b.o.t.h. by Texas Burger

營業中

休息中

B.O.T.H. By Texas Burger 位於荃灣廣場，餐廳環境開陽，坐位闊落，近窗邊位好適合打卡，好岩一班朋友黎聚餐傾計👯‍♀️📌雀眼椒香辣雞翼(6pcs) $98🍗 外皮煎得好香脆，帶好微好微辣味，配一個酸酸甜甜嘅醬，作為開胃小食一流😋📌椰香冬蔭功海虎蝦意大利麵 $138 🦐🍝虎蝦好大蝦，蝦肉爽口彈牙🦐 意粉好香椰汁味，帶少少冬蔭功嘅酸辣，好惹味😍📌香脆軟殼蟹牛油果芝士牛肉漢堡🍔個Burger 有少少失望，軟殼蟹嘅炸粉厚左少少🦀 牛油果變左牛油果醬😔 至於塊牛肉都算Juicy，不過牛味唔重，配埋醬汁同車打芝士就係一般burger嘅味道，冇咩特別。🌟推介指數：😈😈😈😈（5😈為滿分）

只看餐廳的門口還以為是超貴的西餐廳但原來是CP值很高的美式餐廳雖然食物質素不算令人驚艷但綜合環境、氣氛等等因素來說這裡特別適合朋友聚餐坐得超級舒服 空間又大🤩🔹️ 素食植物芝士牛肉漢堡(+薯條) Impossible Beef Burge $128🔹️ 德州燒烤芝士牛肉漢堡(+薯條) Texas BBQ Beef Burge $138分別點了素食和肉食的漢堡上桌時漢堡還是熱的德州燒烤芝士牛肉漢堡如想像般味道更濃郁有濃濃的BBQ Sauce味道薯條是我最愛的波浪紋薯條 口感很棒👍🏻🔹️ 奶蓋楓糖核果梳乎厘班戟 Stone Fruit Milk Foam Pancake $118奶蓋+楓糖+核果是安全的組合梳乎厘班戟的質地還可以但沒有令我留下太深印象🔹️ Garfield $58飲品選了milkshake類的Garfield外觀很漂亮😍是Earl Grey味再加了超邪惡的忌廉和雪糕

今日去咗食lunch，大概幾個人左右，咁就book咗枱啦之後我哋發現嗰張枱嘅位置唔太好，所以想轉去對面張枱，之後餐廳侍應人員話嗰兩張枱已經book咗，咁就算啦 之後再睇睇下好似隔離有兩張枱有幾好，試吓問吓會唔會可以過去坐，點知佢話嗰度又係book咗，好啦心諗就算 坐返原本張枱都OK。之後叫嘢食，佢哋餐廳要用個app點樣食已經麻煩，又唔俾人手落單，要收1%服務費，間餐廳最少都要百幾蚊一碟意粉，仲要食到全部人都勁嬲，谷鬼氣之後因為張枱嘅凳唔夠人數坐，我哋搬咗對面海張凳過嚟坐，之後個侍應走埋嚟話唔可以郁呢張凳，叫我哋自己去一個好遠嘅一張枱自己擔張凳過去過返過嚟坐，跟住我哋咪話不如你拎黎俾我哋，因為地方距離都好遠張凳又好重重點嚟啦 佢係態度極之惡劣 返我哋白眼 之後推翻張凳 仲要大大力fing 過去 服務態度簡直差過茶餐廳 ，但係呢度係咩地方？我哋成餐飯食咗成千蚊 咁樣嘅服務質素？之後食嘢途中，發現佢不停同啲同事討論 背後議論 望住晒 明顯發現佢喺度議論緊我哋最後買單嘅時候，真係離晒譜！佢叫我哋唔該搬好所有枱枱凳凳還原番？！雖然佢態度係正常，但係明顯地不滿同埋串緊我哋，之後我哋咪同佢爭論囉 講

仔仔食左唔好食既嘢響度喊餐廳職員叫我地出去先，唔好影響其他人有小朋友的家長請謹慎考慮去唔去呢間餐廳啲嘢食唔多好食，叫左一個扒兩份意大利飯，兩碟飯啲味好怪-日本帶子及牛面頰有些餐廳會有啲用品氹小朋友，呢間乜都冇不特止仲要叫你行開下….我本人唔會再黎，百幾蚊個飯咁既質素

