Bot Noodle (已結業)

尖沙咀最近開左個打卡熱點商場，K11 Musea,同朋友一齊去打卡行街，行到累想食野，雖然眼見入面有好多唔同餐廳，行下行下樓下food garden 又大又多野食揀，咁岩我想食粉麵，朋友想食海南雞飯，咁就岩曬，bot noodle滿足到我地4個人，我點了一個雜錦船粉，有扎肉、肉丸等等，足料又好食。朋友叫左海南雞飯，佢話醬汁好味，雞又滑，份量又夠食，覺得好抵。重點是人多但等候時間不長，座位也很快找到，環境不錯，座位舒服。在貴價商場入面，好難得有價錢合理，質素又好的餐店。值得推薦！

今日上完興趣班，見沒有節目，所以约了朋友去尖東K11 Musea食晚餐。我們搭地鐵去到尖沙咀站，再步行10分鐘左右先可以到K11 Musea的美食坊。我見今日不太肚餓，所以我選了一間BOT NOODLE食晚餐。我們點了泰式海南雞飯，牛肉船粉及一杯咸青檸梳打試試。泰式海南雞飯泰式海南雞飯色相彼好，加上酸辣的醬油，特別好食，油雞飯有油香, 唔錯牛肉船粉牛肉船粉的牛肉不是生牛肉而是熟牛肉，好似茶餐廳的沙爹牛肉,牛肉夠淋, 有肉味, 配上金邊粉及牛骨湯很野味。咸青檸梳打我們見有湯送，所以只叫了一杯咸青檸梳打一起分享。咸青檸梳打有些咸，就没有咸青檸七喜好飲，可能是單一了一點。整體而言，這褢交通方便，環境舒適，食物新鮮，價錢合宜。因為晚飯時間這裡比較難找座位，建議大家先找座位後點餐。

上周和朋友到了這個尖沙咀新商場，之前已經來過的我繼續到樓下food court嘗試未吃過的餐廳，當天天氣比較寒冷已看到這一間主打船面的餐廳，於是便試一試叫了這個雜錦船河，先嘗一嘗湯頭非常重牛骨味，配有淡淡的香料，其實正確來說這個應該是越南河粉吧，但是配上魚露感覺還是非常好吃，始終湯底濃郁的面是不會輸的，而且河粉頗有咬口，米香相當不錯，而其他配料方面亦相當不錯，丸不是便宜貨，不得不提牛丸相當有彈性和牛香味，雞扒非常juicy, 冬天來一碗這樣的粉面相當滿足

嚟到K11 Musea，喺地庫嗰層，有個好大，亦都裝修得好靚嘅food Court，坐得好舒服，地方好大，好闊落。自從上年去過泰國之後，愛上了吃船面，今晚竟然比我喺呢個food court搵到呢一間Bot Noodle，價錢非常合理，一於試吓先牛肉船粉$55用上了鮮牛肉，咬落去比肥牛更有咬口，肉味亦都較濃郁，好有牛味。而船粉最重要嘅湯底同河粉，河粉幼滑，湯底調味得較適合港人口味，少了一份死鹹，卻多了一份香味，洋蔥青檸同埋薄荷葉都算功不可沒了豬肉丸船粉$55同一個河粉，同一個湯底，換上了五粒飽滿嘅豬肉丸，絕對係最佳配搭炸豬皮$24自從喺泰國食過之後，喺香港已經食唔番當地嘅風味，直到今日，呢度嘅炸豬皮，認真鬆化可口，識落沒有肥膩嘅感覺，有淡淡的豬皮香，送船粉一流價錢唔貴，環境卻高貴，要懷念泰國嘅船面，可以一試

其實K11 MUSEA商場沒什麼特別所有店舖千篇一律地點隔涉....如果不是來這裡的戲院應該不會在此覓食由於距離睇電影時間還有一個小時就在美食廣場看看有什麼好吃最終選擇了這碗牛肉船粉-牛骨湯湯底還不錯, 但牛肉沒甚味道而且份量很少真正三,四啖就食完只能說用來短暫醫肚就OK

今日下午去左food court搵食, 叫左呢度一碗牛肉船麵. 味道黎講, 點都唔及泰國咁地道口味. 不過亦不過不失啦! 麵量其實都唔少既~~湯底黎講, 唔算淆得好濃. 所以需要加入辣椒再自行調味.另外, 再配多一碟炸豬片小食送麵. 阿仔就當薯片咁食食食.

見K11Musea新開張，梗係要去試下佢哋嘅Food Playground 啦！佢好似food court咁，好好幾間食店，任君選擇！我哋幾個friend試咗4間唔同嘅餐廳。Bot House就係其中一間。好失望！我買咗個雜錦船粉，貢丸好膠！粉偏硬！其他肉類好普通！我嗌咗清湯。佢有牛骨湯揀。成$68，我覺得份量太少。如果係堅正嘅，咁$68都值嘅。但係佢唔係😒😒😒收銀員態度又唔係好，粗粗老老咁。真係無下次，sorry！

Happy Friday 來到尖沙咀海傍的新商場朝聖，走到地下food court，打算平平地解決。除咗可以到店面直接以現金付款，也可以用售賣機揀選食物後以電子支付。我當日想食清d，揀咗Bot Noodle 的雞肉清湯船粉，食完覺得幾伏吓。以我認識的船粉，應該有少少炸豬皮、丸類做配襯，不過這間店的船粉兩樣都欠奉，我理解我轉清湯不吃濃湯已經不正宗，無豬皮也理解，不過連丸都無就。。。而且加了大量洋葱是什麼回事? 雖然我個人唔抗拒洋葱，不過也多得有點過份。。。雞肉不算多，味道也很普通。粉的份量多，價錢以這個場來說不算貴。只係成碗粉同我係茶餐廳叫雞肉湯河分別唔大，茶記可能仲好食d。

