Cafe 52 (已結業)

😋想食得滿足🐾要帶得狗狗☕坐得舒服傾計，立即search到呢間>環境整潔乾淨， 裝修文青風、食物味道讚不絕口👍🏻煙三文魚牛油果沙律，沙律菜超超超新鮮👍🏻 可以選擇不同醬汁， 我哋揀咗黑醋， 沙律菜擺位好有心思。雞扒忌廉芝士竹炭漢堡，肉厚配合脆口新鮮菜都唔覺膩口😍 煙三文魚蛋沙律牛角包，粒粒蛋加脆脆牛角包，口感豐富。配菜薯條 ，厚切既香脆又有口感。餐牌選擇除了牛角包、竹炭麵包 仲有法國包。韓汁雜海鮮意粉配煙三文魚，海鮮配辣辣地嘅韓汁好夾。我哋留意到除咗伴碟配菜好有心思， 連碟邊都有裝飾。原來食物由大廚親自主理，佢係前文華酒店大廚，打卡朋友就啱曬。飲品分別點了蕉糖朱古力， 榛子朱古力，拉花打咭絕對不能小。甜品大大件極滿足，唔怕唔夠食，吊住甜品癮。餐廳內畫板係親手畫㗎，我走嘅時候見到招呼我哋靚仔哥哥親手畫緊😍即係又有新款畫板打卡📸 啱曬帶住狗狗又鍾意打卡嘅我😎

之前有係葵涌分店食過，黎元朗做野竟然見到CAFE52!!原來佢地係有葵涌天際同元朗朗屏兩間分店。同葵涌店一樣，都有室外地方坐，可惜今日打風落雨，所以無坐到。食飯時間當然要試下佢地既午餐啦~~我叫左A餐 <煎蛋肉眼扒飯>，真係超超超超超抵食呀!!98蚊竟然有2個手掌咁大既肉眼扒，仲要味道質數都相當好!唔使食飯都夠晒飽至於飲品，今次叫左熱cappuccino，同上次一樣，呢度既咖啡俾我相當驚喜!!泡沫打得好滑，同分量都好夠，唔會好似有時叫熱CAP 變左 latte 既感覺。咖啡味道好特別，唔太濃，帶住輕微既焦糖nut味，非常好飲!! 唯一既遺憾係.....電話無電影唔到相同大家分享得詳細D一有時間即刻幫佢地打個食評! 下次一定要試佢地既BURGER 先得，再影相同大家分享~~

💗葵涌有分店位於朗屏站行5分鐘就到既隱世cafe☕️價錢實惠之餘打卡得冇問題🥰有室內同室外位置坐得幾舒服🥳仲可以帶埋狗狗黎添！過個漫活星期日冇問題😋🙋🏻‍♀️⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔺香煎雞扒配忌廉芝士竹炭漢堡及薯條 ($55)賣相好吸引仲要好大份😳🥰採用左竹炭漢堡都幾特別， 雞排唔乾唔鞋口，加埋其實配料食一啲都唔覺得油膩，食落好滿足啊💕薯條外脆內軟，實在的味道😇.🔺牛肝菌雜菜粒意大利飯 ($78)呢款係Lunch menu既款黎，套餐最抵$58包埋野飲🥰不過有啲正價野飲就要加購喇🤪意大利飯軟硬度適中，超濃郁既黑松露味道🤤.🔸評分: 7.8/10💰人均消費: $50-$100

因有事處理，突然來了朗屏西鐵站。想飲杯咖啡，隨意搜尋，見到路程不遠便走進去。服務態度及雞翼小食亦可以，但咖啡實在太難飲。如果老闆想做得落去，建議積極改善咖啡質素至合理水平。

6點幾坐出面，稍熱，間中有風，都可接受。叫左個dinner set 墨魚汁海鮮伴虎蝦意大利飯，雖然等左5個字左右，但都唔錯，有煙三文魚沙律，南瓜濃湯，仲有竹炭包，有朱古力芝士甜品同包杯野飲Hkd188整體都可以，值得一試

