A.T.A.S

營業中

休息中

A.T.A.S.以新加坡風味為主打，裝潢充滿特色。由樓梯開始，已經感受到其獨特設計，令人對用餐體驗充滿期待。到達餐廳後，店員親切熱情地迎接，令氣氛倍添溫暖。菜式選擇繁多，無論視覺還是味覺都能滿足。Chicken Satay (4 Pcs) 沙嗲雞串配上花生醬，香氣濃郁而不膩口，雞串與沙嗲味道交相輝映，每口都充滿層次感。🍢Fried Hokkien Mee 炒福建面福建炒面炒得乾爽得宜，既帶有濃厚的鑊氣，亦有鮮美的海鮮及蔬菜點綴，調味恰到好處，口感豐富。🍜🦐Singapore fried carrot cake蘿蔔糕外層煎得香脆金黃，內裡柔軟細膩，入口帶有微微焦香，值得一試。🥢Milo Explosion 美祿爆炸顧名思義，這款甜品極其豐富，由美祿脆脆、濃厚美祿粉及香脆餅乾層疊而成。每一口都濃郁而飽滿，堪稱恐龍版的奢華享受。🍫✨Lime juice 青檸汁酸甜比例恰當，清新怡人，為整體味蕾帶來解膩的舒緩感覺。🍹

前排嚟過ATAs 食新加坡菜，好滿意。今次約外國朋友食Lunch,再次嚟到Atas。鍾意呢度環境闊落開揚，空間感十足。店員有善，食物有水準，下次都會再嚟囉喏以新鮮水果、酥脆油條和豆卜，淋上自家製的囉喏醬，在面上灑碎花生和芝麻。有特色有滋味新加坡排骨蝦麵新加坡排骨蝦麵湯底濃郁，鮮蝦爽口彈牙，排骨肉骨幼嫩，麵質彈牙，非常不錯新加坡海南雞飯一向好鍾意食海南雞飯，atas海南雞肉幼滑啖啖肉，很不錯斑蘭奶茶斑蘭奶茶飲落好特別，口感又滑熱咖啡咖啡味濃，口感幼滑，個人很喜歡

【灣仔區】【A.T.A.S】好耐冇拍真正哥做嘢，今次同佢去銅鑼灣呢邊，就試一間新加坡菜。佢喺利園二期後面嘅渣甸街嗰頭，要上樓嘅。間嘢喺網上都幾多好評，上到去發現都幾清靜，似 cafe 多啲，有啲鬧市中的綠洲咁嘅 feel。真正哥試 $98 嘅「新加坡排骨蝦麵」，我都有試。碗嘢嘅蝦都排骨都突出，麵係摻摻，即係油麵加米粉，雙重享受。嘢飲佢加 $20 飲「Rose Limau」，即係玫瑰青檸水，佢覺得 okay 呀，幾特別。我就試 $128 嘅「辣椒蟹忌廉醬義大利蛋麵」，勁邪惡嘅蟹醬，仲有蟹肉喺入面，加埋幾隻蝦，成件事勁滿足。我都係加 $20 要「班蘭薏米水」少甜，淡淡嘅班蘭香氣，配合薏米水，好高質。我仲加 $48 試「羅惹」，一齊食呢種撈埋菠蘿、蘋果、芽菜、豆卜和油條等等嘅沙律，加醬汁再灑花生碎、薑絲吊味，有晒甜鹹酸辣味道，正。埋單 $314，係幾有特色嘅一餐。。。（地址：銅鑼灣邊寧頓街9-11號登龍閣地下C2號舖）

餐廳主打新加坡菜，店內以白色做主調🤍桌椅以木系及綠色植物圖案為主調🪴打造簡約休閒風格的用餐環境。🌟Black Pepper Prawns $188黑胡椒老虎蝦
充滿星州巴刹風味的黑胡椒炒大蝦🦐黑胡椒加上黑醬油🖤重口味的黑胡椒醬汁好味指數 level up濃厚的醬汁盡掛在每一隻大蝦上， 甜甜鹹鹹並且香辣惹味，卻不蓋過大蝦肉鮮香美味，黑胡椒醬夠香，蝦肉新鮮爽脆，令人大舔手指，吃得津津有味。🌟Garlic Kang Kong $88蒜蓉炒通菜一道蒜蓉炒通菜，香氣撲鼻，莖梗香脆，菜葉軟嫩，色澤翠綠🥬獨突的口感和味道，來自秘制的脆炸豬油粒🐷豬油較耐高溫烹調，比起植物油更適合用來油炸，而且豬油其實是脂肪酸分佈均勻的好油，不容易氧化產生對人體不健康的自由基。如果還懷念豬油滋味，這一道炒通菜還是極力推薦，令人食指大動。🌟Roasted Spring Chicken in Curry Sauce咖哩烤春雞$178春雞肉質軟嫩多汁🐓外皮烤得金黃，配上濃郁而不膩的咖哩汁🥘帶點微辣，及椰奶香味，完美地襯托出春雞的鮮嫩，令人忍不住一口接一口。搭配的粟米🌽及薯仔🥔既保留了蔬菜的清脆，又吸收了咖哩的精華。🌟Pand

