Burgeroom (美麗華廣場1期) (已結業)

上星期喺尖沙咀同朋友逛逛街，我朋友提議去美麗華商場試下一間漢堡專門店，佢話呢間餐廳經常都排滿人， 於是我哋一於去試試！ 因為時間尚早大約六點半，未算太多人，都唔駛等位！美式裝修設計，自助式先付款，食物有侍應送到枱面， 半自助感覺簡約！餐牌選擇好多，除咗漢堡仲有其他小食！我們點了:大烤菇芝士牛肉漢堡 呢個漢堡包非常巨型 大啡菇，芝士及牛肉都好夠份量好juicy並且能夠鎖住肉汁，一個漢堡兩個人share 都夠食！香脆單骨雞翼配蜜糖芥末醬 送上枱時仲係出曬煙熱辣辣， 每隻雞翼細細隻，單骨方便食！芝士旋風薯條 芝士混合薯條口感唔錯!

最近新年飯局非常之多！ 但一般以中菜為主～又係時候搞搞新意思食下漢堡包～～ 如果要數最好食嘅漢堡包~ 在人妻心目中， 呢一間舖頭一定榜上有名！ 首先佢坐落起大商場之中 ！而且枱與枱之間～有足夠嘅空位！ 就算一大班人聚會都唔會覺得迫夾首先店員會畀一張餐牌你～ 坐低慢慢睇完自己要食咩之後！根住就自己行去收銀處俾錢～ 最後就可以坐返埋位慢慢等食啦~如果係優惠時段～可以加三十蚊配套餐食咁就會多一份薯條同埋飲品！強烈建議大家配餐～因為食漢堡包點可以少咗汽水薯條首先軟殼蟹漢堡包！側邊嘅薯條新鮮而且熱辣辣，裏面食到豐富嘅薯仔肉～ 點茄汁一流！而軟殼蟹包包十分高身足料 而且炸得啱啱好，乾身唔厚粉 配埋蕃茄生菜同沙律醬起到一個平衡嘅作用！食落口唔會太油～ 而且個包唔會因為加咗蔬菜而濕立立！ 值得一讚呢個包就巴閉啦！！！ 我都有我成隻手咁高～ 本來我想一啖試下咬曬落去 但最後都畀我老公仔阻止咗～ 因為個包實在太大～佢驚我下巴甩骹～ 包包並唔係普通的 麵包，它有淡淡的甜味～漢堡肉在上檯嘅時候已經不斷有肉汁湧出來， 不但鮮嫩多汁而且有肉味， 足足有多過一蚊銀 打直咁厚 大菇嘅味道亦非常濃郁， 口感非常豐富！！

好耐冇食漢堡包，今次特登叫左個特量芝士牛肉漢堡，加埋炸薯角，再要多個牛油果醬芝士薯條，一於食餐勁，最快上枱嘅係炸薯角，粉量唔多，亦冇任何醬汁，原汁原味，跟著到個薯條嚟到，開頭諗住得少少牛油果醬同埋少少芝士，點知出乎預料，啲牛油果醬同埋芝士鋪到滿曬喺薯條上面之外，薯條下面都見到有芝士，主角特量芝士牛肉漢堡上枱，雖然size冇我想像中咁大，但試嚟試去始終唔可以一啖過咬落去食，當然食到一手都係芝士加醬汁，咪食手指咁食埋手指上嘅芝士攞。

