All About Nuts

營業中

休息中

狗狗爸爸知我鐘意果仁醬，之前喺呢度買咗開心果醬俾我，一試難忘。之後我哋亦買過榛子醬，而剛過去的周日就買咗開心果醬同花生醬。3種果仁醬之中，榛子同開心果醬係必買。小店的果仁醬質地濃稠，我有訂過預先包裝的天然果仁醬，到貨時一般都係油醬分離（天然果仁醬的正常現象），但呢度的醬係即磨，好新鮮，唔會有呢個情況。加上果仁醬可按100克咁買，多少隨意，喺保存同食用方面都好新鮮。開心果醬（$50/100克）：味濃，食的時候好滿足榛子醬（$38/100克）：驚喜大於開心果醬；入口就係金莎裡面的榛子醬味道，超滿足花生醬（$18/100克）：售價最平，每日有售，但可能用的花生質素一般，所以花生醬唔係好香，如果同The Nutter Company相比，質素都爭幾遠，所以呢個口味應該唔會回購喇~

Melo嘅朋友係開心果控，呢日佢帶我哋去咗石硤尾一間都幾出名主打堅果小食嘅小店。✨開心果醬西多士配焦糖煉奶 （$58）西多士係即叫即整嘅關係，我哋都等咗15分鐘。攞上手聞到好香嘅牛油同埋蛋香味，熱辣辣！西多士夾住好多開心果醬，個醬係喺店度blend出黎，勁濃郁好多開心果蓉同開心果粒，非常足料！而且個開心果味都幾突出！成個甜味配搭岩岩好！鍾意食開心果嘅朋友應該會覺得好正！📍All About Nuts (石硤尾)石硤尾偉智里1-3號白田購物中心地下13號舖

小店 ‘’All About Nuts‘’ 主打各種即磨堅果醬，手工製作無添加，包括開心果醬、核桃醬、榛子醬等等，另外亦有多款小食配搭堅果醬，例如西多士、素窩夫、榛子素布朗尼...核桃醬西多士即叫即製，沾上蛋漿煎至外脆內濕潤，中間滿滿濃郁核桃果醬，味道天然，加上焦糖煉奶及核桃碎粒，兩者都好夾，口感豐富，再加上焦糖煉奶，食完真係開心滿足

之前有嘗試去過舖頭幾次，想試下佢哋嘅嘢食，但可能有緣無份，去左起碼三次以上，次次都冇開🤪之後睇返先知原來係次次都撞正佢哋放假嘅日子，所以大家去之前記住要睇清楚開放時間！今次去到本身一心係想試下素窩夫，但可能太夜了（都成7點）所以已經賣哂。所以我同朋友就嗌左隔離嘅堅果醬西多士試下佢！ 我哋揀左 腰果醬～當日我哋自備左餐盒去裝呢個西多士，位置岩岩好！嗌完等咗大概10分鐘左右，熱辣辣交俾我哋 一咬落去同想像中嘅西多有小小唔同但好濃郁，腰果醬唔會太甜，平均咁喺個西多士上邊另外咬到中間嘅時候，亦都感受到濃濃嘅雞蛋味！感覺有少少似蛋餅/玉子燒 非常特別🍽️一份嘅size都有啲多，我哋兩個人都冇乜食過嘢食都覺得有啲滯，不過滯得來又唔會覺得太Heavy😋不過美中不足這舖頭比較細冇得堂食，如果下午/落雨，食起嚟就有啲唔方便最剩返仲有少少，我哋再拎咗返屋企食，估唔到凍咗都仲幾好食！熱同凍食都唔錯，睇嚟下次可以再encore👍

最近係重度中咗開心果嘅毒😹有關開心果嘅嘢都會好想去試。之前見到呢一間嘅開心果西多士一直有被燒到～終於去咗探店買返屋企做下午茶🧇結果一開吃很失望🙍🏻‍♀️⋯⋯-💚開心果醬素窩夫配焦糖煉奶/ $58落完order都等咗大概10至15分鐘左右，即叫即整～最後怕西多士可能會好膩，所以都係揀咗試素窩夫🧇個醬非常之濃郁但開心果味唔係太過出，成個醬非常極度之黏口漿口! 窩夫又非常之硬身…食一件已經非常之膩…🫣整個口感吃下去老實說是真的很一般個人並不喜歡。Maybe西多士可能會好一點吧？🤷🏻‍♀️而且呢一個價位🤔嗯⋯只能屬於試一次系列。

