Boy n Burger

Boy n Burger
111
7
5
港鐵灣仔站 A3 出口, 步行約5分鐘 繼續閱讀
電話號碼
36860928
營業時間
今日營業
08:00 - 22:00
星期一至日
08:00 - 22:00
付款方式
Visa Master AlipayHK 支付寶 現金 八達通
前往餐廳網站
https://www.facebook.com/boynburger
有關餐廳
新晉休閒漢堡品牌
這家於2021年才創立的漢堡品牌,以自助快餐形式供應優質漢堡,更推出迷你漢堡組合,讓食客一次可品嚐多款口味。餐廳還供應熱狗、炸雞、炸薯條等食物,配合不同客人的需要。而店面採用美式復古風格,設計簡約,感覺舒適。

食評 (126)
等級4 2021-11-30
0 瀏覽
🇭🇰Boy n Burger·呢間餐廳係喺電車路度嘅 所以我之前係見住佢裝修 佢呢度真係勁有美式嗰啲快餐嘅感覺 不過佢真係幾多人 搵位都要啲時間🤭🤭😈·Texas BBQ Chicken Burger $55 l Seoul Burger $39我自己鍾意佢嘅炸雞漢堡多啲 佢個炸雞超脆 而且勁juicy 個雞扒仲要超厚身 配埋佢個煙肉粒口感好好😍😍🐤不過佢呢度個麵包就普通啲啦 佢係平時快餐嗰種黎既姐🤣佢個牛肉漢堡同泡菜超夾 而且佢個汁辣辣地咁好惹味 不過我就覺得佢個牛肉偏薄少少 所以可能真係要食佢哋嗰signature兩層或者三層bobby burger口感先會豐富啲🤭·k-pop chicken $25 l seasoned crispy fries $20佢地加$25就可以轉set架啦 會有一個小食同埋飲品🥤佢個炸雞粒都幾脆 而且佢個調味超惹味 之後佢個粗薯條都唔錯 熱辣辣 就咁少少調味已經好夠🍟·#rbyeat#rby西餐#rby灣仔·📍灣仔莊士敦道206-212號208 Johnston地下3號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-30
67 瀏覽
Burger店愈開愈多,最近灣仔又新開左一間「Boy n Burger」,以黃撞藍拼色加上超得意logo,非常Eye catching,好適合打卡架😎Burger 店更特設開放式廚房,除即叫即整外,無論係製作過程定係食物,都經過嚴格管制,如選用由英國農場供應既牛肉需達至 A 級食品安全品質標準,而魚類產品e.g魚柳亦有齊海洋管理委員會生態標籤的環保認證,堅係健康又可放心食🥳最最重要嘅係價錢親民又抵食,平靚正,糧尾都可以食得好😁.【Fish Burger $48】選用牛油Burger,鬆軟空氣感足,中間嘅魚柳香脆肉厚,啖啖嘅魚柳肉,加上沙律醬同生菜,食落吾會有膩感🙊.【Bobby Burger $55】Boddy buger即係牛肉漢堡😍仲要係打手雙層牛肉扒,配埋芝士,洋蔥,酸瓜,蕃茄同秘製醬汁,濃厚嘅牛肉香,口感柔嫩帶鬆脆,吾怪得知係其中一款Signature啦😘.【飲品+幼薯條 $25。爆谷雞 $7。雪米糍 $10】凡叫burger都有得以優惠價升級至套餐,有埋飲品同小食(三選其一)都只係$25!而升級小食如厚切薯條,爆谷雞,炸雞同蝴蝶蝦都係$5~$13不等😎 比單點平左差不多一半👍飲品有奶茶,Latte,Mocha等,都係吾洗額外加錢🥳而汽水係自己裝的,仲係無限refill,有soda water,百事,檸檬茶,7喜同芬達。如果想滿足埋甜品胃,亦有雪米糍,雪糕杯可以選擇🤓 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-13
2287 瀏覽
