Bugis@叻沙・海南雞飯

營業中

休息中

D2依家里面有好多餐廳，環境又好又有特色，唔似岀面啲大商場，食黎食去都係果幾間連鎖餐廳。今日星期六，我地兩個人食左呢間新加坡餐廳，午餐都有十幾個選擇，我地叫左一個咖哩牛腩飯，另一個係海南雞飯，都幾好食。唯一缺點係要自己岀去counter 買野食但仲要收加一？🤔🤔🤔

今日黎到荔枝角既D2 Place 1期既BUGIS@叻沙 • 海南雞飯餐廳食Dinner, 呢間餐廳無得訂位，係先到先得，所以晚上6點幾已經黎到呢間餐廳搵位。呢間餐廳面積都算大，有好多張台可以坐。睇一睇個Menu，晚上可以點一人套餐或者單點菜式都可以，一人餐會有小食加主菜，仲包一杯飲品，另收加一。我地3個人最後點左兩個套餐，分別係新加坡無骨海南雞飯套餐，配新加坡香煎魚餅、海鮮叻沙摻摻，配南乳雞翼，兩杯清熱羅漢果茶，再追加馬拉盞炒通菜、南洋肉骨茶。另外再點左香茅煎豬頸肉、鮮蝦薯絲卷。最先上台係新加坡無骨海南雞飯，雞既份量好充足，再配埋油飯同醬料一齊食，味道唔錯，仲有一碗清湯送。再上係海鮮叻沙摻摻，其實即係平時食開既叻沙麵，不過分別在於係會有油麵加米粉一齊，所以叫摻摻，味道唔錯，唔太辣。清熱羅漢果茶：好有羅漢果味，不過略甜。南洋肉骨茶：可能用中藥材既關係，帶點苦味。鮮蝦薯絲卷：有4粒，咬落去好脆，而且味道唔錯，但一定要趁熱食。南乳雞翼：南乳味非常重，鍾意食南乳會非常喜歡💕新加坡香煎魚餅：煎得都唔錯香茅煎豬頸肉：用醬一齊食，好好食馬拉盞炒通菜：好惹味，特別係熱食，好好味

今天落大雨，約左朋友去左荔枝角長義街D2 PLACE 1期3樓的一間餐廳叫 ''Bugis@叻沙*海南鷄飯''。中午12:30到餐廳，門口已經要排隊，大約等左15分鐘先有位。餐廳装修雅致，但是座位略為迫挾。餐牌有多款午餐任君選擇，包括有粉、麵、飯、和烏冬。海鮮叻沙掺掺 ($69)，叻沙湯底味道濃郁，少少辣得嚟又充滿椰香味和海鮮味。餸料種類豐富，包括有海蝦、海蜆、魚片、豆pok、芽菜、草茹、鷄蛋。麵身粗粗地，食落好有口感。跟餐附送熱咖啡，咖啡味道也可以。

星期六同老婆黎d2 place行左陣街，到左下晏醫肚既時間就係d2 place度揀間食個飯，見呢間bugis好多人仲要等位，隔離餐廳都唔見咁多人，莫非有好野食?印尼炒飯（$64）- 原先係想叫咖喱牛腩飯但點知佢冇哂，跟著就叫左呢個印尼炒飯。呢個飯冇想象中既辣（印象中印尼炒飯應該要辣先），有辣味既，係伴住d蝦既紅色醬度，但都係唔夠辣。整體正常味道，冇話好好食個隻，不過要讚下隻蛋有驚喜，隻太陽蛋係煎到有脆邊既，雖然係好少既事，但我想講我好耐冇係餐廳度食有脆邊既太陽蛋了，呢個絕對係個炒飯一個加分位呀！星洲雞扒撈烏冬（$68）- 呢個係季節限定黎既，食左你就會明點解。因為係炎炎夏日，食一碗冬食既烏冬真係襯哂成件事呀！驚喜位係佢寫係煎雞扒，但上既係一隻雞批，而且仲要煎得都好味個隻，收呢個價錢都算合理啦！檸檬薏米水（熱）- 跟餐送一杯飲品，老婆叫左個檸檬薏米水，偷飲左啖，酸酸甜甜咁，都幾解喝既。朱古力樂園 - 而我就加左$18點左呢杯朱古力樂園，其實就係朱古力沙冰黎既，味道都有少少似某連鎖咖啡店既朱古力樂園。（名就直頭一樣啦！）咁咖啡店一杯都30幾蚊，佢就加18蚊就有，呢杯都算物超所值既……總結:

