Burgeroom (美麗華廣場1期) (已結業)

最近武漢肺炎都少咗好多人出街，咁岩經過諾士佛台見到好少人，d餐廳都係空空如也，突然好想食個cheese burger 同埋飲杯Asahi,所以二話不說同個朋友入咗去burgeroom 我哋一人叫咗一個cheeseburger同一個黑松露薯條，仲另外叫多咗兩杯啤酒，啤酒就冇乜特別啦，間間酒吧嘅draft beer 都係咁嘅味㗎啦，個黑松露芝士薯條好重芝士味亦都好香口，而個漢堡包好有牛肉味，芝士味都好濃，同埋個牛肉夠Juicy，價錢黎講一啲都唔貴，性價比幾高如果食飯飲嘢傾偈呢度係係唔錯

假日梗係無咁早起身🙈活動得黎已經晏晝三點幾既事，出開尖沙咀就試下呢間網上都幾好評既burger餐廳，叫左兩樣野二人分享，另外有promotion啤酒都係加$39 🍻大烤菇芝士牛肉漢堡 ($110)叫左呢個餐廳推介，落order到上碟都幾快，可能係晏晝4點既關係。一黎到覺得：嘩，好高呀個burger ，由於餐廳已經會自動幫顧客將burger開半，所以係免去麻煩唸點切既問題。但同時個burger太高，令到一拎出黎，已經成個會倒塌，根本做唔到拎住黎一次過咬佢個層次既效果，變相係分開左黎食。而烤菇唔算juicy ，牛都煮得有d 過火，無咩肉汁咁。整體上係可以，但口感上就係唔夠豐富，層次有啲薄弱，老實講，有啲唸起坊間快餐店既磨菇安格斯。🍔🍔🍔牛油果芝士薯條 ($62)個醬算幾夠蘸，係墨西哥牛油果醬，相當清新，初頭以為咁少芝士，但原來溶左好多係個底度，呢個味道都好好，而且薯條都幾多下。🥑

之前同朋友食過一兩次今次就帶埋屋企人嚟食🤪叫咗兩個burger🍔🍔一份薯條🍟一個牛肉burger一個雞柳burger，照舊係咁大份咁好食😋薯條今次叫咗avocado sauce，又幾夾幾fresh😲👍🏻另一樣幾方便客人嘅地方就係你買完野食之後佢哋有部機俾你放係枱，當佢哋送啲食物嚟嘅時候就可以最快速度放到你面前🥳今次埋單三個人$273都ok，食靚少少嘅burger都差唔多係呢個價錢🤓

地點易搵，可能因為係商場入面環境算乾淨。叫左個牛油果漢堡餐丶芝士煙肉漢堡丶黑松露薯條丶玫瑰朱古力。薯條都可口，黑松露薯條的確香香地。但我覺得可以唔洗叫有醬嘅薯條，因為太濟，而且個漢堡包真係好厚好足料。就咁著條已經好可口，反而叫左有醬嘅薯條驚食唔到個漢堡包。牛油果漢堡意外地好食，呢世人都估唔到牛油果同漢堡包係夾。牛油果醬冇慳住用，大大pat.芝士煙肉漢堡都好香，煙肉有油香得黎係脆，牛肉係有一粒粒咁嘅質感，好好咬口。

想食真正嘅burger，所以選咗尼間名都叫burger 嘅餐廳。叫咗一款小食同三款burger 同朋友share黎食。炸雞好鬆脆，肉仲好juicy, 芝士汁又香，美味之選！尼個「大啡菇芝士漢堡」都好好味，菇好新鮮，burger 牛肉味濃又juicy，係好味之選！但食到最後先醒起order嘅係黑松露大啡菇芝士漢堡，咦，食唔出黑松露味道，所以叫返佢做「大啡菇芝士漢堡」啦😂雖然係咁，佢都係一個好味嘅burger尼個牛油果醬燒雞漢堡就好有牛油果味啦，個醬唔膩，仲有啲refreshing嘅感覺添尼個煙肉芝士牛肉burger 係經典嘅burger配搭，牛肉一樣juicy，煙肉係靚嘅少脂肪嗰種，煎到亅玩脆地，增加左成個漢堡嘅口感層次。三個漢堡都夾有新鮮嘅蕃茄同沙律菜，令個堡好味得來添多新鮮同健康感。食burger當然配我喜愛的可樂。By the way, 有個侍應姐姐超好笑容同周到，見我哋三個話share 已立即主動俾三個細碟我哋！☺️