難得可以收早，就緊係要約下老公拍下拖！行街食下飯！突然間好想食🍔🍟就諗起之前有個朋友極力推介左呢一間burgeroom 仲要係我公司附近，所以就去左呢到食下餐廳環境帶點美式風格，燈光較為柔和，配上音樂！感覺都幾舒服！坐位闊落，不會太迫促！呢到是要行去櫃枱，叫野食的！買完個店員會即時俾呢個感應器你，個感應器是給你放回你坐位，枱上側邊的位置！之後店員就會送餐前來黑松露芝士薯條，薯條即叫即炸,香脆可口，配上黑松露芝士，好味，但黑松露味道不夠突出！如果味道重返少少就一流香脆單骨雞翼配蜜糖芥末醬，雞翼很香脆，肉汁鮮嫩有少少辣的，好惹味！鵝肝牛肉漢堡，沒想到份量頗大，賣相好吸引！材料都好豐富！麵包的表面有微微烤過，牛肉勁厚勁juicy,同埋鵝肝油脂豐富，加上煎得面層香脆，好好味！

以前食漢堡包，總給人一種食cheap嘢食垃圾的感覺，因為以前漢堡包店幾乎只有M記，但今時不同往日，莫說連鎖漢堡店不只Ｍ記，近年亦多了很多精品漢堡店，雖然一個漢堡索價近百元，但依然有很多食客追捧，因為他們都是追求有質素的漢堡。Burgeroom可算是香港其中一間成功的漢堡店，即使索價比Ｍ記貴兩三倍，每晚依然坐爆，試問如果冇返咁上下質素，你會多付兩三倍價錢食一個漢堡嗎？＊＊＊＊＊＊＊＊＊＊＊多年前已經食過Burgeroom銅鑼灣分店，尖沙咀店是第一次去。店面比銅鑼灣店大，座位亦較寬敞。店內以車軚和貨櫃做主題，給漢堡店增添了一份型格元素。是晚7點未到已經坐座，所以只有三數枱食客，但見有多張枱都已放上Reserved牌子，而侍應亦於入座時叮囑我們繁忙時間要八點離座。作為一間漢堡店，Burgeroom的漢堡選擇都幾多，主要分為牛、魚及海鮮、雞和素四大類，超過三十款不同漢堡，另外亦有提供小吃和沙律。飲品選擇亦豐富，有酒精和無酒精都有。Iced Peach Fruit Tea($38)Peach Fruit Tea不會太甜，茶味夠，少少微酸正好可以清去漢堡包的膩滯。Rose Chocolate($4

一直都想食呢間既burger 今日就特登趁睇戲之前早少少食 （6:30pm)咁就唔駛同人迫而且仲有大把位揀啦😬其實真係好難揀呀因為有太多嘅唔同既口味選擇啦 最終我揀左有呢度最出名既鵝肝burger呢度嘅服務係半自助嘅 你去櫃檯買完野食之後 當個餐ready既時候 侍應就會拎個餐俾你啦 所以佢唔駛收加一服務費架〰️雙鵝肝雞柳漢堡〰️首先要讚一讚佢呢間野真係好有細心 因為通常一個burger都係一啖食唔晒要分開食嘅 佢呢度既burger已經係切開咗一半 咁我同豬豬男朋友share都易d呀ma講下個重點鵝肝先啦 煎得好香而且好肥美食十分軟滑 令人每一啖都好回味個種香口但唔膩既感覺我揀咗雞肉係因為我另外一個係牛肉burger所以我想試吓其他唔同嘅 好彩佢都冇令我失望 雞柳亦煎得剛好 唔會覺得好鞋 用個包夾住連埋d沙律醬食就最正喇〰️鮮磨菇牛肉漢堡〰️因為呢個比上面個個睇落好似薄少少咁 所以我諗住可以一手拎起黎食 點知個舊厚厚既牛肉必’晒d汁出黎 果然好juicy 呀 我唯有繼續扮斯文用刀义食啦😂牛肉好有分量之餘 個牛味都好濃嘅 而且我好鍾意佢呢度個包係有煎一煎 厚切既蕃茄一d酸都冇 成個包既味道好夾

