A Tavola Bar & Grill (已結業)

2021.12.29我同朋友上次嚟將軍澳行Donki時，已經留意倒喺海濱附近嘅呢間餐廳，今次終於入去嘆下個Set Dinner for 2🍽Tonanti Soup係有洋蔥碎嘅蕃茄湯🍅，入面有少少茄茸，少少咬口幾好，酸味較重，有一塊麵包🍞喺面A Tavola Salad 🥗有牛油果🥑、青瓜🥒、沙律菜、洋蔥🧅、燈籠椒🫑等，佢嘅沙律醋汁調得幾好，唔會過重蓋過蔬菜原味，幾開胃Buffalo Chicken Wing🐥幾大隻下，表皮好脆，醬汁都幾刺激，辣嘅程度有Tabacco嘅感覺🥵Rack of Lamb 3pcs🐑🐑🐑厚身但好嫩滑，生熟程度剛好，好肥美，有油脂香味，外皮嘅雲穌及芥末非常夾，配薯蓉🥔、茄子🍆、椰菜仔Grilled Salmon🐟都幾厚，生熟程度剛好，保留倒肉汁又嫩滑，最正係配上嘅蒜香牛油醬，同樣配薯蓉、茄子、椰菜仔Chocolate Brownie 🍫🍰幾輕盈，唔會好結實好膩，入面有少少咬口嘅碎碎Tiramisu幾輕身，甜味同苦味嘅平衡幾好，偏甜但仍留有足夠苦味，一啲都唔膩Cranberry Juice甜甜哋，微酸，可解膩Grapefruit Juice🍇感覺有少少似西柚嘅苦

將軍澳南近期好Hit，海邊開左好多餐廳做到好似外國既酒吧街咁🍻人流都好旺，假期基本上都要訂位先食到😳今次黎到呢間Bar食晚餐見佢好評都幾多，但食落就覺得麻麻地，質素同性價比都唔算高😅而且都幾多人食煙，一路食飯都會有煙味飄過🥲我地今次5個人黎，就可以試多啲唔同野🍺3L Draught Beer Tower with 2 Starter （$498）Beer: Hoegaarden🍺Tempura Prawns 天婦羅蝦🍤Calamari Fritti 炸魷魚鬚 🐙叫左個Beer Tower，本身仲諗住會飲唔晒，但原來都唔係幾多🤭每人一兩杯都差不多飲晒前菜叫左呢兩款，但都麻麻地天婦羅做得一啲都唔脆，而且冇乜味Main:🥘Marinara Risotto 意大利海鮮飯 ($135)海鮮飯都唔錯，不過份量小左啲淨係平鋪左個碟，加隻大蝦係中間每人食一兩啖都已經冇晒 😆🐖Baby Back Ribs  BBq醬燒豬仔骨（$325/ Full）豬仔骨就做得好唔錯，算係最好食果樣😋Full size原來好大舊，個底鋪滿晒薯條啲肉做到好林而且好入味👍叫Half size都已經好夠🍕A Tavola Ho

位於將軍澳南海邊其中一間人氣西餐廳，每次繁忙時間經過餐廳都人頭湧湧，唔少人幫襯🍴西餐廳一眼望落去有一個好大既酒吧area，放滿各色各樣酒精類飲品，加上位於海濱長廊一帶，感覺好chill、好寫意🍹 另一樣令餐廳大受歡迎既原因，就係CP值好高，除左食物好大份，而且食物味道、質素都同樣高水準～ 例如，豬仔肋骨半份已經非常大份，又闊又厚肉，醬汁調味恰到好處，薯角炸到金黃可口～ 另外值得一提就係佢地個甜品，賣相一流，甜道岩岩好😋 飲品亦相當唔錯，好適合假日同朋友去relax一下～

I came here for dinner with a friend. We both live nearby. The clam chowder soup tastes good but is a bit thin. I wish there could be more veggie and potato inside. Service is nice. I asked for cracker that goes with the soup and they served baked bread. The rib is good. Pizza is so so and could be fresher.