兩杯都好好飲，拉花好靚，每次都唔同圖案，好有心思，未飲賣相經已討好！牛角包呢個幾好食，薯條好脆，新鮮炸起熱辣辣。雞翼都好脆熱，好好食！意粉，卡邦尼無得輸，好濃好creamy!另一個三文魚意粉就外型美觀，食落一般！整體係抵食，跟野飲，每人唔過一百。環境舒服、小清新！

元朗兔仔主題cafe, 不在旺街，位於朗屏8號富貴民居隔離，較為隱世。朗屏西鐵站F出口步行5分鐘（OpenRice 教E出口，但我覺得F較順路）。焦糖瑪奇朵$29，咖啡賣相好但偏甜，飲完全日都覺得好邪惡。如是咖啡控應覺得只是一般貨色，但以價錢來說，飲得過。煙三文魚牛角包加薯條$55 （可轉法包或竹炭漢堡。賣相不錯，價錢合理，一般cafe理應賣$70以上。雖近朗屏8號富貴屋，但價錢合理，環境舒適，可以翻兜。

食物質素好好，份量又大次次都食到好飽👍🏻最緊要價錢真係抵！食物真係樣樣都好好食🤤最中意煙三文魚牛角包，韓式海鮮意粉，綠茶鮮奶🥰可惜唔係住朗屏，但每次去都一定會食👍🏻

黎到朗屏，搵到間勝價比幾高嘅小店，味道真係幾好，價錢平，仲其實好近西鐵站。四人食到飽晒都只係300幾蚊！坐得舒服，服務都好，滿意了。1.精選晚餐C（$168）香草燒春雞（壹隻）餐湯（磨菇湯）、竹炭漢堡包煙三文魚配醋汁田園雜菜沙律餐飲（凍咖啡）個套餐好豐富。先有雜菇湯，主要係落磨菇。成個湯充滿菇香，好多菇粒, 落足料。竹炭包塗牛油一樣好食，香香地。沙律幾fresh，有少少芝士粉，主要配黑醋汁調味。醋汁都好清新，酸酸地開胃。塊煙三文魚都好食。主菜終於出場。燒春雞都竟然唔算細仔。燒得好鬼入味，正！肉質都ok, 如果滑d就perfect。配薯蓉都幾夾。凍咖啡都幾香滑。只要你唔係好大食，成個餐嘅份量都應該夠兩人食。質素中上但賣得都算幾平，出面去邊度搵。2.豚肉腩片、新鮮什菌配日式芥末忌廉汁寬條麵（$75）寬條麵味道好好，汁係有好多菇菌粒，包括冬菇磨菇等等。麵質軟硬適中。豚肉腩片薄薄地，肉質超好，似係薄燒，食落好鬼香口。3.燻黑椒燒牛肉芥末配竹炭漢堡及薯條（$55）個包其實都幾多料。夾左好多層燒牛肉，中間仲有生菜。芥末醬唔算濃味，冇咩黑椒味，反而夾左塊芝士，芝士味重，都好食。薯條幾粗大，薯仔足料，

香煎雞扒配忌廉芝士竹炭漢堡及薯條 😋4/5竹炭漢堡比較少見，外面烘得微脆，蕃茄青瓜配忌廉芝士味道都幾夾，除咗竹炭漢堡之外可以轉牛角包或者法國麵包。角切薯條食落比較脆身有咬口，簡單用上黑椒鹽調味，蘸上茄汁已經非常美味🤤田園素菜配大啡菇伴蕃茄濃汁寬條麵 😋4/5假日想食得輕盈一點都可以，因為餐牌有唔少素食選擇，而且食得出食材新鮮，大啡菇煎得香噴噴，配埋微酸嘅茄汁感覺清新輕盈。除咗寬條麵仲有意粉或者長通粉自由配搭香辣蜜糖燒雞翼 😋3.5/5味道正常，蜜糖味十足，一點都唔覺辣，大人細路都啱食呢間餐廳有戶外坐位，門外有車位附近又有停車場，適合一家大細或者揸車帶埋🐶🐱毛孩享受下假日嘅悠閒😎

