Burgeroom (美麗華廣場1期) (已結業)

好驚喜，今次朋友帶我黎食巨型漢堡包！位置係尖沙咀美麗華廣場，出地鐵站行過去幾分鐘就到。餐廳格調好似酒吧咁，侍應都好有禮貌安排位置比你坐，野食就要自己出去買！坐低左即刻睇下揀咩漢堡好，漢堡都有好多款有牛肉，海鮮，魚，雞同鴨類，我就叫左個新既蜜糖芥末大烤菇煙肉牛肉漢堡，而朋友就叫左個雙層牛肉芝士漢堡！嘩，漢堡一黎到真係好大個，餐廳會預先幫你切開一半等你食得方便啲！塊牛肉超juicy,咬落去勁多肉汁，好有牛味！大烤菇咬落一樣多汁唔會好乾，配埋生菜同蕃茄，食落唔會太肥！而朋友果個雙層牛肉漢堡仲巨型，仲要勁多芝士，而底層會配上千島醬，食落口感超級豐富！一個人食都差啲食唔晒😂食完好想再encore🤤

有晚系尖沙咀行到8點幾,見周圍食店都咁多人排隊,於是就簡左呢間專食漢堡黎食,入去坐底就有本菜單比你簡,一個包最便都要90蚊,我就左個芝士牛肉漢堡,加埋芝士薯條,再加埋一罐黑啤,總共夾埋170蚊左右,系櫃台排完隊再拎埋張飛番去果位到,咁就用左15分鐘,可能要煎牛扒既關係,再起碼要等多10分鐘,冇咩耐性既話,都會餓到臉都燶.食物就唔系特別出色,但個個都話夠飽,而坐位及環境都算舒適.

今晚男朋友帶我去食burger🍔，夜晚7點去到，已經有幾個人排隊，還好裡面的座位都算多，等左5分鐘就有位啦，座位之間都寬闊，環境坐得舒服又夠chill！Burger種類好多，就算唔食牛，都仲有魚柳、海鮮可選擇。Burgeroom係先睇menu，揀好哂之後出去cashier點餐，之後坐定定等職員送餐。芝士旋風薯條熱辣辣的脆薯圈，芝士醬味香濃又唔覺膩，加埋好match！好味到停唔到口！鱈魚手指配他他醬炸魚條和醬比較中規中矩，食唔出係鱈魚，好似平時茶餐廳下午茶果d咁，味道沒驚喜。蜜桃冰茶有時候沒有期望，反而會有驚喜，蜜桃味香又不會太甜。大烤菇芝士牛肉漢堡超愛吃大啡菇的我，所以就算有選擇困難症，今次都9秒9揀到，必食大烤菇芝士牛肉漢堡！烤菇菇味濃郁，牛肉肉質juicy，加埋少少芝士真係perfect match！有d生菜同蕃茄，所以食完都唔會好膩。特量芝士牛肉漢堡男朋友就揀左呢個，分別在於冇大烤菇，但勁多芝士，其他餡都同我揀果個漢堡包一樣。

雖然尖沙咀經常俾人覺得係美食天堂，但我成日都覺得係尖沙咀真係好難搵嘢食。今日行街行到真係好攰，搵嘢食只係想搵到一間唔使排隊，就可以有嘢食嘅。行到嚟美麗華呢間餐廳，時尚既裝修吸引到我喎。叫咗一個鵝肝魚柳漢堡、一個黑松露薯條、同埋一支啤酒。先來左個黑松露薯條，黑松露份量相當多，黑松露嘅味道親埋去芝士，係有一種好奇妙嘅化學作用，令到原本無味嘅薯條層次豐富左好多，雖然佢份量都唔細，但係食完之後冇好飽嘅感覺，一邊食薯條，一邊飲啤酒，滿足食慾之餘仲有一啲放鬆嘅感覺。跟住你就一係鵝肝魚柳漢堡，先最吸引眼球就係頭果塊厚厚的鵝肝，鵝肝下面有番茄生菜同埋好大塊的炸魚柳，同埋其他嘅配菜，鵝肝味道濃郁，食得出係高品質嘅，魚柳都冇雪藏味，份量相當大，滿足嘅一餐!

