Burgeroom (Fashion Walk)

營業中

休息中

下午同朋友喺銅鑼灣搵食，朋友話想食Burger，我就醒起之前喺TST Burgeroom 食過唔錯，就帶左佢黎啦！Cwb依間都係工業風裝修，環境都舒服喔！2人點左：Double Decker 雙層牛肉芝士漢堡 $138Fish Fingers 鱈魚手指配他他醬 $48Honey spicy chicken wings $50Truffle Cheese Fries $62Coke Zero $20🔶Burger之前食過已經知道好大份，所以點一個share就剛剛好，可以食其他小食，雙層牛肉份量果然足料，好香牛味仲有勁多肉汁，唔會乾淨淨，好正！🔶鱈魚手指好耐冇食過啦，魚冇雪味，係即叫即炸，熱辣辣大家食既時候小心燙到咀啊🤣配埋他他醬酸酸地好對胃口！🔶蜜糖辣雞翼之前已食過，香口野都係想再食🔶Truffle Cheese Fries不得不讚，如果你好愛Truffle同芝士，依碟真係不得了，Truffle味濃又香，芝士多到不得了，我食唔停呀！朋友都話我冇介紹錯呀✌🏻

剛開嗰時見到好多人排隊，所以就算想試都因為懶得排隊而無試到。卒之咁啱星期日去開附近，又想食個late lunch，就同朋友入咗去喇。下午四點左右，舖內無咩人。有Happy hour set，每個六十幾蚊左右，見人哋叫咗都幾大碟，都係炸嘢加薯條，但由於我心思思想食個burger，所以就無叫到。試咗個Guacamole Cheese Fries 牛油果醬芝士薯條，呢個係有少少失望嘅。牛油果醬無咩味，整體食落有少少乾，雖然芝士味係有嘅，但最後我同朋友都係點返茄汁食就算，返而仲叫有返啲味同無咁乾。另外亦點咗個mushroom beef burger。呢個不得了，又真係幾好味喎。個beef好有肉味好juicy，啲蘑菇個味亦好香，連個麵包都好好味，整體嚟講係正嘅。最後要讚一讚佢自助拎醬料嘅設計，係提供瓷嘅容器而唔係膠碟仔，為環保出一分力，讚呀！

呢間漢堡包一直出現係搜尋結果既頭幾位今日一試唔失望但沒有喜出望外既感覺我地叫左個小食炸魚柳加兩份漢堡先講小食一開期望都唔大 諗住會係蟹柳既朋友點知一食係魚蛋既親戚一咬條柳完完全全同炸粉分離可以想像到魚柳幾煙韌就算無時間自己撈粉炸都搵間好啲既急凍商入貨丫到左主菜叫左菠蘿美式BBQ醬漢堡 係好食既！牛肉煎得juicy又林身肉味同菠蘿好夾 份量亦非常大完全係要將疊起既漢堡分層食係薯角比較油啲下次都會黎食漢堡包 但其他野就無信心試喇

第一次寫食評, 請多多指教~今日同朋友食左BURGEROOM, 即刻就想寫下啦, 因為真係好好食呀!佢地出左名好耐嫁啦, 一路都冇的起心肝寫, 不過今日個鵝肝漢堡真係幾好食呀~鵝肝漢堡雖然係貴少少, 但真係好好食, 佢地個鵝肝係煮到岩岩7成熟, 有少少JUICY, 牛肉都係7成熟, 好多肉汁, 芝士又香番茄又多汁, 真係唸番都流口水呀~~~個包都有烘過少少既, 所以係幾脆又好食!果汁都幾新鮮又解渴, 加左少少薄荷葉都幾唔錯喎!我下次會再黎試其他包包嫁, 88

今日約咗個friend去銅鑼灣食嘢， 雖然係禮拜四， 但銅鑼灣fashion walk食街已經充滿週末氣氛，好多人出嚟飲嘢食飯, 我哋去咗burgeroom， 哈哈，呢排想食吓飽飽！我鍾意呢間夠開揚, 有兩面大窗，見到陽光! 如果鍾意熱鬧d，又可以坐露天位。我老友係牛魔王, 凡食漢堡飽，必選牛肉。 我知道呢度除咗牛肉出名，仲有好多其他款式， 好似係魚 /海鮮/雞/鴨/素漢堡等等……。今次我哋就揀咗兩款廚師推介，一個係大烤菇芝士牛肉漢堡，另一個係軟殼蟹漢堡 。熱騰騰嘅牛肉漢堡， 用料好足， 牛肉成吋厚， 直徑有漢堡包咁闊！ 加埋芝士生菜蕃茄，夠哂豐富！牛肉上面仲一放咗塊名副其實嘅大烤菇(portobello), 厚身啖啖肉！我從來未試過食軟殼蟹做餡嘅漢堡包， 今次真係大開眼界! 實物比相大， 掀開個飽，見到成隻軟殼蟹， 好驚喜！ 。第一啖先食蟹爪， 好酥脆，完全冇油益味！食到蟹身，外脆內嫩， 好濃海水味，yummy!我哋仲嗌咗一個鱈魚手指配他他醬，炸 fish finger嘅火喉控制得好，外殼鬆脆，唔會炸得太燶乾爭爭!呢度最難得係唔收加一服務費， 佢有個自助服務枱，放齊調味料，餐具同埋水

