Burger's Friend Forever (MONTEREY Place) (已結業)

聽朋友講好好食，所以都想試好耐！難得禮拜日12點幾唔洗等位，即入🥰 好好彩地，我地入座左十分鐘之後就開始要等位了。我泥之前已經一早有目標，二話不說就揀定左漁夫之堡🐟 朋友就嗌左黑松露牛肉漢堡🍔加$20就有小食同野飲，因為都不是太肚餓，就淨係加左一個餐即漁夫之堡 (魚柳，紫洋蔥，蕃茄，菜）魚柳炸得好脆，粉漿都簿既，可惜有d過咸，同埋入面既醬少得有點可憐🤦🏻‍♀️ 黑松露牛肉漢堡（黑松露，芝士，煎蛋，豆苗)黑松露香既，舊肉Juicy，但因為煎蛋會就漏汁，食個時有d”呢hea”，同埋d豆苗叉哂出泥，搞到好難一啖過咬到個burger跟餐小食，有薯條薯格薯角揀，我地就揀左薯格，份量好多，好開心😀 但係一咬落去就失望左🥲 好硬，有d𠝹口既感覺

今日同男朋友行開將軍澳donki，隔近有好多餐廳，見到一間漢堡包餐廳於是入去試一試。入裡環境簡單只有4張枱給客人坐而另一邊可以給大家叫餐。候斯頓漢堡（加20蚊薯格同可樂）：大大塊牛肉加上厚厚既芝士，底下有一大片生菜包住而面上再加上一大片煙肉，個口細少少都咬唔到，需然樣樣野加起好厚但食落一d都唔油膩，食漢堡咁樣先開心同滿足。水牛城辣雞翅（8件）：雞翅不太辣合適我依d唔食得辣既朋友仔加上有少少酸味食落零舍開胃。

最近將軍澳海傍呢邊真係多左好多新餐廳🌼行過見到MENU上面既🍔覺得好吸引🤤一於入去試試🤞呢到主打🍔，亦都有幾款意粉🍝、沙律🥗和小食。品嚐緊美食時，咁岩店主走黎話我地知佢地100％都係用美國安格斯牛肉和澳洲和牛黎做漢堡扒，自然和牛脂肪低D，牛味都濃D啦🤤Danish blue cheese 🍔: 一見到blue cheese，就會諗到抵佢地match唔match架🤔畢竟blue cheese既風味比較特殊🤡平時食佢，最好就係配返Sauternes的貴腐酒！不過，原來咁樣夾埋牛堡一齊食，感覺好香，完全係零違和感🤗本人都係抱住試一試既心態🤟薯格：正常發揮，好香脆🤤🌸淨係一個blue cheese burger先＄85，加＄20就已經可以配薯條／薯格／田園沙律＋汽水，性價比好高👍👍✨黎到仲可以有咩好做？行DONKI、踩單車、單車館野餐

上兩星期去左食黑松露和牛漢堡，味道不錯，松露味十足，份量剛好，配薯條同可樂一流！另外叫左個雞翼，濃郁Juicy，下次黎想試下其他味道呢度環境好優雅，靜靜地，有d似去左外國同鬼佬一齊食漢堡包！

今日二人去Monterey食中LUNCH,見 OPENRICE D 人對呢間專賣漢堡包的店評價不錯,於是過去試下.兩個人叫咗一個至尊漢堡,一個經典芝士漢堡餐,另叫一個小食炸魚塊.兩個包的賣相全部都唔錯,係幾吸引,D配料亦都配合和唔錯,但兩個漢堡的漢堡扒,全部都燒到太熟太乾,咬落去係覺得好鞋口,冇乜汁,口感非常之一般,D扒亦冇乜牛味,感覺好廉價,唔係呢個價位GE牛扒.以接近100蚊一個包計,真係唔接受.炸魚塊(手指魚條)亦係炸得有D過火,咬落感覺D脆皮有D過厚而且硬,加上魚肉又小又無乜味,如果唔望下都唔知入邊有魚肉.細細條5條38蚊,唔係好抵叫.呢間店俾我的印象真係好麻麻,裝修好一般,完全冇服務,食物亦冇乜選擇,因胃唔好唔飲得凍嘢想叫杯咖啡或熱飲都冇. 我今日成個Monterey轉咗一個圈,基本上間間食肆都要排隊等,但呢間細細間得幾個位都不用排隊可以直入有位坐. 我相信我以後想食漢堡包,會去廣場叫MOS  BURGER, 平靚正好多!

