Cat 喇沙 (已結業)

我上網睇到好多人介紹元朗美食嘅群組，一定有呢一間餐廳，位置響富達廣場附近，非常方便，而且佢哋嘅牆身都好特別，非常吸引，而且呢度出名喇沙，鍾意食喇沙嘅朋友同埋鍾意食馬拉盞肉碎生菜包嘅朋友，一定要利是呀，因為呢度食飯真係好友驚喜呀，我非常推介豉椒炒蜆，佢哋嘅豆豉汁都好惹味，而且蜆肉非常多，配菜配搭得好好食，而且馬拉盞炒時菜，非常新鮮，係非常開胃，非常適合鍾意食蔬菜嘅朋友，我仲有唔同嘅小食㗎，例如有酸辣鳳爪，非常之酸酸甜甜好開胃㗎，所以我覺得好專業嘅食物啊，而且呢度嘅青檸梳打都好好飲啊，飲完之後會好舒服，好爽，而且呢度嘅炸雞扒炸雞都好好食呀，即係即整，而且份量十足，睇得出廚師好有心機為客人服務，而且呢度嘅服務多好有效率，好快就會上菜，真係好開心

今日好開心同朋友去咗元朗西菁街附近嘅一間餐廳食喇沙，估唔到好有驚喜，試咗一次，都覺得真係實至名歸，一定好推介俾朋友，亦都知道點解咁受歡迎，雖然佢哋放真係要時間去搵一搵，但係食物質素好高，而且為申請到非常好，侍應服務都好好，總之比我想像中豐富，同埋專業，所以我覺得一定要嚟試呀，呢一間餐廳裝修簡單精緻，好舒服，而且叫咗個海鮮喇沙，湯底香味十足，完全係為香港人而設，而且海鮮都好有鮮味，例如Ha， Cheng下我，而且我仲叫咗個軟殼蟹撈粉，即叫即整，非常新鮮，而且我哋仲叫咗個馬拉盞肉碎生菜包，我覺得一定要叫，超級有層次感，非常豐富，辣味有唔同嘅口感，真係好惹味呀，而且呢度仲可以叫湯粉，我叫咗個雞扒湯粉，分量十足，加埋配料，真係完美嘅配搭啊，而且呢度嘅飲品都好多選擇，你有椰子冰，估唔到非常好飲，椰子味非常香濃，仲有粒粒嘅嘢肉，所以我覺得一定要試

知道元朗新開左間喇沙鋪，勁中意食喇沙既我知道即係去試Cat喇沙，外面大門用左藍白色，睇上去好日本feel好靚，點知原來內裡更有乾坤，牆上面全部都係啲壁畫，好靚！除左喇沙仲有好多唔同周邊小食、套餐、粉麵飯不過黎得呢到緊係食喇沙朋友叫左海鮮喇沙，仲唔到都好足料，有魚太魚腐大蝦，底下仲有蜆添我就叫左豬頸肉喇沙，兩邊燒過食落好香口。配料亦好足，面頭加左啲蔥同脆脆，仲有一大片生菜，整體睇落去個色水好靚味道亦好出色，呢到既喇沙偏甜少少唔辣，食落係勁重椰汁味，中意椰味既椰子仔朋友一定唔可以錯過小食拼盤亦比想像中出色，以為都係平時泰色餐廳個啲魚餅、雞肉，點知原來有沙嗲串燒、無骨鳳爪，唔同平時個啲，有驚喜！喇沙仲配飲品，抵食！

元朗開左間新既馬來西亞餐廳, 咁中意食喇沙既我當然要去試下啦! 餐廳有一張室外位岩哂帶左狗狗既我地😁餐牌簡單唔複雜, 好快就諗到自己想食咩喇😆1/ 海鮮喇沙 $78椰香味十足既喇沙湯底, 完全為港人而設, 海鮮好豐富而且鮮味十足, 包括有青口, 蜆, 蝦等, 而兩種麵底口感更加豐富, 湯汁味完全進入每根麵條內👍🏾2/ 軟殼蟹喇沙 $78麵底同海鮮喇沙一樣, 唯一唔同就係配菜轉左軟殼蟹, 炸脆外皮薄身點上湯汁非常入味, 而內容既蟹肉仲好厚實鮮甜, 兩者味道都好融合🥰3/ 炸雜丸 $28有四款炸丸, 包括牛丸, 貢丸, 墨魚丸同花枝丸, 有成8粒咁多惹味又抵食！👍🏾