今日同朋友去過尖沙咀，途經見到依間叫burger room的西餐廳，環境夠舒服，地方也夠大，裝修又好，令人有好舒服的感覺，好自在。於是入內進食。坐得又舒服。至於店員也好有禮貌，又有善。叫咗個漢堡，漢堡買相好吸引，個包份量又大又好味道，漢堡好多汁，又夠厚，口感非常好。漢堡內的菜和番茄也很新鮮，材料很好，另外叫咗個芝士圈，好多芝士，好香，又夠熱，即炸出來的，睇見都好開心。個人認為這個是必食的。另叫咗炸雞翼，雞翼又新鲜，又熱熱地，好香，口感非常好。飲品方面，叫咗杯泡沬咖啡，同樣也非常有水準，咖啡味又香又濃又滑。综合各方面，包括食材，環境，價錢及店員態度，個人必定再來光顧。值得在這裹讚一下。非常滿足的一餐。

今日難得放早，緊係要避開多人嘅時間去試好野。 個個同事都話Burgeroom 好好味，今日終於到我去試啦，Yeah!同朋友一人一個漢堡，店員會幫我地切開一半，咁就兩款都可以試晒，太好了。叫左特量芝士牛肉漢堡($108)同埋大烤菇芝士牛肉漢堡($108)。兩個漢堡都好足料，包非常鬆軟，牛肉好厚，一啲都唔乾，一路食啲汁會一路滴出黎，好好味呀!! 特量芝士漢堡嘅芝士真係多到流出黎👍🏻 而大烤菇漢堡嘅菇烤得好香，但又唔會蓋過牛肉嘅味道👍🏻另外，仲叫左牛油果醬芝士薯條($62)，本身想叫黑松露芝士薯條，但牛油果薯條好似特別啲同埋感覺上健康啲😆果然無令我地失望，熱辣辣香噴噴嘅薯條好脆口，牛油果同芝士薯條意外地夾。我地仲叫左蜜桃冰茶，每一啖都飲到蜜桃肉，正! 今餐非常滿足🥰

約左朋友食飯，諗左好耐都唔知食乜好，經朋友介紹即日經openrice book左呢間Burgeroom！叫左3樣嘢食同朋友share！😋😋大烤菇芝士牛肉漢堡:好大個，如果1個人黎食完個漢堡應該已經食唔到其他嘢，塊牛肉好juicy，塊菇都好好食，反而芝士味唔係好出😂牛油果醬芝士薯條:唔係想像中嘅味道，啲牛油果醬有啲怪但芝士同薯條係好食嘅，又脆又熱辣辣，不過下次如果再黎會試芝士旋風薯條鱈魚手指配他他醬:有驚喜，啲魚食落好滑，仲有少少肉汁

第一次來食的時候，第一眼望到個包完全呆了，對住個巨型漢堡包有種無從入手的感覺，唔知由邊到開始食好，但望住d肉汁唧出來的時候忍不住呑了啖口水，然後就開始切來食我食的是雙層牛肉漢堡，一塊牛堡已經好厚，仲要兩塊一齊，食完整個感覺都很滿足，如果細食或者眼闊肚窄的朋友們建議你跟朋友share會好少少，因為一個人食完一整個漢堡真的好飽好飽好飽。另外仲有芝士瘋圈都值得推介，可能我本身自己都愛食芝士，所以自然為呢個薯圈加分。

美麗華2樓有好多好食店，但係我成日覺得佢似迷宮咁，唔容易揾。依間burger room 好大間，冇加一服務費佢啲漢堡包分咗牛肉，海鮮同魚，雞同埋鴨仲有蘇菜類，有成三十幾款漢堡包可以揀，佢午市仲可以加$30就有薯條加飲品依個蜜糖芥茉大烤菇煙肉牛肉漢堡包，有成寸厚嘅漢堡扒，同個包一樣大嘅烤菇，仲有兩篇厚切番茄同埋煙肉親買薯條非常之飽。個自家製蜜桃冰茶有果肉起底幾好飲朋友個雙層牛肉芝士漢堡，有兩個一寸厚嘅漢堡扒再加埋芝士大份到食唔晒，非常之多肉汁

今日happy Friday 就同男朋友去食burger la. 因為太肚餓啦，一坐低就睇下menu先。呢到呢就係self service 既，我地揀好食咩就去cashier落單就ok啦。今次揀左芝士大啡菇牛肉漢堡，墨西哥辣椒牛肉漢堡同一份牛油果醬芝士薯條。坐低等一陣就有專人送黎比我地食la.嘩！個牛肉漢堡好大份呀，要禁扁d先食到，牛肉味好重又唔會好騷，仲有d芝士好夾，大啡菇又好多汁好juicy. 而個牛油果醬芝士薯條直頭係令人食完一條又一條呀！

今日難得四點放工，同朋友係尖沙咀行街，行行下經過<Burgeroom>，見到menu上既漢堡包好吸引，於是決定入去食個tea！打開menu，見到至少有30多款漢堡包，甚至連素類漢堡包都有！最後，我同朋友分別點了墨西哥辣椒芝士牛肉漢堡($92)，牛油果醬芝士雞柳漢堡($92)及布里芝士餅($50)。由於午市可加$30配薯條及飲品，所以我地轉成套餐，各自配上咖啡。另外，餐廳服務為半自助形式，需要自行到櫃枱落單，所以免去了加一服務費呢！等左不足十分鐘，所有食物飲品就送上了！由於芝士餅同薯條新鮮炸起，所以我地第一時間趁熱食！芝士餅一盤有五條，一咬開，就食到入面既拉絲芝士，岩晒我呢個芝士控！而薯條雖然跟套餐送，但份量一點也不少，同朋友一邊傾一邊食就最好！至於主角漢堡包，佢既size比我想像中大，而且用料絕不馬虎，牛肉厚身得黎不會韌，咬一口就湧出大量肉汁，非常juicy！我最欣賞餐廳貼心地把漢堡切成一半，方便食客拎上手食，更方便同朋友share！至於另一款雞柳漢堡，雞柳既肉質非常嫩，同樣亦有大量肉汁，再配上比較少見既牛油果醬，味道出奇地夾飲品方面，我就點了cappuccino，味道

