Amitie Kitchen

營業中

休息中

加拿大海贍松葉蟹膏蟹肉忌廉汁意大利面$198 嘩！依個超正！如果你哋去嘅嗰一次有依一個option 係黑板上面就一定要叫呀！講左個加拿大海贍先，好creamy ！甘腴鮮甜、肉身肥厚同埋質感好飽滿！再講松葉蟹膏，雖然少少地但係每一啖都係咁有鮮味。然後就係蟹肉忌廉汁啦。真·冇偷工減料，食到每一啖都有肉眼見到嘅一條條蟹肉。蟹肉嘅鮮甜mix埋忌廉汁好好味！個意粉醬除咗有蟹肉之外去有啲菇，成份意粉個份量都多。食完之後好滿足，好飽足！熱情果芝士蛋糕（跟餐加$30）個蛋糕食到熱情果核，不過冇乜芝士同埋熱情果味。個餅底係消化餅脆脆，然後蛋糕面都有少少pattern 。不過啲dressing 有兩款比你揀，一個係士多啤梨味，另一個係朱古力味。你食嘅時候可以淨係點一種嚟食或者Mix and match兩種都好味。

厚福街多嘢食係人都知.🙈街尾最近有一幢大廈都越來越多嘢食見呢間餐廳咁多好評就打算嚟試吓🤣店內嘅聖誕氣氛已經好濃厚. 掛滿唔同嘅聖誕裝飾🎅叫完嘢食之後店員會送上一碟麵包盤. 入面包括有牛角包、芝士條同埋綠茶包最令我驚喜嘅係個綠茶包. 綠茶味好濃🥄酥皮粟米忌廉湯酥皮湯熱住上好有新意. 酥皮焗得好脆入面嘅粟米湯食到係粟米蓉打成🦀加拿大海膽松葉蟹膏蟹肉忌廉汁意大利麵意粉份量好多. 一個人都食唔晒醬汁味道唔會過濃

(👦) 位於尖沙咀厚福街H8 ge 西餐廳Amitie Kitchen 一直都openrice人氣高企，今晚就來到呢間人氣餐廳試下！.餐牌上面亦唔少選擇，而且點餐後店員會送上餐包拼盤。小店格局裝修簡約，坐得幾舒服，晚上多人都好熱鬧，啱哂一班朋友聚會！牆上有幾塊黑板寫咗多款推介菜式，大家可以留意下😋.除了有主餐牌，仲有幾個套餐優惠，選擇多變！🧒試左牛腹膜柳，估唔到幾有驚喜！肉質粉嫩，牛味濃郁，食落仲要有肉汁👍👍，抵食。.呢個海膽蟹肉忌廉汁意粉必叫之選😘 醬汁creamy到不得了，而且好重海膽味🌟🌟 撈埋一齊食，令到意粉鮮味更加突出😄仲要份量都幾大，餐廳加咗蟹膏喺忌廉汁入面，所以成個意粉都好香蟹味～ 食到停唔到口！.整體黎講，餐廳食物服務都唔錯，去開尖沙咀又想搵西餐食既話，呢間💛店餐廳都係一個唔錯既選擇，而且價格合理👍👍____________

行開尖沙咀最鍾意去厚福街覓食，今次同媽咪去以前dinner 食過一次既黃店Amitie Kitchen 食lunch佢有幾款lunch set 包餐湯/沙律加餐飲同甜品，相當抵食；餐廳食物不俗，但上菜較慢，差d以為漏左單😂我要左法國經典名菜油封鴨脾配煎蛋同窩夫($188) 外皮烤到卜卜好似乳豬咁，鴨肉嫩滑香口另一款想要既海膽松葉蟹膏蟹肉意粉意粉($198)唔係set lunch menu 度，唯有另外叫上菜望到已經好惹味😍有一大塊海膽，而蟹膏就溶入係意粉入面，仲有超甜既長蟹柳，不過意粉用左忌廉汁，食耐左有d膩另外見人推薦既伯爵茶奶凍幾香茶味，但食落太腍身，我比較鐘意Q彈感所以有小小失望😔