元朗親民喇沙小店軟殼蟹喇沙 $78湯底好濃厚入味，連帶配搭嘅豆卜完全吸收晒湯底嘅精華，重點係原隻軟殼蟹，香脆可口嘅外表加上鮮香蟹肉，兩者搭配真心一流！撈起咖喱豬頸肉飯 $58配菜已經有炸香過嘅薯仔粒，搭配咖哩汁真正，另外不得不提個咖哩汁真心一流，惹味香濃撈飯一流，一入口係清甜香口嘅味道，之後慢慢會滲透小小辣香層次超級豐富，再加埋肉汁鮮嫩嘅豬頸肉，真係整體感覺都無得彈！配凍飲加$8小食拼盤 $58炸蝦餅，酸辣鳳爪，春卷，泰式雞肉豬肉串性價比好高嘅小食拼盤，可以有齊晒你想要嘅小食又唔駛怕食唔晒，特別推薦串燒可以再叫多小小，連埋沙嗲醬好好味！Cat 喇沙 (元朗)元朗西菁街20號益輝大廈地下3號舖

夏天有時都熱到冇曬胃口，上網搵到呢間喇沙店諗住食過惹味湯底醒醒胃。今日難得有老細資助，決定要食好啲。餐廳環境美觀，有東南亞風情，牆上色彩繽紛。揀咗個每日限定嘅龍蝦喇沙，再配椰子冰（套餐跟配可以半價）。椰子冰轉頭上送上，估唔到咁好飲，椰子味香，亦有奶香，而且飲落仲咬到粒粒椰肉，食物未到都已經飲咗大半杯。龍蝦喇沙上檯個陣真係嚇到我，佢真係原隻龍蝦咁樣放喺個喇沙湯麵上面，霸晒成個湯碗表面，廚師都有預先將龍蝦輕輕剪開，我就先將佢拎開，因為要試咗靈魂湯底先。個湯底非常之出色，各樣嘅味道都好平均，既有小辣亦有椰香，又唔會太油，喇沙麵底摻摻份量十足，配搭湯汁一流，加埋豆卜吸晒汁，超正。仲要湯底飲左一大半之後都唔口渴，超乎預期好味道。最後我就食埋主角龍蝦，餐廳有提供工具去拆龍蝦肉，食落夠晒彈牙，大大隻龍蝦啖啖肉，鮮甜又有咬勁，超級大滿足，同食蝦真係唔同，久唔久嘅放縱食慾真係需要！

上網搵資料想去元朗食喇沙，就俾我搵到呢間成間餐廳環境色彩繽紛，有大幅油畫，視覺效果好好。見到餐牌有不少選擇，除了我想食的喇沙外，還有撈檬、馬來特色飯類、小食，一定會有一款適合。見到軟殼蟹喇沙只係$78，而且餐廳有手指公推介，我即刻叫咗份；另外叫了豬頸肉撈檬試吓！軟殼蟹喇沙我認為一個好喇沙最重要的就是湯底🥹🥹 喇沙湯底好重椰奶味，加上微辣，飲上去不是味精，完全沒有口乾感覺。軟殼蟹一大隻，舖在麵上。雖然部分沾了湯底，但仍非常脆口。咬落很有口感。我認為一隻軟殼蟹已值回票價。麵底是滲滲，有驚喜！豬頸肉撈檬一排豬頸肉放上撈檬上，做到燶邊效果，肥瘦適中。每個粉麵的份量都十分足夠。見到每個餐仲可以用$18跟一個小食，今次叫咗2個小食-酸辣鳳爪8隻無骨鳳爪漲卜卜，酸味突出，辣味好夠。越南蔗蝦上枱共三隻，跟埋泰式辣醬！蝦肉彈牙，吸收了蔗汁的清甜味，好食！飲品叫了青檸梳打，青檸味好重，都只係半價，好抵飲！

