Chatterbox Café (圍方)

營業中

休息中

去咗大圍圍方 Chatterbox Café, 之前已經食過一次，好喜歡座位之間有一定距離，跟朋友傾幾都可以盡興。 1 / 文華海南雞飯 (HK$118)呢個招牌菜一定要食，配搭三款醬汁，香辣、蒜香、甜醬油三款醬汁，各有特色。冇骨嘅海南雞啖啖肉，肉質嫩滑，皮忍唔住都食埋。淡黃色雞飯吸收了雞湯精華，散發著海南雞飯特有香氣。 2/ 鐵板蠔餅 (HK$118) (限定菜式) 〔另加+ $48有白飯及一杯期間限定飲品〕用鐵板上枱所以熱辣辣，表面鋪了很多芽菜，有蛋汁，有不少蠔仔 3/ 椰子雪糕菠蘿梳打 (限定飲品)椰子雪糕有椰子蓉，值得推介 QR落單嘅時候，發現可以加配依個：4/ 香脆薄餅配咖喱汁及蔬菜條脆卜卜薄餅！加一點咖喱汁，少少辣，好好食，好有趣 下次再嚟食啦

星期六上網預約咗一點正， 我哋七個大人一個小朋友 被安排坐餐廳中央長枱位置， 我哋叫咗一個四人餐$708 及一個二人餐$368， 包六杯飲品 ，額外升級飲品 通常要加24蚊或者18蚊💸( 有 涼粉冰 、青檸梳打、 薏米水 、美祿恐龍 等等供選擇)， 套餐入面有多項主菜和粉麵飯 選擇，但有多項係要額外加錢升級，最終我哋加$去order 。2個餐共有: 小食拼盤、海南雞飯、海鮮炒貴刁、 炸豬扒配 香米飯 、香炒河粉燴牛肉 ，大蝦喇沙 ， 黑醬油炒蘿蔔糕 ，仲有兩碟菜 (生菜和小棠菜)， 整體上食物ok，最好味係海南雞飯 同埋 炒蘿蔔糕， 飲品足料 😍芒果菠蘿冰真係有一塊塊菠蘿佔三分一杯，涼粉冰成個杯都有涼粉， 青檸梳打有整個青檸畀你💚🤩， 真材實料，並不是出面齋合成香料hea你。 做會員有一球雪糕同埋50蚊coupon送， 入會的會費可以即場扣返 用落張單。 埋單連加一，$1322， 性價比just so so，人均($165)， 值得一讚💯係 服務員十分有禮貌，有效率💝 有機會下次再嚟。

咁啱去大圍做嘢，隨便搵一間餐廳就入去食。無乜人，算舒服，lunch 連加一 $98…好一般的炒麵，份量都OK，都有啲料，有兩三隻蝦，算係咁～ 我見好多人食海南雞，比較少人叫炒麵🫢奶茶就正常啦，我比較喜歡港式奶茶多啲. Overall, average meal and service.

見到係一個星加坡嘅連鎖品牌，所以想睇吓香港搞成點，喺其他地方都食過呢一個品牌嘅嘢食，但係嚟到香港之後個海南雞大失所望，本身隻雞都有啲韌，食落去完全冇雞味，雖然賣相很好同埋醬料都比較充足，但係隻雞好似有水喉水味，見到已經盡量用豉油嚟斟住隻雞慶祝佢有返啲味道，但係始終雞嘅味道較少，所以冇辦法拯救。另外叫咗椰青同埋甜品，椰青方面算係啱時間，所以有椰肉可以食溫度亦都幾冰凍咁熱嘅天氣都叫做可以唞吓涼，最後嗌咗夏日刨冰做甜品，配料中足雖然全部都係現成嘅乳製品，有紅豆，芒果蓉，涼粉，同埋呢度出名嘅椰子雪糕，但係以呢個價錢嚟講，略嫌偏貴，如果差不多價錢嘅話，我會找更好嘅餐廳。

Chatterbox Café今次推介喺大圍圍方商場入面嘅一間新加坡過江龍餐廳叫「Chatterbox Café」，入到呢間餐廳好舒服，四面都有綠色植物，空間大，絕對方便輪椅人士入去食！二人滋味套餐$3481.文華海南雞飯（雞胸）+香炒河粉燴牛肉（8.5/10）文華海南雞飯：基乎每張枱都會叫文華海南雞飯，我就叫咗套餐，套餐比較抵食少少，文華海南雞飯係呢間餐廳嘅招牌菜，雞肉入面已經去咗骨，雞肉肉質軟淋，味道好鮮，切開大約有12件雞肉，旁邊仲有三種醬比你點嚟食，包括有甜豉油、薑蓉同辣醬，仲配埋一碗豆腐雞湯。香炒河粉燴牛肉：一遞上枱先知係濕炒，初初以為會好咸，食落去原來味道啱啱好，河粉係一大舊，咬落幾煙韌，牛肉份量比較多，大約有十幾舊牛肉，舊舊都好大舊，咬落好滑好嫩！2.炸素春捲四件（9.5/10）呢個炸素春捲好香脆，入面放咗大量蔬菜！3.醬油生菜（9.5/10）呢一碟醬油生菜好爽好甜，份量算多！4.熱錫蘭奶茶+熱咖啡（9/10）錫蘭奶茶飲落奶滑茶出，咖啡香濃偏酸少少！2人總共價錢$382.8，有加一服務費！個人口味總評分：9.125/10 @chatterboxcafehongkong地址