聖誕節本來諗住近近地食餐好嘅，喺OpenRice搵到呢間食評唔錯就揀咗佢啦～我哋book八點，當日7:55分去到，入咗之後即刻叫嘢食，包括兩個套餐 一個龍蝦意粉同埋一個安格斯牛扒，另加兩杯嘢飲.. 我哋坐到8:30 兩杯嘢飲都未到 連基本嘅前菜餐湯同沙津都未到 等到8:45我杯嘢飲終於到 接近九點先嚟哂啲野食 足足等左一個鐘！首先黎到我個牛扒係凍嘅 我男朋友個龍蝦意粉完全冇味 仲要唔熱 我同個侍應講我塊牛扒好凍食吾到，佢話拎入去翻熱，拎返出嚟之後我再食返牛扒係煎燶左….. 等咗一個鐘 食到啲咁嘅質素嘅嘢 到我哋食晒餐飯 我男朋友杯嘢飲都未到 仲要係最基本既一杯蘋果汁😅最後直接取消咗個嘢飲埋單走🤬🤬🤬🤬🤬呢間餐廳用餐時間90分鐘 我哋等嘢食包括嘢飲至少等咗一個鐘先有 價錢中等 但嘢食嘅擺盤同質素極差 以後不會再來🤬🤬🤬🤬🤬對呢間餐廳想講一萬個粗口，我聖誕節大餐就咁完左😡😡😡😡

成班人聚餐一定要搵啲氣氛好而食物又大份方便share好餐廳，而今次我哋就揀咗將軍澳【 A Tavola Bar & Grill】 食，貪佢食物多選擇又有音樂酒水飲。炸魷魚圈$120最喜歡呢個炸魷魚配他他醬！襯酒一流CAESAR SALAD+烤牛肉 $110+$40注重食蔬菜嘅一代外出用餐都一定會叫碟菜，加埋有炭燒過嘅牛肉好惹味。HAWAIIAN PIZZA $125(細Size厚批)材料有芝士，ham，同新鮮菠蘿！雖然pizza落菠蘿一向都極具爭議性，但我個人認為有菠蘿嘅pizza真係好好味啊!美國經典BEEF BURGER $140呢個burger塊angus beef係超厚勁有肉汁，加埋烘過嘅麵包同芝士菜同蕃茄簡直就係經典comfort food，配即炸薯條同少少salad响旁邊其實呢個價錢CＰ值非常高。叫得Bar就當然唔少得叫酒水啦，叫咗白酒同夏日沙冰+rum酒 ; 總括嚟講呢到食物環境同埋氣氛都係一流，而除咗將軍澳佢哋亦有分店响東涌；有興趣的話就一定要試試啦！📍將軍澳澳南海岸唐俊街23號MONTEREY Place 地下G08號舖

同朋友睇完戲之後想黎tko海旁chill下同醫下個肚🤓 朋友之前都食過呢間餐廳嘅dinner話水準唔錯！所以今日我地就黎食個tea 啦🤣叫左兩個tea Set C!包兩杯野飲！一入到去有個男staff 好helpful！同我地go through 曬咁多menu! 👍 ..1. Seafood Pizza (HKD98) ⭐️⭐️⭐️⭐️Pizza 係薄底 海鮮配搭好食😋..2. Snacks Plater (HKD 98)⭐️⭐️⭐️份量都幾多下，但呢度啲炸物就炸得唔夠香脆啦..3.Beer Set (HKD99) ⭐️⭐️⭐️⭐️⭐️99蚊兩杯啤酒（可自選）再送埋4隻雞翼！雞翼外皮係脆脆地 醬汁係酸辣 味道比較特別但又好好食😋..4. Brownie (FREE) ⭐️⭐️⭐️最後仲送埋甜品，仲要擺埋碟！味道ok 誠意滿分！..總結：1.人均消費：160/person 2.環境：⭐️⭐️⭐️⭐️3.食物質素：⭐️⭐️⭐️⭐️4.抵食：⭐️⭐️⭐️⭐️呢間餐廳性價比十分高，職員友善有禮，下次會想試下Dinner!😋

