616牛肉火鍋專門店 (皇后大道西)

營業中

休息中

616專門食不同部位牛肉火鍋，在多區有分店之前已經有聽聞，今日下午時段路經西環，就來一個全牛午餐吧！唔知這懷舊六十年代風係咪每間616都有，但因為西環店地方唔細，一入門就有幾間小包箱，由不同主題懷舊店做成，係好好嘅影相位！午餐有三款套餐：我地三個人，一人一份，我就要咗店員推介新產品芝士紅燒牛肉麵滾燙台式紅燒牛肉麵湯底加上滿满嘅芝士，芝士薄片很多，店員叫我先飲湯，再用熱湯與芝士混合，成為拉絲芝士麵。友人想食清D，點咗牛四寶湯飯，加咗$9要油菜，牛四寶份量多，有牛腩，牛筋，牛𦟌，牛坑腩，蘿蔔，西芹等大大一窩。令外牛午餐又點少得咖哩牛腩飯，有牛筋，牛腩，薯仔及濃濃嘅咖喱汁。午餐$48有飲品，大大份，這份量才這價錢在香港已經少見了，期待下次來晚飯

之前黎過食晚市火鍋，今日難得中午黎到，原來又有其他牛牛午餐，所以要入黎品嚐一下！環境還是一樣好！好特別的懷舊風情！好靚的設計又擺設！好吸收哦我今日叫咗這個牛四寶湯飯同一個菜，真係好抵又豐富哦牛四寶湯飯好香又大的份量！有牛仔骨、牛筋、牛肉片、牛腩，真係好有牛味又口感一流；配上紅蘿蔔及白蘿蔔，湯好甜又保身，飲完一點都唔咸也不口渴，真材實料是也油菜加$9 就可以更健康地食到蔬菜，今日選擇了生菜；好入味又翠綠，好嫩呀又易咬飲品叫了菊花圓肉茶好味道又清熱，自家煲的！

今日與舊同事剛巧都是一點放工，於是便相約一起吃午飯，她住西環區，便提議到616吃午飯。剛巧我之前於另一地區試了火鍋，感覺不錯，便答應了於這裡午膳。我們到達店舖已是兩點半左右了，過了午飯時時間，進入店舖一個客人都沒有。但我們很興奮，因為舖內的設計很有特色，全是懷舊的設計。我們還興致勃勃選了士多舖的設計而坐，感覺很舒服。午餐的選擇不多，只有三款。因咖哩牛筋腩已賣完，我們便選了牛四寶湯飯及芝士紅燒牛肉麵，另外加了唐生菜及油麥菜。飲品方面我們點了菊花桂圓露，但職員說已賣晒，轉了洛神玫瑰茶給我們。食物整體不錯，夠大份，我們兩個女仔食到棒住個肚，最開心的是在一個懷舊環境進餐，充滿了童年回憶。

今日午餐走到西環皇后大道西616食個靚lunch😋😋 我叫了咖喱牛筋腩飯，朋友食芝士紅燒牛肉麵，午市套餐$48包飲品一枝，加9蚊仲有油菜添😉😉抵食又好食，原來西環有咁多好野食😆😆不得不讚~咖喱很香濃，入口後帶點麻辣感，牛腩同牛筋好淋，味道都很好，非常不錯。另外朋友叫的芝士紅燒牛肉麵，都不得了。👍🏻😁 侍應先叫食客先飲一啖湯後，才開始撈芝士，朋友表示個湯好濃牛肉香而且帶點甜，撈上芝士後更香濃。牛肉同麵都合格，味道比較迎合香港人口味，不太似傳統台式牛肉麵。🍲🐮油菜也很新鮮，喂朋友~去開西環都不防嚟試試，包你不會跌眼鏡，而且餐廳裝修都好有特色，嚟食好野，打卡同埋影相都一流😆😆😆😆

