Café Kool

營業中

休息中

首先環境裝修唔錯 ，坐既地方都舒服野食方面款式都夠多，特別一讚係佢個西冷牛扒，medium rare ，質素唔差得過你去扒房食既最有特色就係有印度菜，有印度薄餅食，係其他酒店自助餐比較小見，可以一試不過稍嫌沙律款式較少，沙律材料比客人揀既都少，醬汁都少，生果都少（不過如果你唔會食冷盤沙律，冇乜影響）然後日本菜方面當然有刺身，都係一般既三文魚，希靈魚，蝦，帶子，加洲卷等等，刺身好新鮮，值得食多兩份，另外佢有細細碗冷面，都可以一試

對上一次食2年前，上次感覺唔錯，今次再幫襯竟然落差好大。個價錢其實都唔係好平嗰啲，但竟然無生蠔，訂位嗰時又無出聲提醒客人，呢個真係好失望。刺身得極少選擇，有6樣，其他食品選擇都好少，無皇帝蟹腳，而松葉蟹腳好細小，青口又係好細隻，蟹鉗肉好鞋口無鮮味，羊鞍好蘇，仲要無薄荷汁提供，完全唔似一間五星酒店自助餐應有既水準，唔知係因為疫情問題定係咩問題啦，好失望好失望，不過職員好好禮貌既，但呢個食物質素同選擇只能講句無下次。

九龍香格里拉staycation既免費早餐另外lounge都有提供半自助早餐不過我地就選擇左呢一次渡假未去過既餐廳cafe kool餐廳位於M樓由大堂搭扶手電梯亦可以到達入餐廳前要寫紙仔唔講仲以為而家入境其實成件事真係好愚蠢根本checkin果時就已經登記晒客人資料自助餐廳cafe kool九龍香格里拉應該係熱門酒店黎就算唔出零房價本身都已經多人揀地點方便價錢唔貴所以早餐係好爆既我地九點左右落黎就直入但過多陣就已經full晒要企門口排隊自助早餐都有單點既menu十點半左右走果時既環境兩年前左右曾經黎過食自助晚餐地方算大而且有一邊仲有窗境武漢肺炎關係佢就設左個場係一邊in同一邊out既咁所以客區同食物區係有條帶分隔開既不過設定係好理想但就無人會理畢竟就係完全唔就腳麵包區都多選擇但就一舊都無食過蒸點區都幾多選擇仲有唿汁提供粥粉麵試左個叻沙係除左辣就無其他味蛋區係排隊重災區諗住係度等班尼迪蛋但點知佢係量產出貨無味既另外仲有d腸仔火腿之類得綠色野無cold cut餐檯就好細張擺多幾碟野就已經full晒有果汁任飲同自選咖啡或茶頭先重點推介果果兩份得辣字既叻沙同無味既班尼迪蛋洗手間係外面就全個M樓

今次係第一次食香格里拉，以往食自助餐都係食帝苑，但今次食完之後，如果再有機會落嚟尖沙咀 食自助餐的話，又再多一個選擇。因為無論食材同環境都不錯，最令我意外的是他們的甜品做得非常之好， 甜品的賣相已經令人垂涎三尺，加上甜品區放在門口側邊已經吸引到客人的視線，令到我第一時間立刻嘗試它的甜品， 除了說超級好食之外，真的沒有其他形容詞可以說😋😋。以往本人每次到自助餐食熱食的意慾不太高，但香格里拉的熱食值得一試，特別他的燒牛肉，泰式金邊粉和咖哩都不錯。冷盤就沒有什麼特別，唯獨是生蠔就令人有點兒失望，太細隻。相比尖沙咀其他酒店，環境，衛生和食物質素都不及香格里拉（暫時），價錢都常算合理。所以依間香格里拉嘅自助餐，係尖沙咀嚟計，應該暫時係最好食嘅一間。🥳🥳

1. 海鮮種類勁少 只有龍蝦及其他平價海鮮 龍蝦味道普通 其他不值一提 刺身極度不新鮮2. 其他食物選擇重複 味道欠佳 有幾款都係薯仔/西蘭花點心難食 魚無味 肉眼鵝肝還可 順帶一提碗喇沙 勁辣 湯底難食3. 甜品味道一般種類少 沒有一款特別出色食了一個鐘已停手 人手安排亦欠佳一句說話 性格比極低 去了只會後悔

原本開開心心一家大細年少老幼諗住一家人聚會食餐好嘅～咁就揀咗香格里拉酒店食buffet。點知令我今晚慘痛難忘😩因為之前佢裝修嘅關係同埋疫情嘅關係一直都冇食到咁最近疫情開始好返少少而佢又裝修完左所以就去食啦⋯結果發現味道差左好多同選擇性都少咗好多，啲生蠔又瘦又有好多沙最後走既時候仲要因為避雨嘅關係，喺酒店嘅範圍地方因天雨路滑仆親！撞親個頭頭破血流⋯要call救護車送入醫院當時酒店........... 跟住酒店回覆............🤭最後佢哋...............🙂今次真係一次非常差嘅經歷！又破財又破相！十分難過...入院連完針仲要日日去洗傷口😩😩 喺度溫馨提提大家如果落雨又想避雨既話，喺酒店範圍記得自己要小心地滑😀！