成日都係介紹元朗美食嘅group見到有人介紹依間新開嘅美食店，今日就一於同朋友嚟試下。 位置係富達廣場附近，行後少少就可以見到。座位都幾闊落，仲有好多得意嘅貓貓擺設🐱🐱🦀軟殼蟹喇沙軟殼蟹原隻上，吸哂喇沙湯底好夠味，但又唔會浸到太淋。喇沙湯底好夠椰奶味，唔算辣，用左滲滲 (油麵+米粉)，啲麵好掛湯汁，加埋豆卜同蛋，好味😋😋🐷豬頸肉撈麵用香濃嘅咖喱汁撈油麵，攪拌後每一條都掛上咖喱汁，仲有薯仔蔬菜作伴碟。而豬頸肉肥瘦均勻，口感爽脆😝😝酸辣鳳爪加左錢要埋個小食，酸辣汁好夠味，鳳爪夠凍，夏天要食啲酸酸辣辣開胃嘢食😋😋香酥雞成日都見有人講嘅香酥雞，份量超多，炸完唔油，外皮夠脆身同真係粒粒完整雞肉，蘸埋泰式醬食到停唔到口😆😆🍹青檸梳打&凍檸茶推薦青檸梳打，夏天必飲，味道酸酸，飲完好爽!!!!

元朗新開喇沙小店，見佢有龍蝦食，專程黎棒下場，諗住嚐嚐新！可惜無貨😮‍💨睇黎我同龍蝦無緣馬拉盞海鮮炒飯$ 68海鮮份量豐富，有新鮮的蝦仁、魷魚和蟹柳等，每一啖都食到有海鮮味道。豉椒炒蜆 $58芡汁有豆豉比較惹味、蜆肉鮮嫩多汁，洋蔥配菜十分爽脆好美味。馬拉盞炒時菜 $48時菜新鮮，味道融洽馬拉盞，清甜微辣，清爽又開胃的炒菜，配飯食非常合適。+$18 小食 酸辣鳳爪酸辣鳳爪、酸酸甜甜非常開胃，呢個小食又係抵食之選👍🏻呢間小店質素都可以，價錢中等偏低🫢唔錯既

今次嚟到元朗呢一間隱世馬拉餐廳，位於大街嘅地舖，入口有啲cafe嘅感覺，充滿馬拉風情。店內亦有繪上充滿馬拉特色嘅壁畫同掛上馬來西亞國旗🇲🇾，環境相當有氣氛。龍蝦喇沙今次嚟到先試吓呢度出名嘅龍蝦喇沙，入面有似幼油麵加米粉，口感豐富，龍蝦嘅肉量豐富，肉質彈牙新鮮，仲有啲蝦膏，十分滿足；喇沙湯底味道濃郁，感受到椰香味，味道啱啱好，好有開胃感覺。雞扒金邊粉之後再叫咗個雞扒金邊粉，個雞扒份量大，肉質嫩，咬落仲有啲汁；至於個湯底都唔可以忽略，個湯底係偏向清湯，但係都係充滿清香味，再加上佢入邊加咗少少辣椒，辣度未至於好辣，越食越開胃，可以話係一道冇罪惡感但十分滿足嘅嘅清淡之選。巴東牛肉飯巴東牛肉飯非常惹味，牛嘅數量都唔少，有咬口，鍾意巴東調味嘅朋友必試。椰汁冰起咁炎熱嘅天氣配上一杯椰汁冰，一啖喇沙麵一啖椰汁冰，簡直係perfect match。椰汁冰面層有沙冰，椰汁嘅椰子味相當豐富，入面仲有椰絲增加口感，配上喇沙令到椰汁嘅味道更加有層次，唔經唔覺飲咗半杯，絕對係消暑之選。

Cat喇沙元朗西普街20號益輝大廈地下3號舖用貓貓做主題 成間真係幾vivid colourful壁畫創作 木枱木椅 簡約設計不失設計幾款小食 炸雞翼 炸雞扒 香酥雞都係高質有誠意除左個香酥雞係炸得over左之外 份量同價錢係幾吸引青檸梳打 有隻貓貓既沙冰公仔 幾過癮初頭以為隻貓貓只係冰水 原來係青檸味道嘅沙冰 清新口感 青檸酸味和氣泡為口腔帶來一種舒爽酸甜平衡 梳打好過汽水🥤海鮮喇沙麵少少甜 微辣 搭配魚骨熬煮 如果想辣啲可以自行加點辣椒片蝦、魚蛋 魚片 青口 摻摻（油麵+米粉）記得飲啖湯底 唔咸易入口叫得喇沙店 食喇沙相關就實冇死

