As Cafe (已結業)

自己挺喜歡吃漢堡薯條的！但這幾天吃了太多牛了，所以今天選了豬柳的！漢堡味道很好比較起來要比和牛漢堡要清新一點！然後芝士薯角真的沒得輸！夠熱夠脆，芝士夠多！最後整盒一件都沒剩！洋蔥圈向來是我最愛小食之一。但坊間很多洋蔥圈上桌時都扁扁的，或者很乾！這個洋蔥圈圓圓的，炸得不會太乾，太好吃啦！飲品也不錯。熱的Latte好喝但沒什睇頭，而凍Mocha好睇又好飲😆仲要價錢很親民！👍🏽食完仲可以逛逛運動店，滿足

去九展睇concert，順便去搵嘢食叫左三個芝士漢堡，肉質唔錯，塗上茄汁、芥末醬更加滋味洋蔥圈：鹽味薯條雞翼夠熱大大個漢堡，好食好味呢度一個漢堡包跟套餐有一杯飲品，一款小食$78，價錢合理個包足料又大個，小食即制夠熱夠脆，下次會再幫襯

位於九展地庫嘅 As Cafe 主打 burger。我推介芝士牛肉漢堡，餡料除咗芝士同漢堡扒外，就係蕃茄，洋蔥，生菜同酸瓜，非常 basic，但係一啲都唔馬虎，漢堡扒牛味夠，肉質軟腍 juicy，好正😋。值得一提，burger 嘅酸瓜係另上，照顧到唔食酸瓜嘅人嘅需要，非常窩心🥰。如果叫套餐，就當然要揀薯角，大大份，即叫即整，熱辣辣，外面微脆，裡面充滿薯仔味，再配埋食 burger 不可缺少嘅可口可樂，又係豐富嘅一餐。

踏入盛夏酷暑，午餐時段也不想去別處吃，選擇了簡簡單單在九展吃。九展地下和2樓也有很多食肆，但也光顧了不少次，經同事提醒才記起B1層也有幾間可以一試。 🏛最後選擇了這家漢堡小店，因為第一次見油煙大的漢堡店和運動用品鋪共冶一爐，對他們的好奇心很大。漢堡款式由和牛、普通牛、豬、雞和素菇，總有一款合適。但由於用餐位置暴露於商場街道，疫情下以安全計選擇了外賣回公司吃。 🍔芝士牛肉漢堡餐 $78第一次光顧，當然選了最基本的漢堡來試。打開包裝，醬汁不會過剩流出。小口一咬漢堡扒，肉質較鬆散，仍帶有點點膻味，調味不太夠，菜量不少添加了爽口感覺。 🥨洋蔥脆圈跟餐小食選了炸洋蔥圈，打開就聞到油味，洋蔥圈尚算新鮮，爽口但不算太甜。炸漿略厚，提供些許飽足感。另外值得稱讚的是有白色可樂可以選擇，相對健康又能補充纖維🥤

下午時段超值套餐芝士牛肉漢堡 / 豬柳漢堡 ＋ 汽水 $60個人覺得呢個餐非常抵食 因為芝士牛肉漢堡本身單點都58蚊即係加多2蚊有灌野飲咁個漢堡非常好食亦飽肚 食完仲好滿足首先個面包唔係嘉頓果d啦 入面有生菜絲 蕃茄 醬汁 芝士 牛肉醬汁非常夾個包 牛肉亦好有口感 唔會太乾太硬其實佢另外有套餐 包＋小食＋野飲套餐可選野飲只有5樣 冷熱飲 凍飲加幾蚊咁之前試過配薯角/芝士薯角（另加5蚊）呢間嘅薯角都好飽肚 唔係kfc乾爭爭果隻 係好實在嘅薯角 芝士薯角嘅話雖然個芝士汁好重手 但我覺得好似同薯角唔太夾都係原味薯角比較好食

性價比高的一家Café行完九展搞嘅特價場，走咗落B1層睇睇，之後去咗食ASCafé。我同朋友各自叫咗個脆香三文魚漢堡同芝士牛肉漢堡。漢堡裡面嘅吉列三文魚扒，香脆表面滲出甘香濃郁嘅魚油，再配新鮮野菜及沙律醬，油膩感立即消除，更進一步提升味道層次，食落好正。至於隻芝士牛肉漢堡，質地鬆軟，牛肉味濃，加上鮮蕃茄洋蔥脆酸瓜生菜跟半溶化的芝士，材料豐富又即叫即做，每一口都滿足新鮮。加埋啲小食，今餐真係好Full，好在啲醬料夠開胃又Fresh，越食越想食。