小店每天會製作無添加即磨堅果醬 味道都非常齊全 又有開心果、花生、榛子、杏仁、核桃等等😍 每一碟送菜都會擁有不同堅果 超級貼得住小店名 - All about nuts🫶🏻😗我見大部分人係IG都係食佢個甜品🍞 但係我真心覺得佢d主食都超級高質 好有心機做🤍唯獨要留意既係餐廳只做外賣🥡 可能要附近搵個公園/商場坐 又或者揸車會比較方便🚗奶油咖喱雞飯 （黃薑飯）($58)醬汁唔係太重咖喱味 唔會太辣 反而有淡淡既果仁味 又有少少核桃脆脆哋 幾特別😋 雞肉都幾嫩🐔黃薑飯好香 乾濕程度啱啱好加多加多醬燴牛舌飯 （白飯）($58) 有啲似食印尼串燒嗰啲沙嗲醬 裡面食到粒粒花生🥜牛舌煮得好淋 而且份量都幾多👍🏻開心果醬西多士💚 ($58)非常出色！開心果醬味道香濃、有開心果粒不突止，仲好少有地明顯食到有開心果衣！而且煎西多士沾滿蛋液，啖啖麵包都充滿蛋味！加埋有少少焦香嘅焦糖煉奶同埋少少脆嘅包邊，味道同質感好有層次！堅果奶茶🧋($26)會飲到啲碎堅果粒 沙沙哋有啲似即磨豆漿咁茶味反而就冇乜🫖 味道有少少似杏仁奶 (?)口感幾有趣，當飲冇咁飽嘅堅果奶都ok! 📍All About Nuts (石硤尾)

成日見到社交平台有好多人介紹今日特登去咗石硤尾嗰邊試吓三四點嘅時候去到估唔到都好多人排隊我哋嗌完嘢食之後都等咗三四個字先有得拎喺呢間舖頭附近都有好多唔同嘅小食舖 可以周圍行個圈先仲見到個明星都過咗嚟食！！特登嗌咗佢比較出名嘅開心果味本身我自己對開心果味就唔係特別鍾意嘅但係見佢咁推介所以就嘗試咗收到嘢食之後就行咗返屋企先食所以嗰陣時見已經有少少凍凍但係呢食落去口感好豐富 開心果味好足食咗兩三嚿之後就有啲食厭咗咁

已經想試呢間，終於有機會啦！因為石硤尾全屬住宅區，真係唔會特登去。去到舖面都有三四組客等緊，等食物唔算耐，約15分鐘，但如果叫西多士就要等耐啲。今次食咗「開心果醬素窩夫配焦糖煉奶」份量係平時的半份，一個人當下午茶剛剛好。味道唔甜，果醬都足夠，不過食完要即刻飮水。素窩夫表面焗到好脆口，裏便軟綿綿。試後感：味道不錯，可試一次，但唔會專登食第二次。

前排喺朋友ig見到呢間專賣nuts嘅小店「All About Nuts」，身為nuts嘅愛好者經過呢頭當然要嚟試吓😻 小店每日供應唔同款嘅即磨堅果醬，咁啱呢日係開心果😀 Nuts 嚟講我都算幾鍾意開心果～可以趁機試埋其他小食🤭🥛 開心果奶：飲落有開心果嘅鹹味，亦唔太甜，可惜比我想像中稀同細杯🥹🥪 開心果醬西多士：寫明「#非油炸」，唔係傳統嗰種西多士。不過我幾鍾意佢種蛋香，口感亦唔錯，可以一試😋🧇 開心果醬素窩夫（配：椰糖漿）：可能係素窩夫，同平時食開嘅窩夫口感有啲唔同，開心果醬嘅味道亦顯得冇椰糖漿咁出。雖然我係窩夫控，但個人覺得西多士比較吸引。🫙 開心果醬：買咗100g試吓🤤 堅果醬係即叫即磨，可自備容器嚟買。味道同質感都好濃郁，鍾意開心果嘅朋友可以試吓☺️下次再試綜合堅果醬同朱古力系列～～😊

✧ 開心果醬西多士（$58）開心果醬係真係純開心果打成醬！留意係真天然 所以食落冇甜味亦都偏油亦都冇加cream加奶❌所以食落絕對唔係平日嘅開心果甜品味道建議去試嘅朋友仔俾啲心理準備( ´▽｀)甜味99.99%係嚟自煉奶煉奶冇用到傳純白色嗰款而係用咗啡色嘅焦糖煉奶標謗非油炸 所以感覺冇咁guilty但兩個人share都幾飽！✧ 開心腰果糊（$48）可以揀凍或者熱注意係星期六、日同公眾假期先有⚠️質地𢳂俾大家睇 濃稠到癲咗！撈腰果係ok的 兩陣味都相容🤝🏻但唔知點解除咗nuts味仲有陣薑味 食落透心涼咁🫚✧ 開心腰果奶（$32）只可以熱飲飲落係冇奶味 似almond milk估緊係咪就咁開心果+水再望返個英文description話係Dairy Free‼️舖頭仲有賣即磨堅果醬但每日只補花生醬+另一款（即日公佈）千其唔好直接衝過嚟買開心果醬呀！