小妹同朋友黎果時係平日大部分人要番工既中午，所以唔算特別多人。坐既位都闊落，同朋友一直食飯都可以好舒服咁傾計。因為要自己出去落單，同大多數漢堡包店一樣都係無收加一服務費。不過依然有人送餐，唔會太麻煩。大烤菇沙津非常大份，兩個人share一份都已經有少少飽。整體感覺好fresh，少少既酸味加上爽脆既蔬菜作為前菜好適合。烤菇亦都好香，唔會因為沙津而令到味道變得好單調。喺食漢堡包之前有佢開吓胃唔錯。軟殻蟹漢堡隻軟殻蟹有啲大，食既時候可能要豪邁少少！醬料同軟殻蟹好夾，一啲都唔會覺得炸過既蟹好油，入口一啲都唔覺得heavy。加埋有充足蔬菜，一啲都唔會偏食，而且口感會更加豐富。牛油果醬芝士牛肉漢堡 （加Lunch Combo：粗薯條＋飲品）薯條既薯仔味幾濃，炸得都算脆，一人份黎講都算幾大份。牛油果醬味道唔算突出，加埋芝士既creamy感覺同juicy既牛肉非常夾。整體好平衡，一啲都唔會太heavy。對比起其他食漢堡既地方，burgeroom既價錢唔算好貴。每份食物既份量亦好足夠，基本上加埋薯條同飲品連小妹好大食既朋友都覺得有啲飽。無加一既情況下價錢都算經濟實惠。再加上漢堡入面有份幾大又好夾既蔬菜，

上星期去左試我想試好耐既burgeroom😊近近地就尖沙咀美麗華呢間，去到環境好好又有氣氛見到bar 枱有一個人去既食野飲酒，就算同朋友或者情人去係一個好好選擇，服務員見我地兩個拎咁多野好細心俾左四人枱我👍🏻講講食物先 我呢個胃食人最鐘意食西式漢堡 就黎個軟彀蟹漢堡包$108🍔嘩好鬼大隻 蟹肉勁多好好味💯好小食到咁高質漢堡！正正.之後就黎個單骨脆香雞翼 around $60值得推介 加埋芥末醬 十個讚 好好味兩個人一定唔夠食 叫多碟🤣🤣蘑菇沙律🥗$around68好有蘑菇味好香 好清爽 碟碟都好用心整 價錢又唔貴!再加埋飲品正正子～～我個人覺得食西式野唔叫飲品好dry 哈哈😄飽飽 下次再食其他！

是日年初三同朋友來到美麗華的burgeroom, 環境都算闊落。餐牌上還有各款各樣不同的burger俾你選擇，而且亦都超過30至40款，如天天來可以食足1個月試晒各種款式🤣🤣小食方面都很多選擇，有雞翼， 洋蔥圈，等等.....薯條都有四五種口味,真係不得了。 職員服務態度表現也友善，有任何問題都即刻回覆， 速度甚快。 食物賣相同味道都係非常之高水準， 服務員送上burger， burger上是不斷滲透肉汁出來， 非常 juicy，burger 份量十足根本一個女士是沒可以吃完的，如想再吃其他小食，所以我跟朋友order一個burger, 再order多點小食。當日order了 大菇香烤雞肉漢堡，單骨炸雞翼，吉列炸蝦沙律同黑松芝士薯條，通通味道都很好。價錢方面算是合理價，而且比某間burger house便宜一點，Burgeroom真是喜歡食burger 的朋友不錯的選擇，我也會再來的。

nice atmosphere and environment. food taste good and big portion. had the soft shell crab burger and guacamole fries and my friend had the portobello burger. but price is on the expensive side. a lot of choices on their menu. have to order at the counter and pay the bill first. but food comes out fast and service is very good and efficient.

