Bugis@叻沙・海南雞飯

營業中

休息中

貪得意去D2嘅泰國潑水節，都幾熱鬧，玩到攰去食野，幫趁返D2D2樓上原來都幾多食肆，最後揀左呢間大集團旗下，勝在食物質素夠穩定，唔會太差，永遠中規中矩份量都足，有湯有飯，雞都幾多，皮太多，肉都夠滑但大集團旗下，又唔會有咩驚喜加錢配多個魚餅，小食，好似薄左啲，但都香口通菜，正常餐配飲品，可以轉特飲正正常常，唔會伏，但都唔會太多驚喜七十幾蚊個餐，都算交到貨，而家茶餐廳都差唔多。環境好坐，平時人少啲靜啲應該更好。

其實我真係幾喜歡食海南雞，以下是我午餐叫河粉海南雞，唔係食河粉就食飯，今次試嘅河粉係比較滑身和加上清湯，味道談談地都好好食，至於海南雞，滑得你好爽口，而且唔油，但有一個小問題你就發現雞翼會有小小嘅雞毛，其實食海南雞最主要係食佢原汁原味嘅味道，呢間餐廳做到嘅味道都可以keep到的。其實海南雞亦都可以有另一個食法，就係點一啲辣油，令味道更加香，其實佢嘅辣油都不算太辣，辣油沾上湯令湯河嘅味道更加香，所以呢間餐廳係值得推介嘅，價錢又唔算太貴，加上有免費嘅嘢飲送，例如熱羅漢果茶等，都算係一個健康嘅食品。

新開的熱潮已減卻，雖然大概12.45pm 到達有條小人龍，但幸運地跟同事二人去反而即有位。這間餐廳安排客人先排到位，才可就坐再出另一個counter 購餐。我覺得湯底不錯，湯汁香濃！小辣但不會太過份。芽菜、半熟雞、豆卜、魚旦、鮮蝦及青口都有兩隻 對得起這個價錢（大概$70）麵底有福建麵及米粉，最喜歡叻沙這種配搭，感覺上很正宗！跟餐飲品，我選了黑糖豆漿，但黑糖跟豆漿混合不了，永遠痴在底部，有點多餘。不俗！下次想試其他餐。

第一次去 D2 Place 看電影，完場後去了這家 Bugis 吃晚飯。星期天晚上人很多，需要搭檯，圓檯近路邊位置，感覺很差。 不知是否假日限定，沒有散叫menu，所以點了兩個自選一人餐。不到5分鐘，海南雞已經送到，想必都是預先在廚房準備好。沙嗲雞串 + 新加坡無骨海南雞飯 + 凍黑糖珍珠豆漿麻辣青瓜 +  麻辣無骨海南雞飯 + 熱生薑龍眼茶新加坡無骨海南雞飯: 不過不失，雞肉不夠嫩滑。味精湯不推。黑糖珍珠豆漿: 豆漿味道OK，整體不會太甜，但珍珠煮得很差，很韌很實，完全不合格。麻辣青瓜: 青瓜爽脆，麻辣醬有驚喜。麻辣無骨海南雞飯: 比原味好吃，重點在於麻辣醬。生薑龍眼茶: 味道還好，女士之選。龍眼肉大粒而無味，可選擇不吃。整體評分: 附近沒有太多選擇，可以一吃，但一次就夠了。cp值不高。

難得今日唔帶飯，出街食就食得豐富少少，想唔太貴，呢間都係好選擇！星期五門口排隊嘅人龍都唔少，不過食客都食得快，食完就閃人！等左15分鐘左右就有位！有個別套餐好似來左個變身，飲品選擇多左，價錢都好似變高級左！叫個參峇肉燥燒鰻魚飯 + 生薑龍眼茶 ($60)賣相都幾靚，有隻太陽蛋、一堆肉燥同鰻魚，都幾豐富！個肉燥辣辣地幾惹味喎，又好送飯，不過佢都幾油，好彩佢細心用生菜墊一墊，唔係成個飯都油晒！鰻魚就比較薄身，口感比較弱！生薑龍眼茶又幾足料，正喎！整體來講都算抵食，$60連杯特飲！

The Singapore boneless hainanese chicken was good. The set was big and filling. The chicken was juicy and smooth. I like the oily rice so much, it was full of chicken flavour. The Chinese soup was very rich in flavour. The bak kut teh was very yummy. The soup was very rich and tasty. The pork was soft and meaty. The morning glory was delicious, the flavour was so good. I was especially impressed with the stone bowl which kept it nice and hot.

新年時節 諗住開開心心同屋企人食個lunch 點知遇上惡霸仕應 無端端比人兇 話我無common sense 無人執野 明明無人等位又要人出返去門口等 仲要比返餐廳既仕應鬧 真係即刻無哂食慾

東南亞野，卡比仔唔算特別鍾意食，只係未食過呢間餐廳，趁假日下午茶時間唔使等位就入黎試試，估唔到又有驚喜wor。肉骨茶湯麵我唔算成日食，但呢度煮既就幾好食，上菜個陣已經聞到好香，湯味剛剛造到不油膩，入口清甜，麵條亦算彈牙。沙嗲雞串燒，沙嗲汁幾惹味香濃唔辣啱我食，肉質亦很幼嫩。叻沙比肉骨茶更加好食，湯底又香又濃郁，香甜帶輕微辣味，忍唔住將湯一飲而盡！麵條亦成功入哂味！誠意推介！整體黎講唔算平，但大商場合理價錢，性價比甚高！