喺厚福街都有好多唔同種類嘅美食無論地舖或者上樓都有好多上星期去咗H8呢幢大廈其中一個嗰度打邊爐，就發現原來全部都係食肆好多餐廳選擇今日就嚟試吓呢間西餐，地點位置非常方便厚福街直行到尾就係入到去地方非常光猛又夠闊落枱同枱之間嘅距離有足夠令到食客坐得非常舒服，餐廳環境設計簡約氣氛感覺休閒又夠輕鬆覺得舒適自在呢間Cafe有好多時令嘅特別菜式配搭中非常吸引另外啲餐包都幾好食，剛剛焗起，有啲溫熱又脆口牛角包鬆軟帶有非常香嘅牛油味香煎法國鴨肝凍批伴焦糖梨$148揀咗呢個作為頭盤份量都有幾多仲配上幾篇麵包口感非常細滑，入口即溶嘅感覺，凍批上面嘅焦糖梨，甜甜酸酸非常惹味，焦糖梨真係可以食多啲，完全唔夠餐飲叫咗杯蜂蜜蘆薈每一啖都有蜂蜜嘅香味而且仲非常清潤唔會太甜蘆薈粒粒都非常爽口夠晒清甜飲落好舒服法國海鱸魚柳$328魚柳燒到外皮非常脆，而入面仍然都好Juice魚柳完全冇雪藏味味道調配得非常好，魚肉肥美，白嫩味道同銀雪魚有點兒相似沒有魚腥味非常好食仲有非常多嘅配菜半碟非常健康最喜歡嘅就係青豆，做到爽口又清淡

同朋友係尖沙咀行街，就順便黎厚福街最多餐廳嘅H8晚餐。見呢間餐廳宣傳曾經係五星級酒店擔任大廚，都有興趣黎試下😌店面唔算大，但都算有少少mood👌🏻麵包拼盤上菜前會先上一盤餐包，有牛角包、麵包條、甜包，仲有果醬同牛油。三款麵包都好好食👍🏻佛羅倫斯蕃茄燉牛肚配法國麵包 $118蕃茄味好濃郁，但味道層次豐富，唔會得酸甜味😌牛肚好入味，咬落爽爽地有口感👍🏻松葉蟹味噌蟹盖鵪鶉蛋意大利麵伴白酒忌廉汁 $178蟹殼內的蟹膏鹹鹹地好香好開胃😍本身忌廉汁會有啲滯，但配返蟹膏就岩岩好，非常開胃👍🏻鹹蛋黃醬汁煙肉蘑菇意大利麵 $138醬汁非常濃厚，比平時的卡邦尼多咗鹹鹹地嘅鹹蛋黃味。幾特別，唔係周圍食到😌總體來講，呢間食物都高質，睇得出菜式都係經過精心搭配過，有少少fusion都幾特別。環境方面就比較貼地，唔會太浪漫，好多客人都係為左食物而來😌

尖沙咀厚福街可以話係食肆巷仔，行到最入就係H8，成幢都係餐廳，揀咗AMITIE食西餐。呢到位唔算多，想黎都係BOOK 枱好啲。菜式的選擇有好多，店員話黑板上的MENU 係精選，咁當然要叫啦，另外同朋友 SHARE 一個精選晚市套餐。APPETIZERS：吞拿魚他他伴日式芝麻醬造型好特別好似個肉餅，他他的口感軟滑，似食緊吞拿魚蓉刺身，仲有少少蔥粒帶出吞拿魚的鮮味。廚師是日餐湯：薑汁南瓜湯非常香甜的南瓜，飲落帶少許薑味，唔係普通的忌廉南瓜湯。另外有三款麵包配湯食：牛角包、蕃茄野菜脆片，香濃又煙韌的抺茶提子乾包，側邊有牛油同果醬搽。香煎法國鴨肝意大利飯伴陳年意大利甜醋 $228 （推！）碟的設計很有法國菜的精緻感覺，鴨肝都好大件，外面煎得十分香脆，入面帶少少粉紅色，入口即溶，越食越有鴨的油脂香，令本身帶酸的意大利飯的味道更有層次。意大利飯多數都係有忌廉SAUCE，但甜醋好開胃，亦減少鴨肝的油膩感。火炙加拿大海膽芝士焗松葉蟹膏大啡菇 $88/PC大啡菇超級JUICY，沙律菜鋪底索埋啲汁，中間個層鋪咗厚厚的松葉蟹膏，令大啡菇充滿咗海鮮味，上面再加多一片芝士，焗到溶溶地，仲有鮮甜的橙色海膽點綴，焗

