Cat 喇沙 (已結業)

本人本身係非常鍾意食喇沙，咁啱入元朗做嘢睇OpenRice介紹，跟住就去咗呢間見到有龍蝦喇沙一食喇沙味非常突出，龍蝦夠新鮮原隻上賣相吸引不過唔記得影低相，可能因為上枱嗰下太吸引，忍唔住即刻食咗。良心店主祝生意興隆！提提大家午市需排隊等位，問過老細，夜晚可以訂位。另外見佢外賣擺滿晒枱面應該係似外賣平台單，呢個老細應該賺大錢，搞到我都諗住開返一間喺元朗晒,另外老闆推介豬扒喇沙，都見到隔離個客有食連湯都飲晒估唔到喺元朗搵到間隱世喇沙。

$58蚊一個越式肥牛湯粉，清湯當越式湯都算，啲肥牛碎上，拼埋得一塊份量，喺香港食野本身都冇乜expectation，但去到碎上扮一推最後面其實得一塊真係好無奈好嬲，問店員碎上係咩事，佢只係係咁講幫我換過碗，如果真心想解決問題，其實可以拎個碗裝翻個合理份量嘅餸比人。不過真係唔知點樣先為之合理，可能有人覺得喺香港出街食，係咁架喇，真係冇野好講……喇沙湯完全係超市買現成湯包質素，真係求其買一個牌子都可以煮得好味過佢

難得見到元朗有喇沙店，即刻想試吓，點知非常失望。試咗佢嘅軟殼蟹喇沙，同埋豬頸肉喇沙，軟殼蟹味道正常，但係份量偏小，好細隻，豬頸肉肉好似白烚完揼落去咁，都算。個湯底先係最出事，個湯係甜口湯底，湯架稀一啲都唔掛湯，而且食完之後個口非常口乾，一定係落咗勁多味精。另外，仲追加咗兩款小食，分別係金菇肥牛卷同埋雞，金菇肥牛卷味道正常，但係個香酥雞真係好厚粉，啲粉同雞嘅比例應該係二比一，係粉仲多過啲雞兩倍！好硬又乾，配嘅甜酸醬仲要得兩滴，點兩件雞已經冇晒，俾得咁少，不如唔好俾！真係好難食，好疑惑，點解咁難食都可以開餐廳？求其喺超級市場買個喇沙麵煮都好食過佢，真係食到好嬲！無下次！

Cat 喇沙元朗呢個鎖匙圈比較出名係整車附近比較多車房 阿完朋友整車隔離見到呢間用喇沙命名用埋貓命名裏面最大特色就係壁畫 顏色運用都比較豐富鮮艷好多裝飾主題都係圍繞貓 例如杯荔枝乳酸梳打 有隻貓造型嘅冰放喺飲品上面海南雞半隻 $98醬汁甜豉油同酸辣汁 雞都算幾滑咁啱我食嗰隻皮比較厚 油脂比較重作為海南雞愛好者 食過無數海南雞呢半隻覺得還可以雞扒喇沙嚟到先飲一喇沙啖湯喇沙花生沙嗲味重少少 唔辣怕食辣嘅人都唔需要擔心油麵加幼麵結合成為滲滲

終於係元朗食到一碗好味既喇沙！！上網睇到依間小店有唔同配搭既喇沙，仲有原隻龍蝦喇沙不過要提早訂🤞🏻一黎到叫返兩杯餐飲先 凍飲跟餐都係+$5/杯凍奶茶同凍檸茶都係正常發揮🤝🏻叫左兩款跟餐一人小食 +$18必叫酸辣鳳爪 酸酸甜甜辣辣咁好開胃👍🏻另一樣好推薦既係馬來咖哩雞酥本身望落個樣好唔吸引 勁驚中伏 個皮好似好厚咁一咬就超有驚喜！係平時食開果種酥皮包住馬來咖哩雞！！個味道同口感都十分之夾🤩唔會死鹹而且咖喱好香～馬拉盞炒通菜 $48好香馬拉盞 面頭仲有大量乾蒜撈埋一齊食勁正 😜 如果啲菜嫩翻少少會更加Perfect海南雞飯（油飯）$68海南雞大大碟 味道正宗🥳而且雞件好嫩滑 好好味！！略嫌油飯差少少香氣同唔夠油 豬頸肉喇沙 $58是日重頭戲🤩一上枱好香椰奶既味！！湯頭好鮮甜亦好香～感受到落重料😚食到微辣辣但又有椰奶平衡返豬頸肉煎到好香脆 好juicy🥰同時配搭油面同米粉 雙重口感 一定會再黎食🥰

