A Tavola Bar & Grill (已結業)

第一次寫食評.. 因為依間野真心吾錯!琴日老公生日.. 經open rice訂左位去食飯.. 仲有85折🤩! 餐廳服務好好... 有個外籍女waitress 同埋 門口既接待員都笑容滿面.. 對待食客好有禮貌.. 😊 另外有個男人.. 吾sure系經理定系老闆... 又系好有禮貌.. 上完菜之後仲對我地微微鞠躬點頭.. 依下令我真心好Surprise😊😊今時今日去食飯.. 最怕俾錢買難受.. 要受餐廳d侍應既氣.. 好耐冇試過食一餐飯食到甘舒服.. 好禮貌之外 仲會同你傾下計.. 又同我先生講happy birthday! 一個好既環境同服務態度真系一個重要原因令食客將來有機會再次回頭!另外.. 食物質素都吾錯.. 推介個牛扒海鮮餐.. 佢既牛柳煎到岩岩好.. 好好味 😊 下次一定會再幫襯!

上次黎附近食Burger嘅時候見到呢間餐廳好有氣氛，已經bookmark定要同男朋友黎食😛今日終於黎到啦✌🏼·🍝Beef Lasagna (HKD 135)今日天氣咁涼，食返個熱辣辣嘅肉醬千層麵就最好不過👏🏻芝士輕鬆做到拉絲效果，口感都夠軟滑！肉醬亦唔會好乾，而且有好香濃嘅鮮茄味🍅·🍔BBQ chicken burger (HKD 130)呢個burger味道相當出色！漢堡嘅烤雞好滑，加埋BBQ醬食落超夾！配料仲有洋蔥同蕃茄，份量十足，要個口擘到最大先咬到少少🤣跟餐仲有香脆嘅薯條同沙律，正呀！·🧆Maxican Nachos (HKD 115)其實我真係好鍾意食nachos架！但每次都覺得要一大班人嘅時候食先食得哂🤣呢次都不例外，份量超大碟！配埋莎莎醬、水牛芝士，好香脆好好味👍🏼🍷Bloody Mary (HKD 68)實在係一言難盡嘅味道！因為基本上可以嚐盡酸甜苦辣鹹嘅各種味道☺️好濃郁嘅蕃茄汁味🍅作為開胃酒都ok!最鐘意呢到嘅氣氛，一路都播住歌好Relax，一邊同另一半傾下生活瑣碎事又可以享用美食，食完仲可以行海旁散散步💕

有朋自元朗黎到搵我，梗係要搵番間超正又好Chile 得嘅酒吧餐廳，同佢Chile番晚先得架。於是我就選左係近將軍澳海皮, 呢間酒吧餐廳，門口露天位置，經常性坐滿人, 我哋怕頭髮亂了，故選了進入餐廳內進食，其實無論內外環境都好有氣氛。有個特式Offers套餐，有齊開胃菜、主菜同一杯啤酒🍻。開胃菜#白酒新西蘭青口白酒新西蘭青口好飽滿，咬落鮮甜帶有微咸海水味，醬汁是用白酒、蕃茄，辣椒🌶️跟蒜，好惹味。#天婦羅🍤蝦用薄醬炸超新鮮嘅大蝦🍤，配上跟埋的酸辣甜醬同芥辣豉油，食落唔油膩，蝦超脆又爽彈，配上啤酒🍻，真係爽。 #安格斯肉眼扒配薯蓉牛扒好正又大塊, 有炭香味咬落牛味濃郁, 口感超軟淋沒有根, 每啖都覺得好juicy, 薯蓉很Creamy，我沒有點佢的醬汁都已覺得非常之好食, 很推介~-新西蘭牛柳 非常之咁厚身, 切開係鮮粉紅色☺️，牛柳比起肉眼冇咁肥膩, 相對扎實些, 食落有嚼口, 牛味香濃. 併埋大磨菇、火箭菜食平衡番，佢個蕃茄仔多汁又清甜。#凱撒沙律十分喜歡食凱撒沙律, 蔬菜新鮮爽脆，芝士碎都鋪得多，咸咸的煙肉加上脆脆的麵包糠，味道幾正！ 淡淡滋味，滿足的一餐啊!