【 銅鑼灣馬拉fusion奇兵｜麥片蝦撞咖啡排骨玩味爆燈 】放工喺cwb搵食撞正呢間玩轉馬拉菜嘅fusion小店睇餐牌竟然將麥片、咖啡呢啲元素完美溝埋南洋風味 即刻入去探險🦐 麥片軟殼蝦 $188香港少見嘅神級配搭！麥片脆粒甜度輕手 帶淡淡鹹蛋黃香軟殼蝦炸到連鬚都脆食得最驚喜係底層鋪滿烤燕麥片脆上加脆又唔油膩 趁熱即食☕ 咖啡排骨 $128以為會好伏？完全改觀！咖啡醬濃香得嚟帶甘苦尾韻排骨肉質鬆化之餘最正係醬汁掛滿肋骨 食完忍唔住啜手指🍚 叁岜蟹肉炒飯 $168足料程度睇到眼凸👀蟹肉勁大粒 仲要勁足料叁岜醬辣得溫柔口感似食緊馬拉版risotto🍸 美祿馬丁尼 $78童年回憶成人版！美祿粉掛杯似朱古力Martini飲落酒精度輕盈 女仔都啱飲🥤 斑蘭奶茶 $35治癒系南洋風味💚斑蘭葉香天然清新 甜度控制得剛剛好奶茶滑得嚟帶淡淡椰香 飲完成個口腔涼浸浸埋單$603連加一以fusion菜嚟講算合理私心推麥片蝦同斑蘭奶茶CP🩷

一入去，環境舒適又有特色，打卡一流📸！先講講「辣椒蟹配饅頭」，呢個饅頭有蒸同炸兩款可以撿。我揀咗炸嘅，炸得金黃香脆嘅饅頭，蘸埋濃郁香辣嘅辣椒蟹醬，蟹味濃郁，辣中帶甜，每啖都超惹味，正到痹👍！「奶油麥片老虎蝦」都好正，老虎蝦大大隻，肉質爽口彈牙🦐，外層裹住香脆嘅牛油麥片，咬落去「卡滋」聲不斷，香濃嘅奶油味襯托住鮮甜嘅蝦肉，真係食到停唔到口！「雲吞配喇沙忌廉醬」都好有驚喜，雲吞入面有蟹肉同蝦肉，鮮味十足。喇沙忌廉醬濃郁厚身，融合咗喇沙嘅香料味同忌廉嘅奶香，一啖雲吞一啖醬，層次豐富到冇朋友😋！食完鹹嘢，梗係要嚟返個甜品啦！「咖椰爆醬」真係yyds！三層烤得剛剛好嘅麵包，塗滿咗香濃嘅咖椰醬、牛油、花生醬同巧克力醬，再鋪上一層厚厚的美祿粉🍫，每一口都充滿住甜蜜同幸福嘅味道，食完好滿！飲品方面，「美祿馬丁尼」同「玫瑰露恐龍」都好有特色。美祿馬丁尼將美祿嘅香甜同酒嘅香醇完美融合，好有新意；玫瑰露恐龍色彩靚麗，味道清甜，打卡一流！

店舖位置近地鐵站，裝修簡約溫馨，店員友善好笑容，最驚喜係新加坡菜原來可以咁有特色。✦ 奶油麥片老虎蝦 好「表裡不一」嘅菜式，入口充滿奶油香，甜甜哋、好好食。外脆內嫩嘅蝦，好重海洋味，同麥片嘅甜形成對比，又出奇地夾。✦ Wanton in Laksa Cream Sauce上枱已經聞到好香喇沙味，醬汁係自家秘製，將喇沙湯加cream煮成杰身，好creamy好濃郁。雲吞大大粒，包住海量蝦蟹肉，啖啖鮮美。 ✦ 参岂蟹肉炒飯炒得夠香、夠乾身，啖啖都有蟹味，少辣、好惹味。好有心機嘅餐廳，價錢合理，值得一試。