成日聽到朋友講呢間西餐廳😆今日終於有機會一試平日八點黎到都差唔多滿座，建議可以訂座先！餐廳食物種類唔少，花多眼亂我地唔算好肚餓，叫左一個沙律🥗一個小食同一份Main落單後先黎餐包🥯🍞🥖幾有心意既餐包👍🏻同餐前小食🍵綠茶麻薯波比較煙韌，咬落去幾濃抹茶香，有咬口，搽埋士多啤梨🍓果醬食甜甜地唔錯🥐牛角包都幾酥軟，牛油味都香🥠另外脆餅幾香口，咬落脆卜卜，唔錯👍🏻羽衣甘藍、蘋果、紅菜頭、藍芝士、果乾沙律配乳酪汁份量幾大既沙律，材料豐富😆羽衣甘藍爽脆夠新鮮，紅菜頭甜甜地夠juicy青蘋果同果乾配搭酸酸甜甜幾唔錯主角藍芝士味道唔會太搶，令到成個沙律味道更豐富乳酪汁幾特別，酸酸甜甜幾開胃，而且幾refreshing👍🏻海膽松葉蟹膏蟹肉忌廉汁意大利麵 🦀係我食過最大舊既海膽😍😍😍真心「哇」左一聲，海膽勁足料真心大舊完全唔洗慳住食，海膽入口creamy 味道濃郁，有海膽獨有既香濃鮮味松葉蟹柳同樣大大條，一絲絲軟嫩入口好滿足一啖海膽一啖蟹柳一啖忌廉意粉🍝真係好正😋😋忌廉意大利麵亦都夠creamy，奶香味夠出意大利麵Al dente ，成個意粉亦仲有好多料真心足量又足料👍🏻👍🏻推薦唔係講笑真係好大舊海膽😆😆我

平時出開尖沙咀既人一定會知厚福街H8係邊度～諗唔到食咩既時候，通常都會行去厚福街/H8望望有咩好食😋揀呢間西餐廳既原因首先係因為佢係良心小店 💛其次係佢食物賣相都唔錯 可以一試！聖誕節加左d裝飾，幾有氣氛🎄空間唔算好寬敞～建議早少少到冇咁多人💓傾計會舒服啲😙餐牌～～見到加拿大海膽已經好想試了😍😍🥣是日餐湯南瓜忌廉湯，味道濃郁，甜甜地，幾好飲～🥖餐包餐包陣容有驚喜🤣有3款選擇，當中最愛牛角包🥐夠鬆軟☺️另附上牛油同果醬🧈🥗大蝦甜橙•茴香沙律酸酸甜甜嘅醬汁夠晒醒胃🤣以橙作為配料，有鮮甜既感覺，大蝦都爽口彈牙，作為前菜唔錯！▪️加拿大海膽松葉蟹膏蟹肉忌廉汁意大利麵 $198有勁香濃既松葉蟹味❤️好creamy，忌廉汁沾滿每條意粉🤤海膽夠鮮甜無苦味，而且份量都唔輕啊！意粉仲夾雜住一大條蟹棒、一絲絲蟹肉、菇🍄、洋蔥🧅、黃椒等，材料豐富！建議二人Share，如果唔係會有少少膩😆▪️香煎法國鴨肝意大利飯拌陳年意大利甜醋$228意大利飯有質素，粒粒分明唔會過硬，加上陳年意大利甜醋，有微酸既味道，唔會太over，唔錯✔️鴨肝係精華，煎得好香口，有入口即溶感覺，同意大利飯味道好夾😚▪️凍檸茶 (跟餐+$3)服務方面，

🌟 Amitie Kitchen 精選晚市套餐💰 $228😋 ⭐⭐⭐⭐⭐/5✨ 香煎法國鴨肝意大利飯 伴陳年意大利甜醋 (套餐)法國鴨肝，外層煎至薄薄焦香，內裡全熟而毫不油膩! 入口甘香即溶，鴨肝厚切，令人非常滿足!陳年意大利甜醋味道溫和不嗆喉，能提升整體味道之餘，亦可中和鴨肝膩感，非常得宜!✨ 吞拿魚他他伴日式芝麻醬配沙律(套餐)頭盤沙律，做得如此精緻，意想不到!✨ 自家製餐包+廚師是日餐湯(套餐)餐包都有三種軟硬度，新鮮熱辣，非常有誠意!是日餐湯粟米南瓜湯，質感扁薄，清甜而不膩!✨ 熱咖啡(套餐)香濃咖啡，不用懷疑!✨ 香煎帶子配無花果辣肉腸沙律 伴黑松露油醋汁💰 $138😋 ⭐⭐⭐⭐⭐/5食材新鮮，不同食材組合，味道配搭適宜!✨ 芝士蛋糕系列：柚子、貓山王榴槤 💰 餐+$30💰 單點 $48😋 ⭐⭐⭐⭐⭐/5味道及口感非常好，榴槤非常足料!單點菜式亦有很多選擇，海、陸、空食材齊備，非常吸引! 🥩🍖🦀🦐🍗🍄這個價錢食到如此優質菜式，相信廚房背後隱藏著高手! 👨‍🍳👩‍🍳🧑‍🍳今天星期二，餐廳七時多，已見客人陸續進場，不乏捧場客! 😋😋😋如果想品嚐優質美食，知道應該怎做啦! 📞📒🏡