A Tavola Bar & Grill將軍澳澳南海岸唐俊街23號MONTEREY Place 地下G08號舖Happy Friday緊係同朋友去輕鬆下啦! 平時去開將軍澳海濱經過呢間餐廳都見到好多人食. 所以今次特登book枱要黎試下因為我同朋友本身已經食左晚餐, 所以都唔算肚餓, 志在想有個地方坐低可以傾下計飲下野, 所以我地只係嗌左一個pizza - Butcher Best 🍕屠場精選簿餅, 配料有超多款肉, 包括 火腿, 意大利辣肉腸, 雞胸肉, 牛肉, 煙肉同燒烤醬, 一見到個pizza啖啖肉真係好吸引, 而且佢個燒烤醬真係好惹味, 真係令人食完一啖又一啖另外餐廳既環境好正, 十分有氣氛, 好chill同三五知己收工黎吹下水就最適合不過喇，非常推薦

成日係將軍澳踩單車都會經過呢間餐廳，今日終於一嚐滋味喇！😋餐廳好有異國風情，設有吧枱同埋有調酒師坐陣，感覺好chill～💕首先我哋order左一個Fishburger套餐，套餐有一個漢堡、蔬菜沙律同埋炸薯條， Fishburger除咗有一條頗大嘅魚柳外，亦有加入墨西哥青椒、蕃茄同埋沙律醬，所以食落口感非常有層次，而薯條亦係粗切嘅，即叫即炸外脆內嫩超好食！另外我哋都order左個焗千層麵，一上枱已經見到有超多嘅芝士係面，肉醬包含滿滿嘅蕃茄味，而且亦都食得出有好濃嘅牛味，切開仲會拉絲，非常邪惡！總結，餐廳環境走輕鬆路線，侍應都係以英文溝通，所以需要用英文點餐😉😉

又黎到將軍澳海濱食飯喇餐廳有室外同室內去到既時候仲係happy hour🍻都幾抵 $62 1pint.《Crunchy chicken Parmesan Salad香脆雞肉巴馬臣沙律》份量都算幾大份 雞肉真係外脆內軟既感覺有驚喜 雞肉嫩口 juicy外皮有d麵包碎咁整過 脆脆地沙律菜都新鮮爽口 配埋香蒜醬同芝士一齊食 食左成碟都飽左一半🤣🤣.《Angus Rib eye steak 14OZ. 安格斯肉眼扒》食牛扒緊係食medium rare 肉質ok 如果外面都有煎到有燶燶地效果就更好份量都係好大份.《Grilled Snapper 香煎鯛魚扒》魚質屬嫩口 唔會好腥外面可以煎得香口啲會更好另外有配檸檬牛油汁

《澳南至Chill 夜🍸》———————————————-#A Tavola Bar & Grill 🍺-澳南海岸自從開咗DONKI之後都超級熱鬧，海濱寵物公園附近有唔少西餐廳，啱哂大家收工去chill吓，氣氛都幾有情調，好適合同下男朋友仔撐下枱腳👫🏻-PIZZA有10"跟12"選擇，食肉獸嘅我哋揀咗呢款Butcher Best Pizza，非常足料豐富，火腿、意大利那肉腸、雞胸肉、牛肉同煙肉，配搭埋燒烤醬非常夾🍕可以自行選擇厚/薄批，薄批鬆脆香口，推薦比大家一試！-另外我哋叫咗個Set Dinner ，半份嘅BBQ 醬燒豬仔骨啖啖肉，口感扎實，醬汁酸酸甜甜，都幾開胃，食落唔會好膩🐷而炸洋蔥圈十分酥脆，大大舊好抵食😆除咗跟餐會有包飲品外，最後仲會有個甜品，朱古力brownie帶點濕潤， 味道香滑濃郁～-⭐ 參考價錢︰Special set dinner (Baby Back Ribs): $218Butcher Best Pizza (10”): $130🍌 抵deal 指數：8/10💰 人均消費：$200

將軍澳海旁開左好多食肆，望住個海吹吹風好舒服，我搵到間食pizza🍕飲下野吹下水勁正嘅餐廳🍴一食就食左幾粒鐘😜小食就必備架啦⋯⋯叫左水牛雞翼同脆炸洋蔥圈，兩樣送酒都一流，佢地炸到唔會油淋淋，真係傾下計食下野好正，我倆仲叫左杯Long Island 同 Iced Capuccino，主菜就叫左個超級素菜意大利pizza，佢地嘅pizza 厚薄適中，第一次食素pizza感覺好清新好好味😋清晒6件pizza✌🏽✌🏽✌🏽甜品叫左個朱古力布朗尼，滿足滿足。