今天同朋友來到這裡談天說地～事關呢到是一個閒聊的好地方呢～座低飲下野食下野～還好記掛著這兒的漢堡～不得不拉朋友來這裡食～朋友叫了個鵝肝牛漢堡！果然是主打的漢堡包～人人一見到都會想叫個來試下～牛肉超級多肉汁！配上芝士真係冇的彈！鵝肝是入口即溶咁（不過記得一定要一來到即食，咪會凍左，就冇咁好食！一定要即食！）呢個係牛油果🥑醬雞柳漢堡！牛油果🥑醬是永遠冇得輸！係呢到都好明顯係啦～雞柳超滑！多汁！絕對不會乾！真係好好味🤤🤤芝士薯條真係都冇得輸～超香脆～加上重味的軟芝士😋😋味道濃郁～薯條同漢堡都超級正🤤順便講一講，呢到個洗手間設計都幾特別～唔問唔知原來係洗手間～（都算幾乾淨）

星期五夜去咗食喺銅鑼灣嘅burgeroom ，去嘅時間大約7點半8點，大約等位等咗10分鐘。入座後即刻嗌咗芝士薯條、牛肉漢堡同大啡菇芝士牛肉漢堡各一客，三樣食物好快就到齊。薯條嘅芝士幾好味，但薯條就不夠香脆而且本身味道頗咸。至於漢堡包，哈哈唔記得影相，兩個漢堡嘅麵包皮幾好食夠鬆軟，可惜主菜牛肉就麻麻😩頗重胡椒味同埋太熟啦。埋單兩個人2百幾蚊，整體上嚟講，呢個價錢同食物嘅質素不太食正比，下次未必會再食。

想當年，我曾到跑馬地食過呢間，當年鵝肝牛肉漢堡只是$128？（差不多吧？！）這天再黎到呢度，環境漂亮多了，面積大左，座位多左但好逼，位置方便，價錢理想當然貴多了一倍，這裡卻高朋滿座，可能源於食物質素一直也持高水平吧？！自助式，自己走去收銀度落單，自行倒水，都幾方便！軟殻蟹漢堡雖然軟殻蟹依然香脆，但好似同漢堡唔夾，比較乾而沒有juicy 的感覺，算是合格，卻不是很討好大啡菇牛肉漢堡正！大大個！牛肉依然多汁又惹味，大啡菇都係Judy, 早知叫雙層啦！黑松露薯條雪藏薯條，雖然新鮮炸起但不覺得質感特別好，不過醬汁好正，原來是芝味黑松露，即時加分！個人認為埋單平過叫餐食，又多元化！

中午走到百德新街， fashion walk street 內,秋天天氣涼爽，最好就係去嘆個outdoor lunch. 之前，一直有留意burgeroom，好多人食過，都話有好多特色嘅漢堡包款式， 今日我就一於試吓，我點了一個新嘅招牌漢堡，鵝肝牛肉漢堡包，配上芝士松露薯條、特製冰桃茶，作為一個豐富嘅午餐。鵝肝牛肉漢堡包，鵝肝非常之有水準，外脆內軟，食落去鵝肝嘅油香味，充滿了着整個嘴巴。牛肉分量，屬於重量級，牛肉兩一啲都冇欺場，牛肉有啲筋，但總算有趙口，加上牛扒煎後，仍然保留肉汁，實在回味無窮啊。另外芝士松露薯條，松露嘅分香、芝士嘅濃郁，配搭出特別野味，值得一試。更加要讚嘅係蜜桃冰茶,清新又唔太甜，非常解渴。等我下次再去幫襯下其他款式嘅漢堡包先！😊

