Bingo & Cook (港匯廣場)

營業中

休息中

在尖沙咀隱蔽的小巷中，有一家獨特的韓國餐廳，專注於傳統韓國美食。這裡的招牌菜包括香氣四溢的燒肉、色香味俱全的韓式小食，以及暖心的韓式湯品，還有外脆內嫩的韓式炸雞和美味的紫菜飯，讓每位食客都能享受到地道的韓國風味。目前，餐廳推出了令人垂涎的醬油蟹任食，只係$298/$348，就讓你可以無限量添加新鮮的醬油蟹，保證每一口都鮮美無比。除了醬油蟹，任食還包括各式小食，如酥脆的炸雞和Q彈的韓式年糕，讓你在品嚐美食的同時，體驗韓國的飲食文化。任食套餐還包含飲品任飲，讓你在享受美味的同時，隨心所欲地搭配。這家餐廳為韓國美食愛好者提供了一個絕佳的聚會場所，無論是與朋友聚餐或是家庭聚會，都是理想的選擇。

嘩！香港居然有醬油蟹放題啊！好中意食醬油蟹嘅我率先食吓睇吓點先！餐廳鄰近尖東站N1出口 不過有啲難揾大家要比足眼力！👀👀個套餐包羅萬有！咩都任飲任食！大癲！最緊要教大家！一定要揀 蟹乸 Set!!!! 多啲蟹膏 MM7 ！！之後refill都只會係蟹公！同埋無得refill蟹殼！🥲 啲醬油蟹超鮮甜多肉！餐廳比嘅份量都唔算少！建議大家一開始狂點醬油蟹拌飯食一流！🤤年糕香腸串配特製甜醬食好yum 👀 炸雞炸粉唔算厚、食落唔乾柴算多雞肉食！👍🏻大家放心！食完唔會肚瀉🤣🤣🤣🤣我腸胃咁敏感食完都無事就好合格！🥹👍🏻任食醬油蟹餐內容📌📌（$298蟹公/ $348 蟹乸）1. 醬油蟹2. 烏冬炒年糕3. 炸雞4. 年糕香腸串5. 紫菜飯6. 罐裝飲品

今次揀左間人氣♨️韓國料理，餐廳設有室內同外空間，播着韓國既流行曲🎶充滿住韓國地道風味，平時飛✈️去🇰🇷韓國旅行🧳都會試醬油蟹，呢個1小時醬油蟹任食放題All You Can Eat岩哂我，叫左$348雌蟹任食套餐，另加一服務費，真係好抵食性價比高。🔥 任食套餐包括：無限添加醬油公蟹，炸香腸，烏冬炒年糕，炸雞，紫菜飯同罐裝飲料 (可樂 、雪碧、梳打水)，追加左醬油鮑魚。🌟醬油蟹🦀醬油鮑魚🦪醬油蟹🦀好新鮮，大小適中爆哂膏😍，蟹膏同蟹肉都係非常鮮甜，醬油唔咸帶少少甜同微辣，完全無腥味，將蟹膏伴紫菜飯食超正，好似海膽撈飯既味道，醬油鮑魚🦪大大隻爽口好滿足。😋 🌟蒜香醬油炸雞🐥炸香腸炒年糕🍻炸雞外皮薄好香脆，雞肉嫩滑有肉汁💦蒜香醬油醬帶點甜味，炸香腸熱辣辣，辣醬烏冬炒年糕煙煙韌韌超好食，有驚喜配韓國真露燒酒一流🍺。 📍Bingo & Cook   @bingoncook_tst尖沙咀麼地道37-41號港匯廣場地下17-20 & 31-34號舖

俗稱白飯小偷嘅醬油蟹 唔使飛韓國 都食到啦！仲要係 高質醬油蟹任食！！！Bingo & Cook 為慶祝十週年，最近推出一個價錢，無限任食醬油蟹 及多款韓國🇰🇷小食包括 炒年糕，炸雞🍗拼盤小食、紫菜飯飲品都係任添㗎！首先一人食一隻爆膏 雌蟹先啦🤤🤤肉質鮮甜，一啲都唔會咸，好似啫喱嘅口感！拌飯一流👍🏻👍🏻任食嘅公蟹，唔好睇size細細，但一口一啖肉，都好滿足㗎！任食食到夠！而炸雞🍗亦新鮮即炸，熱辣辣脆卜卜

