Burgeroom (已搬遷) 新店位置

I had the best burger that I have ever had in HK at Burgeroom. I went for Portobello Cheese Burger (recommended by the staff). It's huge and I requested the staff to cut the burger into half for sharing with my friend.The presentation of the burger was attractive enough to make us to voice "Wow" when we saw the burger on the table. Also, its smell was unexpectedly strong and good. The beef patty was very juicy and the meat juice just spread over our hands. The meat perfectly matched with the

The burger was OK. The meat was very thick and juicy. The man who sat next to our table had a double burger which was a little scary coz it was gigantic. The order was very slow, we waited for about 15 to 20 minutes, and the fries came first which I thought it would come along with the burger. It gave me an impression that everyone working there was new. The waiters delieverd wrong items (either to the wrong tables or simply wrong order) for at least 4 times during my 35 minutes stay, and I susp

久仰了這間多人讚賞的漢堡店,我大熊貓終於可以挑戰一下了。 去到的時候不是想像中多人,可能是下午五時吧!店子不大,但總算舒適。今次(亦是第一次)挑戰了它的大烤菇芝士牛肉漢堡($85)和洋蔥圏($30),飲品是Vitamin Water($25)。 大烤菇芝士牛肉漢堡,看見時已經被它吸引着,又高又大,很強的香味,為了方便,我把它壓扁才吃,壓的時候已有很多肉汁走了出來!漢堡內的牛肉非常juicy,有口感,肉味適中,是做得有九十分以上的漢堡排,大烤菇有全隻,很香和多汁,tomato和lettuce亦是非常新鲜,麵包很多sesame,烘後很香,包面還熱和微脆,感覺很好,是我大熊貓激讚的一個漢堡。洋蔥圏是較組大的那種,炸得香脆,洋蔥不乾還很juicy,屬於較高品質的洋蔥圏。Vitamin Water,這飲品我在香港還未見過,只在magazine見過,知道歐美國家已很流行的健康飲品,所以一試。 味道幾清,我選了有green tea base嘅flavor,清清的,用來配burger也感覺不錯,不過都不便宜,要$25。

我聽過呢間Burgeroom好耐不過都未有機會試.必試嘅項目當然係距地嘅Portabello Cheese Burger,必試嘅項目當然係距地嘅Portabello Cheese Burger~ 個堡包一到...嘩 ~~~ 都好高下咼, 一個果然有距個價值响度 ~ 反而個cheese fries就好一般...早知唔使叫 ! 值得一讚係個waitress, 距會無時無刻黎幫你清咗枱上嘅垃圾, 服務唔錯 !!

今日和女朋友都放假,喺銅鑼灣浦咗成日行街和睇戲。三點幾我哋先至食第一餐,因為想避開Lunch hour嘅繁忙!女友就話想去Burgeroom試軟殼蟹漢堡,咁就食漢堡作為我哋嘅午餐。去到發現原來有Tea Set,是Mini Burger + Potato Wedges + drink,不過因為無軟殼蟹選,所以最後我哋都無叫到!後來又發現了原來星期一至五,三點至六點,買任何嘢都有15% off的,Good啊。軟殼蟹漢堡裏有成隻軟殼蟹,女友話炸得夠香脆,唔油,sauce是tartar,好襯軟殼蟹,又有牛油果,佢就話好好味。我就食咗個叫做Portobello Cheese Burger,好大個,有隻好大嘅菇,芝士同牛肉。菇很大,很香,新鮮多汁,芝士無乜特別,就是芝士;牛肉鬆軟也很多肉汁,成手都係,M記果d足三兩真係十級比了下去。加多一個芝士條和兩支snapple,芝士條炸得好香脆,唔油,包在裏面d mozzarella cheese係溶晒的,可以拉得好長,幾得意,又幾好食。女朋同我都鐘意呢個地方同佢哋d食物,是會再光顧的一間食店。

和大豬女友都一排冇o黎, 都知道佢心思思; 今日再食多次喇.5點來到, 冇咩人; 好多位坐, 呢期都算少有叫了42蚊的下午茶set 加8蚊飲個可樂...係即整的, 要等; 薯條勁熱又脆;包塊肉夠厚但略為過熟; 一d 粉紅色都冇~其他都很好, 包夠熱夠鬆化, 蕃茄juicy, 菜爽....但真的唔平呢~