今日去咗元朗收工，突然之間想食晚餐，見到好多人都推介呢一間餐廳有驚喜，高質素，於是去食，估唔到真係味道唔錯，而且份量十足，非常豐富，價錢經濟實惠，非常抵食呀，所以我一定要推介俾朋友呀，住響元朗嘅人真係好有口福，尤其是我真係好推介佢哋嘅海南雞喇沙，湯底非常之濃郁，而且佢哋嘅椰香味非常濃郁，同埋仲有米粉油面可以選擇，所以口感都唔錯啊，所有麵都有好重嘅海南雞喇沙味，真係好有層次好有口感，仲有佢哋嘅海南雞都非常之滑，而且啖啖肉，仲有我好推介佢哋嘅馬拉盞肉碎炒得非常好，菜肉包都係人人必叫，所以一定要試吓，加埋佢哋嘅泰式酸辣醬酸辣鳳爪，真係好入味，非常開胃，真係物超所值啊，出面市區都搵唔到呀，仲有呢度呢有好多嘅豬扒湯河粉，都係好好食呀，加埋個凍飲，真係一流

中曬伏😡睇open rice 評論唔錯未試下囉，但完全無諗過係勁難食豬頸肉喇沙，d豬頸肉係白烚咁，無味🤢咖哩豬扒飯，豬扒係勁咸、超級咸😖，仲有個越式火車頭河（無影相），但係個湯係清水囉😵‍💫，希望大家唔好中伏

今日返到元朗開個Openrice睇下有咩好食然後見到呢間前身係阿叔泰麵 變成咗Cat喇沙睇咗Openrice食評就諗住試下點知伏咗🥲我叫咗四樣嘢炸蝦餅 軟殼蟹喇沙 海鮮喇沙 馬拉盞炒通菜（原本想試肉骨茶 但佢話冬天先有又誠意拳拳咁叫我哋試個炒通菜 就試下佢）首先講個喇沙先，首先佢係用摻摻，即係米粉+油面，個湯係夠味但唔夠杰所以唔上麵🥲湯還湯面還面咁，湯頭偏椰奶重味軟殼蟹有油益味同完全唔索湯汁海鮮同白灼一樣，同有粒包心丸嘅嘢，有啲菇味唔特嘢夾個面，但個海鮮嘢沙相對多餸，有青口有蜆有蝦有魚片頭有蛋炸蝦餅偏油 唔乾身炒通菜很油很鹹！我見佢對自己個馬拉盞應該好有信心，但真的很鹹！我第一次會放棄唔食哂個菜同食咗兩啖就放棄咗！最正常係個象啤🙂

假日想嘆個下午茶，嚟到Cat喇沙有驚喜！味道唔錯，份量十足，性價比高海南雞喇沙($78) - 湯底濃而不膩，椰香足辣味夠，油麵同米粉掛湯食，口感同味道又豐富又有層次，豆卜入晒味；海南雞嫩滑，大大碟勁滿足馬拉盞肉碎蛋飯($58) - 馬拉盞肉碎炒得好香濃，拌蛋同飯食啖啖肉好開胃，全清香酥雞(加配價$18) - 好大份好抵食，炸粉好薄，雞肉有咬口，配泰式酸辣醬好夾酸辣鳳爪(加配價$18) - 好入味，清新開胃，咬下咬下好過癮凍檸茶、凍奶茶(各加$5) - 茶底夠濃，甜度啱啱好，奶茶順滑，檸茶解渴店面設計俾人一種繽紛同歡欣嘅應該，乾淨舒適，喺度食嘢好似去咗旅行咁食物同飲品選擇都好多，價錢非常親民，份量足味道好，抵食

自己都好中意食喇沙，見到佢嘅招牌，馬上入去試下，叫咗個海鮮喇沙，嚟到好多材料，有青口、有蜆有蝦，唔會太漏，唔會太淡，唔會太鹹，好好味嘅喇沙，我連啲湯都飲埋，大家可以去試下

最近元朗近開左間人氣馬來西亞餐廳 喜歡食喇沙嘅小編緊係要嚟潮聖一下😎餐廳充滿馬來西亞嘅佈置 氣氛十足呢度主打喇沙之外 都有好多選擇👍🏻海鮮喇沙🦐 $78用料豐富 包括青口 蜆 蝦 魚糕 魚蛋 豆卜 蛋等等喇沙湯底香濃 香氣撲鼻 😇麵底都係溝返米粉 十分入味😙海南雞飯🐓 $68一set包括海南雞 油飯 湯海南雞大大件 肥瘦剛好 口感順滑 配埋油飯好開胃😝湯有啲蘿蔔 都非常清甜 整體唔錯酸辣鳳爪 $58份量毫不吝嗇 爽口入味 酸辣過癮🌶️