五一勞動節假期，book 左個九龍香格里拉大酒店Staycation package，包一晚普通酒店房住宿加二人Café Kool Lunch Buffet同Breakfast Buffet，$1500樓下有找，好似係幾平。自助早餐又係Cafe Kool食。7：30至10：30就係早餐時段，其實都唔算長。早餐只係開放左一個區域，雖然無特別野，不過選擇都可以接受。入門口就係果汁自由斟，有西瓜汁，橙汁同西柚汁。西瓜汁超甜。西柚汁正常地痠。值得一提，呢度牛奶同豆奶都有，仲要熱同凍都有。穀物有五款，包括燕麥脆格，可可米，全麥維，燕麥片，粟米片。有果乾同瓜籽自己加落早餐殼物度。乳酪有五款，包括希臘乳酪，雜莓，熱情果，桑莓，藍莓。只有藍莓味有鮮藍莓食。質素尚可。沙律吧得四款沙律菜，有d菜係啡左架。連大路車厘茄都冇。好彩仲有紅菜頭，雞心豆，紅腰豆同芝士碎等toppings。凍麥皮溝得好食。水果切粒，有西瓜，菠蘿，哈密瓜同蜜瓜呢啲大路野，西瓜同哈密瓜好甜，其他質素正常。西式早餐有薯餅，煙肉，豬肉腸，雞肉腸，火腿，法式多士，格仔餅，燒雜菜，茄汁焗豆，熱麥皮，炒蛋。薯餅非常香脆，好好食，我encore左一

朋友介紹話OK，結果就來試試。我訂的海景房，本身包早晚兩餐，價錢連加一是2千幾，價錢算合理。先講晚餐，晚餐整體水平可以接受，可以選擇的款幾多，而且分：日式、印度、中試、海鮮、甜品等吾同區域。感覺如下：【好】：蝦、蟹都算新鮮🤤，甜美的。【好】：甜味選擇可以，而且味道不錯。【一般】：鵝肝、牛扒可以接受。不過一定要拿熱的，即剛剛整好，而且馬上吃，差不多接近入口即溶，但一放耐左就好一般了。【一般】：龍蝦解凍情況一般，而且味道好淡，一定要加少少汁，感覺不及皇家太平洋。【差】：生蠔不肥美，而且非常腥😥，熟三文魚都是。早餐方面：質素比想像好，對比其他酒店，選擇算多。服務方面：人手足夠的，我去的當晚，基本滿座，但都可以。整體表現：不粗，值得再來！

五一勞動節假期，book 左個九龍香格里拉大酒店Staycation package，包一晚普通酒店房住宿加二人Café Kool Lunch Buffet同Breakfast Buffet，$1500樓下有找，好似係幾平，不過自助早餐同自助午餐係同一日，呢個安排真係好奇怪。好彩最後last minute改到check in 個日就食lunch buffet先！我其實係第一次食Café Kool既自助午餐，通常我都係去港島香格里拉大酒店既Cafe Too。一齊睇下有咩食啦！呢度d野食分好幾區，都好多選擇吓。首先得一個入口，多人要排隊入。門口係魚生壽司區，長期有條人龍。魚生有甜蝦，魷魚，八爪魚，三文魚，希靈魚。要等師傅切或者攞俾你。甜蝦唔太甜同有d瘦，三文魚麻麻地，魷魚意外地爽脆。食完一轉就夠哂。壽司款式唔多吸引，都係d魚生款。另外有幾款卷物啱細路食。旁邊仲有日式海蜇，蟹子玉子豆腐，綠茶蕎麥麵。試左蟹子玉子豆腐，無特別。凍海鮮有蝦，蜆，蟹腳，螺，黑青口，三點蟹。試左螺同蟹腳。螺正常，蟹腳過鹹。西式區有專人即切烤牛肉同蜜汁燒火腿，另外仲有豬肉腸，茄汁豬柳，慢煮三文魚柳配蜜糖芥末，鑄鐵鍋燴紅

金鐘果間香格里拉就食過幾次，九龍這間都係第一次食。用信用咭好似有7折，因為老闆請，所以唔清楚價錢，原價好似要7百幾蚊。第一轉梗係要食生蠔同海鮮。生蠔都新鮮，海水味都夠，不過就細隻左，所以要食一打先夠。而刺身用蟹都合格以上。鵝肝配漢堡同羊架都算好食，但係其他肉類就冇咁好，有d硬。其他熱盤都可以， 灌湯餃合格以上，不過一個就夠，因為要留肚食甜品。cheese cake唔錯，梳乎里每次有限，好多人想食，味道都好味，其他甜品都好食，個人覺得應該好過熱盤。總結，這個價錢未能做到5星酒店嘅食物水平，有待改善。風景就冇，都係望馬路。金鐘果間風景好些