616在香港想食下牛嘅唔同部位真係好難搵的，除非去深圳食啦，咁就可以食到又平又正嘅牛火鍋啦，深圳嘅餐廳仲係好新鮮添。只要你一落order，餐廳才把一大舊肥牛排一刀一刀咁切下來，送去你面前。可惜，香港係搵唔到呢啲店嘅。不過，最近香港都出現呢間類似嘅餐廳，616火鍋，形式跟大陸店相似，但新鮮度當然差得很遠，價錢也貴成倍，份量又小成倍咁啦。不過，要係香港生存，冇辦法㗎啦⋯⋯呢間餐廳發展得好快，呢幾年已經開咗好多分店，咁就即時上咗Openrice搵下，睇下邊區近，就走去訂位啦。見到Openrice有位book，就即時㩒埋去，訂8:30，咁就唔使煩啦。最初仲以為有9折添，點知要9:30後才有，笑咗加無言⋯⋯⋯8:00分去到，點知店員話冇我booking，經一輪對應後，最後原來係佢冇時間睇電話，冇幫到我留位，叫我取消返佢。嘩，山長水遠嚟到，叫我取消，冇嘢呀？我唯有話照跟現場位排，照等啦。差不多等到啲客人都入曬坐後，果位店員才走過來同我再講：Sorry，我又唔記得幫你排隊，依家才能幫你安排返，因為我以為你走咗。我就話：我哋一路都坐咗係度，未離開過！依家都入淨一兩枱，唯有再等啦！唉⋯⋯⋯如事者，等了差

店內是懷舊色彩作主題，呈現老香港的特式。 菊花桂圓露($9/支)，價錢超值，味道亦很天然。 胸口膀($48)，為牛胸部的一塊脂肪肉，每頭牛只有極少量，但不肥膩，味甘且牛味極濃，不過今次可能放久了，帶點靭。 滑尾龍($48)，牛後腿肉側的肉，肉味濃，放入火鍋前先把蛋融合，口感更滑溜。 唐生菜($28)，新鮮翠綠，味道清新。 等位時等到悶可以打機消磨時間，這部遊戲也正是小弟兒時玩過的，實在令人懷念。 這裡的人均消費也只是百多元，又可吃到那麽高質的牛肉，勝價比很強呢。

有次經過門口，比佢個poster既牛部位吸引住。心諗乜原來有咁多位可以食架🤔咁我就約左個牛牛發燒友一齊去試下，入到去好似見到香港啲舊鋪咁，好懷舊。平日黎講呢到竟然要等位，但因為佢有遊戲機比你打發時間，唔係等好耐就有得食lu～坐底之後緊係第一時間揀湯底啦，呢到起碼有6，7種湯底，而我地就覺得牛雜湯底係最抵既,因為又可以打邊爐又可以食牛雜，一舉兩得😄佢個湯底好有味仲好足料，的牛肚好似食極都仲有，如果鐘意牛雜既朋友一定唔可以錯過牙。至於牛肉方面我地試左3隻，每款都好新鮮好有牛肉味，最推介牛腹肉脂肪分佈very good👍🏻 牛駝峰 牛坑爪 牛腹肉 手打牛滑非常彈牙仲要新鲜，好過食牛丸 牛百葉好有咬口，仲要係黑色牛百葉，貴野牙下🤔 紫菜卷幾特別，嚮聆包住紫菜都係第一次見，所以要試下先得。浸落的湯到吸收哂的精華好好味😋 水蓮菜真係鄉下出城，真係未聽過而種菜，睇menu先知係一的植物既根部，見咁特別又點可以放過呢。長長一條，唔知以為麵條，但其實係好爽口既青甜既蔬菜。總括黎講又有得食又有得玩，我地得2個人叫左咁多仲要食得哂，唔錯唔錯🤣🤣

之前吃過位於尖沙咀以牛為主題的火鍋店，今晚和家人再戰西營盤分店。店內以老香港為主題，有不同的舊式商店作場景，實在鈎起很多童年回憶。 店員告知原來這些糖果並不是虛有其表，原來還可以取一點吃的，詳情可以到時詢問當值店員。 店內的細枱位置，雖然空間感未算很大，不過枱與枱之間都還算闊落。 店內是懷舊色彩作主題，呈現老香港的特式。 長老們不太愛汽水，點了酸梅湯，甜度適中，生津解渴。 菊花桂圓露($9/支)，價錢超值，味道亦很天然。 自家品牌啤酒($36)，花香味濃，味道清香，連子妹都愛飲的啤酒！ 牛雜湯底($78)，有牛肚、牛蒡及牛腸等，非常足料，足以等於1-2碟火鍋配料。 澳洲和牛內裙肉($48)，這個是從牛的横隔膜的肌肉切出來的，脂肪相對較少，口感有點靭，但肉味濃。 牛扑肉($48)，即牛頸脊，味道油甘香，脂肪分佈平均。 響鈴($28)及油麥菜($28)，響鈴香脆可口，只需灼一秒都已經足夠，菜亦夠新鮮翠綠。 如此有質素的牛肉火鍋，每人消費都不用$200，實在經濟，可以再來呀！