有驚喜嘅一間餐廳、點左佢嘅海南雞飯、雞滑份量適中、海鮮喇沙湯底夠熱味道夠、印尼炒飯好有特色擺落砂鍋上面、整體感覺食物水準及味道都係值得一讚、可以比78分、午市平均每個人$90！

套餐也很多選擇，而且每款也很吸引，款款也想試，價錢也合理。飲品選擇也不小套餐$46鮮蝦干撈麵~鮮蝦也大大隻，配合豆卜，葱粒， 芫茜和秘製醬汁撈麵，很開胃檸檬薏米水， 冬天飲好滋潤套餐選了養生滋潤的羅漢果茶和熱檸檬薏米水套餐咖央鮮牛油厚吐司 $26D鮮牛油，大大片，一路食，一路溶，一路滴，要趁熱快食。牛油，咖央份量剛剛好，好味道

約左好耐無見嘅舊同事出來見見吹吹水，坐露天位貪佢靜靜地可以細聲講大聲笑！第一次幫襯晚餐，都係去收銀買餐，等送餐！晚市原來有雞煲、星馬火鍋喎！最後我地每人叫一個一人餐，小食+主菜+飲品任你配搭，全部都係$92，再收加一！其實lunch無小食，$68左右無加一，相對晚餐少貴喔！三個唔同小食share食，原隻棒棒脆蝦、惹味沙嗲雞肉串燒同米紙脆春卷！三樣食均哂，唔會悶！個人特別鍾情米紙春卷，煙煙韌韌有醬點幾特別！叫左個海鮮叻沙摻摻，有青口、蝦、魚蛋(魚蛋係咪唔係海鮮，食字咋？)同芽菜豆卜，食材新鮮，青口係大隻juicy，湯底香濃，份量足！係常order嘅item！同行朋友仔叫左馬來椰子咖哩牛腩配小魚椰漿飯，佢話ok喎！都係好送飯之選！不過唔知係咪露天關係，有食客食煙，陣陣煙味吹過來，店員都無阻止，唯有我地搬陣地

喺荔枝角嘅地鐵站附近既D2商場入面，有呢間東南亞嘅餐廳，有肉骨茶飯、喇沙、海南雞飯等等菜式。餐廳環境大致舒適，可以選擇戶外或者室內嘅地方。我同朋友每人叫咗一個海南雞嘅套餐，套餐非常豐富，包括有海南雞飯、湯、一客小食、飲品。海南雞飯用咗油飯，而且油飯味道唔錯！而選取嘅雞肉肉質尚算可以，雞肉唔肥膩，而且非常足料，係外面餐廳甚少見！另外，套餐亦配搭左三種口味嘅醬汁，等我哋可以將海南雞做唔同搭配。小食方面有一客麻辣青瓜同魚餅，魚餅其實係鯪魚肉，味道普通，有少少油。至於麻辣青瓜就非常推介，青瓜好新鮮，麻辣醬汁亦同一般麻辣汁不同，值得一試！

星期六既假日午餐，一個人都要吃好D！見到麻辣海南雞飯，就二話不說，立即入去試試。該餐廳有埋室外位置，侍應見我一個人都好好招呼，帶埋位。我選了室外坐低，選了麻辣海南雞和石鍋魚仔乾炒芽菜，唔會單吃個飯咁單調海南雞既麻辣醬不會太辣，點無骨雞肉，非常易入口，雞肉嫩滑。依家吃雞都習慣無雞味，所以無特別要求，這個雞飯中規中矩，配麻辣醬幾特別。套餐+$31有個熱石鍋炒芽菜，當然試試啦！真係熱辣辣，芽菜仲係好爽口，好味道！套餐送左杯薏米水，健康之選，不錯！

是日又出去食lunch~ Happy Friday梗係要食好啲啦！我點半先放飯，去到差唔多兩點咁滯，個場依然好爆！要等一陣位。個個同事都叫海南雞飯，咁我又叫個試下，睇下係咪真係咁好食啦！佢成個set present得好靚！個湯估唔到佢咁好飲，好清甜，唔同一般嘅例湯。海南雞飯最重要梗係雞啦！啲雞好嫩滑，就算係雞胸位都唔鞋，而個雞皮都好薄，有中間個層薄薄嘅骨膠原🤤海南雞飯另一重點就係個油飯喇！佢煮得粒粒分明，仲好香雞油味，真係不得鳥！整體成個飯都好正，都只係五十幾蚊，係D2 Place入面算係一間幾抵食嘅餐廳。唯一唔好嘅係坐位方面，係有少少逼嘅，但係都可以接受，無奈真係太多人食。我覺得呢間餐廳的確可以一試，下次一定再嚟！

Lunch成日要諗食咩真係好煩，同事問親我都係會揀啲有麵食嘅地方，今次就揀咗依間，第一次坐出面，一開始坐涼涼地都幾舒服的～麻油手撕雞湯麵配料有雞絲，豆卜、蝦米同啲炸蒜等等嘅香料野，唔記得走青係會令到碗野上檯時靚啲，哈哈！睇落份量好似都幾多，但係食落麵嘅份量其實唔算好多，因為有好多芽菜墊底，味道唔差真係好重麻油嘅香味，湯麵係油麵黎既，同個湯都幾夾。龍眼生薑茶個人好鍾意飲啲薑野，呀媽話對身體好嘛，所以今次餐飲嗌咗杯熱既龍眼生薑茶，勁足料呀，好多薑又好多龍眼，就咁食啲龍眼都好夠辣，飲晒成杯茶真係會feel到好驅風驅寒，飲到我汗都出埋，不過辣得幾好味再加埋龍眼既清甜，下次再黎我都會再嗌依杯！