影片
開飯介紹
旺角以黑色為主調的咖啡店，充滿神秘感。不單裝修及餐具都是黑色，連食物都是黑色。如黑森林梳乎厘班戟及炸豬扒黑咖喱等。
繼續閱讀
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
以上資料只供參考, 請與餐廳確認詳情
相關文章
Black Coffee 餐廳以黑色為主題，整體設計充滿神秘感，令人一踏入就感受到一種獨特嘅氛圍🤩黑色牆壁、低調嘅燈光，加上簡約而時尚嘅傢具，營造出一個既舒適又有格調嘅用餐環境，讓人不禁想要細味每一個角落😍餐廳嘅食物擺盤更系精緻得令人驚艷，每一道菜都好吸引🤩煙薰豬腩卡邦尼卷卷意粉意粉滑順，煙薰豬腩嘅香氣撲鼻而來，搭配濃郁嘅卡邦尼醬，口感層次豐富🤤水牛城雞翼配薯條雞翼外脆內嫩，醬汁香辣可口，配上金黃酥脆嘅薯條，簡直系完美嘅搭配😚凱撒沙律配煙三文魚沙律新鮮爽口，煙三文魚嘅咸香同沙律醬完美融合，令人感受到健康又好味😋慢煮牛柳配芝士薯蓉牛柳嫩滑多汁，芝士薯蓉香濃滑順，肉控絕對唔可以錯過🤤自家制青蘋果焦糖醬日式梳乎厘梳乎釐鬆軟輕盈，青蘋果嘅酸甜同焦糖嘅香氣交織，食落去令人心情愉快😁朋友超鐘意❤️芒果冰茶清新解膩嘅飲品，甜美嘅芒果味道令人神清氣爽，必點🤣📍 Black Coffee (旺角)旺角廣華街3號地下3號鋪
繼續閱讀
這間人氣咖啡店位於旺角廣華街，主打咖啡、西式餐飲及新派甜品等，有生日畫碟服務，記得提前預約。店內環境寬敞舒適，樓底特別高身，裝潢以黑色為主調，採用落地玻璃設計能映入自然光。煙燻豬腩卡邦尼捲捲意粉 - $128人氣大熱的捲捲意粉煙煙韌彈充滿彈性，掛滿濃稠的卡邦尼汁，每一口也有香滑濃郁的蛋及芝士味，煙燻豬腩肥瘦相間軟腍多汁增添油香，還有少少香甜的洋蔥碎增添口感。慢煮牛柳配芝士薯蓉 - $228兩大塊慢煮牛柳保留最大程度的肉汁，脂肪雖少但勝在極軟嫩，幾乎沒有筋，有濃郁的牛肉味；綿密細膩的薯蓉有淡淡芝士鹹香的。伯爵茶忌廉日式梳乎厘班戟 - $102四塊即叫即製的梳乎厘班戟蓬鬆柔軟，空氣感極強，有濃厚的蛋香，入口輕盈而不膩；滿溢的伯爵茶忌廉汁幼滑細膩，有濃厚的佛手柑香氣，還有多色芋圓煙煙韌韌及香脆的曲奇碎。茉莉花綠茶鮮奶 - $48甘澀平衡良好的宇治抹茶，伴隨著淡淡的茉莉花香，加上順滑的鮮奶優雅醇厚好清新怡人。花生鮮奶熱朱古力 - $48花生及朱古力均有濃厚的堅果香氣，鮮奶平衡膩感。
繼續閱讀
今次我地去左一間人氣都幾高既暗黑咖啡店，佢地環境都偏暗，連食物都好多係黑色做主題😆合桃南瓜雜菜沙律配柚子橙汁（$108）呢個沙律係餐廳新出品，我老婆好鐘意食南瓜，柚子橙汁酸酸地同落醋既沙律差唔多，佢係更好既鮮果味🥗手打牛肉及原隻大蘑菇漢堡配薯條（$139）呢個漢堡包連個包都係黑色，切合餐廳既主題，個包好大件，磨菇大大塊，牛肉好厚，仲要好有肉汁，薯條炸得好靚，落左少少辣粉好好食🍔🍟自家製蘑菇忌廉汁捲捲意粉 