BBQ 7080 (已結業)

其實都食過好幾間7080 都覺得唔錯，雖然尖沙咀依間都開張一段時間，今次就黎左尖沙咀依間試一試。五花腩牛肋條 - 見到塊五花腩都知正啦，真係數到有五層架。牛肋條都好得，小弟比較鐘意食牛肋肉，肉質腍之餘又有牛肉味。牛仔骨豬扒 - 一般牛仔骨通常都會比較韌，但今次又唔算喎，而且牛仔骨肉同牛肋肉一樣，味道會濃一啲，唔錯。午餐肉 - 午餐肉真係幾時都係咁好食，不過呢其實聽過話午餐肉其實係用一啲無咁新鮮既豬肉所製成，但好食既話都係唔好諗咁多野啦。豬皮 - 今次都係我第一次燒豬皮，成日食韓燒都見人叫豬皮，我記得上次食果間我都真係有 order ，但所有野到齊，就係 miss 左我塊豬皮，當時都食得七七八八就放棄無再追啦，今次叫補番數。燒完個感覺完來都幾得意，唔似平時食開爽口的，而係煙煙韌韌，食落好有骨膠原既感覺。蒜蓉扇貝 - 其實都無咩特別，但扇貝就係可以食完再食。牛舌 - 薄切牛舌燒好後有啲彈牙。泡菜煎餅 - 整體味道只算合格，重口味既我覺得佢唔夠泡菜。羊架 - 好少韓燒有得叫羊架。難得！

其實好得意，唔知點解我生日……要去食韓燒……因為契仔阿媽鍾意，哈哈既然係咁，就搵間可以食肉食到飽既喇~今次我地食都有爐邊蛋，我真係好鍾意，不過因為唔夠人手，所以我地都好難食多次爐邊蛋大醬湯 - 我終於都飲到唔係辣嘅大醬湯喇，出面好多韓式料理店嘅大醬湯係加咗辣醬去煮，我鍾意呢D比故清嘅，夠晒熱，同埋好香大醬味道，亦都好多蔬菜，唔錯韓式餃子 - 去到邊我見有餃子都一定食，食到大少同我講，可唔可以唔叫餃子，我就係唔知點解咁鍾意食餃子……可能我前世真係北方人或者日本人，哈哈，呢個餃子都有少少硬，不過內餡唔錯蠔、蝦 - 今次重要玩埋燒蠔，但係呢……唔知係唔係殼太厚，所以都幾難燒，下次都係唔好ORDER好啲燒鰻魚 - 大少唔鍾意食，所以我好少食到，除咗去名古屋嗰次佢真係全餐都係鰻魚之外，今次見到有得燒，我一定唔放過，燒完真係非常好味，雖然都重有好多細骨，但係味道搭救今次食咗好多肉，有牛舌、牛肋骨、五花腩、牛肋肉，全部都好好味，大家都食到好滿足，因為我地幾個都係食肉獸

First time experience in a buffet type place. Actually that was awesome. Nice staff, great location and cozy interior. What else would you need

今晚同班好朋友再黎山林道呢間「7080任食放題」呢間野過去半年其實都食左5～6次，一直我地都極滿意，一直都好開心，但今次真係火都黎埋我地9點15左右入去食，一入到去見到d經理員工都轉晒人，d招呼都唔同晒(係差左好多)，我地一坐低佢話90分鐘可以任食就走開左，我地當然知啦，但佢地等左好耐都無人黎收單，收左單又好耐都未黎野食，我都算喇，咁我地d餓鬼既係狂點架啦，黎左6碟野，我地極速燒左四碟，見到有d野未黎同有d野想要食咪再落單，點q知第一個待應話我地仲有野未燒，話幫我地出d我地無既先，其實我地都無所謂，點知唔夠1分鐘另一個待應埋黎話我地仲有野食，要我地燒埋先出單比我地，我地都忍忍佢咪推晒d野落去快燒快食啦，食晒叫佢出單又dum我波鐘，個爐有個真空期無野燒，等一輪先黎到d野食，一放低唔夠5分鍾又話last call 問我地有無野補， 好啦，我填完比佢，佢問我再落單洗唔洗加鐘，位位88蚊60分鐘，我當場個人爆左出黎啦，個時9：50左右我last order埋都仲有時間燒啲嘢食啦佢2個待應1個經理沖埋黎，係咁問你加唔加鐘，如果你地走剩野100g100蚊(不停強調+重複)，其實我地都怕浪費，大家都

