Cat 喇沙 (已結業)

之前見到有人介紹，元朗有好抵食嘅全隻龍蝦喇沙🤩今日特登走過黎試下，估唔到平日晏晝都超級多人，滿坐！龍蝦喇沙 ＄108原隻龍蝦！size 都有反咁上下，好抵食😆😆餐廳有提供工具食龍蝦，非常貼心！龍蝦肉質彈牙而且超爆膏！！！！面底係滲滲，索哂啲汁！小食拼盤 ＄58有雞串，豬串，蔗蝦，酸甜鳳爪，炸蝦餅👍🏻當中豬串甜甜地好唔錯，下次會叫呢隻單點食多啲❤️跟餐椰汁冰＄14好好飲！除左椰汁仲有椰子粒粒，極推薦😍

最近經過發現之前既阿叔泰麵無左，變左呢間以喇沙為主既餐廳，全日同一個餐牌，價錢黎講吾算貴，2人餐$200留下都有，無收加一。軟殼蟹喇沙 $78喇沙湯底好重椰汁味，食落完全吾辣，甜甜地，幾岩我口味。麵系油麵加米粉，啲麵幾掛汁，幾夾。另外有啲炸蒜令湯底更香，少量芽菜，炸原隻軟殼蟹好搶眼。越式火車頭 $63相對之下，呢碗既湯底就清左啲，火車頭有肥牛、牛柏葉、牛丸同豬肉丸。麵揀左河粉，以洋蔥、炸蒜同辣椒黎帶味，有微微辣。跟餐配小食只需要加$18，所以叫左2款小食。馬來咖哩雞酥 炸到脹卜卜，咖哩味重。越南蔗蝦蝦膠包住竹蔗，好耐無食過所以叫一份。椰汁冰 （跟餐$19）原本以為系椰汁加冰，點知系用左椰子肉、椰汁同冰攪成泡沫狀，飲落會有椰子肉碎，而且幾香滑，個人推薦！凍奶茶 （跟餐$5）凍奶茶就正常發揮。

嗌左 龍蝦🦞同海南雞喇沙 再加軟殼蟹撈麵小食香蘇雞同庶蝦喇沙湯底好 龍蝦🦞都ok 軟殼蟹好食 香蘇雞都好食撈麵汁太淡 庶蝦有怪味 海南雞好老Overall 炸野好食 喇沙湯好飲 都試得過 價錢平民

元朗原來開咗呢間專門食喇沙嘅隱世小店，餐廳內仲有唔少貓貓嘅擺設，相當特別！食物方面，除咗招牌嘅喇沙之外，仲有提供馬來特色飯、越南粉同埋特色小食等等，款式非常之多元化～軟殼蟹喇沙💰HK$78軟殼蟹大大一隻，外殼酥脆，內裡嘅肉質柔軟而嫩滑！而喇沙湯底就充滿椰奶嘅奶香味，再加埋惹味嘅微辣，整體味道香濃豐富～海南雞喇沙💰HK$78海南雞肉質肥美嫩滑，旁邊仲有薑蓉同甜醬油可以點！麵底方面就選用咗星馬地道嘅滲滲(即係油麵溝米粉)，可以一次過試哂兩款麵嘅口感～荔枝乳酸梳打💰 跟餐+ HK$21荔枝嘅甜味再加埋乳酸梳打果種微酸嘅氣泡口感，仲有啲荔枝肉，好足料～熱檸水💰跟餐+ HK$3總括來講，呢到嘅食物份量多，味道正宗而且價錢親民，店員服務態度亦好好，係一間值得支持嘅良小店👍🏻～

#christine開飯日記一去到夏天就特別想食啲辣辣地又開胃嘅面食。元朗依間新開嘅喇沙仲要龍蝦添🤭睇相都覺得好吸引，一於去試試佢佢嘅座位都幾闊落，而且有啲貓貓嘅擺設🥰🌟龍蝦喇沙（$108）佢隻龍蝦真係好大隻🤭仲大邊隻碗丫，而且都好多肉架🥰食落超幸福，再加埋豆卜同蛋，真係好足料架。喇沙嘅湯底都好好味，有好濃嘅椰漿味，甜甜辣辣咁。但係呢佢就每日限量供應嘅，所以想食嘅朋友就記得早啲去啦。🌟海南雞喇沙（$78）海南雞都唔差，雞肉好嫩滑，而且份量都幾大碟😳我一個女仔食完就覺得好飽🤭價錢都算係幾親民，去開元朗又想食喇沙就記得試吓佢啦🍴Cat 喇沙 (元朗)📍元朗西菁街20號益輝大廈地下3號舖