龍蝦喇沙🦞原隻波士頓龍蝦相當吸引，大隻到兩隻龍蝦鉗都伸出碗邊，可以起出大大舊嘅龍蝦肉，連龍蝦頭都有味道香濃嘅膏，估唔到食喇沙都可以咁有奢華感，餐廳準備咗個碟同埋鉗方便食龍蝦，至於喇沙湯底嘅椰香較重，唔算太辣，入口順滑，而麵底係摻摻，即係有米粉同埋油麵，$108雖然係比其他配菜嘅喇沙貴，但係以原隻龍蝦嚟講算係超值👍跟麵可以半價配特飲，叫咗珍多冰🍹小食拼盤同樣超出期望，$58依個價錢以為只有幾件小食，點個嚟到份量頗多，有炸蝦餅、酸辣鳳爪、串燒等等，味道唔錯，種類唔會太單一，唔會話成盤都係炸物👌

元朗新開既馬來西亞美食店，每張枱都放左唔同既貓貓擺設，牆上有好多巨型既漫畫，充滿馬來西亞特色。馬來咖哩雞酥：外層既酥皮很鬆脆，內裡既咖哩餡料，有少少辣，好惹味。越南蔗蝦：蝦肉吸收晒蔗既清甜香味，配埋越南甜辣醬，非常美味爽口。雞扒喇沙：小店採用咖喱湯底，帶椰奶香氣，配料有芽菜、烚蛋、豆卜、炸蒜，選用米粉和混合，粗幼並置，口感豐富，而且掛湯力強，索滿喇沙湯既精華，雞扒煎得香口，肉質嫩滑。豬扒菜飯：豬扒鬆軟，份量十足，香氣逼人，配菜飯帶來不一樣既風味，感覺更加健康，超級好吃。馬拉盞炒通菜：通菜用左馬拉盞醬汁炒，非常入味，鹹香味重又帶少許香辣，送飯一流。總結，食物好味又正宗，價錢親民，店員有禮貌，值得支持既小店。

① 巴東牛肉飯有4舊大牛肉，2-3舊小牛肉。細舊嗰啲入口即溶，大舊嗰 d軟淋得嚟有咬口。而呢個巴東嘅味道係💯，入口先甜後辣，層次豐富，就咁 周邊嘅肉碎醬 撈飯也一流。整碟分量好多，夠男士食。② 金菇肥牛卷（加配）香噴噴，一啖食唔曬整件，牛肉軟嫩，金菇濕潤，入口 juicy ，味道又甜甜地，金菇本身沒有味，所以肥牛本身嘅味同埋醬汁變係好重要。③ 西洋菜湯（附送）：雖然睇落清清地，但飲落好有西洋菜味。④ 雞肉串、豬肉串：一上枱，已經聞到好香嘅烤肉味，入口 好 juicy，而肉質軟淋，份量又大串。⑤ 珍多冰（少冰）（半價改配）：一上枱已經見到好實淨嘅白色，而唔係透明水汪汪嘅白色，已經知道真材實料，果然一入口好有椰汁味。⑥ 熱奶茶：茶底同味道都正常、唔錯。

軟殼蟹喇沙👍🏻，分享嚟講呢一碗都真係幾多，而且性價比真係幾高，如果喺出邊餐廳在家玄學蟹，我諗都起碼$90一碗，因為軟殼蟹都唔算太平嘅原材料，軟殼蟹炸得非常好，原隻熱辣辣，我同朋友都非常鍾意，而且喇沙嘅湯底味道非常濃郁，而且味道都傳統，我同朋友都覺得佢個湯底做得非常好，味道亦都好好食，絕對唔會話太鹹，睇得出餐廳喺湯底上有花心機，鍾意食喇沙嘅朋友嚟到呢一間餐廳絕對唔可以錯過佢嘅喇沙！海南雞飯（油飯), 份量嚟講亦都多，油飯亦都非常香，加埋海南雞簡直冇得輸，而且海南雞做得非常嫩，絕對唔係普通茶餐廳嘅貨色，呢一個價錢嚟講，CP值真係好高，而且餐廳用嘅雞，食得出質素係唔錯，證明餐廳喺選材方面都有下心機，呢個係非常抵讚，鍾意食海南雞嘅朋友絕對唔可以錯過，都可以叫黎試吓，朋友都大贊！我哋加咗個金菇肥牛卷小食，咬落去非常正，肥牛再加埋金菇嘅配搭，簡直就係match，而且餐廳喺調味上亦都做得唔錯，包埋生菜食，都真係幾好食，小食嚟講，呢個價錢亦都唔算太貴，$18，亦都唔錯！總括嚟講餐廳嘅嘢食質素同埋份量幾好，有機會嘅話一定唔會再返嚟幫襯，鍾意食喇沙嘅朋友絕對唔可以錯過呢一間餐廳！