A Bowl (龍景大廈) (已結業)

A bowl (鰂魚涌）新開嘅日式風格嘅健康料理外賣店～其實之前香港都有唔少同類型嘅餐廳，但呢間就有埋早餐🥣下午茶☕️toast嘅選擇。而佢個bowl好巨大😎d選擇仲要全部都好吸引！魚生熟食樣樣有，作為三文魚控嘅我當然係要翻個fish bowl 🐟配料有齊抵過自選 最正係粒糖心蛋同爽脆鮮甜嘅蟹籽 正啊🤩我自己就全部都好鍾意啦！⚠️店舖新開張好多人 原本有兩個位for堂食但人多排隊時好似唔係咁適合堂食😉

今日我喺鰂魚涌遇到一間好吸引嘅餐廳，於是我買咗兩個佢哋要做Bowl。雖然要成$100一碗，但係單睇色彩，加上佢哋特製嘅沙律汁，可以話係好值得。Proteinbowl 成個碗底係日式嘅壽司飯，然後鋪上真係好靚嘅材料，我親手見他切咗半個牛油果，仲有一個慢煮咗1小時嘅日本溫泉蛋，羽衣甘藍、蟹子、毛豆、牛柳、白松露醬慢煮雞胸、最最最令我覺得其他餐廳不能替代的就是他特製的金柚子蛋黃醬，醬裏面竟然有好多好多真實嘅柚子粒，仲要加上啲辣粉辣椒🌶️惹味到不得了，真係好想即刻再去買一個明天午餐食。Seafoodbowl呢個一樣係有壽司飯底，其他材料有洋蔥、蝦🦐（唔知用咩醬煮過，又爽又好味😋）、日本溫泉蛋、毛豆、蟹子、最特別嘅係山藥芥末八爪魚及櫻花蝦芝麻醬。牛油果🥑鮮奶奶昔天然嘅味道，侍應仲因應我要求加咗少少蜜糖，否則就真係完全天然味道，可以想像即是冇咩味，但係一種好creamy嘅感覺。雖然我冇可能食到佢嘅早餐，但係我希望搵日早啲放工去食佢嘅下午茶😂

-🦄ABOWL.HK-自選BOWL Hkd146Rating🌕🌕🌕🌗🌑-⚠️詳細價錢及款式請參考圖3/4之餐牌⚠️-唔知有無人同我一樣都好鍾意食呢啲BOWL呢🤤可以自由選擇自己喜愛嘅配料☺️自由度十分大🥳又可以好好咁控制所攝取嘅卡路里及份量🥰減肥人士嘅恩物🥺連醬汁都可以自己選擇🥳不過一唔小心就會簡咗好多配料😈弄巧反拙咗😆abowl係近排新開嘅小店😳我琴日特登去食架好好彩地 我去嘅時候有位坐可以堂食 唔使等位🥺因為佢哋係主打外賣 而堂食位置大約有2-3個😉abowl.hk 嘅食材選擇超級多😭真係款款都想食🤤我最後簡咗好多款配料 先砌到呢碗咁豐富嘅BOWL-🔹BASE🔹🔸壽司飯+沙律菜🔸Hkd28本身打算只係叫沙律菜 因為我想食得輕盈啲🙊想減少吸收碳水化合物 想個BOWL嘅卡路里低啲不過我食過咁多次POKE之後發現 魚生一定要配飯魚生係一定要配飯架 好重要真係好想講三次😆🙏🏻事實證明我無叫錯 佢哋用日本珍珠米 超級軟熟日本米整得好好食 好軟糯好有滿足感 ふわふわ咁不過我就叫咗多菜少飯 咁好食嘅飯都係少食多滋味另外沙律菜都好新鮮 好多唔同種類嘅菜都好爽脆我個人覺得沙律菜有啲油膩 見到佢底部有一層油

Lunch 行過見到新開又有九折就試下啦 主打健康餐 慢煮雞胸 牛油果etc 叫左個三文魚吞拿魚set $98 送養生茶 冇得堂食得外賣 感覺都幾fresh又大兜 但因為新開張好多人 等都等左三個字 下次再試下其他先 佢仲有牛油果鮮奶奶昔$28

《It’s abowl you 🎏》———————————————-#Abowl 🥣-呢間新式fusion takeaway bowl 開戶係鰂魚涌，唔好睇佢好似細細碗，食落都飽肚，好啱係附近返工嘅打工仔，去偶然獎勵下自己食啲好嘢😆小店堅持只用日本雞蛋及日本米，值得一讚～-🐟 Fishbowl 用料都幾豐富，有齊三文魚、吞拿魚、鯛魚、牛油果、醃洋蔥、蟹籽同溏心蛋，仲用上秘製柚子豉油都幾fresh，加埋配料非常色彩繽紛，打卡一流😚-🐮日本溫泉蛋新鮮熬製牛肋條飯嘅質素都唔錯，尤其抵讚個溫泉蛋，橙黃色嘅蛋黃完全係畫龍點睛，蛋汁撈落飯同軟淋嘅牛肋條風味十足😋-咁啱遇上新店開張優惠，仲有九折添😍聽店主講，唔想排隊嘅仲可以whatsapp 提早11點半前落單，一落樓就有得拎～-⭐ 參考價錢︰Fishbowl: $99日本溫泉蛋新鮮熬製牛肋條飯(熱食): $88🍌 抵deal 指數：8/10