Bugis@叻沙・海南雞飯

營業中

休息中

抵食！冇骨麻辣雞湯粉今日咁啱嚟到荔枝角諗住睇吓附近有咩好西食行行吓見到D2 place入到去見到一間新加坡食物嘅餐廳裝修有啲東南亞風味室內嘅位置唔多但係出邊有戶外露台地方可以進食裏面有好多嘢食有海南雞啦肉骨茶喇沙湯麵等等咁我就叫左一個無骨麻辣雞湯粉仲叫咗一杯凍嘅檸檬薏米水價錢大約係$68麻辣雞湯粉賣相唔錯無骨雞幾新鮮加埋個麻辣醬汁成個餐好有新加坡風味湯麵份量適中河粉唔太林，幾爽口因為馬勒雞係冇骨嘅所以食起上嚟唔會擔心食到骨啖啖肉 每食一啖點一點個醬汁食落又幾好味加上麻辣雞嘅醬汁唔係好辣適合一啲唔係食得咁辣嘅朋友去食麻辣無骨雞嘅份量都算多差唔多係一隻雞髀嘅份量食完個餐，飲埋杯檸檬薏米水檸檬薏米水有去水腫功效好適合女士飲！下次過到嚟荔枝角一定會再嚟食！

Dinner黎左D2 Place食呢個商場主打小店 冇連鎖式既服裝店亦冇大型既化妝品牌如果你唔喜歡一式一樣既商場 黎呢度都係唔錯既選擇。呢間海南雞在3樓雞都好嫩滑 無骨🤤🤤🤤🤤🤤會跟返3款醬俾你點😍都幾唔錯！不過佢既伴菜竟然係鹹酸菜 呢一點又有少少奇特，但食落都幾夾🥴🥴個湯好清 清得黎都幾好飲用黎送雞都好夾~ 個油飯very good! 飯粒粒分明 又有椰香！真係好唔錯！🍚🍚🍚🍚🍚另外仲叫了喇沙喇沙湯底好濃 但又唔會鹹得滯可惜辣味不足不過材料份量十足 有成4隻蝦！😜😜😜😜呢個商場人流較少 都可以同朋友舒舒服服咁食野傾計！

好日都唔行開荔枝角，竟然比我發現有個由工廈活化而成既商場 place ONE。 行完當然要搵個位醫下個肚腩啦。黎到一間食新加坡菜既餐廳，話就話食新加坡菜，但入面都有其他東南亞既特色食物。我地就點左個套餐，裡有拼盤，咖啡牛腩，海南雞等等。整體表現都算叫餸不過不失啦。

今日嚟D2 place睇下有咩好行，可惜有啲失望，於是就搵下食，咁啱想食下東南亞野又見幾抵，一於試下先✌🏻✌🏻✌🏻✌🏻印度炒飯分量岩岩好👍🏻有兩串串燒，配料都好足，但味道無好大驚喜，勝在熱辣辣💪🏽💪🏽💪🏽雞翼撈面，配湯雞翼幾入味 ，但撈面嘅醬汁比較淡👅👅如果可以咸少少會好啲👐🏻👐🏻👐🏻👐🏻👐🏻👐🏻👐🏻👐🏻整體合格，假日食個tea 都係不錯嘅選擇😀

荔枝角搵食真係好有難度, 一黎呢頭咩都冇, 2黎D2 PLACE D餐廳都唔平, 所以無奈今日就試下呢間BUGIS.速食既我地都冇咩點睇到MENU, 人人直接黎個自選1人行算數, 都OK AR $92蚊有主菜+小食+飲品, 主菜有9款, 我地3個人叫左2個新加坡無骨海南雞配油飯同埋一個海鮮叻沙摻摻, 小食都有9款可以揀, 我地揀左原隻棒棒脆蝦, 惹味沙嗲雞肉串燒同埋絲綢豬肉春卷。無骨海南雞最緊要雞滑, 佢都做到既, 而且雞既肥瘦適中, 都幾滿意, 而油飯都擔當一個好重要既角色, 佢呢間既油飯都唔錯, 值得一試!!!至於個海鮮叻沙摻摻我都好中意, 海鮮方面唔多, 得2隻蝦同埋好多魷魚, 不過湯底做得唔錯, 可以再辣D, 豆卜最正!!HAHA!!但不幸既事發生左係我地身上, 我地叫既沙嗲雞肉串, 朋友咬左一口即刻吐出黎!!!完完全全未熟!!2成熟咁!!! D肉仲係切切實實既粉紅色!!!!!!!!!!!!!!!!!立刻叫人黎睇!!!!佢地d態度都唔係真係好好,,,冇咩歉意咁…有小小嬲..不過廢事小事化大, 最後應該係個nice d既人拎左第二碟串燒黎, 同我地解釋返因為廚房新黎, 較錯左焗既