同朋友係美麗華行完街，攰攰地唸住係附近搵間餐廳試下。咁岩大家都想食burger，所以就唸住試下burgeroom～🍔😻1. 鵝肝牛肉漢堡🤩‼️ • 9/10同出面一般嘅餐廳唔一樣，塊鵝肝同塊牛肉係差唔多size架!!!😂😂😂 2. 特量芝士牛肉漢堡🧀🍔 • 8/10🐮牛肉嘅肉質鮮嫩，好juicy！🤤不過因為個包太大，冇可能就咁用手拎得哂嚟食，要搵刀叉幫下手～🍴之後仲叫左2份小食share😬1. 香辣單骨雞翼配蜜糖芥末醬🍖 • 9/10好貼心呀，將雞翼分一半上，可以食得方便啲。👍🏼2. 鱈魚手指配他他醬🐟 • 5/10個人認為可能係炸得有啲耐，食落有啲硬。🤔

之前字在灣仔店吃，吃過一次便印象深刻，時常想再品嚐。這次要去尖沙咀便剛好可以去尖沙咀分店再嚐了。與朋友各點一個漢堡分享，轉成套餐，附了直薯條及飲品。我們點了菠蘿燒烤醬牛肉漢堡，以及芥末醬大啡菇雞柳漢堡。感覺這次的牛肉做得比較乾，沒有上次灣仔吃的濕潤，這裡扣了分。燒烤醬很少，偶爾才吃到醬汁。沒想像中好吃。而雞漢堡也是一般，沒有驚艷到。直薯條及飲品是正常質素。由於太餓，已忘了拍照。雖然餓但也沒有上次那種很好吃的感覺，有少許失望，如果再光顧我會偏向去灣仔店。

今日收工同女朋友去行街街都諗住㗎啦冬天衫，隨便食咗靚嘅晚飯今晚揀嚟揀去都好想食西餐，於是就揀咗呢間專門食漢堡包又好出名嘅餐廳啦，以前佢喺銅鑼灣嘅時候食過幾次都已經覺得好正！估唔到佢而家喺尖沙咀都開咗分店，餐廳入邊裝修好有美國嘅風格有好多輪軚喺度啦，好似係以賽車為主題！首先我哋嗌左個帶子沙律，有幾種同你菜蕃茄洋蔥等等，啲蔬菜好新鮮咬落去好爽脆配埋輕輕燒過嘅帶子，好正好好食，夠晒開胃！之後再飲下手工啤酒and Apple Cider !!一路傾住計等我主菜，因為我哋都好期待。過咗好耐主菜就到啦我哋好鵝肝配鱈魚扒漢堡，呢個套餐好有美式風格，因為非常之大份夾抵食，因為鵝肝好大個，雪魚扒都好大塊！再加埋芝士同沙律醬！非常之邪惡又正！因為鵝肝煎得好香又好恰到好處！嗰份鱈魚到揸到好脆好香！咁正嘅漢堡食到我哋好飽好開心！食飽之後我哋又再去行街囉！

It was the first time I came here. We found this restaurant when we passed by Mira Mall. Surprisingly they have outdoor and you have to pay for the food before dining. We ordered burgers and two snacks, chicken wings and fries. The burger is actually sooo big so that I shared with one of my friends. I really love the combination of the pineapple, beef and the barbecue sauce. Plus, I really love the sauce that came with the chicken wings. It kinda like honey mustard. Taste good with the wings.The

2 of us ordered a truffle cheese portobello mushroom burger (combo with a beer), popcorn chicken, curly fries.Burger was TALL, impossible to eat with your hands, so you basically end up with a mushroom burger and a bacon burger Popcorn chicken was steaming hot and crispy; really hit my craving! Curly fries were a bit oily.Generally a good burger joint and would definitely return.