This was 12:15pm, they have had plenty of time to get ready for service from 11:30am.  Yet no one around for long time again, left waiting outside.  This is not just once or twice, but almost every time I go for lunch.This time I had elderly in wheel chair, we seated ourselves out of the way but one of the staff had us moved!  Was not helpful or accommodating!  Was really annoyed and angry with this angry young clueless staff with attitude, there were no other staff or managers.  And it is not t

/🍔B.O.T.H by texas burger ✨卡爾谷煙燻車打牛肉漢堡 $88(?)單叫Standard 嘅burger ，唔會話surprise 到人。麵包有烘過，所以暖暖地同微脆，同軟熟嘅。牛肉都算厚同有汁，但味道就偏淡唔重牛味，配埋生菜蕃茄車打芝士就係普通burger應有嘅味道🤔未必再食。✨香脆黑松露薯條$68薯條都炸得幾香脆！不過佢配蛋黃醬，所以其實黑松露味唔太特出🤔除咗面頭嗰啲之外都無乜~-因為係簡單嘅下午茶，所以冇乜食到其他嘢，見到有pancake都幾大份，會想下次再去試吓！！整體環境同埋食物質素都係OK，因為都多選擇，覺得可以再去的🫶🏻-♡ May 2023◆◆◆◇◇-#yat2sik3_荃灣

小琪子book左自己和朋友成日幫襯的b.o.t.h同我慶祝生日～近窗邊是兩層高的大大大玻璃，雖然係夜晚，但感覺都係特別舒服，唔像困左係商場，相信日頭有自然光就更正斗，下次即管黎食tea，嘆下日光浴先～香脆軟殼蟹牛油果芝士牛肉漢堡～揀burger真是揀到選擇困難，呢個又想食、那個又唔錯、呢種都少有wo......最後軟殼蟹成功突圍，始終軟殼蟹真是無得輸，軟殼蟹萬歲！burger上枱好靚仔呀！芝士半融，有番咁上下厚，粗薯條吸引簡直畫龍點睛～香菇墨西哥雙重芝士薄餅～近期對墨西哥薄餅有莫名的偏愛，唔好問點解，總知見到就好想食。芝士味香，菇味濃，I like it~熔岩提拉米蘇疏乎厘斑㦸～小琪子特別推介呢度的疏乎厘，點可以唔試真d。兩塊厚厚的疏乎厘，空氣感都夠的，唔會死實實，蛋香味和咖啡酒味可再重d，不過宜家咁食都滿足的～Garfield~Milkshake吸引人，夏日就是要爽一爽！earl grey味的milkshake真是第一次見，都幾特別呀～厚厚的cream雖然明知好肥，但就係忍唔住飲曬落肚～

今日慶祝母親節 原本諗住去食日本野 點知行過俾呢間餐廳外面裝修吸引左 就諗住轉場試下點知伏到一個點🫠🫠侍應服務唔特別講但係食物質素真係非常差個南瓜意大利飯比較濃味，但算係正常Burger普通 $128 仲要+$50先有薯條同埋一杯冇味嘅乳酪飲品重頭戲黎啦 價值$350嘅牛扒竟然可以做到又硬又乾又冇味 好似搵水白烚一樣 淨係切到切到手軟🫠夾硬咬完之後全部都係筋 食過咁多次扒都未試過咁既質素 應該花園餐廳仲好食 真心唔知食左咩落肚 真係食到一肚氣食完番黎同老公都覺得個肚唔舒服 好反胃呢間嘢真係冇下次

朋友聚舊來到 B.O.T.H. by Texas Burger ，諗住打下咭，點知卦住傾就唔記得影相芝麻菜露荀牛肝菌黑蒜燴意大利飯燴飯軟硬適中，食落好香，係個份量稍為細左少少艾斯阿格牛肉漢堡個包軟熟，入口鬆軟牛肉好厚可惜略為乾左少少，唔係咁JUICY要讚個南瓜湯好幼滑，入面有好多南瓜蓉經典香蕉梳乎王班戟口感就麻麻，有少少似蛋糕質感，唔係咁食到一陣風GARFIELD earl grey ice cream water biscuita茶味幾香，不過就略為甜左少少，唔知有冇得少甜呢?飲入口係會啜到有餅乾碎，我好鍾意飲落好有口感

