Be Leaf

營業中

休息中

平時成日搭巴士經過會見到呢間好渡假風既cafe，終於的起心肝去試一次😍餐廳既風格完全唔似位於觀塘既鬧市之中，以花為主題，充滿渡假風情😌🌟 香酥魷魚泰式柚子沙律泰式醬汁酸酸maymay，好開胃！魷魚表面有一層簿簿既炸衣，而且份量都唔少🦑🌟 香煎牛小排紅咖哩意大利飯🥩第一次食呢個味道既risotto🤩 牛小排煎到外脆內軟，意大利飯帶有微微辣味，十分惹味！🌟 自家制焦糖餅咖啡焦糖餅好香搭配微苦既咖啡 剛剛好😌如果唔食個焦糖飯餅，仲會慢慢溶化落杯咖啡到😌🌟 Grapefruit Summer Soda做左漸變既效果 打卡一流🤩🌟 黑糖麻薯泰奶茶牛角包窩夫泰奶味好濃郁！分左2層 中間放左3粒黑糖麻薯 鐘意食麻薯既一定要叫😍

黎到觀塘be leaf，同朋友2個食左3樣嘢，一人一款飲品，好味😋環境又好坐首先，飲品好快送到，我飲曼越莓玫瑰紅棗茶，朋友飲Grapefruit summer soda，再叫左個軟殼蟹意粉，泰式拼盤，最後來一個甜品，提拉米蘇疏乎厘，有驚喜，必食推薦😝😝蔓越莓玫瑰紅棗茶，好足料，味道好濃，紅棗嘅甜味好出，對女士又好養生，餐廳仲會好好幫手refill熱水🥰🥰朋友既Grapefruit summer soda，唔記得咗影, 但味道都好Refreshing,顏色亦都好靚。咁講吓個軟殼蟹意粉，軟殼蟹好脆口，份量多，意粉個汁都幾好味，蕃茄仲有啲配菜酸酸地，都幾開胃😋推介。泰式小食拼盤，好多，種類亦都唔少，分別有豬頸肉、菠蘿、雞肉串、扎肉餅，仲有沙律做配菜，我同朋友一見到都覺得好豐富。雞肉串都好大串，配埋個汁，好好食🥰但有驚喜既係豬頸肉， 好爽口好大塊😝扎肉餅就正正常常，但配埋個泰式嘅汁，都幾好食。可以睇到肉嘅份量其實真係多，我哋兩個人食一路傾偈一路慢慢食，都好飽！但最後，我哋嚟到點可以錯過佢哋必試既自家製疏乎厘pancake，於是我哋叫咗個提拉米蘇疏乎厘pancake，心諗我哋都可能未必食得晒，但

難得觀塘區地舖看到這麼大的咖啡廳！每個位置都是打卡點📸雖然也是常見的藤編椅子🪑可是加入不同花藝配搭，整體也做出波希米亞風格🌵🪵.食物方面也是走豪華澎湃的感覺🥘全日早餐也加入了香蒜焗蠔，咬下去還有點新鮮的海水味很嫩口。甜品要點名讚焙茶巴斯克蛋糕！焙茶味道很濃郁而且口感超棒😋第一口就已經覺得很吸引#另外看到隔座的pancake很吸引✨不過整體價格比其他cafe就算有點貴~~偶爾吃一次半次還可以的

小朋友假日係觀塘區遊玩, 一大班小朋友晚餐, 上網搵到這間, 店舖和食物本身唔差, (正常) 佢取悅點係擺件的確係靚.一坐低自己手機落單, 因為太多小朋友, 招服務員同我地落單, 個服務員應左好, 我以為佢轉頭哩,.  我已經用手機落單了, (禁應左我好..但又唔同我落單ga)???,  好多位小朋友都想食牛, 牛個款xx飯都唔平$188另+1, 唔緊要..我地都預左都想比小朋友簡鐘意食ga,  點知原來哩到係辣, 個個食到苦瓜樣.(唔係一定要提客人, 但出面好多間店都會提下小朋友食唔食到辣), 最後我地叫執台因為帶蛋糕哩砌, 將所有野執哂, 未食完的都執走埋. *其實我想講間店好多野都OK, 靚境, 野食正常, 只係可以改善下服務員的服務, 禁就perfect la. 埋單$22XX 