一向喜愛吃美式漢堡, 早前相約朋友到尖沙咀的burgeroom開餐。還未到晚上7點, 門口已經大排長龍, 等了大概15分鐘才獲店員安排座位。burgeroom座位雖然不算窄, 但由於人流很多, 所以出入較不方便。當決定好想點的漢堡後, 就可以去櫃臺點餐。大概等了15分鐘, 漢堡才送上。以108元的價錢來說, 並不便宜, 但軟殼蟹的份量很大, 所以有少少物有所值的感覺。漢堡已經預先切開兩半, 方便進食。面包表面有不少芝麻, 所以咬下去會吃到芝麻的香味, 亦令面包更有咬口。除了主角軟殼蟹外, 還有不少配料例如蕃茄和酸瓜, 醬料則用了burgeroom自家製的他他醬。酸酸甜甜的他他醬意外地和軟殼蟹非常配, 既中和了炸軟殼蟹的油膩感, 亦令人胃口大開口。整體來說, burgeroom出品的漢堡賣相吸引, 而且味道不錯, 可提供的款式又很多, 相信之後會繼續支持。

不同種類的漢堡包而家開到成行成市，比較好食的我覺得有呢間burgeroom.一個月自己總會食一次，今次帶埋女友過來，位於尖沙咀美麗華廣場，餐廳裝修好型格，用車呔圍繞做主題，坐低見到個menu價錢略貴，但漢堡包的款式有牛肉，魚同海鮮，好吸引我分別叫左鵝肝牛肉漢堡，份量十足，鵝肝煎到香脆，牛肉真是好juicy.濃厚的芝士，包底仲有外脆內軟的。松露芝士薯條，金黃色的薯條，外形己攞満分另外叫埋個蜜味辣雞翼，炸到脆口的雞翼，肉質咸香，最後加杯香濃口味的菠蘿冰茶，呢個餐真是食極也不厭！

有老友食過介紹話價錢公道，份量足又幾好坐，今日阿仔在附近上完英文堂就行過嚟食burger dinner (原來佢個外藉阿Sir都話食過幾好食)～睇完餐牌價錢都算好fair親民，尤其對出條巷的食肆應該貴多了，哈哈我地揀好就去收銀處落order, 如果要樽裝飮品是自取的，我地叫咗一個鵝肝牛肉漢堡、一個蜜糖芥末大烤菇煙肉牛肉漢堡、一個鱈魚手指配他他醬和一杯iced caramel chocolate~冇問我地牛肉要幾多成熟但牛肉夠厚夠juicy! 我仔食鵝肝牛肉漢煲話夾了鵝肝仲香仲滑～ 澎湃嘅芝士同醬汁係小朋友至愛，佢話下次都要加鵝肝咼～Fish fingers係應酬我仔的，佢本身就愛吃炸魚，好唔好食？仔只分了一件比我囉我個honey mustard portobello bacon burger!高到我咗幾次都冇可能一口咬下～ 最終要「瞓」低易入口D！份量足到呢～見到都垂涎欲滴，個醬芥末味不太重，牛肉juicy, bacon脆，正！$108性價比不錯有自助清水提供，service也ok! 下次試其他味

今日係尖沙咀見客，見完客就約左女朋友係美麗華附近逛逛，行完街之後見到Burgeroom,就諗起自己其實都好耐冇食美式漢堡，加上餐廳迎面撲來既陣陣香味，就食指大動。餐廳係美麗華商場二樓，半自助形式既，入座後侍應好快遞上menu,然後告知我地要出去cashier買單，同埋水同配料要係自助吧臺自己拎。環境好寬敞，坐得好舒服！我地兩個人叫左兩個餐加份小食。我叫既係Jalapeno Cheese burger+鮮奶咖啡+粗薯條。辣味牛肉漢堡，墨西哥風味！啖啖juicy!! 份量好足夠！女朋友叫既係Guacamole ChickenBurger+ Cappuccino 。雞肉好滑嫩，配上好美式風味既醬！至於兩杯咖啡方面我鍾意latte ，水吧沖cafe有一手，值得一讚。小食就叫左炸芝士條，呢樣就比較普通。建議兩個人既話叫兩個餐，或是一餐配一小食，會比較划算！