Burger's Friend Forever (MONTEREY Place) (已結業)

今日去咗將軍澳海邊既海濱公園行一行再逛下新商場，行過見到有食漢堡包嘅舖頭😍仲要係採用100%全天然美國安格斯牛肉及澳洲和牛製造嘅漢堡😋😋所以決定入去試一試呢個澳洲和牛嘅漢堡包😋😋有好多種唔同嘅口味可以揀樣樣都好吸引咁🤭因為本人真係好鍾意食芝士，所以都係揀咗丹麥藍芝士漢堡配香脆薯格及汽水。丹麥藍芝士未食已經聞到佢有好強烈嘅芝士味😍😍一啖咬落去芝士嘅味道充滿咗成個口再配埋特製漢堡扒一齊食味道啱啱好再加埋厚切蕃茄襯托返令到成個漢堡包感覺唔會好「流」😋😋仲有我最鍾意食嘅薯格加咗少少嘅辣粉好好味呀😋😋至尊漢堡配香脆連皮薯條及汽水有兩層漢堡扒再加煎蛋再加蕃茄，煙肉同芝士佢嘅高度令到我地冇從入手🤭最後我哋都係決定用刀將佢切開一半😋但係都係唔得因為太厚啦🤣🤣要分層食先得😋食完個包之後真係超飽好滿足😋😋

好耐無食burger突然係網上面發現係附近開左間漢堡包店叫Burger’s Friends Forever，簡稱BFF於是就決定同朋友一齊過黎嘗嘗解試下新野啦。叫左個水牛城雞肉漢堡，$70，加左$28配左杯野飲同蕃薯條，水牛城雞肉漢堡外皮超脆，超級香，但裡面又好鬆軟wor，算係有d超出預期；蕃薯條都非常好食，甜甜地，好香口，加上醬汁very nice有d辣味道幾特別! 另外叫左個水牛城雞翼，係煙燻炸雞翼，賣相超吸引

屋企附近新開既burger店，入面有好多款唔同口味既漢堡，真係岩哂我! 位置係間法式超市再直入。水牛城雞肉漢堡(走芝士) 配薯條因為老婆唔食芝士所以就冇加到，但佢既雞肉一D都唔兒戲，大大塊而且肉汁超多又唔會煎到好乾，配合埋其他配料同埋佢既tabasco一齊食真係好出色!調味亦都適中，完全唔使再落其他味粉! 薯條係用咗粗身既，薯味十足同埋都份量都幾多!侯斯頓BBQ漢堡配薯格一上台已經流哂口水，因為佢真係燒得勁靚同埋好香口，無論係個包，煙肉定個漢堡扒都一樣好好食，又唔會過咸要飲好多水個隻。薯格即叫即炸所以脆得嚟又好有口感。今餐真係好滿足，下次一定再幫襯其他口味!

之前係將軍澳海傍行過見呢間新開嘅美式漢堡包🍔店，就決定同朋友試一試😜。.和牛漢堡（$90）和牛漢堡淨係聽個名已經非常吸引，一咬落去果然無令我感到失望，和牛嘅肉汁同埋牛味十足👍，而且肉質亦相當唔錯🤩。.藍芝士漢堡（$78）我朋友好鍾意藍芝士所以就叫左呢個漢堡😂，藍芝士嘅味道真係好濃郁，鍾意藍芝士嘅朋友一定要試下🤤。.配蕃薯條（$28）跟餐+$28仲可以食到我鍾意嘅蕃薯條，而個餐仲會跟一罐嘢飲添🥳。

係屋企附近行下，行到出天晉果邊見到有幾個細既新商場，雖然好多鋪都未開，但係都有開左既野，我同阿媽行行下想食完野先返屋企，甘岩搵到間裝修比較簡樸既漢堡包店，睇落好新下，吾係連鎖店，得閒都要試下小店既野食，支持下本地小店坐低左發現佢除左漢堡包之外仲有沙律意粉都有~但是我地見佢個名叫burger緊係要試下burger先得啦～我媽叫左個和牛漢堡連沙律套餐，套餐係加20蚊或28蚊，20蚊有薯條或薯格或沙律簡，再簡個罐裝飲品，一般罐裝飲品都有。我就簡左個候斯頓漢堡，睇落料都幾多下~好吸引人價錢方面吾係好貴，質量方面追得上，都係值得既講下個味道先，和牛漢堡真係和牛既好質感，好juicy又好好味，檯面有刀提供，如果要叉子要搵店員幫忙，切開佢黎食d肉汁會流出黎，牛肉味十足洋蔥方面我本來以為會好辣口，但是比想像中既好入口誒候斯頓漢堡就有煙肉同牛肉漢堡扒食落會比和牛既失色，但係都係有肉汁既相對黎講個牛肉味會無甘重。漢堡既包比較軟，店家好像有烘一下麵包，邊邊感覺比較脆口，都吾錯既質感講下套餐配既小食，薯格真係無得頂，好有厚度同好夠脆，就係蕃茄醬好像比較淡同埋比較稀一點，Tabasco 吾錯，酸酸辣辣。沙律都可

將軍澳南原來都有好多好嘢食，酒吧餐廳應有盡有，但最估唔到係呢度有間好有格調嘅漢堡飽店。位置近海，如果地鐵站行過去大約10分鐘左右。除左burger外，仲有好多唔同選擇。丹麥藍芝士漢堡，＄78， 跟洋蔥圈同埋汽水另加＄28。 呢度嘅漢堡係用安格斯牛肉製成， 質素有保證， default medium well嘅熟成度， 更能鎖住肉汁。 藍芝士屬於重口味人士嘅首選， 個人認為呢度絕不吝嗇藍芝士嘅份量🤟漁夫之堡，＄72。 食得出並非合成魚柳， 外皮炸到金黃鬆脆， 再搭配芝士同埋沙律醬， 食出經典！

經過呢間以食Burger作主的餐廳，感覺唔會差嘅，於是就入去開餐。餐廳空間寬闊，地方雖然唔係旺區，但幫襯嘅人都唔少啊。看餐牌都見到多種類，有全日早餐，沙律、各款小食同意大利粉，漢堡方面有豬、牛，炸魚，若食素嘅仲有一個係燒大菇漢堡可選擇，還可加錢加配料，更加豐富，我叫左個和牛漢堡加$10配可樂漢堡飽面層烤了很脆，底層很鬆軟，配上和牛、芝士、炸洋蔥🧅、沙律菜，芝士跟和牛都味重且肉汁juicy, 咬落很濕潤，很好味😋。食完己唸定下次幾時經開要再食，真係食唔番連鎖店的漢堡了😂。

It’s a small but lovely burger joint. Ordered the wagyu burger combo. It was fantastic! Really fresh and delightful. Wagyu was medium rare and perfect. French fries were slightly soggy but still surprisingly good. Service was fab - very friendly and efficient.Wish they had milkshakes on the menu tho 😜