鋪頭位置有啲難搵，行到去Kate spade見到food street，再行入去就會見到burgeroom係lady M隔離，我同男朋友都搵左10分鐘先搵到😖😖😖去到都8:45，鋪頭內有唔少吉位，可以選擇坐indoor/outdoor，見到outdoor有啲客人食煙，所以我簡左indoor鋪頭採用自助形式，自己出去cashier order食物/飲品，出面都有番茄醬，tabsco等可以自行索取。Bacon Cheese burger $88Burger好大件，為左方便客人食，分開左兩半。材料尚算豐富，有番茄🍅、芝士、千島醬，生菜中和油膩的肉類，亦有煙肉，牛肉。牛肉juicy，但有少量筋，亦欠缺牛味。煙肉較乾，幸好有芝士伴著。Melted Cheese Twister Fries $50Twister，故名思義即係扭扭薯條，係久違無係m記出現既扭扭薯條🍟！配上芝士汁，薯條非常入味。可惜芝士汁不多，有啲薯條沾唔到，就只好點其他sauce～食食下覺得太口乾，就買左支snapple😛 $28 有好多味簡，我就簡左mango tea～食物正常，無想像中既好食，但都above average，價

行完街肚餓見到burgeroom 居然唔使排隊相信冇乜人未聽過burgeroom因為真係CP值極高出晒名銅鑼灣分店可以選擇坐室外或者室內最衰今日天氣唔係咁好 有少少雨如果唔係呢排涼涼地坐戶外一定好舒服今次我要試雙鵝肝牛肉漢堡價錢雖然相對唔平 但真係物超所值兩大塊鵝肝都好肥美鵝肝面頭少少脆 入口即溶 包入面嘅芝士都好濃 牛肉JUICY 一啲都唔乾食落去雙重口感 呢個漢堡包真係絕對推介今次嘅小食揀咗雪魚手指配他他醬熱辣辣 $48份量一啲都唔小唔算太油膩 口感爽口 配搭他他醬永遠都係絕配

是日午餐到銅鑼灣食漢堡. 雖然是100蚊一個包但本人都覺等是物有所值的. 點了一個蘑菇牛肉漢堡加多一個芝士薯條. 先講蘑菇牛肉漢堡, 真的是很大個, 很厚, 相信一般人都好難可以一口咬晒成個包. 牛肉十分多汁肉嫩,蘑菇數量亦很多,加上厚厚的蕃茄確實令到整個漢堡非常可口美味. 芝士薯條亦不錯, 只是略嫌芝士醬重手了一點, 令到薯條有點過濕, 但味道都是不錯的. 食完真的飽到上心口. 所以雖然百幾蚊但性價比還是很高的.

這天被安排到銅鑼灣當跑腳，反正來到便來一份豐富的午餐。這份漢堡不便宜，但裡頭有一大片肥美的鵝肝及一隻巨大完整的軟殼蟹，真的十分美味！漢堡包的麵包有彈性，鵝肝軟綿綿，軟殼蟹脆卜卜加上套餐包括薯條及飲品。我覺得粗薯條味道是可以的，但若果可以炸得更香脆會更好！飲品是榛子拿鐵，咖啡圖案有點普通。拿鐵咖啡味不重，奶味比較明顯。這裡的環境十分舒適、休閒。在陽光明媚的下午，利用午飯時間享受一份如此美味的漢堡，真的十分滿足！

難得閒日有假放，揀左去旺區銅鑼灣輕鬆嘆個下午茶，走入fashion walk food count，有好多餐廳選擇，最揀左burgeroom，俾佢門口個雙層漢堡吸引住一去到門口已經有大大塊餐牌研究左一輪餐牌，勁多款漢堡，心大心細，好多都好吸引，最後都係揀返最基本的雙層牛肉芝士漢堡啦加$30仲可以有埋薯條同飲品👍🏻另外叫左鱈魚手指同單骨雞翼餐廳係自助形式的，揀好食咩就去收銀位落單就可以啦旁邊有自助醬料區，鐘意咩醬自己拎就可以。點完餐大約10分鐘左右就有野食啦鱈魚手指配他他醬，魚手指好真材實料，炸到岩岩好，外脆內軟，上臺時又夠熱唔會冧晒，另外單骨雞翼一樣炸到好鬆脆，唔會覺得炸粉好厚，而配蜜糖介末醬感覺又幾新鮮，味道又幾夾，單骨又好容易食，忍唔住一口接一口到主角漢堡出場啦一上臺忍唔住嘩左一聲，「嘩」好厚丫塊牛肉漢堡，仲要兩塊丫係厚到無辦法一淡咬到，牛肉漢堡肉質鮮甜，又多汁，雖然好厚但都唔會覺得好膩，再配上新鮮的番茄蔬菜同獨特的醬汁，令人每一口都感到好滿足！下次要試埋其他漢堡

啲burger肉汁好多好juicy 係一咬落去就流出嚟 材料好Fresh 係芝士就唔係咁 good quality 食得出係超級市場買嗰啲一片片芝士 but overall not bad. 另外 嗰個牛油果蓉芝士薯條就唔係特別推介 個名好似好吸引 但係啲牛油果係打到爛晒成Pat屎咁 又唔係話特別fresh 但係如果就咁薯條來講都算可以