嘩❗️嘩‼️嘩❗️❗️❗️係唔係咁抵呀🤩 Bingo & Cook為左慶祝🔟周年🍾，推出新menu 醬油蟹任食套餐，人均$3xx就可以任食到平時幾百蚊先得個－、兩隻既醬油蟹🦀️真係勁吸引丫😍難得咁抵，我地呢d蟹痴邊有可能會走寶架😙一收工就即刻過去食😆等我簡單介紹吓個餐有咩食先：👇🏻頭盤要左🦀️蟹公、🦀️蟹乸各－隻蟹乸d膏好橙黃，多到瀉出嚟咁濟😍醬油d味道入晒去👍🏻醬香軟糯勁鮮甜，正到不得了🥰蟹公d肉又滑又多，唧出嚟完全係白飯神偷💯鮮到癲咗🤩紫菜飯嘅麻油香本身就好吸引🤩加啲蟹膏更多咗陣鮮味，食到停唔到口😋魚糕同年糕個汁辣中帶甜勁過癮，索滿晒汁超惹味丫😙炸雞亦都好滋味🍗乾爽得梨又唔油，出面脆卜卜，入面好juicy，連小妹呢啲唔鍾意食炸嘢嘅人都覺得勁好食🫶年糕香腸串嘅年糕有炸過，但完全無損佢軟糯煙韌嘅口感🥰，反而更加香口；香腸有啲脆皮又多汁，食多幾條都仲得😊飲品方面，包左既罐裝飲料都有好多款揀🫶🏻可樂、雪碧、芬達呢啲梗有啦，想健康啲嘅仲有梳打水添，真係好貼心❤️今餐又係滿足到黐線☺️，鍾意醬油蟹嘅你千其唔好錯過丫‼️🛑Bingo & Cook (尖沙咀)📍尖沙咀麼地道37-41號港匯廣場地下17-20 & 31-

😎在尖沙咀的一個角落裏，居然發掘到一間咁Chill的韓國餐廳⭐️真係估你唔到，醬油蟹控必須留意，居然仲有醬油蟹任食套餐，食到你happy happy🤩💓套餐仲可以食炸雞炸物，同朋友一齊捧住個肚離開餐廳。😉醬油蟹 🦀 非常新鮮，味道亦都剛剛好，不會過鹹，呢一點係非常不容易。👍🏻享受著美味的蟹膏，感覺到非常滿足。😋在尖沙咀的一個小小角落裏，居然可以過着一個寧靜舒服的晚上，免卻世間煩擾，是一件多麼好的事情。🩷餐廳環境舒服，一邊和朋友談天說地，一邊聽着背景的韓文歌，彷彿身於韓國中🥰 就讓我們一起陶醉於一個韓國的晚上吧！

今日去咗Bingo & Cook食醬油蟹，醬油蟹通常喺香港食都比較偏貴。但係今日啲餐就係醬油蟹任食放題。而且今日呢個餐廳比較多人，要預先約位。有啲人約咗位Walk in都冇得入去。今日我哋叫咗：—🦀 主打套餐：任食醬油蟹放題【套餐內容】✅ 無限任食醬油公蟹(首碟附蟹蓋，追加僅蟹身） ✅ 其他韓式料理 　- 烏冬炒年糕 　- 韓式炸雞　- 年糕香腸串 　佢呢個餐咗交咗炸雞年糕香腸串，烏冬炒年糕，同紫菜拌飯。 - 年糕香腸串:社交平台爆款打卡，甜辣醬裹焦脆年糕＋香腸。 - 烏冬炒年糕: 辣度可選，彈年糕配滑溜烏冬。- 醬油蟹醃漬入味，首碟蟹膏飽滿鮮甜。 - 炸雞外脆內嫩，調味正宗。 #必吃順序: 首碟醬油蟹 → 蟹膏拌飯 → 炸雞+年糕串 → 追加蟹身/其他菜品