一直都好想黎試下呢間高人氣漢堡店，終於有機會出開尖沙咀就揀食呢間啦。一入餐廳有少少偏暗，而裝修係馬路同埋有好多輪軚。店員既服務態度係幾好既。朋友叫左個炸蝦漢堡，我就叫左個燒烤菇牛肉漢堡，另外再加一個牛油果醬薯條。朋友個漢堡入面既蛋好乾，炸蝦味道同口感都尚可既。包皮亦都軟熟既，但整體無驚喜。而我個包，因為太大個，所以我都係分兩層黎食，個汁偏淡少少，而塊牛肉算厚，不過煎得勁乾，好 dry 好難吞，牛味都有既，燒烤菇味道正常。牛油果醬薯條一般般，朋友同我覺得個牛油果醬無乜味，芝士味亦唔重，薯條唔算好新鮮炸起果種，係暖暖地咁既，份量對兩個女仔黎講適中。整體三樣野，我地都唔覺得美味，不值一試。尖沙咀黎講，個價唔算貴，但亦唔覺得佢係值呢個價，因為味道質素都非常普通，覺得只係食環境同食舖租，大把其他漢堡好過呢間野。

呢間分店人地理位置比較難揾，上到商場先會發現。今次夜媽媽10點半黎食估唔到仲有開，收咁夜😆。-蜜糖芥末大烤菇煙肉漢堡（$120）-蜜糖芥末醬濃郁，麵包上下層都茶左一層，大啡菇非常juicy，煙肉都幾香口🥓，牛肉方面就非常大份，肉汁鮮嫩，偏重黑椒味。-芝士蛋牛肉漢堡（$108）-個蛋竟然係用呢種煮法，並唔係普通煎太陽蛋，而係炒蛋但又唔全係炒蛋，比較輕盈既煮法，好特別。芝士拉絲效果不明顯🧀，呢款burger相對無咁漏，輕盈啲。黑松露芝士薯條（$65）-黑松露味唔算好濃郁，聞落去有香濃黑松露味，芝士味就偏咸但可以接受，芝士醬都夠哂點哂所有薯條！非常新鮮熱辣辣！🌶-香辣雞塊配芝士醬（$70 )- 6塊-雞塊有少少辣，都唔錯，不過不失，size都偏為大size。肉食者絕對要叫呀。但呢個芝士醬同薯條個芝士醬一樣，留意翻如果想試多幾樣。🧀蜜桃冰茶（$38）-呢個冰茶非常出色，內有不少壓碎左既蜜桃果肉，仲有薄荷葉，味道唔算太甜，用黎解burger解膩一流。🍑

男朋友呢排鍾意咗食西餐，經常晚餐都會去剧扒或者食 burger。而今日咁啱係星期五，放工我地就去咗尖沙咀行陣街同食 burgeroom🧡我地八點幾先嚟到，所以店內已經滿座要等位。不過好在等咗一陣就入得😉 餐牌有好多款唔同的漢堡，每一隻都好吸引！我揀咗鵝肝牛肉漢堡（$168）。個漢堡睇落真係好正好大份呀！🤤💕 店員上碟前已將佢切開咗一半，方便食用。食嘅時候一定要按扁塊包一些，如果唔係就好難一啖食到哂。首先講塊牛肉，十級 juicy！咬落去個陣啲牛肉汁不斷湧出，非常美味。而鵝肝兩邊都煎到好香，不過好似硬咗 dd，冇咗脆嘅感覺。但是當然鵝肝本身就已經很好吃啦！😚

聽過許多評論說Burgerroom好味道，今次見識過，認真覺得一般，不過，大件抵食倒也真。有孕的我一次吃不了太多，但老公正常人一個，要吃多些，所以都掙扎了一會要叫什麼。一人一個，還是一個漢堡，加小食？最後叫了雙層牛肉芝士漢堡和薯條。雙層牛肉芝士漢堡 - 好juicy，多汁，其他配菜都ok，弊筆是芝士，不是好味的芝士。主角是芝士和漢堡，但竟然是不好味的芝士，漢堡怎會好味道？牛油果芝士薯條 - 薯條本來已不是炸得太脆，加上牛油果醬，還有和漢堡上一樣不好味的芝士，所以薯條是不好味的。蜜桃茶 - 濃淡適中，味道不錯，只不過我不敢喝太多，只喝了1/3。

第一次黎burgeroom 坐低睇好menu就可以出去落order嗌野食 食物準備好後侍應會攞過黎大烤菇芝士牛肉漢堡 size好高好大 睇到真係要諗諗如何下手去食😂😂牛肉好厚身 不過稍為乾得滯 大菇好簿身有啲失望畢竟就係想食菇先嗌呢個burger朋友嗌左特量芝士牛肉漢堡啲芝士真係多到流晒落黎😂😂牛油果醬芝士薯條感覺呢個薯條仲邪惡過🍔 基本上每條薯條都可以點滿芝士 太邪惡了😈😈