Cafe Kool 除了自助餐必備的龍蝦蟹腳日本刺身壽司西冷牛扒之外，還有其他國家的美食，例如日式串炸、印度菜、各式義大利粉、西班牙海鮮飯、馬來西亞肉骨茶、韓式烤肉等等，一應俱全一應都做得美味
鏞記的燒味，燒鵝以皮上像吃北京填鴨那樣吃法，叉燒真的是不得了，燒得香口半肥半瘦才是真正的叉燒做法，而麥奀記雲吞麵也保持水準，否則不容我胃的空間連放了兩碗入内。
甜品糕點方面也足夠，也發現這裡有香港人的驕傲，就是雞蛋仔，由引入的低調高手大街小食主理，也有健康工房的各類養生飲品，務求讓到食客們，來自海外的就感受一下香港的飲食文化，讓香港的食客，繼續滿足味蕾。
開關後大家都多咗出外地搵食，反而可能忽略咗本土原味道，九香既自助餐主題係港式。港食，繼本來合作緊既燒鵝名店鏞記酒家同麥奀記外，仲加入咗健康工房同低調高手大街小食等本地品牌
自助餐範圍有成十二個開放式廚房，無論係芝士意粉、印度薄餅、日本串炸、雲吞麵、燒味到沙律吧都有，見到沙律吧都有隻大火腿係度，師傅即叫即切又香又甘既火腿片落沙律
開始當然點都係食凍海鮮先，有原隻波士頓龍蝦同長蟹腳，入口有鮮味，唔會過份雪藏味，肉質依然有咬口生猛
然後刺身壽司區覺得都充滿誠意，刺身有超級肥美既大拖羅、爽口彈牙既八爪魚、希靈魚、帶子同三文魚，厚薄適中，食落有滿足感；壽司都唔係普通貨色，全部有設計過造型同配搭，例如吞拿魚蓉手卷、腐皮船同海膽小卷都係睇得又食得
港式部份有老牌既鏞記燒味，包括有北京填鴨、脆皮燒肉、豉油雞同埋蜜汁叉燒等等，其中最好食一定係叉燒，因為有齊各個部份，鍾情於半肥瘦既有五層腩肉叉，鍾意食鬆軟瘦中帶油既又有，入口鬆化惹味；其次麥奀記既雲吞細細粒bite size，適合自助餐淺嚐港式老味道既貼心設計
日本串炸係關西大阪非常盛行，估唔到香港都體驗到，有十幾種材料，包括牛舌、雞肉、牛肉、大蝦、茄子同埋蕃薯等等，炸漿上薄而脆，調味較簡單，一定要配佢地6款特式醬汁，例如洋蔥醬、咖哩醬同穀物芥末醬等等
踏入甜品既地帶都令人眼花繚亂，傳來陣陣蛋香既係新加盟既低調高手大街小食，十五年歷史既筲箕灣雞蛋仔名店，唔少明星遊客都去幫襯，即將係銅鑼灣開分店，九龍呢邊就只可以係九香有得食，師傅即場打蛋漿再即烤，烤完再細心花時間吹走水汽，每粒金黃飽滿，食落非常脆口，咬開就見係半空氣半蛋糕既構造，完美既雞蛋仔就係度有得食，仲有朱古力同鹹蛋黃兩款口味
平時去自助餐飲野都係汽水果汁呢類偏唔健康既野，呢度就同健康工房打造出更上一層樓既體驗，有涼茶碗裝金銀菊花茶同清熱夏枯草，最後仲可以食碗土茯苓龜苓膏，真係下火一流，冇哂食自助餐既罪惡感
影片