我Tiger今次去咗這間喺Burger Shops之中有好高評價嘅Burgeroom,店子細細,但係就好多人呀!去到等咗一陣先至有位,不過係可接受嘅等候時間。我一個人去,叫了個Portobello Cheese Burger,再加十八蚊轉咗做餐,有埋Thick Fries和任選一種飲品,我最後選咗Grape Snapple,Snapple單買都要二十五蚊,呢個轉餐都算是一個Fair Deal。個包嚟到面前,好大個,好香好香,賣相很好很吸引。個包好高,所以我壓扁佢嚟食,一咬,嘩,真係勁好食。個包係toast過的,所以仲脆同埋熱,感覺已很好,Portobello好大隻又真係好香好新鮮,絕對好食過普通嘅mushroom。牛肉剛好熟,夠香夠juicy,應該是homemade,唔似那些大量生產嘅漢堡牛肉貨式,好fresh,調味亦都唔重,好High grading同natural嘅感覺。加埋有Cheese,同埋佢地嘅homemade sauce,我會評它為Best burger in town!!!!! Thick Fries亦都炸得好香好脆,Very good。真係一個令我難忘嘅漢堡,激讚啊

睇左"咁至識食" 加openrice好耐終於忍唔住要一試到了平時也不會來的 加路連山道唔睇地圖真係唔識黎係門口已經見到有小小的人龍 不過好快已有位~等位時已諗好點咩一坐低老公已點了大烤姑芝士,chicken wing,仲有個好似叫雞堡雞堡先來..細細粒 味道ok 不過有小小咸仲有chicken wing 估唔到又幾好味到了主角 大烤姑 一見到覺得 好大個 好高但已有陣陣香味傳出來只好叫店員cut開 share咬落去 個姑配合牛肉 好match~姑又香 而且牛肉食得出好好味同juicy ~我以前食開的burger是好dry 同得個咸字而家已經改觀了~配合tomato 同生菜 仲有個唔知咩汁都幾match會再去食 不過地址真係唔方便我~anyway 開心的一餐~

上次去完Delay no mall個間去burger之後一直都對burger念念不忘..所以朋友一叫我去試下呢間店之後..我巴不得即刻去試..好啦...開場白講完..到左個晚...一去到..見到入面勁多人...好彩我個朋友一早黎左...咁我先唔駛等位...(係呢度多謝呢位朋友啦...嘻嘻)望左一陣menu..終於揀左...THE CLUB同埋Cafe Mocha (Tall)係我食過最貴既burger..$108..希望太大..其實真係會失望架...一見到個burger其實真係會嚇親(個侍應會俾埋刀叉你)唉...burger本來係用手食架嘛..而家冇啦啦要用餐具..真係..有少少掃興啦...講真...大就真係幾大既..不過...D肉就真係mama地...冇咩味..只係大啖肉..好大舊肉..(個腦一直係呢個感覺...)飲野就冇咩特別...或者下次(如有有下次既話)..試下食其他burger 喇...

星期六兩點幾去試呢間嘢,已經好多人,爆晒,不過經店員嘅安排,等咗唔夠十分鐘就有位。我試咗一個Portobello Cheese Burger ,好大個啊,好香,隻Portobello菇好大隻,有個包咁大,多汁;漢堡牛肉煎得剛剛好,也是好多肉汁,味道唔會太鹹,有牛肉味,加埋有芝士,味道是絕配;包也是烘過的,拿在手上仲係微熱和脆的;呢個絕對係我食過最好食嘅Burger!另外仲食咗個洋蒽圈,呢度嘅洋蒽圈比較粗身,炸得脆,唔會好多油咁,內裏嘅洋蒽亦都唔會乾,算係比較高質素嘅洋蒽圈。

晚上叫了外賣portabello beef burger大大的一個, 香氣夠, 熱度夠, GOOD!但吃了第一口就很失望!看上去厚厚的牛肉居然一D牛味都冇!只是很多汁, 很軟的一大團肉而已!牛味?唔好意思真係食唔出點解咁多人讚好?反而塊portabello真係好正!好香, 好野味個包整體既SAUCE都唔錯但主角牛肉真係好失敗!$85 = 唔好食 = 唔抵PRO BURGER和RUBY的COLOSSAL BURGER都比這好多了起碼一口一口吃下去真的像吃牛肉店也不算太小, 裝修挺好, NICE SERVICE居然還有BURGEROOM的WIFI!用IPHONE上網很快, 這個要讚呢!但外賣居然把BUGER用盒子固定咁"90度打斜"來放...回到家後發現個包有一邊濕晒 -> 淋晒!因為D汁 + CHEESE 全部溜晒去一邊><個PAPER BAG又唔係唔夠大點解唔將個包打橫放啊...唉!ANYWAY,整體是OK的但主角的冇牛味BEEF實在唔過關!

