Burger Lab

營業中

休息中

唔想喺尖沙咀咁多人，佐敦都有好多唔同嘅選擇🤤，鐘意食burger嘅豬太郎，今次係同事介紹嚟咗呢間小店試下，舖入面有8個位，全部都靠牆嘅高櫈，如果係要傾計嘅就有少少麻煩。**全部即叫即整，所以啲burger真係一個一個咁出，價錢好抵食，值得等！#芥末墨魚漢堡 $78朋友揀咗墨魚漢堡，加咗芥未有少少香辣，仲有勁多菜，每啖都可以咬到肉同蔬菜，墨魚餅唔係薄薄一片，食落好有存在感～朋友話個包夠晒飽肚🤤🤣#小龍蝦蛋漢堡 $78豬套郎就揀咗小龍蝦蛋堡～一壓落個包，啲蛋汁就流晒出嚟！勁正啊，小龍蝦密鋪係burger入面，超建議要大大啖咬落去，太細啖會食唔晒啲料㗎🤭🤭#Bless冷壓果汗 $28豬太郎同朋友一人各揀富士蘋果同西柚果汁，好清甜，食完burger唔想咁肥仔飲汽水，果汁都係一個唔錯嘅選擇！#芝士薯格 $32店只話跟果汁嘅份量係細啲啲，所以為食嘅我地嗌咗邪惡芝士薯格，芝士勁多，每塊薯格都沾滿👍🏻👍🏻👍🏻咁先食得夠滿足！店舖仲有提供手套同濕紙巾添！

以前細個成日都好鍾意食連鎖店既快餐店漢堡包而家人大左，開始鍾意食好既野唔再鍾意食連鎖快餐店了今日食左一間幾唔錯的，雖然店鋪唔大，仲要係高椅，不過勝在食物係即刻整，仲要係好味道的漢堡款式都有好幾款所有食物都係即叫即製，大約需時10分鐘左右，呢個時間我覺得好合理芥末墨魚漢堡個包係超熱的，烘得脆卜卜塊墨魚塊有好多墨魚粒，口感好爽加上芥末一啲都唔嗆喉仲甜甜地，呢個醬好惹味小龍蝦蛋漢堡龍蝦肉夠爽口，不過份量就少左啲而且舊蛋煎到半生熟，咬開會有啲蛋汁流出來，好juicy芝士蕃薯條炸得一啲都唔油膩面頭既芝士原來同蕃薯都可以咁match炸薯格同樣炸得好乾身，每一舊都脆卜卜

係佐敦行街見到呢間唔顯眼既食店 兩排bar枱 中間廚房同收銀 風格簡單 亦沉沉的見到價錢比普通食開既漢堡包平（唔好用m記黎比）所以選擇左黎呢到食我地叫左一個餐同單叫一個包 total $148（餐其實只係加個薯條同飲品 ＋$22）叫左Classic 牛肉漢堡 上碟個刻呆左 望住張相同我眼前既包 真係同一個？仲要食落係堅好食 牛既熟度岩岩好 有蕃茄同生菜保持fresh度 又有汁令個包唔會乾全部真係perfect！餐個度我就＋$5轉薯格 ＋$5加芝士汁其實普通一個芝士薯格都係$32 計翻條數單叫一個芝士薯格同轉餐要芝士薯格都一樣$32 仲多個野飲添！雖然份量應該會少d 但已經足夠了講翻個薯格 我覺得落芝士汁好似冇乜分別 可能俾芝士醬 instead of 淋上去會好d 或者根本唔需要芝士 普通配茄汁都好食另外男友叫左個芝士雞肉漢堡（左邊 單叫的）我冇試到因為我自己個個（右邊）太好食了 唔想mix左其他野不過淨睇賣相都好似唔錯 當然都係唔及classic吸引我地既總結係：超高性價比！完全符合香港人既性格「用最少既錢去換最高既質素」少見既非一分錢一分貨食店

首先 麵包烘得適中剛好夠脆又唔會太硬👍🏻番茄同菜都幾新鮮咬落去爽口亦唔會有多餘水份👍🏻芝士就普通一塊無特別 從相都見到有2/3塊未溶 應該係臨尾將塊芝士先係雪櫃拎出黎導致芝士太凍未完全被溶解👎🏻牛肉雖然唔係安格斯牛肉 但煎得剛剛好沒有過熟 保持住肉汁食到一半仲見到中間部份有小小粉紅色👍🏻薯條無任何特別調味料只有茄汁新鮮炸👌🏻整體都算OK 埋單$80 有Wifi Pw係間鋪既電話唯一唔係咁好就係坐位就比較少