將軍澳Monterey附近環境好優静，而且係新商場關係設計得好靚，有一間專食美式漢堡嘅餐廳叫 Burger's Friends Forever，見menu上嘅漢堡選擇又多而且賣相吸引就走咗入去食。今次order咗個至尊漢堡，入面材料有生菜、蕃茄、洋蔥、雞蛋、煙肉同埋兩塊特厚嘅漢堡扒，我另外再額外加埋大蘑菇入去，這個漢堡超高超大，要分開幾層黎食， 漢堡入面嘅洋蔥炒過，所以特別香，兩塊漢堡加埋特製嘅芝士醬食，食到停唔到口，而且牛肉味濃特別juicy，煙肉亦係好大塊好香脆，蕃茄生菜亦都新鮮，另額外加上去嘅大蘑菇亦都好有菇味。下次黎我一定會再試埋其他唔同款式嘅漢堡。

將軍澳Monterey嘅鋪頭終於都開晒張！今日去左其中一間嘅漢堡包店食午餐～呢度最出名就當然係漢堡包🍔所以今日都特意叫左個包同+$20升級套餐但其實仲有其他小食同意粉架！😋-#日式豚肉漢堡 $68漢堡嘅豚肉比想像中嘅大件而且勁厚 但係厚得黎仲好腍完全冇鬆肉粉味 證明用料上乘而且加埋芝士同日本豆苗配上洋蔥燒汁係一個配搭得好好嘅日式漢堡🤤-#漁夫之寶 $72呢個漢堡其實係魚柳包🐟不過塊魚柳超有誠意厚得黎仲要熱辣辣 即叫即炸加上套餐嘅薯格都係好脆好新鮮好有食fish and chips 嘅感覺🤣-📍Burger's Friends Forever (將軍澳)將軍澳澳南海岸唐俊街23號MONTEREY Place 地下G22A號舖#4feiporintseungkwano

個人一直都好鍾意食美食嘅漢堡餐廳，因為同平時街邊是但食嘅漢堡真係會有分別，無論係包定係肉質都會好味勁多😚今次同朋友過嚟將軍澳嘅海旁度行街，朋友推介左我過嚟依間叫burger fds forever嘅餐廳度食下午茶，估唔到真係幾好味，真心推介，係高質嘅漢堡餐廳！我叫咗一個漁夫之堡 跟餐會配埋田園沙律🥗首先講吓個沙律，都發現都幾大份，而且沙律識落好個口感好新鮮，勁fresh fresh💪🏻另外必食嘅係依度嘅漢堡包，漁夫之堡分量十足，而且最特別嘅係依度嘅漢堡包包皮搽咗少少蜜糖，啱晒香港人嘅口味，食落去甜甜地咁，一啲都唔會好單調咁，中間嘅魚柳仲要超級大塊，炸到好香脆🤩最後一定要食依度嘅炸魚柳條外層炸得好香口！仲可以點沙律醬食❤️

將軍澳南好多住宅相繼落成，地鋪大增令到將軍澳南多左好多新餐廳! 今次試既係主打漢堡既BFF，裝潢簡潔，以4人台為主😇1.和牛漢堡 ($90) 🌟2.5/5分先講麵包，Size幾大，有稍微烘過，偏空氣感。漢堡內有一小塊和牛，幾條菜絲，芝士、醬汁😯和牛偏細舊，包大牛細變相搞到頭尾幾啖都無肉淨食包🥺牛味唔重，已經well-done😣幸好唔算乾，仍有少少肉汁，只係唔太食得出係和牛😛幾條菜絲真係得幾條，完全無咩存在感😧建議加多啲或者轉大塊沙津菜。菜太少又無其他配料既關係下，個包唔豐富，無咩口感，亦有啲溜!😟呢個價錢，呢個配搭，呢個質素，有更好既選擇😔2.香脆有皮薯條 (比錯左) 🌟2/5分我地其實係嗌薯格既，收據亦係寫薯格，不過佢比錯左🥺薯條可能唔係即炸啦，好淋，一啲都唔脆😟亦唔係好多有皮既部份，同個名唔太夾😔可幸係粗薯~而且面頭預先有灑上調味粉，算係有味。3.薯格 (跟餐 +$20連罐裝汽水) 🌟4/5分問店員反映返佢比錯左薯條我地，店員都即刻話補返薯格比我地👍🏻薯條即炸，等左5分鐘左右，非常香脆😋 面頭同樣預先有灑上調味粉，熱辣辣無理由唔好食~加埋一齊就幾惹味!🤤只係略嫌炸得乾左少少~總括黎

如果當佢港式burger嚟講 ，係ok嘅。西式burger嚟講，就唔合格。二人行叫咗buffalo chicken burger 冋 blue cheese burger ，嚟到嘅時候個樣都尚算ok。首先講個buffalo chicken burger， 一塊冇乜醃製嘅雞肉，唔算乾但係冇乜味，塊肉係細個嗰包，上面加一D Tabasco sauce 就稱之為buffalo chicken。 另一個burger 嗰塊肉都係細個個包好多，塊肉個味尚算ok。 然後講講整體。嗰 麵包係空氣包， 一禁之後就係紙咁薄。嗰包夾住嘅材料係:一片生菜、一圈洋蔥 、兩片蕃茄、caramelized opiom，缺了pickle ， 冇汁醬冇牛油， 如果唔係有blue cheese的話就冇乜味道。 炸薯條炸薯格係隔ok嘅。 整體嚟講，普通burger、加一個汽水同薯條，百幾蚊一個餐，外面有更加好的選擇。 整體嚟講唔可以話太差，希望佢有改進空間。