一直都好想是正宗嘅韓燒,所以今次就搵左呢間BBQ 7080 佢係放題形式,有好多種唔同嘅肉類 海鮮 同埋韓式小食 選擇仲有唔同種類嘅飲料任飲 另外仲有一個Premium Menu 俾大家可以選擇加錢叫一啲特別嘅肉類 同埋特色嘢飲好似燒酒咁頭先一坐低waiter 就送上爐邊蛋同爐邊芝士 睇到就覺得好正!!之後就叫咗唔同種類嘅食物有好大隻嘅生蠔,帶子  重有非常之多雪花嘅牛肉!(Premium Menu),其他肉類有五花腩,豬頸肉,豬大腸等都非常好味, 食物亦好新鮮另外仲有叫一D韓式小食好似呢個泡菜煎餅同埋呢個韓式冷麵仲有一個必食嘅就係燒鰻魚,唔需要加錢都有得任食,大家記住一定要叫黎試下喇飲品方面我就叫左呢個最新嘅芒果啤酒,呢隻韓式啤酒配燒肉真係一流,仲係任飲添!總括依然今次嘅韓燒之旅非常開心,食物質素非常高,而且值得一提嘅係啲店員全部都係韓國人大家可以用英語溝通,感覺上就好似去咗韓國咁,同一般嘅港式韓國餐廳唔同,所以大家來到呢度會感受到好好嘅氣氛

Delicious dinner at this new Korean BBQ restaurant. The staff was super friendly and even produced an English menu that was a little different than the Chinese menu but still every one of my favorite was there. their beef was excellent and the lamb was very tasty. The peach soju (extra) was worth it, very delicious!

假日來食燒肉,未免太過份了罷, 不過小朋友們放暑假,同佢地去太空館玩下再食個燒肉幾好呀。任食MENU任君選擇, 剔好交比服務生, 一盤盤肉就很快送上。3口子點了牛肉同豬肉,牛排骨及烤牛肉, 其實一大盤上都分不出,想翻點時有點沒有頭緒,但每樣都好味又醃得夠時間。見到有PREMIUM  MENU, 可以加錢吃好一點,爐邊蛋色費任加, 愛吃蛋的小妹狂吃更添了2次,更加自己加泡菜同芝左豐富一下。只食肉不健康, 也可以點上飯麵, 炒粉絲都幾彈牙架,食入口又唔弄到成嘴油。煎海鮮蔥餅, 唔會太大個, 一個切開4份每人都,稍為煎得唔夠香脆, 粉醬小點薄一點更香口。同佢地去食BUFFET食好小, 反而燒肉自己落手燒, 搶住夾肉反而食更多,開開心心又快開學了。

好耐無食過韓燒啦，今日唔知了起條咩引，就係想食韓燒！間呢度位於亞士里道尾尾個位，唔係search openrice都唔知呢度有間韓燒。舖內係坐圓櫈，無得挨，場唔算好大，職員算多，有幾個店員好似係韓國人。六點零黎到唔算好多人，但六半到開始人多，坐滿成個場甘濟。餐紙上既食物大致分左豬、牛、熟食、海鮮、蔬菜同追加項目等。最估唔到係可以叫生蠔、帶子、鰻魚（任食！）鐘意食海鮮既岩晒！！魷魚烤完會再細只啲，一定要留意個火。雪花牛內瘦同肥分明，咬落去好淋，好有牛肉味！睇樣就知同任叫既牛差好遠。喜歡吃牛既朋友仔就要叫黎試下啦！！左邊係牛舌，朋友食，有啲酥，自己唔太喜歡牛肋條，芝士腸雖然無葉過，但燒完點少少醬已經好入味，好足夠！烤牛排骨葉好左，有啲甜，好多肉，好林，夾生菜食，一流！海帶湯無驚喜，海帶味唔重，煱有少少舊。份量剛好，唔會飲唔晒。炸雞剛炸起，卜卜脆，肉嫩滑，咬開有肉汁流出黎！飲品種類選擇唔多，主要係韓國飯品。落品送上台，非自取。