[ Bingo & Cook ]為慶祝在港開業10周年，呢間韓式連鎖餐廳晚市推出任食醬油蟹🦀套餐，另外仲可以任食炒年糕、炸雞、紫菜飯等。✿ 醬油蟹無限任食 雄蟹$298/位、雌蟹$348/位、小童半價每日下午5:30開始供應，放題時間60分鐘。任食：醬油蟹、烏冬炒年糕、炸雞、年糕香腸串、紫菜飯第一碟醬油蟹可以選擇有蟹蓋蟹膏嘅雄蟹/雌蟹，味道咸香，搭配紫菜飯簡直絕配😋。第一碟後可無限追加公蟹，蟹身蟹腳啖啖肉，但無限追加嘅蟹就無蟹蓋蟹膏。烏冬炒年糕 辣中帶甜，年糕軟糯彈牙，烏冬吸飽醬汁超入味。韓式炸雞外皮酥脆，肉嫩多汁。香腸炸得焦香，外脆內軟。任飲：罐裝飲料，有韓式飲品、汽水等。總結🫦 雖然放題時間得60分鐘，但食物上菜速度快，而且份量充足，1小時足以食得好飽。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Bingo & Cook地址：尖沙咀麼地道37-41號港匯廣場地下17-20 & 31-34號舖電話：2152 0017✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

知道依間餐廳最近做緊超抵食嘅醬油蟹放題，即刻捉埋朋友同我去食！依度做緊$298蟹公、$348蟹乸嘅價錢，第二輪只限蟹公，所以我第一輪緊係要晒蟹乸啦，勁多膏🤤！ 店員好快就上咗盤醬油蟹，賣相滿分，蟹肉鮮甜嫩滑，蟹膏滿瀉！醬油味道濃郁又唔會太鹹，完全帶出蟹嘅鮮味，將啲蟹肉蟹膏撈埋熱辣辣嘅紫菜芝麻飯，超滋味🤤我哋之後追加咗一隻蟹公，追加係冇蟹殼嘅，蟹公雖然冇膏但一樣好肥美。 除咗主角醬油蟹，仲包其他配菜，全部都好出色。炒年糕口感煙韌，吸收晒醬汁，仲有豆皮，同彈牙嘅年糕一齊食，層次豐富到爆！炸雞外脆內嫩，咬落去仲有肉汁流出，配上酸甜醬簡直絕配！年糕香腸串都唔錯，香腸帶點油香，年糕又軟糯，好啱做小食。 仲有罐裝飲品任飲，飲番罐凍飲即刻解膩！鍾意食蟹嘅朋友一定唔可以錯過！不過留意返只限時一個鐘👍評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺Bingo & Cook尖沙咀麼地道37-41號港匯廣場地下17-20 & 31-34號舖📍尖沙咀/尖東港鐵站N1出口2分鐘路程

最近試咗尖沙咀「Bingo & Cook」嘅醬油蟹放題（最平$298/位），真心抵食到震！重點係佢哋嘅醬油蟹完全冇腥味，每隻都爆膏爆黃，醃得夠晒入味，鹹鮮帶甜。同朋友兩個人輕輕鬆鬆食咗20隻，蟹肉撈紫菜飯真係停唔到口！ 除咗主角醬油蟹，放題仲包埋脆皮韓式炸雞、辣炒年糕同年糕香腸串。炸雞外脆內嫩，年糕煙韌有咬口，不過我哋主力都係狂encore醬油蟹，畢竟出面單點一隻都要過百蚊㗎！ 員工態度超好，我哋一食完即刻幫我哋refill，喪食冇壓力👍🏻總結：性價比超高！蟹控必試，食完話俾我知你哋食左幾多隻

近排有間韓國餐廳🇰🇷‼️為慶祝10週年做緊$298起任食醬油蟹🦀激抵🤩平時一隻醬油蟹嘅價錢而家限時60分鐘任食醬油蟹除咗醬油蟹仲有幾款小食同罐裝飲品都係任叫任飲價錢有分雄蟹同雌蟹,我同朋友揀咗一雄一雌揀咗雌蟹會黎第一碟雌蟹,之後就無限追加公蟹🦀無限追加就無蟹蓋🔸醬油蟹雌蟹多膏用黎拌飯一流😋雄蟹雖然無乜膏,但啖啖肉味道較入味個人比較鍾意雄蟹🦀🔸炸雞炸雞大大件又無骨,外皮香脆,肉質嫩滑🔸年糕香腸串炸年糕外脆內煙韌,香腸好香口🔸烏冬炒年糕烏冬就係魚糕,韓式魚蛋好百搭點食都好食韓式炒年糕味道唔辣夠味