今晚約左朋友去d2 學diy於是就係呢到搵野食餐廳既裝修都好搶鏡架有黃有藍晚餐都有提供一人套餐或者散叫花多眼亂都唔知食咩好而我就淨係叫海南雞飯呢到要收1% 服務費但又要自己出去點餐有點奇怪由於我地趕住上堂好彩呢到上野都算幾快！就算炸物都唔需要等太耐朋友叫左套餐都有小食同飲品蝦餅都比我地想像中大份新鮮炸起既蝦餅都幾熱氣蝦滑唔太硬味道都唔錯不過如果多少少蝦就更好喇本身以為淨係得一個飯點知原來都有湯飲 冬瓜湯比較多油無乜味醬汁方面都有三款選擇有酸有咸而我自己就比較鐘意泰式醬酸酸地 好開胃鐘意食海南雞飯既其中一個原因係無骨岩哂我唔鐘意食有骨食物既人雞肉都好嫩滑 雞皮都唔會太肥膩拿拿聲食完就趕去上堂喇

今日行左去荔枝角D2 place行market，行之前食個late lunch。一點半鐘去到Bugis，仲係好多人，室內和室外都full晒。好彩埋邊角落頭仲有兩個位，如果唔係唔知要等幾耐。坐低後填紙仔再交去cashier俾錢，跟住就有人送野食過來，呢種安排比較少見。等左一陣間，我order的豬頸肉叻沙同埋檸檬薏米水就來到啦。之前唔知摻摻係乜東東，原來係米粉撈油麵（好似係，除非唔係）配料有豆卜、芽菜、芫茜、豬頸肉。豬頸肉有五至六塊，唔會太薄，quite good。但叻沙好唔好食主要係睇湯底，唔知係咪我嗌左少辣，個湯底淡茂茂，不過都食得出有椰香味嘅。檸檬薏米水跟set送，估唔到都幾大杯，粒粒薏米真材實料。

之前在這裡吃過午餐，感覺不錯，所以今約了朋友吃晚餐，平日午餐要排大隊呢，晚餐則可以直入內，一人自選餐點了以下：小食，主菜加飲品 ($88)海南雞飯 - 油飯大大碗，雞肉份量多，肉質夠滑，湯也不錯原隻棒棒脆蝦 - 有點像日式炸蝦，點泰式酸甜醬，好味新加坡香煎魚餅 - 不會煎得太燶，不錯熱羅漢果水 - 味道夠濃，不錯之前有吃過叻沙和薏米水，今次試了另外兩樣東西，也很不錯呢晚上顧客不算太多，也可以靜靜傾偈，環境也不錯，只是檯比較小呢看到旁邊有情侶打翻飲品

約左朋友午飯佢得一小時午飯，我想食叻沙冇法就乖乖排隊啦排左超過15分鐘，我地學前面排隊的客人，未排到就先畫紙選食物，入座坐底後就立刻入紙叫野食。 其間我坐底後有待應問我地有冇排隊，我答左佢排左好耐，係你地有人帶我入黎坐的。 幾分鐘後又有另一個問你地有冇排隊，我真係想叫佢睇閉路電視，佢地又冇記性，不斷擾客，自已又唔派籌。等10分鐘左右食物到了，好彩都有15分鐘時間食野。叫左2碗海鮮叻沙參參，1碗豬頸肉叻沙參參。 每碗麵都跟飲品，基本上只送餐上枱，自已排隊先付後送，服務和乜乜樂一樣方式，厘度冇服務要加一參參即係米粉加油麵撈埋一齊食。 碗入面的主料和配料都好足，麵湯香濃充滿椰漿，湯汁夠濃稠非常掛麵，最後我連湯飲盡。 希望下次可以試其他食品。

在荔枝角區，很難得有星馬菜，Bugis已不是第一次幫襯，因為食物質素不錯，所以偶爾都會食一次。我至愛的是這裡的肉骨茶湯麵，湯味濃厚，富藥材的香味，排骨雖然恰得很林，但沒有令肉味流失，豆卜浸於肉骨茶內，入晒味。裡面還有一隻滷水蛋，很豐富。不過今次湯底比較濃，鹹左少少。同事叫了娘惹咖哩雞飯，雞件切得頗大件，鮮味欠奉，咖哩汁味淡，奶味比較重，完全沒有咖哩的辣味及香味，比之前食的巴東牛肉飯差很遠。但這裡的斑蘭檸檬薏米水一定要試，斑蘭味其實沒有，但薏米很多，加上檸檬酸很好味。初次食這站真的有驚喜，但食多幾次，感覺有點差距了。