之前去過佐敦果間，覺得唔錯，所以今日經過又黎試下！佢門口貼左張大海報，上面有晒甘多種食物既相！非常之吸引！！！黎到可以食餐或韓燒放題都得，睇自己食量啦！果晚就揀左後者！坐低，職員就加蛋漿同芝士係爐端，再放埋醬料同泡菜酸瓜，動作好快手。熱爐要時間，所以叫熟食食住先！炒粉絲味道剛好，有好多雜菜，粉絲煙韌。石頭煱食好多菜，但沒有肉，可能係以燒既肉做送點心紙有好多肉類可以叫，豬、牛、羊、雞、海鮮都有，有葉“葉”有唔“葉”既，總有一款岩你！但我自己鐘意“葉”左既食材多啲，所以都圍繞住呢樣黎叫。啲肉都幾入味，燒時好多肉汁，好香，燒熟時啲肉都仲好嫩滑（當然要睇你燒既技巧啦！）最驚喜係可以叫鰻魚，燒汁好多，燒時啲汁融融地，痴痴地，鰻魚肉好淋，熱辣辣！超正！另一樣喜歡既食物係烤牛肋骨肉，好香牛肉味，啖啖肉！正正！除左任食既食材外，仲可以加錢叫其他，我今次就叫左帶子同同特級雪花牛肉！一碟四粒，好大只！燒得剛熟時好爽口彈牙，無物點縮水。一睇就知呢碟雪花牛幾正！！花紋平均分佈，又厚身！烤時血水上晒面，再烤另一面鎖住肉汁，食時肉質好淋，又有牛味，真係食到lam lam 脷！飲品主要係常見既韓國飲品，唯一唔好既係

朋友生日要bbq,本身就係燒烤咁燒，但天氣似乎唔太好，決定改，揀了韓燒，見有推介，有幾間分店，原先揀山林道果間，但無位，發現尖沙咀仲有呢間，唔理照訂。早左來，但因為未齊人，都唔咁早入，侍應係韓國人，唔識廣東話，英文又麻麻，等齊人入去，留左靠牆的位置，叫到一枱都是，牛肉、五花腩、瓜、扇貝、蠔、茄子、羊架、八爪魚、魷魚等燒物，大部分都叫左2次，仲有泡菜薄餅、海鮮薄餅、炸雞和海帶湯，炸雞都有encore，好香口，唯獨泡菜薄餅唔夠泡菜味。羊架最正，帶子和蠔就好細粒，但算係新鮮，呢個價都好值了。人多，分了2個燒烤爐，一個燒到個燒烤板都燶哂都無人換，另一個無咁燶嘅到後尾換左，唔多明白點樣去安排換板。飲品任飲，試到韓式飲料，平時唔會買來飲，一次過試哂