銅鑼灣有一家在樓上，主打新加坡地道美食的餐廳，氛圍樸實溫馨，廚師與店員全是地道新加坡人，口音帶點親切的南洋風情，地道味道彷如置身獅城。🏅肉骨茶（$98）新加坡版本肉骨茶更偏胡椒味。熱氣騰騰的湯底充滿胡椒和蒜香，湯色清澈卻濃郁，每一口都帶著溫潤的辛辣感。配上一碗白飯及油炸鬼，簡直將新加坡街頭的風味搬到了香港。🏅新加坡排骨蝦麵（$98）湯底以蝦殼熬製，鮮甜濃郁，配上香滑的米粉和油麵，排骨和蝦份量十足。湯頭的香味濃烈卻不過鹹，喝到一滴不剩仍意猶未盡。🏅五香卷（Ngoh Hiang）（$58）五香卷是極具特色的小食，外皮炸得酥脆而不油膩，內餡以豬肉和蝦仁為主，混合了獨特的五香粉調味，香氣四溢。配自家製的甜辣醬，更添一層風味。🏅南洋奶茶系列：斑斕奶茶 & 煉奶奶茶（@$25）這裡的奶茶系列充滿南洋特色，用雙層玻璃杯令奶茶保持熱度。斑斕奶茶的翠綠色澤源自天然斑斕葉，散發出獨特的草本香氣，口感絲滑，甜度適中。而煉奶奶茶則帶著濃郁的熱帶風情，香醇的茶底加上煉奶的甜美，甜而不膩，讓人感覺像在新加坡喝道地的“Teh C”。

去銅鑼灣行街，見到樓下裝修幾有型格，於是上去睇下，係食新加坡菜，未食過，就試吓。我哋叫咗：羅惹 ，可以當係新加坡既沙律，第一次食估唔到係呢個口感，酸酸甜甜咁，好清新好開胃；咖啡排骨 ，呢道菜都幾得意，味道苦苦地，幾創新；辣椒蟹忌廉醬義大利蛋麵 ，蟹肉鮮味十足，份量都唔錯，忌廉醬濃郁，少少辣夠惹味，仲有大大隻蝦，都好好味；美禄爆炸 ，呢個係兒時回憶，細細個已經好鍾意飲美祿，濃濃嘅美祿絕對係必試；玫瑰青檸水，呢杯野飲粉紅粉紅好少女，飲落去濃濃嘅玫瑰香味，都幾特別

✨新加坡排骨蝦麵大蝦肉質爽口新鮮，排骨煮得夠淋入味，湯底用蝦頭和蝦殼熬煮而成味道濃郁鮮美，加入油麵、米粉，讓每一口都充滿海洋的鮮香，真正享受到一碗新加坡的味道😋✨新加坡海南雞飯平時食海南雞飯係用黃油雞，這間用的是文昌雞，皮薄，肉質較為Q彈軟嫩，烹調方法和味道是有所不同，每碟雞都會淋上他們秘製的醬汁，另外蘸雞的三色醬也是他們自家特製的，在這裹食到最正宗的新加坡海南雞飯，太好味🤤✨美祿爆炸一杯冰凍美祿，加上超多美祿粉和脆脆，味道特別濃厚，口感豐富，超好飲，推薦👍✨斑斕奶茶-跟餐加25新加坡茶葉沖製的紅茶，加入奶和淡淡的斑斕清香，非常香滑好飲👍

🍊 餐廳名稱：A.T.A.S (銅鑼灣)🐝 味道：8/10環境：7.5/10整體分數：8/10💰人均：$200+———————————————————新加坡老虎蝦喇沙💰138喇沙叫左摻摻，米粉同油麵唔同口感，加上喇沙湯底濃郁豐富，每一啖都係享受。老虎蝦+魚蛋+豆卜份量都幾多。沙嗲雞串💰88沙嗲入面嘅花生醬偏，味道上香味比較重，同雞串一齊食係好夾。辣椒蟹肉醬配炸饅頭💰 98滿滿嘅蟹肉，真係充滿着成個醬汁，而且其實都唔算辣，老少咸宜。炸饅頭新鮮滾熱辣，點埋個汁一齊食~咖椰爆漿💰68邪惡到不行，三層夾住有咖央醬，厚牛油，花生醬加朱古力醬，仲有美祿粉！重甜人士必食，餐廳招牌。美祿爆炸💰58真係多到爆出黎！美祿脆脆加超濃美祿，滿足到不行。