✨水牛芝士巴馬火腿無花果沙律非常豐富，足料水牛芝士、咸香巴馬火腿配上新鮮無花果肉，沙律菜非常新鮮，食材豐富，配上黑醋汁，酸甜醒胃✨原隻赤海蝦刺身香濃蝦汁意大利麵意粉口感彈性帶點煙韌，散發岀蛋香，掛汁力強，與香濃蝦汁配合得天衣無縫，蝦味非常濃郁，原隻赤海蝦刺身，口感層次更豐富✨法式焦糖卡士達梳乎厘班戟必食精選！疏乎厘即叫即做，超級柔軟，口感軟綿空氣感十足，並帶有香濃蛋香，配上法式焦糖，甜度適中，滿滿幸福感✨陳皮洛神花茶味帶酸甜，伴隨着陣陣陳皮香，感覺清新，消滯開胃✨Cappuccino入口順滑，咖啡味香濃，齒頰留香，令人非常難忘Be Leaf📍九龍觀塘敬業街55號皇廷廣場地下2號舖

相信好多朋友都有試過呢間位於觀塘人氣打卡餐廳Be leaf 🍀 ，好適合休閒用餐，走峇裡渡假風💚環境裝修都好少女心❤️閨蜜影相或者拍拖打卡一流✨✨和風味噌燒特級豬梅扒配菠蘿蜜桃醬 ($158.0) 豬梅扒配上和風味噌燒，搭配特製的桃醬豐溢且平均嘅油脂分佈❤️濃郁鮮味嘅豬肉散發淡淡菠蘿果香切開仲流出大量肉汁，唔會乾柴💞✨香煎大蝦手拆蟹肉金沙咸蛋黃意大利麵大蝦搭配蟹肉金沙和咸蛋黃意大利麵意大利麵吸曬鹹蛋黃，食落好重鹹蛋鹹香味🤤 ✨焦糖控必選自家制焦糖餅咖啡 雖然焦糖，但飲落唔太甜再加上一杯自家制焦糖餅，溝埋飲幾夾❤️✨ 陳皮洛神花茶 (熱) 陳皮洛神花茶好消滯開胃的尤其在用餐後品嚐，極為舒適✨ 蘋果金寶火灸焦糖蛋卷配 Movenpick 雪糕 賣相幾靚可以打卡味道正常發揮

位於觀塘裝修比較有峇里風情打卡既cafe優雅裝潢好精緻適合中午或者收工黎放鬆心情🌟香烤五花豚肉泡菜蕃茄意大利飯 💰$102五花豚肉厚度適中👍🏻保持到油脂肉汁加入泡菜醬汁好有fusion感覺🌟香辣蒜片欖油大蝦意大利麵 💰108大蝦非常爽口彈牙之如又好大隻🍤略帶微辣香口，唔算太辣平常唔食辣既人都會食到🌟鹽漬櫻花柚子梳打 💰$48比較清新風氣 🌬️略帶稍微咸味加上柚子果氣味好有夏天氣色 🍹🌟自制焦糖餅咖啡 💰$53咖啡味好濃☕️焦糖脆餅好脆口慢慢混和熱咖啡咁融為一體好特別👍🏻指數：🐻🐻🐻🐻🐻/5粒 （爆分⭐️）Be Leaf (觀塘)📍地址：觀塘敬業街55號皇廷廣場地下2號舖☎️ 電話：21522893#香港美食#港島美食 #新界美食#九龍美食#觀塘美食#啤啤遊食團#假日好去處 #港人推介美食 #相機食先 #香港美食打卡#甜品#糖水#多國菜#hkfoodblogger #foodie #hkfoodie #hkig #dinner #hkstyle #852#cafe #bearbeareat#bearbeareat觀塘

行行下觀塘見到呢間超級超級超級靚嘅小店，充滿峇里風情，環境好舒服，staff都好好人，食物時間預得好好，仲提我哋要預20分鐘整梳乎厘！香蔥鴨肉芝士墨西哥薄餅超香鴨肉味，一切開就有鴨油，再而係芝士味，溶至拉絲狀態，再加上蔥油，勁香口，而且一啲都唔滯！牛小排紅咖哩意大利飯牛小排煎到七成左右，配上唔會好辣嘅紅咖哩味，每粒飯都掛滿紅咖哩，仲有啲豆同埋菠蘿，食完都唔會滯唔會膩，番茄仲煮得好淋，一咬就係天然茄汁！白酒牛油煮魷魚拌香辣茄子醬初頭驚酒味會濃，但唔會好濃！所以一啲都唔苦，反而係茄子醬超級香，又唔會好鹹，兩者好夾，佢比起紅咖哩會再辣啲，魷魚都好彈牙！重點來了！Tiramisu梳乎厘班戟！好大份！好好食！唔會好甜，咖啡味好香嘅tiramisu！梳乎厘微暖，再加朱古力醬，超級正，呢個一定要嗌！焦糖餅咖啡超得意！係廚師自己整嘅焦糖脆餅！我哋拎一塊出嚟食，超級脆，好香嘅焦糖黑糖味！遇水溶於咖啡turn out好好飲，咖啡味重過焦糖味，好正！陳皮洛神花茶一開頭係微微花香甜味，飲到最後，陳皮味出晒嚟，鹹鹹哋，好舒服，有安神作用！

