外賣食盡環球美食!荃灣人氣米線店指定套餐7折
2022-06-27

呢兩年唔少人都慣咗外賣用餐呢個模式喇,雖然疫情最近有緩和,但唔少人都唔敢鬆懈,選擇繼續安坐家中開餐。而且城中都有唔少餐廳推出外賣優惠㗎,今期介紹5間畀大家,包括荃灣人氣米線、夏威夷Pickabowl、創意丼飯及飯捲店、人氣韓國菜及親民漢堡店,無論你鍾意邊個國家嘅美食都一定啱你!

雲家小鍋米線 荃灣 指定食品7折

米線控一定識嘅荃灣人氣街坊米線,亦係米線關注組其中一間受關注嘅米線!每一碗米線都係獨立烹調,保證碗碗都夠曬濃味。而家外賣嘅精選優惠套餐$42.7就食到,包括一碗小鍋米線、配料魚肉春卷及一杯飲品,湯底可自選麻辣或酸辣同埋辣度,超級惹味而且唔會太油,魚肉春卷都做得幾彈牙,難怪長期都咁受歡迎喇。另外涼拌墨魚頭都係人氣小食,口感爽彈充滿麻香及蒜香。



Pickabowl 火炭  荃灣 指定食品8折

比較注重健康嘅朋友,可以試吓呢間主打低卡、低脂、高蛋白嘅Poke Bowl餐廳。除咗常見嘅三文魚、吞拿魚等,都仲有唔少特別配搭,如蒜片油熟蝦配以紅菜頭、甜黃椒、紅腰豆、羽衣甘藍、毛豆及油醋汁,主食可自選飯、沙律及烏冬,蝦肉彈牙仲好重蒜香。煙薰油辣味吞拿魚都係人氣之選,配以泡菜、青瓜、蒟蒻,香辣又惹味。



食驗室 荔枝角 指定食品8折

呢間餐廳都幾有特色,主打亞洲風味嘅丼飯、飯卷及熱辣辣烤捲餅。如阿嬤便當即係台式滷肉飯,呢度嘅滷肉切成粒狀,存在感好高,而且甜鹹平衡得好好,唔會太肥膩,送飯真係一流。飯卷呢就推薦韓風效應,即係韓式豚肉,酸辣嘅泡菜配上油香十足五花腩,真係愈食愈開胃呀。平食時泰式肉碎通常都配生菜或飯,但呢度就將佢整成捲餅,估唔到又幾夾喎~



Kim's Bowl 中環 灣仔 金鐘 指定食品8折

一間性價比幾高嘅韓國菜專門店,菜式選擇都幾元化。如韓式拌飯、韓式炸雞及湯品。另外佢哋嘅韓式便當都幾抵食,一款主菜配飯,仲有韓式粉絲及三款前菜,主菜有雜菌牛肉、泡菜豬肉及照燒雞肉,食完一定好滿足!



Boy n Burger 灣仔 指定食品8折

本土漢堡包品牌,以供應親民價嘅高質手工漢堡包為宗旨。餐廳不定時會推出期間限定新嘗試,包括黃金豆腐及黃金炸魚漢堡,配上酸蘿蔔、紫蘇葉、沙律醬及自家製日式燒烤醬,香脆惹味。特別推介今次有做8折的青醬脆雞辣肉腸漢堡同清新口味魚柳漢堡,非常抵食。另外仲有供應其他美食,如芝士辣肉醬熱狗、炸雞及甜品炸Oreo一口酥配雪糕等,款款都好高質。


買開外賣嘅可以用埋呢個全新環球滋味嚐優惠,輸入優惠碼「HALF」 #或「WW10」 #, 前者消費滿$60減$30,後者消費滿$50,額外減$10!

除咗上述優惠外,OpenRice都會推出不定期嘅外賣自取優惠,想知更多詳情可以Keep住留意OpenRice App啊!                     
仲等?(按此立即落單)      

環球滋味嚐優惠:
WW10: https://www.openrice.com/info/takeaway/tc-WW10.html
HALF: https://www.openrice.com/info/takeaway/tc-HALF.html



關鍵字
外賣自取
優惠
折扣
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2022生日優惠】持續更新!8月壽星嘆免費生日蛋糕+串燒放題優惠
2022-07-29
【隨時更新】零食速報 每周新款零食、酒品點評
5天前
【隨時更新】最後倒數!2022即將結業嘅人氣餐廳
2天前
尖沙咀最新露營主題日式燒肉店!3700呎室內Glamping體驗
2022-07-25
全港8大人氣沙嗲牛麵!煲仔沙嗲牛肉麵、 沙嗲牛肉沾麵
2022-08-03