8
0
0
港鐵元朗站 A 出口, 步行約9分鐘
繼續閱讀
營業時間
星期一至日
18:00 - 23:00
以上資料只供參考, 請與餐廳確認詳情
相關文章
我見元朗又剛開了間新餐廳，食西餐，我又去試試了.西餐食得多，只想食扒，所以入去甚麼餐也不叫，只叫了兩塊扒。 Order了食物同等候時間都不短。一般是不會等候多過半小時，而我們就等了半小時，差一點我又想發火了。最終沒有發火，因為食物質素比想像中好，我會接受等候。來了一份牛扒，4成熟，廚師做到了，但我們太餓了，沒有拍下牛肉切開後是多麼的靚。之後又點了個黑豚肉扒，比想像中乾，我expect真正靚的黑豚肉不需要全熟，而他們煮到全熟，靚定唔靚，唔洗我多講吧。不過要讚一下旁邊的薯角，超好味，新鮮炸的，又香又脆，薯仔不是那些一咬就散那隻，所以又加分了。整體來說，我很滿意，黑豚肉雖然乾了點，味道是很好的，所以我接受的。
繼續閱讀
在剛過去的6月4日是歷史上一個很悲痛的日子，相信很多人都不會忘記。這天也是我倆的求婚紀念日，當初還在想點解要選這一天呢？好像不太好吧！？但原來那時剛好是我們相識的一百天啊！（微笑）來到這紀念日一早已訂好檯食晚飯慶祝，小妹不需奢華極致的餐廳，簡簡單單的在元朗那邊訂了一間開業不久質素又不錯的西餐廳，十分期待！（估不到在前一晚竟然又喉痛又發燒，好彩晚餐前退到燒，如果唔係便要取消了...）.據說餐廳的大廚曾在多個不同國家的酒店搭任過大廚，在香港更做到行政總廚的級數，可謂經驗相當豐富。餐廳暫時只做晚市生意，廚房只有老闆兼大廚一人應付整間餐廳的食物，所以出餐會有點慢，想要品嚐美食就要比點耐性呢！（老師娘又靚又好人，笑容滿滿）餐廳就在食肆林立的又新街那邊，裡頭環境不大，浪漫情調的燈光，大約有25-30張檯吧，還包括了水吧位置，說真的是滿迫狹；水泥牆掛上數張外國風的小海報裝飾，令餐廳不至於太沈悶。.餐牌上的款式貴精不貴多，有Set Dinner、數款主菜、A Ia Carte （包括三款小食和兩款湯品）及兩款甜品，二百多一個套餐，這價錢不貴了。Set Dinner，包湯/沙律、餐飲：如果散叫其他主菜亦加$40轉成套餐。.來到食西餐，當然少不了有紅白酒供應。叫扒的話更可自選醬汁，但當天沒有了小妹最想試的松露汁。.南瓜忌廉湯 （跟餐）估唔到這裡的南瓜湯有驚喜，入口質感好綿密又滑，充滿濃濃的南瓜香，加埋面頭的麵包糠豐富左口感！.烤特級安格斯肉眼配炒雜菜，香草牛油焗薯仔 $238牛扒叫了五成熟，切落去很軟腍，切開後呈現了粉紅色的狀態和半肥瘦的肉質；牛扒煎得頗香口，咬落肉質鬆化富肉汁，不會乾柴，咀嚼中滲出惹味的油脂香和牛味，反面覺得不沾醬汁更能食出肉的味道呢！配菜的炒雜菜-西蘭花咬落仍很爽口，香草牛油焗薯仔，食落有好香好惹味既牛油香，比起炸薯角無咁熱氣，好食！.烤美國黑毛豬配炒雜菜、香草牛油焗薯仔 $208還點了小妹近來喜愛的豬鞍，豬鞍肉頗厚身，不過小妹就覺得肉質咬落不夠爽，而且有許乾身，上面的調味料也稍有點重手，覺得鹹左少少，不過他就覺得唔錯，所以大部分都係佢幫手食。.食了兩塊扒，所以最後要了杯熱檸茶消除一下飽滯感。美中不足的是當晚剛好有一行十人的大家庭同樣在用餐，但由於當中有BB不停在喊，所以餐廳還滿嘈吵的（餐廳本身已不大），未能好好享受這頓晚餐，有點可惜。
繼續閱讀
朋友為我慶生，請我到呢度食飯。呢間小店有點不好找，店面小小的暗暗的，不過氣氛不錯。7點幾黎到只有一兩台，都幾好，好清淨。蘑菇濃湯：沒有很濃，菇味好重，都不錯。廚師推介沙律：菜新鮮，配合醬汁味道很好。美國特級牛肉芝士漢堡配波蘿咖哩汁及炸薯條：有驚喜!是全熟牛肉漢堡, 很厚, 很香牛味。個包又脆又香口, 一啖食唔曬個包~厚切薯條都好香口烤美國肉眼配雜菜:十分出色!叫左7成熟, 出到黎無咩血水,外表香煎到岩岩好, 切開裡面呈粉紅色。肉嫩有肉汁, 有少少牛脂香。算係物有所值。朱古力雪糕窩夫+$38)朱古力雪糕正常, 可惜個窩夫比較硬身, 可以叫其他。係元朗黎講, 呢個價都唔平,不過服務十分不錯。廚師(應該係)會問我地食物岩唔岩食, 睇得出十分有心經營。希望多些人能支持香港有心小店, 等我地又有更多不同既選擇。