BUGIS星期日嘅中午，約咗朋友去食一個午餐，去到D2 place行過圈，順便去睇下市集，經過呢一間叻沙。海南雞飯專門店，由於今日陽光普照，即刻揀咗個露天嘅位置，享受下溫柔和嘅陽光。午餐套餐都有好多選擇，有成15個，有海南雞飯、牛腩飯、肉骨茶、巴東牛肉、等等仲可以加＄20或者＄24享用不同的小食。套餐送一杯飲品，不過真係覺得好奇怪，因為呢間餐廳其實都冇乜服務，幫客人買完食品之後，就到時收銀處自行付款，冇服務嘅餐廳都要收＋1 ,真係百思不得其解。新加坡小魚椰漿飯——南乳雞翼$62可能期望過高，所以有少許失望，小魚同花生非常脆口，不過椰漿飯相當失色，椰漿味不足。比較可取係南乳雞翼，不過肉質尚算幾嫩滑，亦都唔會太油膩，不過都食唔出南乳味。喺香港能夠食到出色嘅星加坡馬來西亞菜，真係比較有困難。到目前為止，亦都冇食過一餐係較滿意呢🙈

朋友在荔枝角返工，收工後都索性在荔枝角一齊食飯，d2 place近2年好出名，每個星期都有市集，但平日冇乜人，夜晚食飯都唔使排隊😂帶咗個一人自選餐，都幾多嘢食，可以揀小菜主菜同飲品。小菜叫咗原隻棒棒脆蝦，好有蝦味，兩隻唔夠喉。主菜叫左海鮮叻沙摻摻，因為怕辣但又想食，落order嘅時候特別講想要小辣，叻沙好多海鮮配料，一碗麵有兩隻蝦，仲要唔係細size,但個侍應話唔係好難，可以試咗原味先，如果覺得太辣可以免費加湯，服務態度好好值得加分👍野飲斑蘭檸檬薏米水都唔太甜，不過飲唔出有班蘭味。每set $88加1，係啲區來講唔算太平，但味道可以接受。

同朋友一齊行嚟d2，過咗食飯時間少少都已經唔洗等位，終於食到上次想試嘅東南亞菜！午市套餐都有好多選擇！ 價錢大約係60-70 ，可以接受，但絕對可以再平啲💁🏻💁🏻我哋係就接近兩點去食，門口仲係好多人不過好快就有位，留意，唔少位置都要搭台架～兩個人都簡咗一樣嘅野，原因都一樣，唔知咩係滲滲！跟餐嘅檸檬薏米水好飲！暖笠笠岩晒天氣🙆🏻有蝦 魚片 豆卜 同蜆，非常豐富。好香啲椰香味睇落紅但唔辣👍🏻滲滲原來係指有兩款麵，一款係粗身少少（好似下圖）另下係米粉咁，不過就有啲碎。

上次和朋友誤打誤撞在荔枝角D2發現了間不錯的星洲口味的餐廳，今次是專程再來潮聖。可能是假日,又可能多了人幫襯，味道和質素明顯變了香港一般大型連鎖店餐廳的質素。而價錢也提高了，好像不值這個價但始终上次幫襯是閑日， 所以可以慢工出細貨，質素才可以 維持到.

呢間係我黎親荔枝角都會食既餐廳（雖然我唔係成日去😂） 但佢個海南雞飯+$5轉雞脾真係好抵食 冇骨 雞肉好滑 油飯夠香 最緊要d服務又好❤️ 同埋果魚湯麵 媽媽都話好香魚味 呢到夾埋都係5百零蚊

行完D2還想去另一個小市集, 離開之前想找點吃的什麼, 見到有海鮮喇沙, 就決定一試吧選擇雖然不多, 不過價錢中等, 也不要太多要求吧; 況且還有假日套餐, 總比被迫散叫吃貴的好跟餐的羅漢果茶與檸檬意米水, 不過不失朋友的海南雞飯套餐($68)不錯, 唯雞份量略少, 不夠吃我的海鮮喇沙摻摻($72), 原先不知什麼是摻摻, 來到後見到原來有米粉及粗麵混在一起的, 才知摻摻就是摻雜的意思海鮮份量不少, 湯底也不錯