2DP (已結業)

之前已經嚟食過佢嘅蜜瓜牛奶冰，蜜瓜鮮甜，牛奶夠香，所以一場黎到，當然要再encore。第二次嚟，覺得佢Menu多咗好多食物嘅選擇，加上同朋友未食晚餐，所以就試吓佢嘅南瓜飯啦。完全冇諗過佢係原隻南瓜上，造型已經贏咗。味道方面，南瓜好綿好鮮甜，配埋啲飯勁香，完全冇諗過素食都可以咁好味。同朋友中試咗佢嘅番薯芋圓鐵觀音冰，個冰有好濃郁嘅茶味，配埋芝麻粒同番薯茸，好甘香！但芋圓比較林，我自己鍾意食彈牙啲。當晚去食，仲有意外驚喜，就係見到有明星都黎捧場，哈哈。