上星期happy friday 早收工幾個同事去左食韓燒，兩百幾蚊可以任食都真係幾爽。我地7點前到等左幾分鐘就有位入。紙上面全部都任點，除左有premium 食品要加錢寫明，加錢果d係再高級d肉同海鮮，我地加左兩樣野，但其實任叫的都已經很好，一樣有蝦有五花腩肉。咁當然加左錢的仲正啦！第一轉係叫普通任叫之後加左錢叫左牛排同黑毛豬，食落同普通任叫係真係有分別的，果牛肉d紋好靚食落唔單止肉味再鮮d仲質地好d。黑毛豬好有咬口，因為佢切得唔太薄好想推介個鰻魚，其實熟左嫁喇上果時已經，但我地都仲係鍾意連錫紙放上爐整熱d，上面已有燒汁，真係幾好食除左燒肉類，仲有其他韓式野食的，例如海鮮煎餅，佢整得個邊好脆，唔係只得粉，都幾多八爪魚仔呀咁，不過呢d飽肚野叫一份大家開心些牙啦我係呢度見到出邊少見的韓式飲品，就係芒果啤，好香芒果味唔膠，果汁味重過啤味整體ok la, 食韓燒唔洗逐碟叫就住就住，質素對得住人，想再豪d又有得加錢叫貴野，唔錯。

五丁友搵嘢食，星期一嘅呢度較人少，環境好舒適任選食物、飲品選擇頗多！唔洗自己行嚟行去拎肉類、蔬菜、海鮮每樣試試，熟食揀咗炒粉絲同泡菜餅牛舌唔錯，好香、夠味，有encore!豬皮好厚、彈牙好咬口雞肉較雞肉串出息！雞肉啖啖肉唔肥，不過不失雞肉串就調味over咗，醬汁比雞多，失去咗食雞肉嘅感覺，味太重！帆立貝、蠔、大八爪魚串都唔錯！大八爪魚都幾大，有口感牛仔骨可以，入味；羊好香羊味，肉類總括都唔錯喜歡韓炒粉絲因較為粗身，較爽，呢個都幾好味，香口唔咸呢餐食嘅嘢太多，未能盡錄！以呢個價錢的確好抵，滿足而且呢度服務好好，上菜很快，服務員很有禮，會自動定時替我們更換燒板，很貼心

I was brought here by a friend as she is a regular to this place. This is one of many Korean BBQ places that have opened in Hong Kong and this one is quite a famous chain. We ordered mainly pork and beef with a small selection of chicken and intestines (my first try). The portions are small, but great if you don't have a big group and want to try more dishes. The meat quality was OK, not that great compared to other restaurant standards in Hong Kong. The flavour mainly comes from the salted oil

今日同屋企人帶左遠道而來既表姐妹親戚去左食韓燒，之前我都食過依間以散叫形式點餐，原來而家轉左做任飲任食，佢地從來無食過，所以帶佢地黎試下除左有燒肉之外，仲有海鮮同韓式料理任叫任食，我地係九點半後入座，$168加一，真係幾抵食蛋邊同芝士碎係任加肉既種類繁多，肉既色澤均匀，肥瘦適中，燒完香口惹味海鮮除左蝦、墨魚，仲有生蠔，都幾新鮮另外叫左韓式拉麵同炸雞料理，真係用返韓國公仔麵煮，夠哂辣同濃郁。炸雞口感香脆惹味，配埋任飲啤酒，真係夠哂正

原本的7080都幾貴吓都唔係下下捨得同女友食因為次次就住就住我都唔飽…但依家唔同啦 轉左放題 終於可以大口大口咁食一開波就落左芝士同蛋我地叫左牛舌，尤魚，同蠔！我最愛的係牛舌薄薄的好快熟而且好重牛味好正尤魚我自己嫌唔夠味因為佢無落醃料不過口感好好的，好爽口蠔好肥美同新鮮唔錯唔錯之後我地加左錢要個特級雪花牛肉哈哈88蚊都仲加得起又比得幾多我地wor無乜肥肉入口即溶 牛味重88蚊真係好抵同放題任食d牛無得比見個牛咁好食我地又加錢要左烤饅魚（辣味）佢呢隻魚唔係日本個隻脆身好多爽口，辣味唔多，無蓋過魚的味但用黎燒真係好好至少唔會痴底之後食唔到魚38蚊真係推介大家都加呢個不過再辣d我會更鍾意haha我地呢餐食得好開心 清完熱再食！