Chi Tachinomi (已結業)

由於好耐冇食日本嘢，見年尾放大假得閒少少，就同左老公去食下串燒🤣 上網見推介比較多，就膽粗粗過咗嚟試吓✌🏻呢間野都幾大，我哋落咗地牢食，紅色主調嘅餐廳環境設計真係幾大膽又有創意😋我哋兩個人叫咗少少嘢食，都係跟上網推介！我自己比較食枝豆，但係唔係間間有得食，呢間竟然搵到，所以二話不說叫咗碗，都算足料👍🏻燒鰻魚燒菠蘿就例牌必要啦～不過我就想講講串燒部分！除咗有啲配搭好特別之外，款式都嘅新穎！呢一串係豬欄葡萄卷，好值得一試～豬腩燒得好香口，成串食落口感好特別，豬腩既油膩感夾住葡萄嘅清新感，食落唔會覺得好流👍🏻仲有一種爽口感，正！真係值得回味！至於其他，味道都唔錯，我自己會再去食👍🏻