好少選擇哦 唔係咁好食 今次失望而回 唔會推介😔唯一最好食喺雪糕🤭用openrice app訂自助餐 只包一杯茶或咖啡 🤔改飲一杯橙汁 要加$98吖🙀唔會有下次啦🙆

復活節場景佈置得很精緻看得出別有用心機為食物點綴色彩，看起來充滿歡樂，小朋友吃得很開心！職員服務周到，很有禮貌！食物款式也非常豐富，凍海鮮龍蝦出色，生蠔比較瘦，刺身新鮮另外還有燒羊架、鵝肝、牛排、片皮鴨、火雞、點心、印度咖哩、日式冷麵、即煮粉麵、燉湯...甜品有日式梳乎厘班戟、蛋白杏仁露、布丁、各式蛋糕、雪糕、新鮮水果.....整體而言非常滿意，雖然復活節假期入住及自助餐人數好多，自助餐餐廳也座滿，但並沒有影響到服務質素

新年忙完，同公司同事食餐慰勞下自己。自助餐食物式款色都幾多，好岩我們口味。海鮮食果日冇生蠔，有點失望既。凍海鮮有龍蝦蝦蟹腳青口螺蜆芝士火腿我鍾意呢度既芝士係由職員夾比你，好多時食buffet芝士比人整到好亂咁，有職員取就乾淨衛生多。火腿放得好有心思，咁樣摺起就會好易就夾到。好細心鴨肝煎牛肉呢個係一份份分好放係出面自取，成件事好高級。鴨肝香口，牛肉嫩滑。好好味，打卡仲不錯添有個意粉檔，可以選自己愛的料。整出來都似樣，同餐廳食成百蚊碟一樣。粉麵檔有瀨粉叫師傅走湯，然後隔離拎個冬蔭功湯加埋成冬蔭功瀨粉。成碗食晒飲晒，冬蔭功好好味，夠酸又香又有少少辣。燉湯係椰子雞我覺得咸左dd,不過同事話好飲，飲左2碗。仲有焗生蠔，鴨肝煎牛肉經常等人拎。所以我都食左幾份印度煎米餅可以揀芝士或者薯仔我揀左芝士，但唔知係咪煎燶左，我覺得好難食。又唔係脆，軟淋淋咁。蛋咖喱甜品佢有好大個位放甜品，都多款但味道一般果日去都全滿咁濟，但加食物都好快。而且有職員派碟，同埋限左一個位出口，另一個位入口。安排都唔錯。仲有好多食物都冇影到。中西都照顧到，食到自己鍾意既野食，感覺不錯。都值得推薦。

職員服務很好，但食物的選擇和味道有失水準。餐廳提供的食物選擇不多，雞牛羊豬都有但款式粗糙，沒有性價比。海鮮龍蝦比較多人排隊，甜品款式多賣相Ok 但味道真的很一般。

🌎九龍香格里拉大酒店 小編係2月壽星女 朋友為我慶祝生日 預訂左酒店staycation 酒店服務質素好好 職員有禮貌 環境優雅 房間佈置空間較大 打卡好地方 食物質素都有水準 帶比我一個驚喜又開心既一日▫️tiramisu生日蛋糕（推介）原來生日有蛋糕送架 仲係我最鍾意食既tiramisu 蛋糕質地幼滑 食落去甜滑而且有一陣陣香濃咖啡味 手指餅浸透咖啡 口感入口即化 好正 濕度啱啱好 表面可可粉甜度適中 整體唔會太甜 真係好好食！唔知有冇得買呢？▫️Café Kool享用自助晚餐🍰甜品甜品選擇多 大部份都好味 特別鐘意食相片show 出黎個幾款 另外仲有雪糕同即叫即整疏乎厘 兩者一齊食 好好味 🥩熟食（和牛鵝肝推介）和牛鵝肝真心好食 師傅即叫即煎 和牛7、8成熟 食落去d汁慢慢滲出黎 好香 肉質鮮嫩 唔會太硬 食完一舊又一舊 好正 鵝肝方面 師傅係厚切既 口感溫潤柔滑 好正 表面煎過少少 所以好香濃🦪海鮮有生蠔同龍蝦 生蠔即叫即開 師傅開得幾好 唔會有殼碎 同埋好快手 味道會偏鹹 比較重海水味 同埋細隻既 龍蝦方面 肉質鮮嫩 橙紅色蝦膏好多 口感彈牙 好正 但後一批龍蝦就差左🍣刺身刺身