除了泰國菜，個人比較喜歡新加坡美食，過江龍 chatterbox cafe 以海南雞飯出名，食慣靚🐔既我，約埋友人放工去品嚐。餐廳裝潢木系風格為主，四周嘅植物佈置，再加上燈飾，令人閒適舒服。望主餐牌，好多都想食，選擇困難症，點左 2 人套餐。文華海南雞飯 套餐包埋黃油飯同埋雞湯,都幾豐富，皮好薄,雞皮食落香滑爽口,雞肉嫩滑,沾上黑豉油、薑蓉和辣醬更加美味,至於黃油飯香而不油膩。香脆薄餅大大塊,香脆可口炒生菜菜鮮味甜，加左鹹魚絲，味道更豐富，熟度剛好！香炒河粉燴牛肉原來係自己鐘意的泰式濕炒牛河的做法,河粉寬條狀，更顯得滑溜，薄片牛肉口感佳！整體來說，環境舒適恬然，價格合適，個人幾喜歡這條過新加坡🇸🇬江龍！

新商場大圍圍坊Shopping都好攰，搵餐廳食嘢Chatterbox Café餐廳是新加坡菜門面裝修都比較典雅座位舒適 夠位放shopping 戰利品文華海南雞飯 $138打開Menu第一時間留意到招牌菜文華海南雞飯配上秘製醬汁及香米飯是香港數一數二嘅海南雞飯海南雞的確肉質滑溜香米爽身 米飯粒粒分明再配搭佢三款特調醬汁10分正宗的星加坡海南雞原個鮮椰青$68熟程度啱啱好，可以用匙羹潷晒啲果肉椰青水夠甜 下火一流夏日刨冰配雪糕$68所以在app落order的時候預先選擇為餐後上夏天咁熱梗係要食返個刨冰配雪糕除咗海南雞滑之外甜品都好唔錯👍🏻總括餐廳價錢不算太平，但食物質素不俗由於顧客太多，服務員好繁忙如果order了後上食物，要提多幾次服務員

今晚去到大圍同朋友一齊食嘢， 見到大家都有啲肚餓， 咁見到呢一間Chatterbox嘅餐廳，咁我哋就行入去試下。因為出面裝修我覺得真係幾有style同新， 同埋內裏幾舒服。Anyway, 我哋order咗以下：我地叫咗這份二人滋味套餐可說是一個豐盛又精彩的用餐體驗。從開胃的馬來特色炸豆腐開始,就讓人食指大動。炸得金黃酥脆的豆腐,外皮帶有淡淡的香料風味,入口即化,實在是開胃得宜。接著是招牌大蝦喇沙,份量十足,每隻大蝦都飽滿肥美,沾上濃郁的喇沙醬汁,令人難以忘懷。令人讚嘆的是,這道菜既有海鮮的鮮甜,又帶有馬來風味的香料,交織出絕妙的滋味。而文華海南雞飯的表現同樣出色。我選擇升級至雞腿的選項,讓肉質更加鮮嫩多汁。飯香米軟,與雞肉搭配得天衣無縫。最後再食清爽的醬油生菜,為這一頓大快朵頤的餐點畫下了美好的句點。得一提的是,飲品方面 - 凍錫蘭奶茶和凍咖啡。二者都做得恰到好處,清涼順暢,絕對是解渴良伴。Overall,這份二人滋味套餐無疑是一次難忘的用餐體驗。從開胃小菜到主菜再到飲品,每一項都堪稱精緻出色。無論是想要品嘗馬來風味,還是尋求一頓豐盛的晚餐,這個套餐都是一個不錯的選擇。

Chatterbox於1971年開業，係新加坡首間將雞飯這種小販美食打進高級酒店嘅店家，而家唔洗飛去新加坡，喺香港就可以係商場食到酒店級美食啦～～🌖文華海南雞飯 $138雞肉嫩滑，但又唔會太生有血水，雞皮薄身唔肥，肉同皮之間有啫喱狀嘅膠原蛋白🤩，果然係招牌菜式👍🏻。🌗香炒咖哩大蝦 $158 另加$48 配白飯及特飲一碟三隻大蝦，蝦肉飽滿結實；咖喱沾滿足蝦外殻，味道香口，唔會太辣🔥；另外仲有大量洋蔥同三色椒，補充纖維素同維他命。🌖椰子雪糕菠蘿梳打椰子雪糕椰子味濃，底部有菠蘿蜜，飲前記得要先同梳打攪勻，另外仲有菠蘿果肉，估佢唔到採用新鮮菠蘿！而且先經處理，入口唔會有拮脷嘅感覺。