配慢煮口水雞扒（$142）呢個捲捲意粉係放係個勁大餐牌，相信佢係主打食物之一，個口水雞扒同川菜既勁油唔同，但仍然有口水雞既風味，雞肉都好嫩，捲捲意粉口感好好，磨菇忌廉汁同個雞都幾夾🍝自家製茉莉花綠茶忌廉日式梳乎里班㦸（$102）呢個梳乎厘班㦸又係新出品，個綠茶忌廉幾好味，梳乎里好鬆軟☺️髒髒咖啡（$45）髒髒咖啡好有層次感，有靚咖啡既香滑，又唔會太苦☕️桂花菠蘿咖啡（$56）呢杯咖啡好特別，佢個底係有d菠蘿味既啫喱，甜甜地有果香既咖啡真係少飲，個感覺似咖啡味果茶🍹呢間餐廳都幾有質素，佢地好早就爆場，好彩我早入去食，唔係都要等位，我最鐘意就係個捲捲意粉，鐘意佢個口感，咖啡都好好飲，仲要有其他創意咖啡都想試，同埋醫護人員黎食有9折，餐廳隔離就係廣華醫院，真係有心做優惠比人，呢個舉動都好抵讚👏🏻
繼續閱讀
一直都好想試捲捲意粉，但唔知邊到有得試。朋友發現旺角依間餐廳有出捲捲意粉系列，佢就帶左我去試下！花生鮮奶朱古力杯面有好多朱古力奶泡，不斷咁爆開！朱古力入口幾順滑，味道唔會太甜。花生香味濃郁，當中仲有少量花生碎係入面添！芒果茉莉花茶鮮奶賣相幾靚，從杯中可以見到綠色既茉莉花茶鮮奶夾集著一層層鮮黃色芒果肉。鮮奶柔順再配上酸甜芒果果肉，口感幾清新！芒果同茉莉花茶味道好夾，啱晒夏天飲！自家製忌廉蘑菇捲捲意粉配口水雞扒捲捲意粉近期好hit！今次終於試到！捲捲意粉質感彈牙，口感好特別同平時既意粉好唔同，亦都超掛醬汁！忌廉醬味道有好香濃蘑菇味，雞扒肉質嫩滑，又大塊！炸黑炭豬扒印度香飯配瑪撤拉豬扒外皮係黑炭顏色，好特別！豬扒外脆內裏肉質鮮嫩，都幾juicy!印度香飯口感同平時食開既米飯唔同，再拌撈埋瑪撤拉一齊食，就更有異國風味！手打牛肉及原隻大蘑菇漢堡配薯條漢堡肉超厚又大塊，食落好juicy!味道帶有濃郁牛味，再搭埋大蘑菇一齊食，口感層次更豐富。金黃色薯條外脆內軟，份量都唔少。茉莉花茶忌廉日式梳乎厘班戟班戟輕盈鬆軟，忌廉的充滿濃郁茉莉花茶味道，味道都幾清新！上菜時班戟不斷震揗揗，一睇就知質感鬆軟！食起上尼都充滿超濃郁蛋香味！
繼續閱讀
全黑主題Cafe 🖤 一入去就覺得好型格，成間店由牆身到傢俬都係黑色，型格得嚟唔會壓抑，同朋友 chill 下或者自己 hea 陣都好啱。午餐$88 起，食物有水準，仲俾佢哋嘅甜品驚豔到！如果為咗個甜品再嚟，我～絕對願意！☺️🔶提拉米蘇日式梳乎厘班戟：空氣感強！蛋香味濃，疏乎厘入口好似食緊雲咁輕飄飄好輕盈～ 咖啡酒香同 mascarpone 好平衡，唔會太甜，真心推薦！🔶新鮮草莓千層酥配士多啤梨雪糕：千層酥同吉士醬好夾，一咬脆到「嗦嗦聲」，雪糕香滑，配埋鮮草莓🍓成個組合好 fresh，影相仲好靚！🔶口水雞扒窩夫配薯條呢個鹹食組合幾有創意，微辣口水雞扒夾喺窩夫中間，估唔到咁夾！薯條即炸好香脆。🔶煙燻豬腩卡邦尼意粉豬腩肉燻得好香，肥瘦適中，醬汁creamy 唔膩夠掛汁，仲有芝士粉香味～🔶合桃南瓜雜菜沙律配柚子橙汁南瓜好甜、沙律菜好爽脆，個柚子汁酸酸甜甜好開胃，感覺好健康冇負擔🥗🔷鮮奶咖啡🔷泡沫咖啡咖啡都係穩陣好飲嘅，配甜品好夾。P.S. 小彩蛋 🎂嚟慶祝生日嘅話，佢哋會幫你畫碟！幾有心思～
繼續閱讀