經常到旺角、尖沙咀、銅鑼灣等旺區找餐廳，卻忘了其實佐敦都有很多餐廳可選擇，由於這天在油麻地看電影，但卻想不到在油麻地吃什麼，索性前往佐敦覓食。漢堡店在我的印象中，店舖面積是很兩極的，要不很大間，要不面積很小，這間就是很小的店舖，連10個座位也沒有。而且座位是高櫈，而不是平常其他餐廳的椅子，但也不至於坐得很不舒服。另外有樣東西值得一讚的是，桌子下其實有掛勾供客人掛手袋和重物，現今也愈來愈多餐廳有這個服務。如果以漢堡店來說，漢堡種類有十款，我覺得還可以。加錢轉套餐也是正常不過的事，但這裡的套餐包含的食品和飲品都算特別，不止薯條和汽水，加$22就有可配薯條或蕃薯條+汽水一款，加$32就有薯條或蕃薯條+Bless果汁一款。不想吃薯條太上火的話，蕃薯條也不失為一不錯的選擇，另外Bless果汁即是冷壓果汁，雖然不太大樽，但味道是不錯的，現今在香港也有不少分店。蜜糖蒜香雞翼 $35原本只想著叫漢堡，沒有打算叫小食，但男朋友對小食興趣，那就點了個蜜糖蒜香雞翼來吃。雞翼有6隻，跟的想像中的蜜糖雞翼有點不一樣，我以為會是不經油炸，而且滿佈蜜糖汁的。然而，它是經油炸的，脆卜卜，而且蜜糖汁也不是特別多，但是咬

佐敦好多餐廳，不過專食漢堡包既就唔係好覺！最近偶然發現呢間漢堡小店，雖然起旺區，不過店舖門口唔算大，所以要小心唔好經過左都唔知😊店舖唔算好大，大概有十個位餐牌我地都好肚餓，決定每人叫一個包加錢轉set 再share 可以叫combo，有唔同組合，加薯條同飲品就$22，如果要bless 冷壓果汁就$32單點飲品同combo 價錢差不多，所以我寧願俾多少少有薯條食！特級牛肉漢堡$88超大份，好多層！！一啖唔會咬得灑漢堡係用美國牛肉！呢個包有兩層牛，每塊牛都好有厚度，牛肉味好足，唔會煎到乾，保持到應有既肉汁！呢度加左個水煮蛋，一咬落去啲蛋汁流出黎，好正！醬汁用左燒烤醬，不過唔會好似一般既咁咸咁濃味，加上煙肉同其他配料啱啱好食完個包都好full!!呢個加左$5轉左薯格，份量幾多！小龍蝦蛋漢堡$78唔算好多地方有小龍蝦食！小龍蝦切成細粒，幾多肉蛋係煎到厚身既，蛋黃仲會流汁！正加上大大片青瓜，成個感覺好清新呢個同樣轉左做combo，要左蕃薯薯條，比普通薯條甜啲我地加左芝士，店員好好，特登分開上個芝士醬，等我地可以點埋薯格！呢兩個set 份量好多，性價比高！款式幾多，唔會剩係得牛肉，下次可以再試下其

滯滯地，老公又想食burger，我們就試試這一家。之前試過的即製的漢堡小店，價錢都略高，但這間又幾合理喎。我試了特式田園漢堡，諗住會好齋……但牛油果加大蘑菇，好juicy喎，又唔會滯，好fresh好正。試了老公的辣雞肉漢堡，好惹味，咬完一啖就想再咬，係令人追吃那種辣。一定會再返來認真試牛肉漢堡。今次配上套餐，選了蕃薯條，唔會油，幾乾身，真係唔錯喎。飲品有冷壓果汁，其實都幾fresh! 小店座位不多，但空間感不俗，店主在枱下設小勾，讓你掛起背包。