新加坡過江龍Chatterbox Café 開到大圍圍方囉！店面環境非常寬敞舒適，熱帶雨林系壁畫，小盆栽擺設富有東南亞氣息。文華海南雞飯Mandarin Chicken Rice +10蚊可以升級轉雞髀。一個托盤裝晒豆腐湯、辣椒醬、薑蓉和特製黑醬油、雞油飯、海南雞。雞肉質軟冧，入口細膩又保留鮮味，雞皮爽薄，沾醬更有風味，特製黑醬油零舍好味，香噴噴的雞油飯超級吸引。招牌大蝦喇沙有三隻大蝦，蝦肉厚實，充滿鮮甜味，喇沙湯底非常濃稠，充滿椰子香味，南洋風味地道，喇沙微辣，粗米粉掛汁入味，再配上魚腐片，豆卜、雞蛋，真係超好味。

前菜我們點了香脆薄餅配咖喱汁&蔬菜條咖喱味香濃，薄餅爽脆。無骨雞肉經過雞油及（可能是）紹興酒浸潤，油脂非常豐盈，鮮嫩多汁香滑的雞油飯，散發住濃濃嘅雞汁香氣。海南雞飯有三款醬料配搭：分別係老抽、薑蓉、蒜蓉辣椒醬。由於我們升級了做半隻雞，原來是不包括油飯及湯的，所以要額外點一個油飯伴雞一起吃。 甜品我們點了「椰子雪糕新地」雪糕新地有3球那麼多！價錢都只是$68雪糕配以黑珍珠、菠蘿、海底椰、花生🥜賣相很好，亦很消暑。加上環境寬敞舒適，是個好合適的用餐選擇地理位置很方便，位於大圍站exit B 約一分鐘的路程。

位於沙田圍方嘅Chatterbox，地理位置方便，坐得舒服，岩哂三五知己一路歎新加坡菜，一路chitchat ！！今次揀咗個2人套餐，有2個主菜、1款小食，1款蔬菜、同2杯飲品。主菜我就揀咗個招牌大蝦喇沙。一拎上枱面，比個份量嚇一嚇，真係幾大碗！喇沙飄香，椰香味濃郁！米線爽口彈牙，索哂嚟湯汁，非常入味！小食就揀咗個馬來香辣煎魚餅，魚餅嘅辣配上柔軟嘅麵包，口感幾特別，可以中和返個辣味。另外加錢要多個香炒咖喱鮮魷，份量唔多，但味道酸酸辣辣，喺夏天食就幾醒胃。甜品方面，試埋佢個班蘭蛋糕配椰子雪糕，蛋糕非常軟綿，醮住啲雪糕嚟食，班蘭香同椰子香雙重夾擊，係味蕾嘅享受啊！！

價錢都貴，但冇質素可言叫二人餐連加1要$400幾海南雞飯+海鮮炒河+羅白糕+小唐菜，連兩杯野飲最出名海南雞，但肉質好鞋，仲差過好多快餐店質素炒河仲差過茶餐廳，少鍋氣，啲料全部冰鮮，但已經係全餐最好個樣最癲係個羅白糕，好似廚餘咁，上到黎真係嚇親，食落好似只有老抽炒，好甜，冇咩味。蠔油小唐菜，佢真係白洽加冇味既蠔油芡汁同埋凍飲加$14⋯⋯⋯⋯⋯⋯食到成肚氣！！！！！！！！！！！！！！！！！！！！！！！！！！！！！！

諗住過江龍海南雞飯好正，點知好一般，我覺得以前翠華嘅海南雞飯比佢仲好食，佢哋嘅蘿蔔冇味淡茂茂，雞份量足但又係冇乜雞味。生菜正常，嚟到個喇沙我哋兩個人都係食咗一半；好普通。

圍方都好多餐廳揀，依間新加坡菜性價比好高！都等左幾個字位先有得食野食選擇好多，仲有二人餐揀($348)，有得揀小食、主菜、蔬菜同飲品！小食試左黑醬油炒蘿蔔糕，蘿蔔糕切到細細粒咁炒到好軟熟，黑醬油味道係甜甜地，特別又好食主菜叫左文華海南雞飯，個雞嫩滑得黎唔會好肥膩，個油飯都又入味又香仲有個清清地嘅豆腐湯跟埋另外仲叫左香炒河粉燴牛肉，原來係濕炒嘅！睇落個汁好似會好鹹，但食落係岩岩好，好香醬油味，牛肉食落好軟熟個餐包左個菜，試左醬油生菜，加左啲蒜片味道香濃飲品就加錢試左涼粉冰同豆漿涼粉，涼浸浸又煙韌，夏天飲好正依間整體質素幾高