一直都覺得荔枝角好多特色餐廳,趁放假出走。。。遠dd啦。由於放假慣左夜食晚飯,當晚約9點到D2 place發覺好多餐廳都係收10點到。一張望落去就見到呢間餐廳,望落比較坐得舒適d.由於當時都得返一張大圓枱,侍應就問我地介唔介意搭枱,咁都無咩位了都無所謂啦～睇左一輪餐牌,其實我起初係想食叻沙海鮮麵,但最後俾個"麻辣"海南雞飯吸引左。因為海南雞食得多,"麻辣"海南雞真係未試過,我老公就點左個豬扒煎蛋飯。我地點左跟套餐。1款小食+主食+羅漢果水或檸檬薏米水,1個套餐盛惠$92。當個海南雞飯黎到,我第一時間諗,麻辣在哪裡呢？點睇我都睇唔出同平時果d雞有咩分別,於是忍唔住問左餐廳侍應。而佢既回覆係:哦?佢唔記得俾個醬你?噢…原來所謂麻辣海南雞只係多個麻辣醬俾你點黎食,而且一d都唔辣。早知我叫叻沙海鮮麵啦！而老公既豬扒飯真係。。。一個字:乾!!飯無汁,豬扒又乾。唯一想讚美的係另外加左個小食酸辣鳳爪加青瓜。鳳爪夠酸辣,青瓜夠爽脆。另外,呢度食野係要出收銀先購票,再由店員送餐黎的。但係有加一服務費的。總括黎講92蚊一個晚餐,以呢區黎講,我情願再俾貴dd,食好dd...性價比真係比預期低左d。

餐廳環境：3.5/5 （整體乾淨企理，特設室外吸煙區，食煙既朋友應該幾鍾意。）員工態度：3.5/5 （樓面員工比較忙，所以都不要期待話態度好好，服務尚可）食物質素：3/5 （肉骨茶同茶記例湯有得揮；整體味道尚可，但不要太大期望，略嫌食物溫度不足，似翻叮出黎。）食品價格：2/5 （同樣價錢可以食到米之蓮餐廳，一樣有海南雞飯及其他類似菜色，所以俾得較低分。）總結：未必會再食，用外賣app個啲人士亦不要有太高期望。

個晚係D2 place等左好耐一間食店，最後放棄而入左呢間餐廳諗住試下，味道唔錯。新加坡無骨海南雞飯：食海南雞當然要揀油飯，油飯幾香口，雞件皮唔係好薄但肉算係嫩滑厚身，份量好充足。鮮魚湯龍躉頭米線：湯幾甜，但因為魚肉經過油炸，令到個湯變到幾油，整體味道ok，但我較鍾意佢個海南雞飯。套餐自選小食分別揀左新加坡魚餅同雞肉串。新加坡魚餅：味道不過不失，偏油。雞肉串：醬汁惹味，相比起魚餅冇咁油，雞肉幾嫩滑，唔錯！

父母未黎過D2 place, 今次帶他們到荔枝角D2place 享用亞洲美食，選擇了Bugis 餐廳享用星馬亞洲菜式，這餐廳的室內環境不算大，但有露台室外的地方。我們叫了晚市新加坡海南雞，肉骨茶四人套餐，價錢大概$500可以接受。四人套餐有前菜，小食拼盤，主菜，肉骨茶更是免費添飲，更有飲品及甜品。小食拼盤多元化，份量很足夠。 椰汁咖喱很惹味， 再配合油酥餅，非常Perfect這碟無骨海南雞飯，肉質很肥美這玩無限添飲的肉骨茶，味道比較淡，但整體尚算可以。

食無可食行左入去D2 搵食，同事話呢間海南雞不錯，加上午餐去戶外食有折，咁就try try la ~由於我唔食飯的又唔食辣，所以menu 上選擇真係大大減少，只有手撕雞食得過麻油手撕雞 湯麵 $49開頭無o羊期待,但見到佢之後又好似好吸引,份量對女仔黎講差不多,手撕雞部分佢都算係多,但有D太求其,我expect佢撕到條狀而唔係E+粒狀.雖然話係麻油手撕雞,但麻油存在感好低,除左見到浮面o個D油之外,不過豆卜好好食,雖然佢都係細粒左d,但都好索湯~D面好彈牙有咬口,加上芽菜都唔少,感覺無咁heavy麻辣海南雞 米線 $66其實我個同事係唔食辣嘅,但佢又好想食海南雞,結果店員話可以微辣.但視覺上好明顯,唔止微辣咁簡單...=0=不過海南雞D雞肉又真係幾滑幾嫩,無多餘油分,米線幾爽口,不過好似整得求其左D,或者應該叫個飯會好DD整體D野食係唔錯,但份量相對價錢就少左D,而且擺盤都幾hea,職員又成日不在狀態...響戶外食有折的話就ok lor