鍾意食開心果嘅，一定知道呢間位於石硤尾嘅小店。鋪頭最特色係賣各款嘅堅果醬。而呢個開心果西多士曾引起開心果關注組大批開心果 Fans追捧。終於搵到機會去試，嗌左一份開心果西多士西多士煎到金黄，淋有花生醬及少量開心果碎。麵包吸滿蛋漿再煎香，好重蛋味，口感淋身完全無脆口感覺，蛋漿多到有啲覺得唔係食緊多士內餡擦滿開心果醬，但開心果味卻唔係太特出同太重有點失望，因爲我都係鍾意食脆口嘅多士，同埋開心果內餡價錢都偏貴，下次有機會再試其他內餡嘅多士或者窩夫。

第2次幫襯依間即磨果仁醬既小店。佢既好處，除左係新鮮即磨，無額外添加糖， 仲有最特別可以揀買100g平時出面通常最少要買300 g, 好多時未食完就因為放得太耐已經益晒。而all about nuts 最少可以買100 gram 都只係18hkd, 係非常非常之抵！如果冇容器，都只係加多5蚊，當然最希望大家環保自備容器。除咗花生醬，綜合果仁醬都值得購買。而開心果醬，個人覺得唔夠濃郁。今次再試咗一個腰果醬西多、依款小食就小小偏貴 。講真，腰果味唔太出，面頭嘅醬只係好似煉奶嘅感覺。

今次跟開心果關注組搵食😙之前bookmark咗呢間開心果醬西多士好耐，終於有機會試吓😛星期六中午去到好彩唔算好多人排隊，等咗15分鐘就有得食☺️小店主打天然無添加堅果醬🥜有花生、杏仁、核桃、腰果、榛子、開心果嘅配搭😇小食可以配多士、西多士同埋素窩夫🧇仲有甜品、飲品同埋可以買走堅果醬😋🥪開心果醬西多士($58)西多士係蛋奶素，用咗法式西多士嘅做法🤓兩片麥包中間夾住開心果醬，吸滿蛋漿先再用牛油煎香🧈再切成小塊，表面淋上焦糖煉奶，同灑上開心果碎🤩口感比較港式西多士重蛋香同濕潤🤤食落口感會比較淋身，如果追求脆口啲嘅可以揀多士😉

若搭車過嚟 真心位置有點唔方便 有巴士到行幾分鐘不過揸車🚗就好方便 門口停到車#開心果西多士 $58#即叫即整 所以要預返10-15分鐘舖頭細細 真心唔多起眼 但食物賣相吸引🤤外賣自取嚟講 價錢係貴咗少少 不過佢生酮 天然野 都可接受麵包吸滿蛋漿 #非油炸 煎到金黃色 咬落亦好有蛋味🥚由於充滿蛋漿 所以麵包更軟綿綿重點係 中間有層厚厚嘅➕好濃郁嘅開心果醬蛋漿再濃 亦蓋不住開心果醬嘅香味😋😋再係表面淋上 #焦糖煉奶 然後灑上開心果碎粒焦糖煉奶起咗畫龍點睛嘅效果 帶起甜味之餘突出濃濃嘅開心果味 有埋nuts 口感更豐富😍#開心果控必食 👍🏻👍🏻鐘意佢個 #開心果醬 仲可以買埋返屋企🏠留意返💁🏻‍♀️係🈚️添加 夠healthy 👍🏻仲要係佢地 #自家磨製 $50/100g#買醬請自備容器 記得自己帶個玻璃樽 冇帶即場想買都唔駛擔心佢地有少量玻璃樽 $5@只收現金 轉數快 payme 🙅🏻‍♀️唔收八達通架

唔值得特登去 都唔值得等嗰日去到諗住嗌個開心果素窩夫結果賣晒（建議賣曬就寫返個牌話比客知）然後要咗個腰果素窩夫（38蚊）個窩夫真係酸到😅好奇怪，唔係好食得慣素窩夫係乾到脆身嗰一隻😅（唔係外脆內軟）可以話係食完素窩夫之後，會成日係咁想要飲水+個醬又係乾😂（可能真材實料）餅乾+醬乾=乾上加乾 越吃越辛苦 又酸😅冇食過咁難食嘅窩夫 仲特登入嚟食同埋咁嘅價錢 38蚊 仲要係外賣 真係唔抵食嗌野食嘅過程拎嘅過程又混亂如果唔係大家有秩序，真係好容易嘈交