今日行下新商埸先，個人覺得真係好靚，商場部份裝潢好有泰國Feel，暫時當自己去左泰國旅行先行行下到左商場底層foodcourt, 既然當自己係泰國，當然要食船河啦，又真係畀我見到喎，咁梗係食啦幾好喎，有細細碗，啱晒已經好飽但口痕既我啦！我叫左牛肉船河，朋友叫左牛肉丸船河，只有二粒，仲要完全無牛味河粉完全唔滑，湯底完全唔得，再平都唔會再食

好難食，四塊扎肉，一點粉$48!! 公仔麵的湯仲有味過佢。咁大個新商場點解引人這些咁差的食店？好失望、員工又黑口黑面。我唔知這個食店是從可來的。但一次巳夠。希望高場㠪視食店的質素

今日同老公女兒一家三口去開尖沙咀搵食，記得網上介紹有個新商場裡面有個高檔food court ，所以就去睇下有咩食，一落去就見到有船麵，本身一家人都好鐘意食泰國野，所以行左個圈都係選擇食船麵，我地叫左兩大一細牛丸船麵，一黎到驚見細碗嘅麵竟然多過大碗，但無再深究，因為已經好餓了，先飲左啖湯，淡而無味嘅，再食麵，竟然係硬嘅。。。金邊粉麵質半生熟咁，煮得唔夠林，再食埋粒牛丸，梅嘅，總括黎講，成碗麵都非常難食！

新商場除了樓上有名食店，地庫美食區亦陸陸續續已經開設、今次就隨意地揀選了一落電梯的第一間泰國麵店。。。以一貫Food Court 運作,先購票然後等食物、購票前會給予一個提示鐘給客人，拿到手的雞絲船麵HK$48.(大)在平日下午大約5分鐘已經完成、落單前收銀職員告知可以選擇(清湯或是牛骨湯)，自己就選擇了後者~來者第一賣相已經不是吸引, 長長大大的芽菜就好似野草一般放在碗面身上、呷一口牛骨湯淡而無味只有顏色,雞肉就好像是煎過以後將零零碎碎的(頭頭尾尾)放在一邊、吃了第二、三啖完全感覺是中伏狀態,還好碗內的金邊粉多得令人驚訝、約要在這座高昂商場Food Court內以荷包計數絕對可以吃得飽，不過就並不是我會番頭的一店。

K11 Musea 剛開幕，好奇心驅使下過來逛逛。一到下層發現有個food court，第一間便是賣船麵的地方。餸選擇比較少，而麵亦沒有特別安排種類選擇，直接安排金邊粉，比較簡單。晚上8:30大部分已經賣光，只有豬肉丸、牛肉丸和紮肉船粉。但好處是可以選擇細碗和大碗，因為不是很餓，但又怕晚一點會肚子餓，所以選擇了細碗。店員準備的時候都很衛生，戴上帽、口罩和手套。雖然不是很肚餓，但看到細碗麵的份量跟一個飯碗大小差不多的時候，的確是有點驚訝。紮肉船粉配上的是清湯，味道較淡，紮肉較普通。牛肉丸船粉的湯是牛骨湯，湯和丸味道不錯。

K11 Musea 剛剛開幕，專誠嚟呢度朝聖下。B2呢層主要賣小朋友野，同埋有一個高檔次嘅food Court。如果買嘢食可以去自助收銀機或者去到餐廳前面落單。我就試咗用佢個自助收銀機，最後收完錢佢竟然壞機。要去到餐廳前面等。座位唔算多啊，都要等一陣先有位。第一間試嘅就係Bot Noodles 嘅泰式牛肉丸牛湯船麵 ($26)。 細細碗，一個手掌咁大，三啖就食完。芽菜新鮮脆脆的，碗麵味道清清地，唔係太食得出佢係泰式船面。

網上講左好耐呢個新商場K11 Musea，咁今日就來行下，點知周圍都好多人，又趕時間要去下一站，所以都選擇左去多野食選擇既food court,佢地叫做Food Playground, 響商場既B2層，大家唔好見到個𨋢有個P字就係停車場，其實係有個好大既food court！🙈順便講下個商場啦，呢個新商場以藝術為主，設計上都好有心思，場地設計都幾多驚喜，雖然都係以貴價商品為主，但其實都有好多適合香港人既吃喝玩樂地方，同埋商場內外都有好多新鮮感，大家都可以一去👍🏻由於太多人既關係，food court全部餐廳都好多人排隊，我地揀左呢間泰國船粉來食，而亦都太多人，呢間店既飯已經賣晒😂咁我地就買左一碗雞肉船粉同一碗牛丸船粉，大碗version，每碗$48，份量都叫適量，唔會太少。好快就有得食，湯底不過不失，我認為淡左少少，佢有魚露加辣椒同鹽俾你地加落碗粉到，我都加返少少調味，雞肉明顯有調味再煎過，所以都幾好味，個粉唔會太淋，不過芽菜就生左少少未熟，整體來講響個咁高級既商場用呢個價錢食到個都ok既泰國船粉，我覺得都可以接受😊建議大家去發掘下呢個新商場！由於好多餐廳都未開，一定會再去多幾次食多幾