非常之有質素 而且環境又靚 我自己就最鍾意喺呢度同朋友飲酒傾下偈同埋我自己超級鍾意食呢個午餐肉 非常之後啖啖肉嘅口感 再加上佢真係好香

Chi Tachinomi地址: 中環皇后大道中54號地舖🌟燒午餐肉超級厚切，食落係靚質材料，燒得好好，外面嗰層少少脆口，裏面就暖笠笠，好好味👍🏻推介：🌟🌟🌟🌟🌟芝士年糕🌟朋友比較鍾意食，唔太流，好香好軟身，外面有啲燒到外層好硬，但呢間幾好味👍🏻推介指數：🌟🌟🌟🌟燒菠蘿🌟菠蘿食落都好juicy，夠甜夠香推介指數：🌟🌟🌟🌟🌟🌟肉串🌟整體都唔錯，款式幾新穎，最推介係日本豬腩串，少少Wasabi喺面增加口感同新新感👍🏻推介指數：🌟🌟🌟🌟🌟

前幾日同朋友講起食串燒，傾傾下諗起之前嚟過呢間，就約咗朋友過嚟試一試！佢Menu算幾簡單👍🏻 成個揮春咁，雖然選擇唔係好多，但好想全部都是試😆 不過上次有食過，今次同朋友試我之前未食過😋 燒午餐肉，仲係厚切，一啖咬落肚，成個口腔都充滿好香嘅午餐肉味！芝士年糕就係我朋友最愛但係唔喺度都整得好，佢評價呢度都超級唔錯！串燒我地叫咗少少，我同我朋友都最推介串雞髀肉👍🏻 一上台就已經覺得佢燒得好靚，聽到淨係燒雞髀位就知唔會差得去邊，雞髀燒得好入味，咬落雞油係咁咇出嚟，好有料到👍🏻

男朋友唔太想煮飯，話要出街食，我帶咗佢過嚟食好味既串燒，隨便兩個撐枱腳✌🏻我唔係食得好多野，所以少少地叫左肉類串燒😆 佢個Menu都幾搞笑，可以根據佢嘅推介去選擇！我自己有上網睇咗少少推介，其實好多都幾特別，雞肉丸串，豬腩葡萄卷，豬腩串都好值得試吓。串燒燒完隻色好靚，食落唔失望。我鍾意食呢一個豬腩葡萄卷！真係好特別，提子嘅甜味再加埋豬腩燒完之後嘅日子同埋香味！真係好夾！我自己第一次食呢一個款式嘅串燒！本人就推介天婦羅，炸得好靚，有板有眼，唔會太厚粉，而且𥚃面蝦食落都keep到幾juicy👍🏻 食完配埋杯茶就一流。❤️

週末咁岩放假，約咗一班朋友出嚟聚會，適逢年尾，有藉口聚一聚詳談一番！食串燒就最好不過啦~ 我個friend揀咗呢間喺中環嘅串燒店！我自己感覺不過不失👍🏻 其實喺中環食嘢不嬲都冇點擔心質素嘅問題✌🏻呢間雖然貴就貴咗少少，但係勝在質素唔錯！我哋叫咗幾款野慢慢傾慢慢食～ 先講燒菠蘿，性價比算高，本身以為燒完冇乜味，會好乾，但出乎意料之外，好Juicy👍🏻咬一啖啲汁都溢岀黎，very nice~另外仲有，不得不提就係枝豆！超級正！ ！可能我本身都幾鍾意食，食串燒真係必定要叫~ $35都算大碗，食得太油膩再食枝豆感覺冇咁Heavy~我另外叫咗飯團試試~ Size都算大，夠晒飽肚，上面有少少日本醬汁，食落好和味👍🏻

前幾日特登出街慶祝新一年，感受下大家迎接新嘅氣氛，我哋去咗中環嗰邊，臨近倒數前醫一醫肚，就去咗呢間日本串燒！我之前黎過幾次，覺得幾唔錯，有保持水準！先講環境，其實坐落都幾舒服，周圍都見到好多日本酒，琳琅滿目，如果有閑情逸致，可以不妨試吓揀支乾杯!! 我最主要對呢度嘅炸物有興趣~ 試左吉列蠔，日式炸雞，燒味醂魚乾同貪得意叫咗串棉花糖😂吉列蠔真心無得輸，除咗外面炸得好脆口之外，裏面亦都唔會流失太多水份，蠔嘅味道出晒嚟，咬開都仲係暖身，好有口感，冇得頂！日本炸雞性價比都算高，食落滲岀雞油，好有汁感，值得一試🤟🏻另外，值得推介嘅係 燒味醂魚乾配少少啤酒，好脆口之餘又唔會太硬，解口痕一流👍🏻

年尾工作特別忙，感覺太大壓力，所以心血來潮，自己一個去嘆吓日本野❤️公司附近呢間串燒都算幾大，入邊有啲座位係可以一個人坐喺度食，所以唔怕好尷尬😂…先叫咗炸蝦天婦羅，好耐冇食，差啲忘記咗個味道！天婦羅外層炸得好脆口，唔會感覺好粉🙈 食嘅時候仲有渣渣聲，太享受啦！串燒我自己比較鍾意食牛肉粒同雞肉，燒得都香兼入味！分量都啱晒一個人食，串燒配合埋啤酒，一流！整體來講，呢一間餐廳都幾高質！串燒火候十足，而且呢間餐廳雖然款式唔算話好多，不過勝在每一款都係好食嘅！而且價錢一啲都唔貴，喺中環區可以食到咁優質嘅串燒店真係好好！

平時同朋友聚會，揀餐廳真係會搞到頭都大埋，來來去去都係打邊爐bbq等，有時食得多都會想轉下口味。咁啱年底又要約朋友出嚟「檢討」吓🤣 揀咗好耐，終於決定咗嚟呢度都多人推介既串燒店☺️ 其實最主要貪佢環境好適合聚會，唔會靜到講唔到野，地方又闊落✌🏻我哋係咁叫串燒，雞翼、日本雞皮、京蔥雞髀肉、雞髀肉，雞肉丸、牛肉粒、牛舌、豬腩串等等咩都試吓。結果唔失望，串燒燒得好入味，肉類都唔會太銀！另外叫咗飯團，呢個飯團睇相我已經好想食好耐，上面醬汁浸到飯團中間，每食一啖都感覺到香味！特別提一提係鰻魚，大大件好有誠意，送飯一流，真係值得一試！