Bingo & Cook (港匯廣場)

營業中

休息中

起初約人去尖沙咀Bingo & Cook食飯嘅時候，以為係普通餐廳門面，入到商場之後見到好似好舊式咁，點知一入到去，就好似用隨意門去咗韓國咁，餐廳韓風味濃厚，多支燒烤爐配合一個龐大窗景的高枱位置，門外的Outsidearea好有韓式feel，大家可以食飯時，得閒攞住杯酒出去同人吹水都得，呢一種韓國文化係我個人比較嚮往的，就係食飯都要食得自由自在，開開心心，而唔係要坐定定係張凳度傾偈咁枯燥。回正題，介紹主菜先🔸酒精🔸🔹經典真露 🔹$80🔹芒果米酒 🔹$88真露四至五款選擇，典型得來卻是必備的，今次的樽身好靚，反而特登試吓啲生果製嘅米酒，芒果味非常濃郁，配合酒精，令到唔鍾意飲生果汁的我都會變得好鍾意飲🙂‍↕️🔸主食🔸🔹海鮮蔥餅 🔹$148海鮮煎餅係朋友最想點的，結果水準超出預期，賣相精美得來仲有唔少蝦粒同魷魚粒和韭菜，最驚喜係食上去唔算太油膩，就算很多人都喜歡的青椒絲同洋蔥絲，食上去都冇將海鮮的味道掩蓋，反而令到口感更加清爽，如果想點啲魚露都可以調下味🔹蜂蜜黃油炸雞（半份）🔹$130炸得香脆，唔會厚粉，食上去啖啖肉，薄身，雞肉嫩滑多汁，呢啲都係一直都想韓國食炸雞嘅理由，好彩呢度實現到。🔹Bi

醬油蟹放題！傳說中嘅「白飯小偷」就係佢🦀真係唔好亂試，因為啲飯會一碗接一碗！呢間醬油蟹放題啲蟹乸爆晒膏，撈埋紫菜飯真係無敵組合！🤤 我自己最鍾意瘋狂加紫菜，啖啖都勁滿足～第一round會自動上齊蟹乸、炸雞同炒年糕，食完想encore，提提你追加嘅蟹就無蟹蓋㗎喇，但蟹肉依然超多！另外私心激推佢個燒年糕，煙煙韌韌勁好食，我encore咗幾轉！😍店員都非常之好，佢有個年糕腸仔串，我就問佢可唔可以淨係要年糕串，佢地真係好好人俾晒成串年糕串俾我🥹好值得再嚟多次！😘

想實現醬油蟹自由？🦀🦀🦀 原來唔使飛去韓國，喺香港都做到！🤤🤤 聽朋友介紹先知道原來Bingo & Cook有醬油蟹放題套餐(雌蟹$348; 雄蟹$298)~ 無限任食之餘，仲可以免費不斷添加炸雞、年糕香腸串、紫菜飯等等！限時一個鐘裏面保証你食到超級滿足🤰🏻🫶🏻.🧷 @bingo_and_cook#hungrykuuu_hongkong #hungrykuuu_tsimshatsui #香港好去處 #香港美食 #尖沙咀美食 #hkfood #hkgoodwest #相機食先 #食好西 #hkfoodie #hkcafe #香港打卡

天氣熱突然好想食醬油蟹 估唔到係尖沙咀k11附近一個唔顯眼嘅商場位置 發現到呢間韓國餐廳 大概6:00嚟到 都已經見到有啲韓國人食緊 我地兩個人叫咗2份$348 蟹乸任食醬油蟹餐套餐 有得揀蟹公同埋蟹乸 蟹公就冇膏食 咁當然係揀蟹乸啦 個套餐有好多嘢食！除咗醬油蟹，仲有兩碗紫菜飯、辣炒年糕、炸雞年糕香腸、2罐飲品1）醬油蟹 都算係好多膏 啲肉好容易就會唧到出嚟 唔需要用力 醬油汁調得啱啱好唔會太鹹太甜 加埋紫菜芝麻飯撈埋一齊食都真係好好食 好似去咗韓國咁🥺2）辣炒年糕呢個辣炒年糕入面仲會有少少泡菜同埋魚糕～唔會太辣 好啱香港人口味3）炸雞年糕香腸炸雞炸年糕炸腸仔都熱辣辣！總體嚟講性價比高！ 每人食四隻都抵返晒！平時喺韓國就咁叫兩人份量嘅蟹都要三百幾蚊 但呢度係任食！！