今晚慶祝放暑假, 平時同家人係屋企食打邊爐都唔捨得買牛肉, 今次決定豪返一次!從地鐵站行出黎之後就搵到呢度, 好在早到否則分分鐘FULL HOUSE 要等位。如果有6-8人可以坐特色既"廂房", 好似包房咁, 幾舒服架。有餐前小食就係西瓜片喇, 我地叫左酸菜牛骨湯底. 湯底唔貴, $78雙拼, 湯入面材料唔算多, 但味道唔錯, 酸菜湯底一開始酸D, 之後愈來愈辣.... 牛骨湯底就冇味精, 好鮮甜。用I PAD 機點餐, 只有CLICK個菜名, 就會放大, 睇到個簡介同大頭相, 十分清楚易明。金花趾新鮮又好味 肉味濃 正澳洲和牛-牛板鍵十分雪花 食到停唔到口雞蛋算係細size 蛋味好濃郁紫菜響鈴好脆好新鮮黃喉好有彈性 我鍾意食金菇菜叫得多牛就叫返個金菇菜balance返

是夜朋友介紹了一間吃牛的專門火鍋店, 我們6點半從西營盆地鐵站走出來, 要走10分鐘左右。入座後, 人客開始增加至並且全滿.可見餐廳的歡迎程度。店內放了具香港特色的古董, 我最愛的是遊戲機, 好似去了舊香港吃火鍋, 十分過癮。一坐下, 侍應送上西瓜片, 真貼心, 加分. 店主主動介紹今晚的新鮮牛肉, 聽到都流口水了.酸菜牛骨湯一邊是酸菜辣椒圈, 另一邊是牛骨, 配料有粟米和白蘿蔔。 酸菜辣椒又酸又辣, 加牛肉片吃味道一流, 清湯完全沒有味精, 原汁原味。酸梅湯酸梅湯約有6-8杯, 是用烏梅加糖煮成, 十分濃郁, 酸甜度調較得岩岩好, 十分抵飲好味。紫菜響鈴響鈴內夾住紫菜, 食落唔會太油膩同煎炸 ,又有紫菜既香味澳洲和牛-牛板鍵($68)店主話係今日新鮮入貨, 脂肪分佈得好平均, 入口有牛肉既質感同香滑融為一體牛駝峰($48)有80%瘦同20%肥膏, 食到牛肉香味又有牛肉味,超正烏冬超級好食, 吸收左湯既精華, 比較幼身彈口醬油是自助的, 多種選擇, 可以自製獨家風味的佐料. 

中午過左去西環616牛肉專門店食午餐，一進店內仿如置身於舊香港年代，餐廳內的一枱一木跟擺設都非常懷舊呢午市餐牌只有三款選擇，分別點左一個飯同一個麵餐芝士紅燒牛肉麵店員跟我們說要先喝一口湯，然後再把芝士拌勻進牛肉麵裡~ 湯底味道好濃郁，咸左少少。拌勻芝士後湯底多左份奶香，味道都幾夾！牛肉口感偏硬，肉味特別香濃！麵條軟硬度剛好，吸盡了湯的精華咖喱牛筋腩飯可能因為烹煮時間略長，牛筋腩size偏小，比較細碎，肉質好軟林，好入味，咖喱味都幾重，微辣，送飯一流裏面既薯仔塊都係精華黎架，薯仔炆得非常粉軟，正啊白灼油麥菜碧綠新鮮，唔油膩但又夠味，感覺健康啊

自從來過616火鍋店打邊爐後，這裏已成為我最喜愛的餐廳之一，因為這裏除了專賣本地手切牛肉外，這裏餐廳的裝修亦充滿本地格調。凡有海外的朋友來香港，我一定會帶他來這裏打邊爐，好讓他們也能感受到60年代香港的風情。餐廳內重現60年代香港的士多和當舖士多內放上一張大桌子，供客人打邊爐，這裏自成一角。今天就試他們的鴛鴦鍋底，這個青麻椒湯底非常出色。青甘，海南島和新加坡常見，香港少見，把它加入調味料中，非常清香但又不會像檸檬般酸。主打的本地牛，新鮮味濃，不同部位，口感有所不同。牛丸彈牙爽口，正👍🏻牛滑也有咬口彈牙。水連菜，第一吃已經愛上，清甜爽脆的蔬菜。