呢輪都排晒長龍嘅burger店,所以專登晏啲先嚟食,唔洗排隊直接入座~ ⁣⁣一去到門口,原來有部機可以落單,但我呢啲老人家,都係去返counter落單啦⁣⁣而家好多地方嘅burger一個都要成$100,但呢度嘅價錢真係親民得多,最平廿幾蚊已經有一個basic嘅beef burger。而且坐得都幾舒服,裝潢尤其是隻公仔實在非常可愛,我最欣賞嘅係每兩個位就有一支搓手液,檯底又有個勾可以掛袋,非常貼心⁣⁣Cheese Burger ($65)$65連薯條飲品。好多時叫好多個burger,會分唔出邊個打邊個。不過Boy n Burger另一貼心位就係一打開個burger盒就有寫係邊種burger,唔洗驚撈亂⁣⁣。塊手打牛肉原來係天然海鹽洞熟成 20 天及不含抗生素,食落的確好juicy又滑溜⁣⁣唔會感覺好肥膩⁣⁣⁣⁣⁣⁣⁣⁣⁣Signature Chicken ($48) ⁣⁣好厚身又juicy嘅雞扒,一啲都唔乾爭爭⁣⁣⁣⁣Chicken thigh ($28)⁣⁣外層香脆,仲係即叫即製,所以都等咗一陣。雞肉一咬開啲肉汁必晒出嚟,仲有淡淡嘅黑椒味,非常好食!⁣⁣⁣⁣番薯味雪米糍⁣⁣ (+$10)都不知幾耐冇食過雪米糍,更加未試過係burger夾雪米糍!好好味呀,係童年嘅味道!番薯味超濃郁⁣⁣ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-12
1499 瀏覽
灣仔返工真係食乜都食到悶,經過莊士敦道,同事話想試新開嘅BoynBurger🍔啱哂我地lunch time 唔想食飯嘅日子去試!menu 主打當然係漢堡,有牛肉漢堡、炸雞漢堡、吉列脆雞漢堡、吉列魚柳漢堡、熱狗、仲有植物肉漢堡。至於小食就有popcorn chicken、炸雞翼、炸雞髀🍗、蝴蝶蝦、沙律🥗等!甜品有維記嘅雪米糍🍦又幾驚喜喎!價錢方面,漢堡由 $28至$55不等,跟餐只需加+$25就有薯條🍟同飲品 🧃!相當吸引同親民!店內裝潢以有復古美國快餐店風格,配高櫈座位,型格又啱哂打卡!🍔Bobby Burger🍔$55 香口嘅芝麻包,配搭雙層牛肉漢堡扒,加上芝士、生菜🥬、番茄🍅、洋蔥🧅,自家醃製青瓜同自家製醬汁,成個包口感豐富,招牌牛肉漢堡肉味香濃爆多肉汁,配料新鮮又出色,食落清新唔會太油膩,必試!🍔 Fish Burger $48 令人眼前一亮嘅炸魚柳漢堡,大大塊炸到金黃色嘅吉列魚柳巨型厚實,即叫即炸外皮又香又脆,肉裡魚肉軟綿嫩滑,配上新鮮生菜🥬同他他醬,食落口感層次分明,相比其他快餐嘅魚柳包間直高水準之作!跟餐加了popcorn chicken🍗 同薯條🍟,popcorn chicken帶點微辣,薯條脆卜卜兩樣都好味!🍦甜品:同同事share 荔枝味維記雪米糍~非常好味同滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-10
1249 瀏覽
今日試新野!友人帶左我黎一間位於灣仔莊士敦道既漢堡包店,係新開既,友人聲稱抵食同平靚正。地點其實有少少係灣仔同銅鑼灣中間。Openrice資料話開8至22。餐牌有幾款漢堡,迷你漢堡,小食,炸雞,植物肉,套餐,家庭裝,早餐,甜品同飲品。今次第一次黎,叫左兩個漢堡,兩份小食,一份甜品同兩個飲品。落單後,食物即叫即整。店員話呢度既食物質素經過嚴格管制。Bobby 漢堡 $55Bobby 漢堡係白芝麻粒漢堡包配雙層牛肉漢堡扒,熱熔芝士,本地新鮮生菜,番茄,洋蔥粒,自家醃製青瓜及自家秘製醬汁。味道方面激似老麥嘅牛肉漢堡包,食落都唔會太乾,感覺唔太油膩。吉列魚柳漢堡 $48吉列魚柳漢堡係牛油漢堡包配吉列魚柳,本地新鮮生菜及他他醬。吉列魚柳唔算大塊,不過炸到皮脆肉嫩,絕對好過老麥魚柳包。生菜絲唔少,如果他他醬多啲就更好。漢堡係用紙包好再放入紙盒,所以個包係較稔嗰種。爆谷雞 跟餐+$7爆谷雞有大有細。跟餐加錢叫左個細爆谷雞。雞粒大部份都好細粒,皮多肉少,味道辣辣哋。幼薯條 跟餐呢個幼薯條係細,味道好似老麥炸薯條,係較為稔身嗰種,仲可以走鹽,茄汁自己喺自助區㩒出黎。雪米糍 $10雪米糍係維記牛奶公司出品,有多款口味。我哋揀左綠茶味,我第一次食綠茶味,味道正常,塊皮較薄同稔。橙汁 加$20呢支支裝橙汁飲唔哂仲可以拎走,味道唔假,感覺非常健康。我見人哋飲汽水係自己喺汽水機自己斟。餐廳環境正常,特別既地方係呢度周圍都有餐廳既吉祥物Bobby,同Bobby打卡都可以既。 繼續閱讀
(以上食評乃用戶個人意見 , 並不代表OpenRice之觀點。)