2DP (已結業)

窮遊香港-好熱呀 又要食刨冰啦👍🏻即刻like @hkfunfoodrecord 同follow先啦.今日又黎尖沙咀厚福街素食餐廳食刨冰特別係呢到既水果碗牛乳刨冰.⭐️西瓜碗。牛乳刨冰$108勁足料 半個西瓜咁放去你面前賣相靚靚 用黎打卡一流西瓜表面加左小小蜜糖底下刨冰用左北海道3.6牛乳刨冰質素保持打得夠碎 夠棉 冇冰粒做到入口即溶 係我覺得呢間高質既原因😋食完好消暑.除此之外 仲叫左個⭐️原個南瓜忌廉大麥飯$138第一次食麥飯既我都覺得好正賣相一樣滿分 大大個原個南瓜飯多到爆出黎 份量十足 1.5個人份量（店員話因為今日南瓜細d）（姐係平時仲大個？）（一個人食哂可能會覺得濟）好評既地方係個汁好夠濃 勁creamy （似芝士汁既口感）加上麥飯 口感勁好 比米飯更有咬口而且麥飯有凹位 包到更多汁而且可以加埋邊邊既南瓜肉一齊食😋健康又好味👍🏻食肉獸既我都表示好評.#2dp地址：尖沙咀厚福街12-12號a地下.⭐️評分：味道：5/5 保持高質既素食店環境：4/5服務：4/5 衛生：4/5抵食：4/5

今日同朋友食了這間素食cafe。平時有食開素食自助的關係，所以對素食菜餚都比較喜愛，素食其實可以很多變化，煮得好的話，會非常美味。所以今次去了這間很多人推薦的素食cafe。餐廳位於很顯眼，而且附近都有很多餐廳進駐。餐廳環境乾淨，而且坐位闊落。很多人食，所以進了去，很多坐位都滿座。而我跟朋友被安排到bar位。.點了一杯草莓丶香蕉丶燕麥冰沙，一杯牛油果🥑丶香蕉丶羽衣甘藍冰沙。同樣是$44。一個原個南瓜🎃盅大麥飯$138丶一個經典impossible 素牛漢堡$108同一個密瓜牛乳刨冰$108。草莓丶香蕉丶燕麥冰沙冰沙很順滑，沒有冰粒碎。不過味道很淡，水果味道不太突出，只能嚐到較濃的燕麥味。可能因為沒有加糖。如果當普遍的冰沙來說，不是滋味。但如果以健康的素食餐廳來說，絕對符合健康之選，素食的概念。香蕉丶羽衣甘藍冰沙這杯味道都是較淡，只能說香蕉味較突出。經典impossible 素牛漢堡我第一次食，但之前聽說impossible 牛肉，是造出 100% 純植物製造的漢堡扒 。這個漠堡很大個，內層餡料有蕃茄丶素牛同菠蘿🍍。雖然漢堡沒有juice的肉汁，但還是很滋味。蕃茄跟菠蘿新鮮甜美，而素牛外貌

平時食咁多肉，今日決定搵間素食平衡下，之前係網上已經留意到厚福街有呢間2DP幾受歡迎，決定試試。Avo power ($44) - 分別有牛油果、香蕉、羽衣甘藍。簡直集合各樣super food，無額外加糖，純天然，飲完即刻覺得自己健康左同埋充滿力量。Ladies’ ($44) - 分別有草莓、香蕉、燕麥。朋友呢杯係迷人pink lady，啱曬女仔打卡。蜜瓜牛乳刨冰（$108）- 有半個蜜瓜咁大！刨起一粒粒波鋪係牛奶冰上面，打卡一流，而且食完係無罪疚感的！因為糖分主要來自水果，而且係牛奶做既刨冰！原個南瓜盅大麥飯（$138）- 真係成個halloween南瓜擺係我地面前，加上炸天使麵，真係靚到哇一聲！原來個南瓜係農場直送，配上香濃忌廉同埋大大粒又有咬口既大麥義大利飯，再自己畢啲南瓜肉落去一齊食，每啖都好滿足！烤菠蘿素牛漢堡（$118）- 係今年好興既impossible burger。植物做既牛肉個樣同真牛肉好似，都係中間紅紅紅地好似五成熟咁，食落味道就有啲分別既，但口感真係有九成似。烤菠蘿係厚切，加上番茄，同埋沙律菜伴碟，令呢味菜變得好健康。呢餐食左好多好飽，但係罪疚感係比正常低好多