今日去左西環同男朋友打邊爐，聽朋友介紹有間616牛肉火鍋店，主打牛肉，更有供應唔同部位既牛肉，選擇非常多。男朋友是牛摩王，當然要試試啦。牛骨湯底，湯底好清甜又唔會油膩，清湯打邊爐更加能食到食材的味道。黑拍葉，入口爽口唔會鞋唔會乾，最怕入口食到橡筋口感既牛拍葉。手打牛滑男朋友至愛，牛味特濃牛肉香嫩，輕輕一滾牛肉極是濃香。紫菜卷好特別，輕輕滾一滾，入口保持脆口。我當然最愛食牛肉，油脂平均入口牛味重，唔會好油但入口非常香嫩。

今日同媽媽去西環約咗食火鍋。這間在雜誌有推介過的食牛牛火鍋。這間火鍋真的由牛面、牛舌、牛心、牛各部分都可以讓客人食到，更有牛餃子！先送來前菜水果：西瓜（清甜多汁）我們叫了：鴛鴦酸菜牛骨湯要試下酸菜湯，酸酸辣辣好野味，加上配搭牛肉及餃子等肉食，好夾又增加香濃味道；牛骨湯比較清淡，配上蔬菜及菇類，更食到清甜的感覺豆漿獨立包裝不錯，香甜黃豆味又清熱解渴手拍黃瓜好推介！好麻香又爽口，麻油的香又有多多芝麻、少少辣的味道配合得剛好牛肉餃子都幾大隻，牛肉餡好濃牛味又好香口又入味，外皮配內餡好夾；配上青檸汁，帶少少酸甜，更特出餃子的香吊龍伴牛味好香又濃，不會太肥；是很罕有的：包住腰脊肉兩邊的肉，口感極好紫菜響玲卷不會太油膩，香香的豆味、紫菜中和了炸枝竹的油，更健康水蓮菜好特別，第一次見到食到，服務員教我們要放湯幾十秒便可，好爽脆如九菜，但又無九菜味道，幾得意油麥菜好嫩翠綠喔！新鮮又健康之選！是我火鍋必選的蔬菜金菊玉凍冰食完火鍋，叫這個最為合適！菊花味濃，果凍涼涼又滑滑，好適合夏天！不會太甜，解熱氣環境也是這餐廳特別之處！懷舊的設計！又用不同的舊式店，如：士多、海味店等作主題！好吸引人喔

跟同樣住在港島區的朋友約會，喜歡吃牛的我決定在夏天也來一場火鍋晚宴，位於西營盤地鐵站附近大約7分鐘路程的818火鍋，因為週末人多，我和老死選在了平日的晚上食火鍋。我們約了六點半吃飯，所以到場的時候我們是第一桌，可以好好地在場內欣賞餐廳的佈置。我跟朋友第一眼都看見這些分開間隔的單獨空間，很適合跟朋友聚會。我跟朋友都是那種負責籌備一大班人聚會的人，常常為了場地苦惱，這種半開放式的獨立空間，很適合小群人帶埋小朋友一起來吃。（RICE可以放照片的空間不多，類似的空間總共有一至兩個左右，不是太肯定）醬料枱在外面，可以自行添加，$10 位，但不用加一。(如果要加一，唔止呢個價錢）點餐的方法，是用桌面上的iPad , 而且按圖便可以進入看見有關食物的說明，牛肉名字實在太過花巧，這個說明的方法實在太方便。（雖然最後我大概地各點了一款，因為不知道如何選擇）前一晚吃了麻辣火鍋，所以今天吃了這個酸菜火鍋拼豬骨湯底，起初是因為考慮到有一個不辣的湯底可以中和一下，結果我們是一面倒全部都吃了酸菜湯底，所以10分推介酸菜湯底。酸菜湯底是越煮越辣，起初沒有什麼辣味。而且湯底本身10分夠味，涮完的牛肉幾乎不用點着醬便已