好多朋友都讚呢間burger好味!星期一放工終於同男友嚟試!夜晚八點幾,全店滿坐! 好彩仲有bar枱位!我咃Order咗兩個飽,一個portabello beef burger , 一個龍蝦burger! portabello beef burger 的牛肉真係好Juicy, D汁整到成手都係, 但呢個mushroom夾漢堡牛肉一流,好好味!portabello mushroom好香,好有mushroom味!下次一定再食!龍蝦burger,嘩成隻碟上,成隻龍蝦,見到就開心!好似好豪咁,食飽食到夾龍蝦!好high呀!龍蝦都幾新鮮,肉質好,好有龍蝦味,另外個sauce都好有龍蝦味,$188食成隻龍蝦,其實真係唔貴!另外小食就叫咗fish & fries , 魚栁炸得幾好,個homemade sauce都OK! 我見隔離枱食有個cheese sticker ,D cheese 一條條扯出嚟,都幾得意,下次試吓先!

嘩!對於我嚟講簡直係新發現,但我個friend話我out,佢話呢間嘢一向都好多人講喎!Anyway!我哋叫咗兩個burgers shareortobello Cheese Burger--- 點呢個係因為比佢哋鋪門口張poster吸引到,好在,都真係點對了。面包烤得很香,來到手上還是熱熱的,包面又有好多芝麻,good。牛肉勁多肉汁,嚇死我,無expect過一間小小fast food店可以做出這樣有水準的漢堡抓,牛肉亦烤得剛剛好。另一驚喜就係嗰隻Portobello,好大啊,又係勁香勁多汁,加埋有芝士;呢個包真係super。Foie Gras Beef Burger--- 點呢個係因為我係鵝肝fans。牛肉我唔再重覆講同讚了,鵝肝煎得幾好,外脆內軟,唔會太過生。$128也令我感覺非常值回票價。以漢堡質素來講,我會給呢間嘢十個讚。

星期日去了這間好多人講嘅漢堡店。嘩!又係好多人,又要等位,不過,都係果句,如果好食,我都唔介意嘅。唔知食乜好,看見好多客都叫了同一款包,於是問店員那個是什麼,原來是叫做Portobello Cheese Burger,經店員解釋,原來在Lunch time,加十八蚊,就有埋drink和fries,又ok喎。其實都看得出店員好忙,但那個說英文嘅外藉女店員仍然好nice好有耐性咁解釋比我知,抵讚!Portobello Cheese Burger: 個包好巨型,來到時未食已經聞到好香好香嘅菇味。隻Portobello 好大隻,有個包嘅直徑咁大,好多汁好新鮮咁。主角牛肉,牛肉味夠濃,夠多肉汁,加上芝士,真係好好味,是我食過城中最好味嘅漢堡。它們出餐比一般快餐店耐,但真的睇得出它們嘅認真,真係即叫即整,連bun都烘得脆脆咁,可以理解,好過為咗賺多d賣多兩個,就馬呼了事,難得!

本身唔係一個西餐人,仲要係漢堡飽,本來真係興趣不大,不過前晚經過加路連山道,碰見呢間Burgeroom,想起有好多朋友都讃,就即管一試吧!呢間嘢都有幾多聞所未聞嘅漢堡,軟殼蟹漢堡,帶子漢堡,都係第一次聴。我最後選了一個叫做portobello cheese burger(因為見到好多食客都點了呢個),同埋onion rings,加一支snapple飲品。portobello cheese burger~好大個,好香菇味,隻菇好大隻,有塊漢堡排咁大,隻菇好新鮮好juicy。牛肉漢堡排都做得很好,juicy得很,唔似係一間小小嘅快餐店做出來嘅牛肉,肉味和調味亦似一些酒店裏serve嘅自製burger質素相似。以我食過嘅m記,triple O,Burger king都難和它比較,都唔怪得咁多人讃。onion rings~也是逺比其他漢堡快餐店做得好,呢度嘅比較粗身,包在裏面嘅洋蔥唔會乾。snapple~就是snapple味囉,不過呢度就有好多見都未見過嘅snapple flavor賣。service~呢度雖然只係一間快餐店(無收加一),但服務就比好多收咗加一嘅食店還要好,店員亦很友善同有禮。