平時搵嘢食都會去大街搵，今次行咗入去內街發掘下新食店。經過呢一間漢堡包店，就俾佢個易拉架吸引住。佢有好多款唔同嘅漢堡包賣， 見到有一兩個人等緊外賣。入面亦都有啲高椅茶座。坐低左之後，服務員見我哋有手袋背囊，就提我哋可以用枱下面嘅勾，掛住啲袋。佢有好多種符合香港人口味嘅漢堡包：辣味雞扒、豬頸肉、日式吞拿魚扒、芥末墨魚、小龍蝦等等⋯⋯加$22就可以轉套餐，有薯條或者蕃薯薯條再加嘢飲。我哋除咗轉左餐之外，仲另加$5轉做薯格同芝士薯條。飲品就叫咗支裝飲品。呢度好體貼，會比兩隻手套，濕紙巾同乾紙巾你。辣味雞肉漢堡 套餐 + 轉芝士薯條雞扒夠辣好惹味，厚度雖然唔均一，但勝在夠大塊，都幾受女士歡迎，我見到通常都係女士叫。薯條方便炸得好好，夠乾身好脆，粗幼度啱啱好。不得了特級牛肉漢堡 套餐 + 轉薯格呢個特級牛肉漢堡有兩塊超厚嘅漢堡扒，好Juicy。兩塊扒之間有煙肉，啲油漏出嚟。仲有就係佢嘅蛋，蛋白厚厚的，蛋黃半熟，蛋黃汁慢慢咁樣流出來。再加上佢超多芝士，芝士放喺啱啱煎熟嘅漢堡扒上，熱到慢慢溶落嚟。超級邪惡，亦都超級好食。唔怪得知佢要比手套我哋，因為佢d汁係會流出嚟。薯格亦都好好食。好肥呀～但係真係要

個fd鐘意食漢堡，大大話這都食過5間不同的Burger (沒計m記），趁佢得閒出黎食就試下ne間近近地的漢堡店。由於店門持開放式，雖然見到有冷氣同風扇，但黎個陣都擔心會唔會太熱，幸好夜晚吹微風，店家又有開風扇所以幾舒適下。位置比較少，8-10個度，岩三五知己小聚一下。第一次就先試經典牛肉漢堡，＋$22Combo 的薯條＜-/蕃薯條＋飲品另加點蜜糖蒜香雞翼。漢堡提供一隻手套（沒刀叉提供架）女士們食個陣就可以練下如何優雅食漢堡（俺左手帶手套，右手利用墊包個張紙包住個漢堡，總算食得都見得下人（自我感覺良好）整體上漢堡比例較得岩岩好，不論牛排的juicy 程度厚度，蔬菜，醬汁施放的份量，我搵唔到有咩缺點就食曬個包啦。 薯條就係Burger King個款，想叫蕃薯條，但係個fd唔食，我怕自己又食唔曬，所以都係齊齊點薯條。 野飲居然比我發現到有椰汁水，仲可以比多少少$$要冷壓果汁tem. 但個蒜香雞翼對我黎講有 d鹹，我個fd唔覺，證明我係食得清淡d架

是日同同事出外覓食佢就帶左我來依間Burger Lab 雖然以午餐來講 實在真係唔平 加埋野飲都$80-$90到但實在值得推介 我叫左菠蘿豬頸肉漢堡再加埋Bless 既蘋果汁就$90到～大約要等10-15分鐘 美食是值得等待的！個漢堡真係超級超級Juicy 就係因為中間個巨厚菠蘿片食到我都係佢既汁～（幸好店家附送埋濕紙巾同手套）首先菠蘿經過烤煮更加爽甜～其次菠蘿可以中和左豬頸肉既油膩感最後，菠蘿同豬頸肉係異想既夾～再埋千島醬～真係好正正子～薯條都係粗薯當然就係正啦～！味道係漢堡界來講係達到中上～但價錢上～就真係貴左D間中獎勵下自己啦～

約了朋友來個簡餐，找到了這間食漢堡麭的，款式不算多，但勝在新鮮人手製作，即叫即製，絕無加工。他們的特色漢堡即是雙層牛肉漢堡，是最多人點的漢堡，但對我們來說太大了，便點了經典漢堡，同是牛肉漢堡，但是一塊的，份糧較少，但其實也很大，另只要加$22，便有飲品和薯條，食漢堡，又怎少得那組合呢！？於是朋友點了一份經典漢堡，而我給那大啡菇吸引，於經典漢堡加大啡菇。我們沒有特別要求，漢堡牛肉是全熟，但入口得嫩滑多汁，一口像要把肉汁噴出來似的，加上大啡菇獨有的香菌味，多汁厚肉的大啡菇最夾嫩滑多汁的漢堡扒。漢堡份量十足，又多汁，幸好餐會提供手套，用手食、最方便，有手套又不會弄髒手，餐廳很貼心。加$22有套餐，配上熱烘烘的薯條，份外惹味，我又另加點了現今最有益的冷壓果汁，清甜美味，最後因份量太多，未能完全吃掉，那份滿足及幸福感，筆墨難以形容。