同朋友聚會,由於我係咖啡控,每日都要飲一杯或以上ge咖啡,所以朋友約喺cafe見,仲方便傾計tim首先地點好易搵,喺朗屏西鐵站附近,而環境都唔錯,聚會傾計一流,所以我哋三個人都encore左第二杯飲品同小食,由teatime差不多傾到入黑食物方面選擇算多,食物味道中規中矩,一般Cafe水準而咖啡選擇都算多,叫左杯普通latte同香蕉latte總結,呢個價錢來講算好好,幾抵食p.s.如果真係要挑剔,就係叫order嘅時候員工唔係成日見到我哋,唔知係佢哋企得太集中定我哋坐得太邊

自從上次係chef 食個件扒唔太愉快之後，男友已經短暫blacklist 左我唯有再試下有無d 好評西餐而我地又未試過甘岩係朗屏剪頭髮，一搵之下見到附近有cafe 52, 就試下啦星期日要加一，同埋單點為主我地叫左個三文治，意粉，同兩杯野飲主食價錢約50-80內，單點野飲約30-40所以人均都要100架，除非唔叫野飲先上男友既芥末醬牛肉三文治配粗薯條先食薯條。。只有微暖，已經唔脆，有d 扣分三文治係凍既，芝士有用火槍燒熔但牛肉味夠，配埋芥末醬，男友大讚夾得好好食，如果成個包有烘一烘會更加正旁邊係我既榛子鮮奶抹茶，外賣杯上加$1榛子同抹茶味都好出，味道夾得岩岩好，個人覺得係出面都飲唔到甘平衡既榛子抹茶依個辣蕃茄雞肉，辣蕃茄同個粉煮得都唔錯。。敗筆係雞肉，勁鞋又硬身又無雞味。。但份量偏小。。。所以連我都要食哂成碟先夠飽最後係男友既熱朱，朱古力似用吉百利紫罐隻粉開，味道偏甜，一般般。。整體都ok, 男友話個三文治太好食所以可以encore

餐廳以兔兔做主題, 無論係咖啡杯,紙巾盒,黑板都比兔兔包圍, 好 FANCY意粉類有意粉, 長通粉, 寬條面3款可以隨意配搭9款醬汁$75 豚肉腩片新鮮什菌配日式芥末忌廉汁長通粉通粉好大碟好足料，煎香既厚切腩片配長通粉個配搭怪怪地，但味道唔錯既$55 煙三文魚蛋沙律牛角包及薯條份量都幾大份，但期望個牛角包可以外皮鬆脆少少，酥香同空氣感都有所欠缺。$29 香蕉綠茶鮮奶香蕉味唔出，水唔夠熱綠茶粉明顯未攪勻。餐廳食物不過不失，勝在價錢相宜 而且裝潢靚 打卡一流，係同姊妹閨密消遣好去處。

朗屏附近餐廳越開越多了 ，今日同朋友搵地方吃lunch，這間西餐已經吃過幾次，午餐就第一次試。之前只有單點，沒有套餐，今日新增了精選午餐，一共有5款，不過只有飯，沒有意粉，想吃意粉就只能夠單點了!香燒豬肋骨飯配BBQ汁($68)豬肋骨夠淋，不過真係無乜肉，味道OK，有配菜，感覺健康d。咖喱吉列豬扒飯配煎蛋($65)豬扒味道都唔錯，最正係配流心蛋，配菜比較少。精選午餐包熱飲，凍飲就要加$5，如果想飲特飲就可以正價減$12。

食物好味，服務態度超好的，非常值得食😊點解呢，首先要講講服務態度方面先，我呢平時就喺附近做運動的，見到有朋友識佢個竹炭雞扒包，配薯條，香味已經非常吸引終於有一日，早左去就去幫襯因為做運動關係所以我平時選擇嘅食物呢都希望盡量減少不必要嘅吸收🙈🙈🙈🙈🙈所以我叫個餐係竹炭雞扒包走醬，走雞皮，薯條轉沙律菜走醬呢間餐廳一一做到，完全冇嫌棄仲好細心咁問我洗唔洗走埋芝士🙈💓然後食嘅時候呢，竹炭包真係好脆，好香，配買雞扒食個口感真係一流，個雞扒唔乾有仲汁sum出嚟😋至於個沙律菜當然係普通健康沙律菜啦補充少少薯條嘅資料因為我上次有食我朋友嗰啲薯條，係好好味，香又有咬口用心製作希望可以多啲呢啲類型嘅餐廳繼續喺飲食界加油💪🏽