繼續閱讀
今日約左朋友未夠鐘，周圍行吓，發現係M1 酒吧隔離開左間新西餐廳，好似幾靚咁見到人食d 扒又幾正咁，叫埋班朋友一於今晚係度試下菜。我地5個人，每人叫一款：和牛、肉眼、黑毛豬、大蝦海鮮意粉、沙律，仲有湯。湯有兩款：南瓜湯和蘑菇湯，個湯真係好抵飲，好大碗個南瓜湯幾特別，有少少香橙味，帶出南瓜甜甜地個沙律真係好抵食，我地5個人每人分到一大碟。到主菜， 原來配菜仲有得選 薯角/ 焗薯 添 我地兩款都有選。真係驚喜！d薯角比出面多好多，好足料！食落d薯角熱辣辣，炸得好脆 到焗薯啦，自從係澳洲食過好味焗薯後，好耐無食過呢種焗薯味！香港人最緊要咩都快，香港西餐d 薯仔配菜都係配薯蓉 就算難得配焗薯好多時外面焗到金黃色，但因焗既時間未夠，焗薯內水份仲係太多。無諗到呢度焗薯真係正，焗薯有有清甜薯仔味，又不失香烤外皮！！ 推介！！ 必食哈哈，配菜反而係主角到真正主菜，澳洲和牛份量好充！和牛燒得剛剛好！ 食落去好juicy 第一次食黑毛豬，望落有d似羊架，haha. 味道ok, 不過我都係認為和牛肉質最嫩最鐘意都係個蝦意粉，有三四隻大蝦 d意粉好爽口，更重要係d意粉勁有蝦味！！巧正推介必食！！最後到甜品，侍應推介我地試個抹茶甜品，份量夠晒2~3人飯後share! 食野好濃抹茶味，口感好滑出到元朗咁遠食野，果然無失望！！ 值得下次再黎！
繼續閱讀
作為一個二佰磅的肥佬,喜愛四周圍食野是理所當然的,但我也有我的喜好,我喜歡找一些小店光顧,一來小店出品大多是用心的製作,二來小店背後往往有一份濃情附加. 是夜一家四口在元朗遊走,遊至建業街一帶,五光十色食市招牌比比皆是,令人眼花撩亂,突然發現一道清泉,一個平實的木面亮著兩組英文字-----TASTS KITCHEN 走進店內,一位貌似舒淇的侍應問過客量後,即時引領入座,店內面積不大,但也可容納二十多人進餐,裝修簡樸,但予人有舒適溫暖感覺. 我們點了三個Set Dinner,前菜可選沙律或餐湯,經詢問知餐湯有忌廉磨菇湯和蟹肉南瓜湯,因兩小對忌廉磨菇湯情有所鍾而我又想飲南瓜湯,故唯有全叫餐湯. 忌廉磨菇湯-------磨菇全攪碎,溶於湯內,感覺幼滑味道香濃,當我試了一口後,小兒便極速飲光,似怕我再飲他的模樣 蟹肉南瓜湯-------蟹肉頗多,南瓜溶湯配襯著蟹肉,色香味口感都無懈可擊 主菜上場----- 碳燒雞扒濶條麫--------雞扒軟滑,但略嫌雞皮燒得燶左d(不過唔緊要,老婆都唔比食雞皮嫁喇 )濶條麫軟硬適中配上香草番茄醬,好食 烤大蝦炸海苔意粉------大蝦鮮味,炸海苔口感像薯片但又保留海苔香味,意粉亦是軟硬適中,最出色是意粉包含著濃郁的蝦味,十分好食 安格斯牛扒----------肉質軟綿,肉味濃郁,其實煎牛扒一d都唔容易,要保住內裹肉汁不流失的確考功夫,但呢間既廚師又做到喎,配菜既薯⻆同西蘭花又好好味,睇得出係一份用心既製作,但對於我這個牛魔王來說,牛扒份量唔夠喉 期間有段小插曲,小女(6歲)在牛扒上檯時叫道:我解釋其知每間餐廳的配菜都有所不同,不一定有薯條,之後過了數分鐘,貌似舒淇的侍應放下一個小鐵筒,內裡盛著小薯條和芝士絲,並說是送給小朋友食的,兩小見到欣喜若狂,為了報答她的細心,我和老婆即時報以微笑. 餐飲沒太多選擇,我們叫了凍檸茶,青檸梳打同凍朱古力叫三個餐有四杯野飲(又要多謝舒淇姐姐) 最後還點了兩個甜品---------- 綠茶焦糖燉蛋-------綠茶味和雞蛋味平分春色,誰也沒有搶去誰的味道,但都係份量少(好味既野多多都唔夠喉 ) 雪糕窩夫----------朱古力雪糕配上熱騰騰既窩夫,冷熱交熔,知味無窮. 正當回味之際,突有一把男聲問到:回望過去,見有一個身穿廚師服,樣子俊朗的男子恭敬地問. 原來他就是小店的老闆兼廚師,言談間知他曾受顧於愉景灣酒店,因想嘗試新挑戰而自立門戶,而就是他任職空姐的太太(唔怪得咁善解人意喇) 兩公婆一個主內(廚房),一個主外(樓面),雖然辛苦,但也溫馨 埋單六佰多元,用咁既價錢,食酒店級既出品,享受坐飛機既服務,我個人覺得物有所值.
繼續閱讀