餐廳用白色同綠色作為主調, 睇得好舒服💚 環境闊落, 性價比唔錯嘅樓上新加坡菜! 🇸🇬 可以嘗試到唔同嘅特別菜式, 侍應都好Nice好友善🥹Using white and green as the main colors, creating a visually soothing environment. The Singaporean cuisine offers good value for money! You can try out various special dishes while being served by super nice staff————————————————食物 Food:❆ Chilli Crab Sauce Pappardelle $178 辣椒蟹忌廉醬意大利蛋麵擺盤好精緻🦀 忌廉醬少少辣好惹味, 蛋麵都好掛汁! 越食越開胃🤤The presentation is exquisite! The creamy sauce is slightly spicy and very flavorful, and the pappardelle is wel

🍝辣椒蟹忌廉醬義大利蛋麵義大利蛋麵的口感滑順，與濃郁的蟹肉和忌廉醬相結合，還有大大隻新鮮的蝦，讓每一口都充滿了海鮮的鮮美。辣椒的香辣味道為整道菜增添了一層刺激，配搭得十分好🍜新加坡喇沙米線喇沙湯底很濃郁，米線吸收了香濃的椰漿、香料和海鮮的鮮味，每一口都能感受到豐富的層次感。湯底的微辣和香氣四溢，讓人感到暖和又滿足，非常適合寒冷的日子。🍞咖椰爆醬咖椰是一道獨特的醬料，由斑蘭葉及椰漿製成，非常適合搭配烤麵包，再加上厚厚的牛油，香口順滑。☕️美祿爆炸這杯飲品十分適合打卡，美祿的濃郁巧克力味道與上面的脆脆配料形成了完美的對比，讓人感受到豐富的口感層次。🍵班蘭奶茶班蘭奶茶以其獨特的香氣和柔和的口感而受到喜愛。濃濃的班蘭的天然香味，讓整杯茶飲更加清新。

做完facial搵地方開飯，自己一個食咩好呢，搵左呢間新加坡菜，好彩快一步，坐低冇耐已經滿坐。好，坐低睇下有咩好食先。辣椒蟹忌廉醬意大利蛋麵 with tiger prawns，有大大隻虎蝦，煎到金黃色。但係真正主角係呢個意大利蛋麵，扁身既麵條將掛汁面積最大化，食落爽彈唔會成口粉。個醬汁混合絲絲蟹肉，好Creamy，有紅色點點就係辣椒粒粒，成個汁帶微辣，最重要係好夠汁！美祿爆炸，上面有朱古力脆脆波，有一塊餅餅，中間仲有朱古力粉，呢個簡直係恐龍升級版。

成日聽朋友講有間銅鑼灣既新加坡菜成日都大排長龍 今日終於有機會食到 我地去左食lunch 首先有條樓梯行上去 設計好特別 一上到去店員好熱情咁打招呼 好多款揀睇到眼花撩亂 我地食左羅惹第一次食呢款 原來係有D生果同埋有d炸豆卜咁 加左個醬叫tangy rojak sauce 甜甜地咸咸地地 有d蝦膏醬既味 成個味好夾辣椒蟹忌廉醬義大利蛋麵呢道菜的辣椒蟹濃郁醬汁好出 同軟滑的義大利蛋麵完美結合 麵亦都好滑 好惹味 令人一啖接一 亦都見到醬到有蟹肉 好足料 蝦亦都食得出係新鮮蝦 新加坡新鮮蝦喇沙新鮮的蝦和濃郁的喇沙湯底 充滿了新加坡的風味 辣辣地好易入口 仲有埋豆卜 索晒湯底味 (都食到有香濃既椰漿同海鮮既鮮味) 好味美祿爆炸一黎到見到超打卡able 好多美祿粒粒係面 真係名副其實美祿爆炸 超滿足玫瑰露恐龍帶玫瑰香氣既美碌，濃厚得黎帶點點清新