中午食lunch，第一次哩間cafe。由於係返工時間客人吾算多，所以即時有位。我地簡左set lunch(有加一)，平時其他餐廳午餐都冇加一收費，對於打工仔黎講係偏貴既午餐。我點左薯條配墨西哥卷，凍飲(免加收費)，另外有餐麵同餐湯。墨西哥卷賣相好睇但吾飽，我覺得當下午茶就可以當正餐就吾建議，另外薯條睇得出即炸好脆口，等餐時間吾算耐。整體味道都幾好，如果份量相對足料會更好，此終菜量同肉比例為7/3，性價比低。

在香港要找想吃的東西其實真的不太容易假日3點幾4點和男友在荃灣閒逛了很久想要找一家坐得舒服，有空間感而不太吵的cafe也想要找一些有陽光的餐廳，我認為荃灣的選擇不算很多而走遍了南豐紗廠的cafe但卻覺得食物不太合心意的我們最後走到了這家餐廳坐在窗邊，有一點綠色植物，環境很舒服～點了一份水煮蛋牛油果吐司以及Texas BBQ Beef Burger 吐司上有很～多～牛油果！而覺得吐司甜甜的，也挺好吃很特別的加入了煙肉，在整個吐司上吊出了一點咸味我有個問題：拍完照之後，這個吐司到底怎樣才可以吃得比較好看呀切得牛油果們都掉下來了，表示我絕對吃得很不美觀哈

今天約了妹妹到這間餐廳食brunch, 因為見到網上食評不錯, 同埋我哋都鍾意食西餐, 就過來這裡試試。被安排到窗邊嘅位置, 窗外面對住荃新天地, 景觀開揚, 感覺很chill.我哋點了兩個main, 松露蟹肉炒蛋吐司和egg benedict.兩個main 都好味, 好大份。松露蟹肉炒蛋吐司有絲絲蟹肉喺滑滑嘅炒蛋入面, 配埋酸甜嘅醬汁一齊食, 好滿足😋Egg benedict 和平時食開嘅有點不同, 佢嘅包底係用吐司嘅厚飽底, 配厚火腿同波蛋。另外, brunch 包了餐湯或指定飲品。我哋都選了餐湯，餐湯係磨菇湯, 是用了好多磨菇打出來, 好足料。這間餐廳感覺很不錯, 下次會再嚟試其他食物😊

4大4小入去話要入坐就要分開坐，見到入面有張大小小，我哋話逼小小坐都得，點知再入到去有張大枱，問坐個張得唔得，佢話無櫈坐吾到，但明明有4張櫈其他坐梳化位就得，我哋問多兩問先俾我哋大啲個張枱食物方面鵝肝漢堡，個鵝肝太薄切出嚟先隱約見到，鵝肝味唔太出牛肉漢堡，都香牛肉味佢哋既薯條🍟我係幾鍾意食🍝蕃茄意粉係好食有小小辣味(唔記得咗影相)卡邦尼意粉正常無乜突別魷魚沙律🥗點知原來係八爪魚酥勁大條😂🥩牛扒因為有小朋友叫左7成熟個黎到都幾生感覺似5成熟

《Texas Burger》超高質超Juicy既牛肉漢堡，一食就知道選用優質牛肉，肉味好濃仲流出好多肉汁非常Juicy，其他餡料包括有炸洋蔥圈、煙肉、生菜和芝士等等，醬汁用咗特制既BBQ sauce，真係好好食值得推薦呀。雖然burger size 唔算大，食埋炸薯條就剛剛好，今餐非常滿足😋。

午餐又來到荃灣廣場食，呢間餐廳d位坐得都幾舒服，但唔知點解次次都坐唔到打卡靚嘅窗邊位。🐾素食植物牛肉芝士漢堡 $108跟餐多左麵包、餐湯同飲品。味道唔錯，餐湯係南瓜湯幾香濃。漢堡包底面都烘過，幾香。素牛扒像真度高，蔬菜新鮮，味道不錯。椰香冬蔭功海虎蝦意大利麵$138味道唔太辣，椰汁味重，食落唔漏。虎蝦好大隻，仲有d雜椒同菇做配菜，都幾大碟。溫泉蛋煙豬腩卡邦尼意大利麵$138豬腩肉份量都幾多，拌入溫泉蛋令成碟麵都好滑好好味。三碟之中最鍾意這個🤤🤤食飯時間晏少少到嘅話都幾多人，味道同份量都唔錯🫶