去開九龍灣，咁啱經過emax，行去B1層睇下有咩睇，竟然有間AS Café，店小小，野食選擇多。我就試咗個野菌素堡，野菌嘅味道好香，加埋配菜如青瓜、蕃茄，就好有田園風味，食完之後會想再咬第二啖，好快就食完成個飽，大滿足。仲有仲有，啲薯條脆脆地，點埋醬汁，好正。

前幾日經過Emax，想食Burger，就搵到呢間，賣運動用品之餘，仲有Burger食。又飽肚又唔會太貴！同埋唔會難食得去邊。買咗豬柳漢堡，麵包口感鬆軟，中間夾著豬柳餡非常juicy又很惹味。仲有蕃茄同生菜都係Fresh嘅。今次食住咁多先，下次嚟Emax，會再試下其他。

論食肆，九龍灣展貿當然不及MegaBox啦（其實論乜嘢都係MegaBox勝人一籌）。之前過嚟九展睇show睇車等等，都係會去其他地方或者mega box食咗嘢先，但今次趕唔肚餓，諗住冇嘢食就算啦！有間野又好特別喎，明明係一間賣運動野嘅鋪頭，門口係cafe，仲有啲快餐店咁嘅枱櫈，咁就試吓佢啲burger啦！👉🏻 牛肉應該係自家製嘅，都唔錯，都有牛味👉🏻 如果個包鬆軟脆啲就好喇👉🏻 Burger舖竟然有呢個甜品賣，原來叫荷蘭鬆餅，唔錯，幾得意👉🏻 但性價比高，$78有套餐，仲要有埋芝士唔使加錢，我覺得佢嘅size同Triple O差唔多

九龍灣e-Max好得意,B1層嗰度有好多賣運動嘅店，Accuratesports仲有一個AS cafe，而且食物選擇都算唔少。主要係有burger、小食及沙律。我哋就試咗牛肉漢堡及豬柳漢堡。牛肉漢堡芝士好香，而且牛肉熟得來又唔會太老，肉質唔錯，夾埋仲有蕃茄、菜等等配料，熱辣辣。豬柳漢堡亦都好出色，食落去調味都唔錯。另外跟餐可配飲品及小食，揀咗芝士薯角，芝士味超級濃郁，適合鍾意食芝士嘅朋友。薯角都炸得熱辣辣幾脆。檸檬沙冰大大杯，飲落給Fresh感覺唔錯。

今日喺emax參加完活動，想搵啲野完下，但又唔太餓，行咗一陣見到間叫AS Café嘅野，第一眼最吸引我眼球既係蕃茄肉醬薯角，薯角好厚好大隻，外面個層好香脆，啲蕃茄味好唔會蓋過啲肉醬味，總知沾落薯角度好好。好少食到肉醬薯角，夠特別。BTW，呢間野有啲菜式都幾特別，好似個荷蘭鬆餅甜品咁，雖然今次冇食，下次一定要試下至得。

以前會到九龍灣展貿中心聽演唱會嘅，但已好耐冇去啦。今日去九龍灣做嘢，見有時間，搭個shuttle好快就來到，行行吓街，又喺outlet買小小嘢，見到有好多新鋪頭，新食肆，不過有D係連鎖店，於是揀咗呢間運動鋪出邊的as cafe，難得來一轉，試吓D唔同嘢都唔錯，尤其係行行吓街真係有D肚餓。來一個芝士牛肉漢堡，唔算太大個，但麵包烘得香香脆脆，而入邊D生菜，蕃茄好新鮮，而牛肉餡係手打嘅，零舍好味。小食我叫咗芝士薯角同埋荷蘭入口的小鬆餅，芝士汁勁邪惡哋好食，薯角亦好粗，口感唔錯，一邊食一邊話，食完呢餐减肥喇；而小鬆餅就好似港版的雞蛋仔，細細舊，味道也不錯。朱古力沙冰

下午茶時間，一個人喺九龍灣展貿中心行行下街，去咗食野。去咗間叫AS CAFÉ嘅餐廳，食咗芝士薯角，薯角口感唔錯，重點係芝士味好夠，配埋薯角到好好食。再飲埋杯熱咖啡，好夠飽，加上而家有8折，都算抵食。

又到醫肚嘅時間，喺Emax搵有咩好野食之際，發現有間Café新開咗。叫咗個野菌素菇堡，啱晒我口味，因為係素食。裡面啲菇好香，堅香菇嚟，加埋中間啲洋蔥粒，整體嚟講，幾好食。我仲叫咗盒芝士薯角，芝士味濃郁，薯角好香，熱辣辣時食會好食啲。