每次行完Donki之後都會去附近食嘢，發覺原來喺Donki後面都有幾間餐廳，今次試下食burger先🤤經典芝士漢堡：本身想食至尊漢堡但又怕太膩，所以揀咗最簡單嘅經典芝士漢堡！漢堡扒由人手打出嚟，煎到大概7成熟，肉質好鬆軟而且肉汁好豐富，肉香同油香都兼備！醬汁份量剛剛好唔會蓋過漢堡扒嘅鮮味，漢堡包帶有少少甜，經過烘烤之後香脆又鬆軟❤️漁夫之寶：朋友唔食牛肉所以揀咗漁夫之寶，一上枱我都俾佢吸引咗因為塊炸魚好大塊又厚身！朋友話炸魚食落好香脆，炸漿好薄身啖啖都係鮮嫩嘅魚肉！包入面仲有新鮮爽脆嘅番茄同生菜，食落一啲油膩感都無😋因為朋友唔飲汽水，所以我哋淨係加咗一份餐，熱辣辣嘅炸薯格份量都幾多，2個一齊share都夠食✌🏻

難得來到這邊，逛完附近新開的日本超級市場後，沿著海旁遊走，走著走著見到門前那吸睛的霓虹光管，細看餐牌，原來是一家這家漢堡包店，看著那些漢堡包照片，甚為吸引。至尊漢堡 一共有10款，各款肉類都有。招牌漢堡夾著厚肉扒,，大胃王、食肉獸必點的至尊漢堡。完全無法一手掌握著，亦無法一口吃到整個漢堡配搭，十分澎湃。漢堡除了肉扒，還有雙層芝士、煎蛋，煙肉，洋蔥及生菜。醬汁不多，不會令麵包變得濕軟；一咬下去，肉扒充滿濃郁的牛肉味，多汁鎖住肉汁，令其鮮味更突出。麵包先經烘烤過，外皮烘烤得香脆。芝士半溶狀態；煙肉煎得油香，邊緣位置脆口。其他蔬菜及洋蔥則有助增添口感及解油膩感。自己一人吃完這個，也蠻飽肚，幸好沒有額外再點薯條等，不然這個下午茶都成了晚餐。

🙋🏻‍♂️餓底探員今日去咗將軍澳調查呢間漢堡店🍔至尊漢堡 $98 (加$20 配薯條及汽水)📸 表示見到個burger嚟嘅時候好興奮，佢係雙層牛肉🥩🥩，仲有煙肉🥓，雞蛋🍳，芝士🧀，洋蔥🧅，蕃茄🍅同生菜🥬，顏色好豐富，好靚好eye-catching🙋🏻‍♂️表示牛肉係雙層，每塊都好厚身，口感好juicy，太陽蛋煎到燶邊好香口，煙肉如果可以煎得香脆啲會更加好，洋蔥番茄同生菜都好新鮮，成個burger都好足料，個包有烘過，有少少脆得嚟又好軟熟，睇得出每個細位都好用心整，有機會會再試其他burgers📈吃貨指數😋好味度 8/10🔙返啅度 8/10

Burger's Friend Forever🍔 TKO Burger Chocie💫..將軍澳區內愈開愈多正餐廳🍽，環境好舒服，有種外國既小感覺。天氣實在太凍啦，今次簡單吃個Burger🍔，估唔到有驚喜😍，個包🍞 烘過十分香脆，夾埋豐富餡料，冬天食確係滋味。.ll $76Houston BBQ Burgerll $72Fisherman Burger.餐廳稱：100% 採用全天然美國🇺🇸 安格斯牛肉 & 澳洲和牛，食落Juicy💦 有牛味。而唔食牛既朋友點左魚柳🐟，一樣魚肉夠滑溜 外皮香脆。冬天食飽飽再逛逛，這裡真的很舒服啊啊啊🌾。..×××××ש將軍澳澳南海岸唐俊街23號MONTEREY Place 地下G22A號舖..

無意中發現咗Donki附近開咗間食burger 🍔 嘅小店! 選擇種類多...除咗burger🍔pasta🍝小食🍟由於主打burger, 當然要試🍔啦！誠意推介呢間小店嘅🐟Fisherman Burger (漁夫之堡）自家製作魚柳，炸得剛剛好，肉質超滑，Burger超大，仲可以加配Topping，有多款選擇。可加$20轉套餐 配有皮粗薯條/薯格/田園沙律和罐裝汽水 或加$28轉套餐 配番薯條/洋蔥圈/一口芝士和罐裝汽水整體感覺唔錯，份量夠大，burger勁大個，坐得舒服，而且仲有提供手套，唔會食到成手都污糟晒，店員服務態度好，值得一試😋😋😋