呢排成日喺社交平台碌到醬油蟹，真係忍唔住去食返餐😍😝之前去親韓國都好鍾意食😋但喺香港食，好多餐廳都續隻🦀 計，好貴🥹呢間竟然有得任食醬油蟹!!🤤分別有2個任食餐$298蟹公/ $348 蟹乸🌟(但係留意番~ 其實只係得第一round嘅分別，之後供應嘅蟹都會係mix嘅)•我就叫咗蟹乸任食，始終第一round都想感受滿滿嘅蟹膏多d丫嘛🤭 啲蟹浸滿醬油汁，好入味👍🏻 ✨ btw,識食一定係撈埋紫菜飯食😋•❣️驚喜位係原本我以為任食啲蟹就會細細隻，但係估唔到係啖啖肉!! 一放入口，成舊蟹肉係充滿口腔，新鮮度同口感都有齊🙌🏻 •除左醬油蟹，其他熟食都唔錯任食餐仲有得食烏冬炒年糕、炸雞同年糕香腸串架

最近社交平台上都多咗人討論醬油蟹放題，價位由300起跳到500不等，規則五花八門。所以小編喺試醬油蟹放題之前，決定先試一試餐廳嘅水準。💛醬油蟹兩隻+紫菜包飯💛餐廳嘅醬油蟹有單隻/兩隻嘅形式咁賣，但一次過買兩隻會平啲。試食當日得小編一個到場，所以決定請店員幫忙將另一隻當外賣處理。店員都好好人幫忙，同埋會將外賣嗰隻先放入雪櫃保存。醬油蟹新鮮多膏，蟹肉鮮甜，口感QQ。醬油嘅味道都討好，但小編覺得係偏水果甜味重啲，麻油味重少少，唔算喺係小編嘅好感帶內。呢次其實係小編第二次食醬油蟹。上次喺濟州食嘅時候，的確令我好驚艷。醬油恰到好處咁帶出蟹嘅鮮甜味，唔會死鹹或者死甜。今次雖然未去到驚艷嘅程度，但如果未有時間去到韓國，用嚟止下癮，都係相當滿足嘅。紫菜飯溫度暖暖，紫菜用料足，都不錯。另外一點想讚下餐廳，食蟹嘅時候，有主動提供手套同埋裝殼嘅骨桶，非常體貼，令到今次嘅用餐體驗都非常良好。雖然有YouTuber講過呢間餐廳嘅醬油蟹放題質素麻麻，但根據小編今次單點嘅用餐體驗，小編覺得可以俾次機會試下嘅。

最近係社交平台 見到有人介紹任食醬油蟹，實不相瞞，我去過韓國但冇食過醬油蟹。今次去咗尖沙咀bingo and cook，位置方便，係尖東同尖沙咀站中間。任食系列包括：醬油蟹：一公一乸，乸個隻好多膏烏冬炒年糕：年糕煙un ，有小小微甜炸雞：舊炸雞大大舊，一啲都唔小氣年糕香腸串：香腸有煙勳過，香口！紫菜飯：好香麻油味，撈落紫菜送飯一流！任飲罐裝飲品：有我最愛嘅milkis ，正！價錢都係300幾蚊，可以約埋一大班frd黎試下！

尖沙咀 Bingo & Cook 醬油蟹放題，抵唔抵食？🤗去尖沙咀覓食，俾我搵到間叫 Bingo & Cook 嘅韓國餐廳，佢個招牌大大隻字寫住「The Best Korean Restaurant In Hongkong」，咁勁？最吸引我嘅係佢有「醬油蟹任食」啊！聽到「任食」兩個字就即刻心心眼，嗱嗱聲約埋朋友去試吓係咪真係咁堅！🤭間舖喺麼地道個 FHP Shopping Centre 入面，唔算好難搵，個招牌都幾簡潔。入到去，裝修都幾舒服，木系設計，感覺幾溫暖。店員都幾好禮貌，效率都OK，唔會等你等好耐。醬油蟹放題，食到停唔到口！🤩🤩講到重點喇，醬油蟹啊！一碟碟咁上，擺滿晒成張檯，睇到都流晒口水！輕輕一掰開隻蟹，嘩，啲肉真係晶瑩剔透，脹卜卜架！入口冰涼滑溜，蟹肉嗰種鮮甜味，再加埋醬油嘅鹹香，真係好夾好夾！啲醬汁完全滲透晒入啲肉度，食落去好濃郁，層次感十足！最正係咩？係啲蟹膏啊！橙黃色，好creamy，入口甘香，撈埋啲飯食簡直係天堂！「任食」真係冇呃你，我哋幾乎係一隻接一隻咁食，完全停唔到口！鍾意食醬油蟹嘅朋友，呢度真係必試，包你食到夠本！仲有咩好食？食醬油蟹點可以齋食蟹呢？我哋仲叫咗