放工約左朋友食飯，揀左帶佢去觀塘一間好多人鍾意嘅靚靚裝修西餐廳。餐廳裡裡外外都有唔少打卡位，而且食物味道相當唔錯，所以都有穩定嘅捧場客。前菜我哋點咗香酥魷魚泰式柚子沙律🥗。香酥魷魚非常鮮味！配合柚子同番石榴子酸酸甜甜，加埋少少辣嘅source，口感清新惹味，好開胃，欣賞。朋友鍾意食海鮮，於是點左白酒牛油忌廉汁煮澳洲新鮮藍青口，醬汁味道都幾香濃。不過更好味嘅係主菜，因為我鍾意食pasta，所以我哋點咗原隻赤海蝦刺身香濃蝦汁意大利麵，上枱已經覺得好吸引，食落果然好鍾意，因為意粉真係有好香濃嘅蝦汁，而且上面嘅蝦非常大隻，絕對係刺身級別。呢個我絕對可以encore食多碟！最後點都一定要試吓呢度最出名嘅疏乎厘班戟。法式焦糖custard 疏乎厘班戟味道並不太甜，但custard 做得好香，每人一件食完都唔覺得罪疚😛😌難怪成為餐廳嘅名物之一。值得一提係餐廳嘅飲品都唔錯，我哋要咗宇治抹茶鮮奶同埋陳皮洛神花茶。抹茶鮮奶有好香嘅抹茶味，又係唔係太甜，啱晒我。至於陳皮洛神花茶，陳皮味好重，應該係靚陳皮，都幾消滯開胃😊埋單兩個人食飽飽大概六百多元，以餐廳嘅食物同環境質素而言，性價比都唔錯👍🏻下次會繼續光顧🌻

今個weekend嚟到呢間觀塘好出名嘅Cafe Be Leaf，入面嘅裝修非常之靚，門口仲有個花圈好適合打卡😆今次我哋叫咗兩個套餐，每個套餐都包餐湯同埋嘢飲～香煎大蝦手拆蟹肉金沙咸蛋黃意大利麵🍝每啖意粉都佈滿咗蟹肉同埋鹹蛋黃，配埋煎過嘅大蝦🍤完全啱晒我嘅口味和風味噌燒特級豬梅扒配菠蘿蜜桃醬🐖成日食豬扒都會驚好嚡，但呢個特級豬梅扒口感柔軟，而且入面仲好多汁，每一啖都食到味噌味，另外仲配咗酸酸甜甜菠蘿蜜桃醬好開胃🤤熱自家制焦糖餅咖啡☕️賣相超級靚嘅焦糖餅咖啡，焦糖餅融入咗咖啡入面，飲落甜甜地好香焦糖味☺️陳皮洛神花茶🫖呢個洛神花茶係紫色好靚，仲可以少少地咁倒落個杯度飲，而且味道都唔錯，飲落酸酸甜甜

餐廳以峇里島度假風和落地玻璃為設計，店內更有峇里島鳥巢，作為打卡熱點！店外則以籐及竹裝潢，半露天座位更可帶主子🐱🐱🐶🐶放風香蔥鴨肉芝士墨西哥薄餅薄餅配搭新鮮，外層微微焦香，裏面食到鴨肉伴芝士，加上伴菜嘅香氣，很不錯香煎牛小排紅咖哩意大利飯初嘗紅咖哩意大利飯，味道較濃厚帶點微辣，牛小排肉質軟淋，加上小蕃茄，洋蔥，菠蘿等配料，香氣十足，味道更豐富法式焦糖卡士達梳乎厘班戟2大件梳乎厘班戟淋滿海量嘅卡士達醬，表面有焦糖脆粒點綴，甜度適中，同朋友一齊分享剛剛好陳皮洛神花茶 （熱)和Grapefruit Summer Soda飲品方面同朋友揀咗兩款都非常適合打卡，外觀吸引，味道不會太甜陳皮洛神花茶消滯開胃，葡萄柚梳打味道清新