見網上介紹有間韓國大排檔餐廳好有feel就決定去食個lunch， 不過可惜日頭原來會收起哂啲佈置😅唔緊要！見佢有細妹至愛醬油蟹🩷一於比個機會佢！⭐️醬油蟹套餐(午市) $198見佢哋嘅午市套餐有醬油蟹食咁抵，即刻嗌咗個試下！驚喜地發現午市質素都唔差超多蟹膏，肉質都好鮮！而且醬油味剛剛好，用嚟撈飯超惹味～見佢哋仲做緊$298任食，細妹話下次一定要encore～⭐️50cm韓式海鮮鍋 $380兩姐妹第一次咁長嘅海鮮鍋😱原隻扇貝、大蝦、蟹，連鮑魚都有數過一共7款海鮮，超足料！ 煮出嚟啖湯超濃郁超鮮，辣度喺細妹都接受到(食到辛辣麵🤣)嘅辣度我地仲嗌咗多湯，同加咗拉麵(+$30)🤤（細妹🩷：拉麵真係海鮮鍋嘅精髓嚟！絕對值得留肚食🥹）⭐️海鮮煎餅 $148其實食完前面兩道菜已經超級飽🤣但細妹都好鍾意韓國嘅煎餅意外地超足料，每啖都食到海鮮嘅程度而且煎得好香口～👍家姐評分💜：8/10細妹評分🩷：8.5/10綜合評分：8.3/10評語：揀食材一啲都唔馬虎每款海鮮都好新鮮，而且韓國風味十足唯獨晏晝收起咗大排檔佈置有少少失望🤏想打卡嘅朋友仔要注意啦～

無意中比我發現咗呢間韓國餐廳，竟然做緊無限任食醬油蟹同幾款韓式食品，以一個出邊食一碟醬油蟹嘅價錢竟然可以無限任食，簡直係抵到爆，呢度有啲隱蔽，所以趁唔使排隊之前大家快啲嚟試吓首先梗係講吓啲醬油蟹，新鮮多肉，可以任食就係將啲肉同膏拆晒之後放響紫菜飯上面，這一口的含金量誰懂，滿滿的幸福感，平時唔食飯嘅我都係咁食另外一個MVP就係炸雞，首先冇骨已經係加分，滑溜多汁唔會嚡口，搣開層皮之後啲肉汁滴晒出嚟，食肉獸表示勁開心，都encore咗幾次炒年糕同香腸串其實都唔錯，但係真係要留返啲quota食醬油蟹同炸雞，仲要除咗酒精嘢飲之外嘢飲任飲，呢個放題真係值得一試

醬油蟹任食$298起🤩 仲有得揀公蟹或者母蟹 一定要去試試😋 ✨套餐入面仲有熱食 ⭐️炒年糕 ⭐️炸雞 ⭐️炸年糕香腸 ⭐️紫菜飯 ⭐️罐裝飲品 食完第一隻蟹之後 無限追加就只有公蟹 但都開心😚 先食啲熱食墊墊底😙 年糕惹味 辣辣地 幾開胃 另外 炸嘅年糕 幾煙靭 炸雞都好juicy 很不錯😋❤️重點係蟹 兩個人先叫一隻公一隻母 母蟹嘅膏好鮮甜😋 撈埋落紫菜飯 仲正 平時夜晚唔食飯嘅我 都忍唔住一啖接一啖🫢 公蟹肉質綿滑🥰 一樣鮮甜可口😋 任食真係可以食返夠本😛 叫咗一杯乳酪沙冰 開胃又可口 今餐食蟹真係大滿足 下次要同fd 再encore😙

極力推薦呢一個60分鐘任食醬油蟹 醬油蟹10分鮮甜美味 除咗醬油蟹之外，仲有其他小食都可以任食 烏冬炒年糕 炸年糕香腸串 紫菜飯 罐裝飲品同埋炸雞 真係超級無敵好抵 平民之選💕 環境都相當之舒服 坐落都唔會咁逼 真係要讚一讚呢間店舖嘅上菜速度 真係好快 侍應會主動問你需唔需要refill醬油蟹 真係超級細心，同埋體貼 炸雞香腸，都好好食。 我哋都叫咗幾碟醬油蟹 蟹蓋雖然得一個，但係攞上面啲蟹膏撈飯食到勁滿足超開心。一啖肉一啖蟹膏飯。