今日係元朗剪完頭髮之後，就喺附近搵間餐廳食，見到呢一間餐廳個名幾特別，門面有好靚，所以就忍唔住入去試吓間餐廳環境幾骨緻，裝修幾靚，鋪仔細細其實都幾寬敞。坐低之後就嗌咗個軟殼蟹喇沙湯麵，同行嘅朋友就嗌咗越式火車頭湯河，跟住嗌咗杯凍青檸梳打解暑嚟到杯青檸梳打，覺得好得意，因為有隻貓造型嘅冰放喺杯青檸梳打上面，個造型好cute，杯嘢飲飲落唔會好酸，仲清爽，一路飲一路睇住隻貓貓冰越飲越低，好搞笑跟住嚟咗碗喇沙先，嗰隻蟹都幾大隻，應該都有隻手板咁大！食落都好好食，冇冷藏味，入面仲幾鮮蟹味個湯底嘅椰奶味都幾香，非常出色，唔會飲完之後個口漿糊咁，加上個麵底真係好滑，唔知係點樣整嘅慘慘，成碗麵好快就俾我食晒，連湯都幾乎飲埋，真係非常出色同行朋友碗火車頭就以清甜為特色，啲牛肉味好香，蘿蔔仲要冇渣一啖喇沙湯底一啖火車頭嘅牛肉湯底，兩個咁樣輪住飲真係好過癮經過下次要試下呀！

今日嚟元朗買嘢，搵到呢間啱啱開咗冇幾耐嘅喇沙，又入去食吓嘢啦地址喺K Plus後邊,對住馬棠路呢度主打食喇沙，咁當然要嗌下喇沙食啦好特別嘅組合，呢度竟然有海南雞食！海南雞嘅肉質都幾滑，配埋醬油同薑，就咁食都已經好好食，而佢個喇沙唔算辣，偏甜，而且係撈咗油面同埋米粉，平時喺出邊都好少食到摻摻🙌🏻另外朋友嗌咗個海鮮喇沙，有蜆肉、青口、蝦等等，蝦就幾鮮甜嘅😙小食嗌咗呢個馬來咖喱雞酥，脆卜卜，出邊係一層酥皮入邊就係有咖喱雞，因為啱啱炸起所以好脆好香口，入邊嘅咖喱都係10分惹味另外仲有呢個酸辣鳳爪，兩個人食份量剛剛好，不過如果可以再酸少少就更好啦嘢飲方便我哋都係嗌咗咖啡，中規中矩啦，餐飲嚟講可以接受價錢嚟講我覺得都係幾抵食嘅，最尾都忍唔住買多咗個外賣返屋企🙌🏻

今日朋友帶我嚟到元朗食呢間 cat喇沙 食馬來西亞菜😬 時間尚早 入到去就有位啦😌 坐低睇睇Menu 都有唔少選擇🤩 馬來喇沙系列、撈撈系列、越南特色湯粉、馬來特色飯、撈起咖喱 仲可以加配唔同嘅小食😗 青檸梳打 +$14特登為咗呢隻貓貓冰而黎😍 好可愛呀！飲品清新唔會太甜 特飲跟餐半價 除咗可以打卡之外 呢個貓貓冰仲係青檸梳打嘅冰 就算溶咗都唔驚杯嘢飲淡晒😇 海南雞飯 $68呢個海南雞套餐有得揀油飯、白飯或者菜飯 咁我哋就揀咗油飯～ 油飯好香 食落唔會油膩 米飯粒粒分明 煮得啱啱好👍🏻 仲有個湯 係蓮藕湯～ 雞肉嫩滑 份量都好多 全部都冇骨 啖啖肉 配埋海南雞嗰個甜醬 好好食😋 香酥雞 +$18任何飯/麵加18蚊可加配細份小食一份 叫咗香酥雞 諗住細細份 點知上到嚟份量咁多🤩 好抵食！一口香酥雞好方便食 香脆唔油膩 好味😗 軟殼蟹喇沙 $78呢個喇沙一上枱已經好香 見到咁大隻軟殼蟹 真係好正😍 外脆內軟 炸得啱啱好👍🏻 湯底甜甜辣辣 配埋米粉同油面 好味😋 炸雜丸 +$18另外一個小食就嗌咗呢個雜丸 有四粒唔同嘅丸 龍蝦丸、貢丸、牛丸、墨魚丸 作為小食我覺得啱啱好😌 整體嚟講 呢

今次黎元朗，決定試下新野，呢間馬拉餐廳新開，主打喇沙，不過其他食物款式都幾多，除左喇沙，仲有飯類，撈檬等等。豬頸肉喇沙第一啖先飲湯，面層有D蝦油， 絕對係精髓。飲落濃稠適中，一D都唔覺膩，仲滲出一陣陣既蝦膏味，整體會食到D好似咖喱微辣的餘韻。而豬頸肉煎到香脆唔韌，面底用左油麵米粉兩溝，十分掛湯。配料都好足，有豆卜，雞蛋等等，好飽肚。泰式豬手海蜇飯豬手啖啖肉，仲可以配埋甜酸醬汁，更加開胃。海蜇好惹味，偏辣，送飯一流! 夜飯仲有餐湯，青紅蘿蔔湯，味道清甜，仲可以清熱袪濕。另外仲叫左個馬拉盞炒菜，香香辣辣咁，好惹味，好食!