最近任食醬油蟹盛行，原本諗住平日應該唔會太多人，點知去到成間餐廳 full house，仲撞正三枱客生日，就好似搞緊小型派對一樣融入其中，店員會熄燈播生日歌加樂器伴奏，氣氛真係幾 high！餐廳裝修簡約，燈光偏暗，坐得舒服之餘又有啲 chill vibe～🦀 任食醬油蟹｜$298（雄）/ $348（雌）+加一每人一開始就會有先來一碟完整嘅醬油蟹，之後可以任追加蟹身（唔包蟹蓋）！我哋兩個就分別揀咗雄蟹同雌蟹，齊齊試晒兩個肉質口感，真係滿足到爆😋 雌蟹膏多得嚟質感creamy，啱晒撈紫菜飯，一啖啖蟹膏濃郁香滑，唔會鹹到反胃 ，雄蟹大大隻，肉厚實而鮮甜，啖啖肉好有彈性，食落好似食果凍嘅口感，好正！套餐總可以無限encore以下食物:🍚 紫菜飯飯量十足，配合蟹膏同蟹肉一齊撈，吸收哂啲精華汁液，每口都好滿足，真係蟹膏控必點！🍗 炸雞即叫即炸，外皮炸得香脆但唔會硬，雞肉嫩滑無骨，好適合食完蟹轉個口味。🍢 炸年糕腸仔第一次試炸年糕，外層香脆，內裡煙韌彈牙，沾上甜辣醬，特別惹味。🔥 魚糕炒年糕甜辣味道開胃刺激，每片沾滿醬汁，辣得好味。🥤 罐裝汽水飲品任飲📌整體感想✨蟹質素比想像中高，追加無限唔手軟✨

最近留意到呢間餐廳有醬油蟹無限任食，諗起我有個好朋友鍾意食醬油蟹，即刻約佢嚟擦餐勁先。.呢個任食套餐好豐富！除了醬油蟹任食外，更有魚糕炒年糕、炸雞、年糕香腸串、紫菜飯任食及汽水任飲，真係食到超級飽呀！.醬油蟹 —第一碟可以選雄蟹或雌蟹，之後可以無限追加公蟹。我喜歡醬油蟹的醬汁，鮮甜帶有蒜蓉香味。每一碟都有好多蟹肉，入口冰涼，蟹肉嫩滑，似食緊啫喱嘅口感；蟹膏幾香、無腥味。.我哋更加錢叫了醬油蝦 —蝦肉都算厚肉彈牙，蝦頭都多膏。.魚糕炒年糕 —辣醬好惹味，微辣，我唔太食到辣嘅都食到。年糕外表煙韌，內裡軟糯有嚼勁，軟硬度啱啱好；魚糕夠腍、夠入味。.炸雞 —炸得好香脆，雞肉夠嫩滑；配埋韓式甜辣醬食，幾好味。.年糕香腸串 —年糕微微炸過，外表有點鬆脆、內裡好煙韌；香腸都炸得幾香。.紫菜飯 —紫菜份量多、好香麻油味，送飯一流。.每人大約 $380 食到好飽好滿足，都算性價比幾高👍🏻

平時日式放題就食得多～今次見到有韓國餐廳做醬油蟹放題咁吸引一定要試吓啦!!除咗醬油蟹之外，仲會有其他小食可以任食真係超抵呀~ 炸雞外皮好鬆脆, 肉質嫩滑～年糕腸仔超推薦！外皮好鬆脆, 年糕煙煙韌爛超好味～甜辣年糕魚片年糕魚片好掛汁~味道唔會好辣但好惹味!䧳蟹醬油蟹任食頭一輪會有一隻䧳蟹, 睇相就知道蟹蓋超多膏! 之後無限量供應公蟹～雖然冇蟹蓋但係都超多肉超大隻~ 而且紫菜飯任裝~醬油蟹配飯一流, 超好食!!成餐都超豐富! 餐廳唔會漏單, 而且每一年都好大碟, 一啲都唔hea~ 好容易食到回本haha, 好抵食! 外面叫兩碟醬油蟹都唔止呢個價錢🙈我哋上次到訪係平日晚餐時間~餐廳超多人, 建議一定要book位啊!😆