D2place 試過唔少餐廳，都一直未食過呢間，可能一向對新加坡食物無太大既偏好，同朋友行行下又見有圓枱，4-5個人傾下食下都幾好就坐底左😊呢頭午餐都差不多呢個價錢，可能人太多需求太大，揀左個海南雞飯，水準正常，個肉都係滑既，個雞皮令到個賣相無咁完美，不過有個冬瓜湯飲下都幾舒服，印尼炒飯我就無試，不過個星洲咖哩試左小小個汁都幾香椰香味，唔食得太辣既我都完全無問題，通菜係最吸引我，菜夠嫩同爽口，味道又岩岩好，沙嗲雞串就相對無咁好，因為唔熱🤨唔個摻摻係咩，唔食辣唔敢試，不過好似幾得意🤗

今日LUNCH同同事去左D2 PLACE搵野食, 一直想試下呢間, 平時12點鬆D去到已經勁多人排隊頭先難得去到有吉檯, 當然即刻衝過去啦! 😁😁裡面FULL晒之後聽到經理問其他客人坐唔坐露台, 原來會有8折😂 今日想食飯, 所以叫左個海南雞飯, 但佢無得加錢走胸/轉脾呢個OPTION不過黎到見到賣相不錯, 跟冬瓜湯又跟飲品, 雞份量唔少, 有一半幾滑一半係有點"鞋", 唔算肥, 有三款醬料而個雞油飯都香既, 又唔會太油, 唔錯的👍🏻同事叫左個麻辣海南雞就跟得一款麻辣醬同一個同事叫左燒雞脾配烏冬就係咁讚話好好食😅下次無咩人排隊時可以再試😁

之前已經食過呢間既叻吵，味道唔錯，今次特登黎試下肉骨茶。肉骨茶係香既，但用黎送飯就唔夠鹹，唯有就咁飲啲湯。叻吵好味，最後仲筆左啲叻吵湯黎撈飯雞肉串上次試過好好食，夠惹味，今次兩個套餐都揀左雞肉串做小食

荔枝角d2 place除了fine dining餐廳，都有幾間平價之選。差不多8點來到，餐廳入座率都有一半，算是同層最旺的一間，一於試下。<海南雞飯>例湯可以忽略雞件多，皮不算薄但肉厚身，油飯幾香，是肥妹仔今晚試過最出色菜式。<肉骨茶豬踭飯> 肉骨茶味不算濃，但豬踭夠諗滑，幾舊豆腐卜可以吸埋汁食，送飯唔錯。配菜油炸鬼可以忽略，凍冰冰冇味的兩個飯都係套餐，每份$92配一樣自選小食。肥妹仔和友人分別選了<新加坡魚餅>及<南乳炸雞翼>。<新加坡魚餅>其實說穿了就係鯪魚球，不過變成煎餅的模樣罷了，但係十級油！食了一塊已放棄<南乳炸雞翼>倒是不錯，相比魚餅冇咁油，且好香南乳味，又唔會過燶同乾爭爭，好食

Weekend的早上，悠悠閒閒的起床後，便悠悠閒閒的和哥哥滾到附近的D2 place去找吃的。走著走著，來到了這間吃星馬菜的Bugis。新加坡海南雞飯 - 雞肉味道有點無味，點醬配油飯還不錯。建議大家要轉雞脾位，因為無味的雞胸肉讓我覺得自己好似要練肌肉咁。檸檬薏米水 - 健康的飲品我喜歡，請盡力擠壓那塊檸檬吧，味道更佳。海鮮叻沙摻摻 - 微辣，少許油膩，但味道不錯。只是那要剝的蝦殼令我這懶人有點卻步。哈。馬拉盞炒通菜 - 味道和份量都很足夠。建議先撈匀再吃就剛好。南乳雞翼 - 出色。很入味，是這裡的必點小食。HAHAHA,, 報告完畢。只能說，是荔枝角有水準，菜色又多選擇的星馬菜，平平穩穩，值得一試。