由細到大都好鍾意食burger嘅我，無理由唔去一間成日都聽到又好出名嘅burgeroom,店舖位於美麗華商場入面,所以好易搵,好方便因為好近地鐵站,入到去原來係自己去購買，非常方便。墨西哥辣椒芝士牛肉漢堡：個麵包非常之軟熟，厚厚嘅牛肉，夠曬多汁，香濃芝士再加拉斯,加入埋墨西哥辣椒,好醒神，如果鍾意食辣嘅人士必食。香脆單骨雞翼配蜜糖芥末醬:生炸雞中翼,因為單骨原因,所以好方便食到，吾洗用手，外層好夠脆，蜜糖芥末醬味道好突出，芥末味唔會蓋過蜜糖味，必食推介。

又到左產檢日子，即係又到左我獨處的好機會~有一個多小時的午飯間~黎到美麗華Burgeroom~空間感十足！ 因為平日2點人流唔算多~每位客人都可以自成一角~！銅鑼灣分店已經幫襯過幾次~尖沙咀分店明顯裝修更靚~空間更大~點左墨西哥牛肉芝士漢堡&芝士璇風薯條芝士璇風薯條好快就上台~初時有d擔心~ 咁快上台會唔會唔新鮮？！結果係我太多疑~ XD璇風薯條又脆又熱！加埋濃郁芝士醬真係食唔停口~食左1/3開始有少少漏，再問店員拎茄汁~Hehe 加左酸甜茄汁又再滋味d！墨西哥牛肉芝士漢堡烘到香脆的麵包，揀上牛油~入口都幾香牛油味~牛肉點上全熟，但依然有肉汁~ 微辣的沙律醬都幾開胃~唯一係墨西哥辣椒唔多辣….平時墨西哥辣椒，通常都辣得過癮~今次有d奇怪~~

呢間漢堡曾經光顧過，D漢堡牛肉有質素，用料新鮮。今日又一個人來食漢堡，我好鐘意呢度D環境，成間美式酒吧格局，入面放了車辘做裝飾，牆上有幅大壁畫，好潮又好玩的裝修，重有一張大Bar台，坐下來慢慢嘆漢堡好寫意。今次點了大菇芝士漢堡，我唔知呢隻係咩菇，但好大隻，菇味好香好濃烈，但同溶了的芝士味道好夾，再食埋個超厚漢堡牛肉，爆汁的，牛味濃，加埋D芝上，我想我呢一刻好味道到變左神仙!今次試了snapple蜜桃茶，好正又好香桃味，少少酸，原來同漢堡好夾! 個人覺得味道夾過coke。

My wife and i are burger lovers, so we were planning to have burger for dinner tonight. Burgeroom is famous in Hong Kong for their varieties of burgers and are always fully packed. tonight we planned to visit their Tsim Sha Tsui branch. It was located at Mira Place One, just couple of minutes walk from Tsim Sha Tsui MTR.Their menu offered mainly burger and have beef, fish, seafood, chicken, duck and vegetarian etc. Besides that, they served side dishes, salad and drinks as well. Watermelon juice

位於尖沙咀美麗華的BURGEROOM位置十分方便,好多牆上壁畫,不用再去到銅鑼灣都食到,而且地方夠大,坐得好闊落。想好要食咩之後就可以出去收銀處落單,之後俾個感應器你,番埋位等菜式上枱就OK。兩個人食兩個包會好飽,所以叫一個之後叫其他野食下ROSE CHOCOLATE,食到滿口的玫瑰芬芳,朱古力香甜,估唔到幾夾~!大烤菇芝士牛肉漢堡,Burger一向出名大份, 漢堡非常貼心的幫客人一開二。烤菇都好夠 juicy!煙肉煎得脆口,牛肉唔會"鞋口",牛味濃的肉汁流入漢堡包中,好好味呢!!睇下!!唔分開食好荏難一啖就食得曬~~ALL DAY BREAKFAST滑蛋嫩口軟滑,烤菇軟冧冧,好多汁,薯粒份量都幾多,仲係熱騰騰的鱈魚手指配他他醬,他他醬真係好好味,無出面食果D咁酸,無咁膩,而鱈魚炸得脆卜卜,內面既魚肉非常滑,一點都唔腥,仲出緊煙,係本人最喜歡的小食之一