成日都見到有人推依間醬油蟹任食，睇到啲片都流晒口水🤤就同老公一齊去試下。🌟套餐一共有2款set-雄蟹同雌蟹，我哋就鍾意食雌蟹嘅蟹膏甘香味，所以就叫左雌蟹。如果鍾意食蟹肉其實叫雄蟹已經好夠。🦀醬油蟹一落完單之後好快就已經上菜，第一輪會上炸雞、年糕香腸串、烏冬炒年糕同紫菜飯比你。之後唔夠依啲都係無限任叫嘅。雌蟹明顯蟹膏好足，而且食落好鮮甜入味，橙紅色嘅蟹膏食落好有咸香味～👍值得一讚嘅係佢嘅蟹蓋同樣多膏，撈埋紫菜白飯一齊食，真係冇得彈。果然稱得上係「米飯小偷」🤣而第二轉開始就會上雄蟹，以為雄蟹平啲就唔好食？Nonono😏蟹肉一樣好鮮甜，而且都好厚肉，唔每一隻輕輕一撳落去啲肉已經吱晒出嚟☺️仲要零腥味😝🌟烏冬炒年糕不嬲都好鍾意食炒年糕，貪佢煙煙韌韌又夠辣，配埋魚糕一齊食👍🌟炸雞拼盤炸雞都炸得好出色，外皮好鬆脆。而且佢有兩款醬俾你點可以食到唔同口味👍🦀Bingo & Cook (尖沙咀)📍尖沙咀麼地道37-41號港匯廣場地下17-20 & 31-34號舖

Bingo & Cook嘅醬油蟹一小時任食真係好正，唔使飛去韓國都可以食到，仲要價錢好吸引，想食多幾隻都唔洗肉赤😍1. 醬油蟹蟹肉鮮嫩，醬汁濃郁，甜鹹適中，每一口都能感受到海鮮的鮮美。配搭紫菜飯食一流。2. 炸雞外皮金黃酥脆，令人一口咬下去就能感受到肉質的鮮嫩。3. 年糕香腸串年糕的Q彈口感和香腸的鹹香味形成了完美的搭配。4. 韓式海鮮煎餅海鮮煎餅的外皮酥脆，裡面則包裹著各種海鮮，每一口都能感受到海鮮的鮮味，好食😋

最近發現之前食過嘅Bingo&Cook 出咗醬油蟹放題,然後即刻搵咗身邊醬油蟹愛好醬油蟹嘅朋友仔去試試佢~7點半到餐廳已經坐滿左8成😱而且每枱都係食緊佢地既醬蟹放題~佢地既Menu 有分公蟹(HK$298)/雌蟹(HK$348)~同朋友想食多D 蟹膏就揀左雌蟹😆雖然限時放題只有60分鍾,前後同朋友仔叫咗三隻,除番開每隻都係116蚊一隻,仲可以無限添加紫菜飯😍😍除左任食醬油蟹同添飯外,仲可以叫以下小食放題✅烏冬炒年糕✅炸雞✅年糕香腸串

由韓國人主理人氣韓國🇰🇷餐館 @bingo_and_cook 為慶祝十週年，推出左60分無限任食醬油蟹，醬油蟹分二個價格 （雄蟹$298，雌蟹$348），放題第一碟係自己所選擇的，而追加的蟹就全部是公蟹（無限追加的晬沒有蟹蓋），而放題仲包括：年糕香腸串，魚糕炒年糕，炸雞，紫菜飯同罐庄飲品！如果想飲酒精類都只係每位加$15，超抵！餐廳氣氛好好😌環境好像置身韓國，眼見大家都食得好開心，醬油蟹拌紫菜飯真係無敵，雌蟹蟹肉相對厚實多膏，佢地既醬油蟹唔會好重醬油味，調味不錯，又有麻油香，完全食到蟹肉既鮮甜！年糕香腸串也不錯，面頭微微的脆內軟，沾一沾醬汁更加惹味！魚糕炒年糕少少微，但年糕吸左汁好好食🤤如果想食埋醬油鮑魚同醬油蝦就另有追加費用（$70/$60）📍Bingo & Cook (尖沙咀)尖沙咀麼地道37-41號港匯廣場地下17-20 & 31-34號舖Follow me💪Follow me🌟Follow me🫶🏻如果喜歡我既分享，請給我的post♥️及追蹤我@foodie_milktea_hk，謝謝支持💕