之前已經想嚟好耐，主因經常見到朋友出Post到Be leaf，被餐廳環境同氣團感所吸引，今晚藉着假期前夕，親身來到Be Leaf感受下餐廳拱門鮮花的擺設，優美奪目打卡一流。室內同室外坐位同樣舒服，室外位置仲可以帶同毛孩一齊進餐，相當細心水牛芝士巴馬火腿無花果沙律 $138新鮮沙律菜配上水牛芝士、巴馬火腿、無花果、蕃茄仔等等 清新開胃，健康之選香煎牛小排紅咖喱意大利飯 $188香煎牛小排牛味濃郁，口感軟熟 配上紅咖喱意大利飯，微甜惹味，米飯煙靭有咬口，配搭一流法式焦糖classy疏乎厘班戟 $128疏乎厘班戟賣相好靚，口感鬆軟，亦吾會太甜 值得推介陳皮洛神花茶 $44女士思物，健康養顏，亦是開胃消滯之選Grapefruit summer soda $46梳打飲品清甜解渴，好啱夏天天氣

食物味道比前進步，芝士火腿拼盤和梳乎厘班戟皆有驚喜！意式芝士巴馬火腿拼盤賣相美觀，食材新鮮，有多款火腿和芝士，豐盛的一大碟，份量多而美味。香脆酥炸雞翼香口惹味，穩陣之選。原隻赤海蝦刺身香濃蝦汁意大利麵，赤海蝦刺身大隻，意大利麵挺身掛汁。陳皮洛神花茶只有熱飲，有陳皮香，酸甜開胃！凍飲grapefruit summer soda美味，色彩繽紛、賣相吸引。甜品提拉米蘇梳乎厘班戟超讚，作為甜品控，個人覺得這裡的梳乎厘班戟屬驚喜級別，由餐廳自家食譜製作，不輸日本知名的梳乎厘班戟，鬆軟富蛋香，滿滿空氣感，絕對值得一試。餐廳環境企理衛生，裝修陳設屬峇里悠閒風，具空間感，十分多打卡位。

「Be leaf」真係超適合打卡，環境充滿著舒適嘅氛圍，好適合休閒用餐，享受美食。🍤🍝🥗 「Be leaf」嘅午市套餐真係超吸引！包括餐湯同餐包，一次過滿足你嘅味蕾！香煎大蝦手拆蟹肉金沙咸蛋黃意大利麵🍝餐湯真係好開胃，配上餐包，好滿足！大蝦煎得香脆，蟹肉金沙咸蛋黃意大利麵鮮美濃郁，每一口都好滿足！和風味噌燒特級豬梅扒配菠蘿蜜桃醬🥩賣相吸引，豬梅扒燒得剛剛好，配上菠蘿蜜桃醬，味道酸甜可口！焦糖控必選自家制焦糖餅咖啡🍹焦糖餅香甜，配上咖啡，絕對係一個令人垂涎欲滴嘅飲品！🍤🍝🥗Ocean Paradise 🍹海藍色好特別，飲品味道清新👍🏻有時間一定再去試新菜式👍🏻

次次等巴士見到呢一間嘅裝修都好靚，今日同朋友就去試吓呢間位喺觀塘嘅西餐廳。對面啲裝修好少女心，拍拖影相一流！香煎牛小排紅咖哩意大利飯啲牛排煎得啱啱好大概六成，肉質嫩滑，而且都有好多舊。 再加埋咖哩嘅香料，味道濃郁個人認為比較香辣，令人食完就想再食，食辣嘅朋友一定好鍾意！香酥魷魚泰式柚子沙律魷魚炸得香脆，魷魚嘅調味都唔錯，而且唔會炸到好乾。醬汁方面佢係用泰式辣醬，辣辣地酸酸地好似平時食生蝦嗰個味道好開胃，同埋柚子嘅清新酸甜味道更加豐富啲！蜜糖洛神花茶蜜糖味唔會好重，仲主動幫你加熱水！ 酸酸美味非常開胃，食完嘢飲亦都好解膩。宇冶抹茶鮮奶暖暖地嘅味道好適合飯後飲用，宇冶抹茶鮮奶濃郁嘅抹茶味同鮮奶嘅滑順口，而且一上枱見到個拉花即刻加晒分。 😍法式焦糖卡士達梳乎厘班戟上網見到好多人去呢一間都食疏乎厘，所以同朋友都試吓先 。成個疏乎厘內膽非常綿同軟林林！醬汁唔會太過甜，少少焦糖味配合淡淡卡士達。再加上疏乎厘本身蛋香濃郁，所以配合埋醬汁唔會太搶大家嘅味！總括嚟講，呢間西餐廳唔單止環境靚靚，味道唔錯，款式都多。幾適合同朋友嚟聚一聚。