近排朋友話要食素排排毒，我地就搵左呢間食素嘅cafe試試佢。呢間cafe裝修好舒服，d人都係casual地傾下計。我地一開始就睇中左佢嘅不一樣的全日早餐，就有牛油果沙律，大啡菇，奇亞籽布甸，炒蛋，多士，應有盡有。我朋友就揀左素牛漢堡，食落真係有牛嘅texture, 好好味👍🏻食下食下見到人地叫左個蜜瓜牛乳刨冰，見到好吸引即刻叫返個黎食。果然黎到無令人失望，個刨冰好重牛乳味加埋啖啖甜蜜瓜，又係一餐完美嘅結束。

2DP 位於尖沙咀厚福街，係一間既是素食又有打卡甜品，再加上特式的茶飲既餐廳，真係食完可以再食，有回頭！一入到餐廳左邊就係開放式廚房，白色牆身加木凳，是一間走簡約風路線的餐廳。《經典素牛漢堡 $108》素食漢堡最近非常流行，差不多每間素食餐廳都必定有漢堡素牛能夠做到比普通牛肉更美味肉質較淋 同廚師能鎖住肉汁 一咬肉汁跟住流出黎漢堡上更有素奇亞籽 個包夠熱+鬆軟加上半溶狀態的芝士和蕃茄厚到一啖差d咬唔哂《蜜瓜農場牛乳刨冰 108》這個牛乳刨冰性價比非常高，採用北海道牛乳加上半個蜜瓜，同朋友每人一個都唔會肉赤。店主先將蜜瓜起肉，再將蜜瓜粒堆砌番係個蜜瓜上面，賣相100分！一粒粒蜜瓜可以同刨冰一齊食到，好方便，而且一咬落蜜瓜的時候，蜜瓜多汁鮮甜，蜜瓜流出來的蜜瓜汁可以同綿綿的刨冰一齊食，消暑解渴。入口即溶，夏天還可以消暑，打卡必點！《柚子薄荷烏龍香檳$36》甜甜地，有清新嘅感覺，解膩！

有一日經過厚福街，便被這間落地玻璃的素食餐廳2DP吸引着。2DP原來係Decimal Place既縮寫，代表着店主對食物的執着和認真，個名真係好特別又易記！當日門口亦有少量客人排隊等位，本住排隊實係好嘢嘅概念，我哋都排埋一份，結果這間餐廳沒有令我失望，集合茶飲、素食、甜品於一身👍🏻👍🏻👍🏻餐廳裝修以不同茶具為主，吧枱還有茶葉試管擺設，簡約時尚。 《原個南瓜忌廉意式大麥飯 $138》☑️採用農場直送南瓜🎃☑️原個南瓜上仲可以食晒裏面嘅南瓜蓉☑️法國忌廉好creamy以及洋薏米大麥☑️洋薏米大麥作為飯底每粒都脹卜卜☑️好有咬感 ☑️炸天使麵，點忌廉好好味😍😍後尾睇餐牌先知原來食既脹卜卜米係《洋薏米大麥》，加上蘆筍，同甜甜南瓜蓉，令我愛上了南瓜！《蜜瓜農場牛乳刨冰 108》將蜜瓜起肉成大小一樣的小球，堆砌成一個小山，令客人可以容易將整個蜜瓜的肉吃掉。蜜瓜多汁，再加上綿綿的北海道牛乳刨冰🍧和煉奶，入口即溶，夏天還可以消暑，打卡必點！《玫瑰紅茶香檳 $36》☑️用香檳杯上，成件事好高級☑️香檳上有少量玫瑰花瓣☑️清甜 有少少酒味