好友帶我去覓食，竟然俾我發現寶藏餐廳😍。餐廳中有很多貓貓🐱的擺設，十分有趣，貓粉絲絕不能錯過。龍蝦喇沙 $108 (爆推🌟🌟🌟🌟🌟) 一上枱，我的目光立即被大大隻龍蝦吸引❗️根本就是豪華版喇沙，吸睛度爆曬燈🤩，超級打卡able‼️龍蝦啖啖肉，彈牙得來又鮮甜，再配上豆卜、蛋等配料，份量十足，性價比激高😁😁。注意⚠️餐牌寫着每日限量供應，要食嘅朋友一定要趁早👍🏻。湯頭呈奶黃色，帶少少紅油，賣相十分吸引。喇沙的魅力在於其湯底，馬來西亞風格的湯底以多款香料熬成，湯底醇厚惹味，椰奶的香氣濃郁，帶少少微辣，順喉不膩，十分適合香港人的口味。配上炸蔥頭及香葱，層次更加豐富。摻摻內含油麵和米粉，油麵的彈牙和米粉的幼滑，口感豐富，配上惹味湯底，的確令人欲罷不能。雞扒撈檬 $58雞扒份量多，撈檬醬汁入味，酸酸甜甜，令人愛不釋手。馬來咖喱雞酥 跟餐$18一口下去，超級鬆化😍。外脆內軟，餡料量適中，咖喱香氣四溢，是一道令我有意外驚喜的小食。荔枝乳酸梳打 $42 （跟餐半價）粉色的外表令我覺得少女心爆發😂。一向喜歡荔枝味吧，清新的荔枝味與乳酸梳打的氣泡相輔相成，酸酸甜甜，清爽怡人，是非常好的消暑飲品。餐廳環境舒適，氣氛

發現新新地嘅食店一路想試元朗冇乜專食喇沙嘅舖頭試咗豬扒喇沙份量足夠，豬扒好多 湯底唔錯 但係豬扒太硬太嚡好努力咁樣食咗一半豬扒就放棄咗希望豬扒可以有待改進啦支持小店價錢合理

座位都好闊落，坐得舒服！豬扒喇沙好味道，豬扒有啲蒜香味，好多舊。湯都好好味！肥牛喇沙就普通啲，肥牛無咩牛味。飲熱飲都係加3蚊～一人叫咗杯熱飲都濃味，唔係稀lieo lieo 咁～另加咗碟48蚊馬拉棧通菜，勁大碟，夠味又有鑊氣～埋單都唔駛舊水又無加一，好抵食！

湯底難飲， 好鹹，唔似喇沙影響成碗麵味道唯一好不算是油浮面個米粉質感ok 軟殼蟹不過不失， 炸出來脆身不算太油膩， 口感有點兒脆身， 但感覺有點腥整體而言， 去過要一次便算。

今日咁啱去開元朗，經過見到間叻沙小店，裝修幾特別，本身鍾意幫襯小店，即管試試點了個海鮮叻沙，凍奶茶一望，咁L大碗嘅，先飲啖湯，味道唔錯，香同濃味，椰奶味重，相信是為香港人調教過的味道，因為唔辣，如果想辣啲枱面有辣椒粉可加，麵default 係摻摻，即係油麵+米粉，味道正路嘢，海鮮方面蝦，花甲同青口食落都好新鮮，食唔到雪味，蝦同花甲相信是新鮮貨，青口應該以合適的手法解雪處理，因香港食肆的青口用鮮貨的機會好似比較少啲，而魚蛋及魚片頭都爽口彈牙，以呢個價錢嚟講性價比高，絕對值得推介的小店👍🏾

今日終於試咗，本來諗住叫雞扒同豬扒喇沙，但係豬扒要晏啲先有，所以轉咗豬頸肉，另追加炸雜丸同香酥雞兩個$18小食。喇沙賣相唔錯，湯底椰香味夠香，味道適中，幾好味，雞扒尺寸正常，豬頸肉有幾片，不過比較薄，感覺少咗啲，下次我都係會要豬扒。追加小食香酥雞有驚喜，呢個價錢份量好夠，炸得亦唔油，夠脆好味，但係個雜丸簡直強差人意，打開真係嚇咗一跳，竟然得三粒？好彩自取，如果係外送，真以為係俾人食咗，其實啲丸真係唔貴嘅，真心建議老細起碼多番一粒，唔好咁肉酸。

假日入元朗掃街週圍行下食下野，路經見到一間裝修幾特別既小店cat喇沙，就入去試下啦，地方寬敞坐得好舒服💕店員好有禮貌，推介食物給我們叫左軟殼蟹喇沙，軟殼蟹味道好香口肥牛喇沙，豬頸肉撈檬，香酥雞，串燒第一啖試吓啲湯，湯底有香濃椰奶香，味道唔會太辣太濃，好好味👍朋友叫了豬頸肉撈檬，都好出色，豬頸肉唔會太韌👍香酥雞粒粒香脆惹味👍配上泰式辣醬，真係一口接一口真係有驚喜值得一去嘅小店價錢平靚正會再回頭叫餐串燒仲可以加配