之前成日都行過呢度但好少過嚟食嘢，今次專登過嚟試吓呢一間望落去就已經好chill 既bar and restaurant😍首先叫左個set dinner，要左Angus Ribeye 14oz 7成熟，配上蘑菇湯，餐飲同埋甜品。肉眼扒烤得好好食，會有一種烤出嚟嘅香氣，同時肉質都好軟霖，佢嘅配菜薯蓉簡非常出色，每一口薯蓉都會有一種香濃嘅忌廉味，簡直係畫龍點睛之筆。蘑菇湯同甜品都非常出色，甜品係Rocky road，配上濃濃嘅棉花糖顯得非常有口感，而且甜度適中。另外都叫咗一個roasted chicken，同樣都唔錯，肉質軟嫩

早幾日去左呢間將軍澳澳南海岸果邊嘅西餐廳食lunch😊環境好開揚，近門口可以對住個街景，都幾chill下😌menu都幾多選擇，pizza, pasta, burger 乜都有，lunch仲有set 添都幾抵食😆🔻Tomato Mozzarella Salad🥗 $115呢個沙律食果時就張塊水牛芝士放上去塊大新鮮蕃茄上面食，上面有啲意大利黑醋汁，中間就放左啲火箭菜咁，食落唔會覺得好dry同埋芝士好軟身，非常健康😉🔻Tempura Prawns🍤呢個小食超好食呀，隻隻蝦都好大隻☺️然後有兩隻醬可以揀 - wasabi豉油/甜酸醬，個人就覺得點wasabi特別啲，而且隻蝦好脆😛🔻Fish & Chips 🍟 $208 (for set)底下啲薯條真係超級脆😂上面有兩塊都幾大嘅比目魚，條魚就一般啦，可以點沙律醬食😌大碟到有啲熱氣🥲🔻Margherita （12吋）🍕$135叫左個超大pizza😂大到食唔曬，但係好食嘅，條邊烘到好脆，上面係聖馬扎諾醬、parmesan cheese、羅勒同初榨olive oil，點埋辣椒仔就更加惹味😝🔻Sundae chocolate🍧最後跟餐叫左依個甜品，有兩個

做完一個大project，同事話食餐好，所以帶咗我嚟呢度。餐廳環境舒適，出面個景又靚。佢嘅set lunch包咗Starter、main、drinks & dessert，一條龍服務,岩晒我選擇困難。頭盤揀咗buffalo wings，餐廳好細心地炸咗雞翼，然後汁另上。雞翼熱辣辣，而且咬落去有汁，勁Juicy；個汁亦都夠辣夠惹味。主菜就揀咗肉眼扒，佢可以揀薯條或者飯，但肚餓都可以食到一隻牛嘅我揀咗飯。佢嘅steak有好大陣炭燒味，飯比較軟綿綿。最後甜品係朱古力蛋糕，配左鮮cream,好傳統既配搭，好滿足。