叫左個黑松露煙鴨胸意大利麵 一上到枱個黑松露味已經出曬嚟 黑松露的份量對比其他店嚟講 算係多😚😚鐘意食黑松露嘅朋友可以試下 值得推介🤤🤤🤤但味道偏鹹另外仲叫左個龍蝦味嘅薯蓉，佢唔係一般嘅薯蓉 係我出面未食過同未見過嘅龍蝦味薯蓉🤤🤤未上枱就已經好期待

Amitie Kitchen (尖沙咀).位於尖沙咀最多野食嘅地下之一，厚福街！H8真係唔陌生，成日尖沙咀食飯嘅都會幫襯過呢幢，好彩我一早book定同早食，食到中後段爆曬場！.先來個餐包，有牛角包🥐好似抹茶提子包以及餅乾條，可以搽牛油或果jam🤪.▪️加拿大海膽松葉蟹膏蟹肉忌廉汁意面 ▪️.呢個真係好推薦(⁎⁍̴̛ᴗ⁍̴̛⁎)超好食，海膽好大堆，下面有蟹膏，再加上有好甜嘅蟹肉棒，意粉好creamy不過食到後面一定會少膩.▪️ BBQ蜜醬豬仔骨配炸蕃條 ▪️.超！ 大！ 份！ 一上枱嚇親好大個，兩個人食真係有啲壓力😂另外佢係配炸蕃薯條，個人覺得如果配薯條會更好因為bbq sause本身就甜，蕃薯本身都甜兩個會一齊甜😛.📌 Amitie Kitchen (尖沙咀)尖沙咀厚福街8號H8 9樓環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

呢到唔單止有dinner set menu，另外仲有啲餐廳精選，啲款式都好吸引，尤其是係海膽蟹膏蟹肉意粉好吸精！Set dinner方面，會提供埋前菜同埋餐湯，兩款麵包分別係小餐包同埋牛角包，欣賞佢有焗熱左先比客。沙律細細份都幾新鮮，精選餐湯就係栗子忌廉湯，飲得出係有栗子打成用再加cream, 所以整體好香口，好重栗子嘅味道～主菜就是澳洲400日穀飼和牛牛腹膜柳配日式芥末蜜糖醬，伴碟有個小芝士煙肉焗薯同幾款燒蔬菜。牛扒份量多，牛味濃郁，抵食。小食就叫咗火炙半熟吞拿魚伴柚子味噌醬，做到外脆內軟，不過吞拿魚味唔係好出，反而醬汁味道比較突出，有少少掩蓋左吞拿魚嘅鮮味～另外就一定要叫嘅最出名嘅海膽蟹肉忌廉汁意粉，海膽同蟹膏都好香濃，餐廳加咗蟹膏喺忌廉汁入面，所以成個意粉都好香蟹味～ 食到停唔到口！

呢間位於美食集中地厚福街嘅西餐都幾多人book🍨💁‍♀️ 一嚟就有麵包set，最鍾意就係牛角包，好鬆軟呀😍 法國海鱸魚柳🐋魚柳都keep住幾嫩，🥕配菜係切好唔同形狀都約靚呀。 海膽芝士焗蟹膏大啡菇🍄🦀雖然88蚊，但大啡菇入面都好足料，有蟹又有洋蔥、菇，海膽有啲焦香，係creamy嘅🤓 蜂蜜蘆薈🪴🍯涼涼地又甜甜地，加埋蘆薈都幾有咬口。 水蜜桃果粒茶除咗水蜜桃仲有啲好似蘋果粒咁🤓清清地都唔錯喎🍑🍎 日本椰子雪糕嚟自日本嘅椰子雪糕 有埋成個椰殼🤩質感好幼滑🥥

尖沙咀樓上西餐💜🌺飲品食物都有多款種類，好難Book位架。 枱枱都送麵包🤭竹炭包同牛角包都好香，仲有牛油同果Jam送😍 法國海鱸魚柳 $328魚柳外皮脆入面juicy🤩最鍾意佢有好多配菜，竟然有白蘿蔔，全部都好入味。 火炙海膽芝士焗松葉蟹膏大啡菇🍄 $88雖然只係一隻菇，但都唔係頹，全部配料都好入味。個菇都好大陣蟹味🤭 日本椰子雪糕 $68雖然好多生意，而且只係入口貨，但係佢竟然有埋畫碟💜椰子雪糕好smooth好香椰味🥥 蜂蜜蘆薈 $30好滋潤💁‍♀️蜂蜜唔太甜，清清地幾好。 水蜜桃果粒茶🍑 $28有淡淡嘅蜜桃香，冬天至warm之選