話說TKO 從發展海邊高尚住宅區，到Donki 進註開左一排餐廳. 之前同朋友試過其中某間裝潢好靚Bar Restaurant ，但食物水準令人失望. 今次去左呢門面睇落平平無奇餐廳，反而食物水準大有驚喜, 令我重拾番對呢頭餐廳水準嘅信心先叫左個NZ Mussels in White Wine $165Mussels 上到黎真係每隻都好大粒飽滿，咬落帶海水微咸同鮮甜，好正. 略美中不足係兩片包唔夠香脆，所以我同fd 就浸係煮mussels 湯汁，都唔錯Seafood Marinara risotto $135有隻燒過大虎蝦係頂，蝦肉結實爽彈. 而煮risotto 個sauce 用左唔同切粒seafood ，有蜆肉魷魚等等，所以食落啖啖都帶有海鮮鮮甜味另一道order 左menu寫 recommend Surf & Turf $335. Steak request 左medium ，好讚賞chef 掌握火喉同grilled 時間剛好， 雖然厚身，但中間係均勻粉紅色，咬落口感十分軟嫩而且每啖都帶有肉汁好juicy牛肉味唔算好濃厚但都好正，佢個gravy sauce 都唔係好濃味，比人更食到

將軍澳海傍有好多環境好舒服餐廳，今日就嚟到A Tavola Bar & Grill同朋友chill下😛 Appetizers首先叫咗Tomato mozzarella salad同buffalo chicken wings🍅🍗沙律好新鮮，加少少黑醋已經好好味😋雞翼炸得香脆，醬汁都好惹味👍🏻 Pepperoni pizza餅底好脆，食多兩塊都唔會覺得膩🍕甜品就叫咗朱古力蛋糕同apple crumble，個人比較鍾意後者，蘋果唔會焗得過腍，配埋雪糕一齊食好夾🍎🍨

*💭𝐀 𝐓𝐚𝐯𝐨𝐥𝐚 𝐁𝐚𝐫 & 𝐆𝐫𝐢𝐥𝐥餐廳位於南將軍澳海旁，經過門口已經看到不少人在休閒地品嚐美酒佳餚😍非常寫意☺️作為酒吧餐廳室內環境偏暗，但沒有一般酒吧的強勁音樂，令人坐得舒適寫意🥰𝙼𝚎𝚗𝚞有不少選擇，每種食物或烹調方法都有數十種，多得令人有點不知所措😜𝙱𝚞𝚏𝚏𝚊𝚕𝚘 𝚆𝚒𝚗𝚐𝚜🐤外層十分香脆，咬開脆卜卜的皮，內𥚃是嫩滑的雞肉😋雞翼煮得十分好，外層沒有烤焦之餘𥚃面熟成度剛好。配上香辣惹味的醬汁，把雞翼味道推上另一層次😋雞翼份量亦不少，共有有六隻，大伙兒可以一人一隻分享🤩𝙱𝚞𝚝𝚌𝚑𝚎𝚛 𝙱𝚎𝚜𝚝 𝙿𝚒𝚣𝚣𝚊🍕材料超豐富😍有意大利香腸、火腿、雞肉、牛肉和煙肉再加上燒烤醬😍 𝙿𝚒𝚣𝚣𝚊剛來時已經聞到一股熱辣辣的香氣，令人食指大動🤤咬下去發覺啖啖都是肉，再配上薄身和卜卜脆的餅底😍吃了三數塊也停不了口🤤𝚂𝚞𝚛𝚏 & 𝚃𝚞𝚛𝚏🥩另一個主菜點了10安士的烤牛柳和兩隻大蝦😍再配車厘茄和大蘑菇🍅牛柳煮得剛好，切開後是粉紅色，沒有筋，外層有少少碳燒，食落惹味😋兩隻大蝦新鮮彈牙，餐廳貼心的開了邊，省卻了要自行除殼的工序😝平日晚上放工後來這裡，環境不會太嘈吵，與友人坐得舒服，食物也食得稱心☺️