半份BBQ醬燒豬仔骨（單點$200），份量大，依碟豬仔骨非常容易起肉拆骨，食落啖啖肉，肉質軟嫩，充滿BBQ 醬汁味道；香辣薯角即叫即炸，口感外脆內綿，表面鋪有辣椒粉，味道香辣，附有番茄醬；紫椰菜沙律食落好清爽。意式千層闊條麵（單點$135），表面鋪滿芝士，拉絲效果突出，千層麵口感薄身，食落軟硬適中，每層之間都有大量芝士、牛肉、白汁，食落好滿足。烤雞肉薄餅（單點$125），採用雞胸肉、芝士、洋蔥、蘑菇、彩椒、香草、燒烤醬製作，好足料，雞胸肉出乎意料，肉質嫩滑，批邊食落好脆卜卜，配以辣椒片、Tabasco食用，食落好惹味。炸魷魚圈（單點$120），份量多，表面鋪有香草，魷魚圈口感外香脆內爽口，配以他他醬、泰式甜辣椒醬、檸檬汁食用，味道更佳。蘋果酥（單點$58），新鮮蘋果粒經煮熟後，口感腍爽，加上肉桂，味道清甜，配以酥皮、消化餅，口感酥脆，牛油味道濃香，配以香草味雪糕食用，冰火交融。意大利咖啡蛋糕（單點$55），表面鋪滿可可粉，口感綿密，咖啡味道淡香，蘭姆酒味道越食越濃，食落入口即化，味道正宗。熱蜂蜜檸檬水（單點$28），蜂蜜另上，味道酸甜，飲落好舒服。

將軍澳海旁多咗好多餐廳，今次揀咗A Tavola Bar and Grill西餐廳，位於將軍澳Monterey Place，鄰近將軍澳海濱長廊，環境優美，即刻加咗唔少分！我同朋友揀咗一個安格斯肉眼扒套餐，再加半隻燒雞，兩個人開心share, 非常滿足。首先安格斯肉眼扒套餐有蘑菇湯、肉眼扒、飲品同埋甜品。肉眼扒我哋揀咗七成熟，燒得剛剛好，配埋牛油檸檬醬汁，簡直絕配，至於甜品好靚，有少少棉花糖，果仁同葡萄乾，都幾特別。至於燒雞就好嫩滑，沙律菜同薯角都好好味😋！下次一定要試吓其他菜式！

今晚跟朋友去了這間將軍澳近海旁的西餐廳，環境寬敞舒服寫意，更設有戶外座位，食客可以一邊吹吹海風，一邊享受美食。❤️特式套餐❤️(包前菜、主菜、餐飲、甜品)🌸紐西蘭白酒煮青口 (+$48)青口大隻入味，伴蒜蓉包配搭不錯。🌸凱撒沙律羅馬生菜新鮮脆口，正常發揮‧🌸菲力牛排 $368 扒大蝦 (+$48)菲力是整頭牛最軟嫩的部位，沒有油脂及結締組織，口感純粹就是嫩。菲力牛排用炭火燒烤，陣陣炭火香味，使肉的味道更加豐富。喜歡軟嫩口感的朋友，可以一試。🌸烤羊排 $368羊排被香草及麵包糠包住再烤焗，多了點脆卜卜口感，肉質保持肉汁，香草味濃。🌸朱古力棉花糖蛋糕朱古力味突出濃郁，蛋糕中間混有溶化了的棉花糖，口感超正，煙煙韌韌，濕潤不乾身。🌸蘋果金寶 (+$48)熱騰騰新鮮即叫即整的蘋果金寶，表面帶香脆口感，味道不算太甜，配雲尼拿雪糕恰到好處。

難得平日放假，想搵間舒服嘅餐廳ME TIME下。一望Menu就知道一個豐富嘅午餐。starter我揀咗是約餐湯，係pumpkin soup。佢南瓜湯嘅味道同平時飲嘅有啲唔同，同樣有一浸淡淡嘅grill香。main course揀咗意式火腿pizza，但其實餡係Parma ham & 火箭菜。用料高質，好食；而且份量好大，同朋友share絕對夠食！餐飲揀咗coke zero，飲住汽水望住個海放空，so relaxing！食完仲可以喺將軍澳海濱行吓，假期就該這樣過。

放半天假，唔想人迫人出旺區食lunch, 於是就返屋企附近搵食，來到呢邊感覺有少少relax， 平日真係唔多人，想幾休閑就幾休閑，宜家lunch set原來做緊買3送1，佢嘅starter仲要份量超多，味道都唔錯，真係非常滿足嘅一餐，下次我要來飲下啤酒🍻先