Lunch 想食好野, 見到呢間burger 評價唔錯所以一試。餐廳位置較少，只有大約8張高櫈。1點去到竟然仲有位，但有幾個客等緊外賣。只有2個店員所以準備緊外賣就唔得閒落單，但態度好好，好有禮貌。餐牌選擇幾多，全部都喺burger。除左牛同雞，有菠蘿豬頸肉，好特別！叫左豬頸肉burger，配蕃薯條同支裝道地綠茶都係total $80,價錢合理。因為burger新鮮整，所以落單後大約等左15分鐘要上菜，時間唔算長，可以接受。Burger幾厚身，有好多新鮮煎嘅豬頸肉！豬頸肉味爽口多汁，又煎得幾香！個燒菠蘿完喺叻一主角，好甜好juicy呀。好欣賞片菠蘿！包我就覺得可以再脆少少嘅。至於蕃薯條都唔錯，粗幼適中，脆得黎唔會炸到乾晒。呢一餐，值！不過夜晚黎食會好似抵啲，建議整個lunch menu, 可以吸引多啲附近番工嘅客。

琴日放工去咗呢一間附近嘅漢堡包店食嘢，鋪頭唔係好大，有呢個美式嘅裝修。睇吓餐牌先有好多唔同嘅漢堡包選擇，我哋就揀咗個經典牛肉漢堡$98，一份BBQ醬汁雞翼$35 ，再加冷炮嘅波浪茉莉茶$28個漢堡包麵包好鬆軟，中間塊牛肉好口厚， 我哋再加左啲蘑菇配料係入面，味道非常之好唔會太鹹，蘑菇味好香，牛扒幾多成熟5×剛剛好，漢堡包整體都好出色一個雞翼真係好有驚喜，開頭只係認為佢係將之雞翼炸咗再喺上面林啲汁，但原來佢將雞翼一早用特別嘅香料條配好，再攞去炸炸完之後再喺上面林上好特別嘅BBQ汁，所以令到我好有驚喜，好有心思， 一定會再返嚟食你一個已漢堡包店來講呢一間店舖雖然好細但係食物就非常之咁出色，好值得一試

這天晚上約了朋友到佐敦吃晚餐，我們決定吃burger lab。這店我們已吃了好幾次，因為太美味了，我們一再encore!店裡人山人海：幸好我們能找到位，太幸運了！有很多burger可供選擇：果汁menu:我們決定選每人一個套餐。有手套和紙提供：烤大菇漢堡 $53加了$25要豬頸肉，即是$78。薯條要有芝士，再加了$5。大菇多汁，豬頸肉香軟新鮮，整個包很juicy。辣雞肉漢堡 $68我們加了$32轉套餐，有薯條和果汁！雞肉肉質鮮嫩，很香口。下面有菜，加上辣汁後辣得很過癮。蕃薯條炸得外脆內軟，吃後齒頰留香。Cold pressed 果汁：很止渴，而且甜度適中。最重要是不含防腐劑！埋單$220，平均每人$110，沒有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

今日同朋友去開佐敦，經過一間漢堡包小店，賣相唔錯，決定入去試下！漢堡包選擇都算多，而且價錢唔貴，加$22可轉套餐，有薯條、飲品，指定配搭！朋友選擇了特級牛肉漢堡，十分巨型，賣相十分吸引。漢堡有兩片厚厚既牛肉，一點都唔乾，又厚又多汁，配上芝士、蕃茄、生菜、煙肉可說是經典配搭，超值之選！而我就選擇了烤大菇漢堡，麵包是有烤過的，好香好脆，大啡菇十分厚身，好多汁，上面配上切片雜菇、芝士及沙律醬，下面加上爽脆生菜，食落層次十足，口感一流！另外值得一提是套餐加$5可轉薯格，薯格又脆又乾身，簡直食唔停口！最後是蜜糖蒜香雞翼，即時炸起，熱辣辣，雞翼面塗上蜜糖，燒烤醬，加上蒜蓉碎，又甜又香又惹味！總括而言，小店堅持即叫即製，食物質素高，值得一試再試！