春天翳悶潮濕天氣令人懶洋洋 趁今日入將軍澳 搵朋友去唐俊街公園旁呢間西餐廳酒吧 吹風食嘢聽輕音樂 人都醒神啲-🍹#White Sangria $68🍸#Sparkling Wine +$30西班牙白酒水果酒加咗好多新鮮水果切粒🍓🍃🫐 顏色鮮艷 點套餐可以將飲品升級為有泡氣酒 抵飲-🥩#安格斯肉眼扒晚市套餐 $328 包前菜甜品咖啡或茶前菜可揀蕃茄湯 煙三文魚沙律或洋蔥圈 主菜選擇有豬牛羊雞素 最後揀咗牛扒 14安士好大件 可以同朋友share 五成熟牛扒好正 牛味濃入口有炭焦香 個汁一般 建議蘸芥辣食-🍕#10吋海鮮薄餅 $140 之前食過chicken tikka pizza今次揀海鮮 材料豐富 有蝦仁青口蟹肉小墨魚 底餅有口感少少脆-🥧#Apple Crumble $58甜點用鐵煎pan奉上 佢同雪糕球一冷一熱帶嚟嘅溫差口感對比好過癮 金寶碎多但玉桂味唔強 提議用酸啲嘅蘋果肉 天然果酸可以衝擊味蕾😋-🍰#Chocolate Brownie 跟餐甜品布朗尼蛋糕鋪滿小粒棉花糖 香甜煙韌 有質感夠甜度 同朱古力布朗尼好搭-📍#A Tavola Bar & Grill將軍澳澳南海岸唐俊街2

今日同朋友行街嘅時候，突然之間好想食西式食物，但又覺得西式食物好難整得好食，所以已經諗緊轉唔轉其他food preferences。好彩突然經過咗呢間西餐店，見到佢啲招牌勁吸引，人流又多，就入咗去試吓。雖然話人流多，但一入到去，環境都屬寧靜，會俾人一種舒適適合飲酒傾偈嘅地方。而個裝修亦都簡潔。食物方面，雜菌意粉、牛扒配薯蓉、朱古力慕絲蛋糕配雲呢拿雪糕。雜菌意粉嘅醬汁好濃郁，意粉亦都好彈牙。而牛扒肉汁豐富、鮮嫩可口，配合薯蓉可以解膩。另外，朱古力蛋糕嘅甜度適中，好適合一啲唔鍾意太甜嘅朋友～加上雲呢拿雪糕就偏甜，整體啱啱好～～總括而言，整體嘅CP值超高！❤️

難得平日放假，於是決定到將軍澳海旁附近放鬆一下，順便嘆個午餐。午市套餐都有好多選擇，本來想食雞肉凱撒沙律，但見到頭盤都有得揀，所以我就揀咗肉眼扒。凱撒沙律成個沙律都好清新，蔬菜好新鮮，咬落好爽脆，而且加入了煙肉和脆脆的麵包糠，食落時有口感，另外，芝士碎都幾多，整體味道幾正！炭燒肉眼扒配薯條我點了五成熟的肉眼扒，火候剛剛好。肉眼扒好大塊，牛肉味好濃，入口有點點的炭燒香，不錯不錯。熱咖啡唔知點解，覺得呢度杯咖啡好好飲😋可能因為太耐冇飲過咖啡的關係。加奶的時候才發現原來是已經打成泡，所以飲落的時候咖啡份外香滑。朱古力芝士蛋糕最後餐飯以甜品作結，朱古力芝士蛋糕賣相好吸睛，芝士味唔算太濃，吃的時候有淡淡的朱古力香。

將軍澳海旁最近開咗好多間新餐廳，加上又DONKI助陣越來越多人嚟呢度食嘢！最岩就係食完野，去海旁行下，之後再去Donki掃貨！最完美嘅週末就係咁樣渡過！夏威夷人pizza（$145）🍕識食一定食厚批12吋，聖馬扎羅醬有濃烈茄汁味，厚薄適中，最緊要係新鮮滾熱辣即叫即做！充滿夏威夷風味！意式千層闊條麵（$115）闊條麵同埋醬汁一層一層咁，做到意大利嘅風味！小牛肉焗香左好有牛肉味！原來露天地方可以放狗仔，下次我會帶埋隻狗仔嚟🐶飲杯啤酒🍻，嘆一口氣咁就一個週末啦，又可以精精神神咁返工啦！#將軍澳美食#將南美食#bar#食好西#pizza#西餐#千層面#食左先講#狗仔都黎得#薄餅#千層麵#tavola