近期睇餐廳食評發現，原來素食既賣相都幾吸引，所以特意黎試下，我地叫左一個南瓜大麥包飯，一個柚子沙津同埋我最鐘意既炸物，黑松露薯條。見幾乎每枱都有南瓜，我地都叫左呢個名物試下，不過我地點既係普通版，係碟上既，眼見份量其實差唔多，所以慳妹就揀左唔用南瓜上喇。 南瓜大麥飯嘅份量唔多，但每粒飯都比南瓜蓉包住，好香好好味呀~跟住呢個係撈起柚子沙律，個賣相好特別，係用一個好似筲箕咁裝住，方便撈。柚子汁係另上，可以隨意加份量黎撈，好fresh既沙津，配埋柚子汁， 酸酸甜甜好開胃黑松露薯條真心推介， 好濃嘅黑松露味，仲有額外一碟黑松露醬，落幾多都得

素食朋友仔有福了💕。呢間素食餐廳近2-3個月我已經唻左3次。第一次唻已經決定要試佢嘅咸食，果然無令我失望。。頭2次去都係食甜品，今次同細妹2個去食晚飯。。😋牛油果羽衣甘藍沙津🥑🥗 $86都無咩好講嫁喇，一個字，新鮮。。😋冬陰蒟蒻麵🍝 $58開餵爽口彈牙。。🙂南瓜忌廉大麥飯 🎃 $108/$138忌廉味香濃，飯感似薏米。價錢分別在於$138會原個南瓜上枱，可以括𡊰埋南瓜肉唻食。。😋牛油果鐵觀音刨冰🥑💕 無諗過味道咁夾，沙冰面層加上煉奶，加上牛油果同鐵觀音嘅清香，出奇地夾，仲有少少回甘，一試難忘可惜今次去已下架，所以同老問反映，希望可以再食到☺️。。😋紅棗桃膠燉雪梨🍐$78買相吸引，香甜滋潤，本身我中意帶少少酸，所以食完飯食都唔會覺得滯。。。🙂鐵觀音阿法奇朵 🍦🍵$68。🙂密瓜·牛乳刨冰 🍧 $108。

再食2DP上次同朋友食原個南瓜大麥飯幾滿意, 今次自己再來食個late lunch.叫了個鹹蛋黃大麥飯. 一上碟好香, 食落creamy又不滯. 豆腐外層炸得金黃不過火, 脆漿薄, 內裡依然保持嫩滑. 唯一就係....好細碟啊...食幾啖就食完咁....定係個late lunch 太late所以好肚餓?為了填飽個肚, 又見有幾聲咳，㸃了單價高的雪梨燉桃膠($70 幾). 雪梨size等同韓國豐水梨,但敗筆係無去芯. 盛甜品的盤闊又淺，所以熱度好快下降，都足料, 有雪耳圓肉紅棗等等，滋潤糖水不會太多。味道都好食，但價錢略高。

難得放假 就同左個朋友一齊去食素食 🤤於是係OpenRice上面search就見到排第一名的餐廳🤩地點好方便 就係尖沙咀厚福街 😎。1️⃣ 流沙鹹蛋黃大麥飯配炸豆腐 $118以這個價錢 份量其實比我想像中少😭本身自己都好鍾意去大排檔食金沙菜🥰所以今次叫咗呢個金沙risotto 但係 #鹹蛋黃 味道唔夠出😣要食落慢慢㗳 先會食到蛋黃味🤤。另外要講講個大麥飯💪🏽呢種飯類 同我哋平時食的金象米好唔同每一粒飯都係比較圓和肥大用嚟整 意大利飯 就一流啦🥰因為可以好充分地 喺煮飯時期 吸收晒高湯令到每一粒米都脹卜卜 有咬口🤤🤤🤤。2️⃣ 蜜瓜牛乳刨冰 $108呢個係成間鋪頭的主菜💪🏽有好多人特登嚟到不是吃晚飯 而係食甜品 #蜜瓜 的份量跟廣告和圖片上的一樣多😃刨冰的牛奶味十足 好味🤩唯一缺點就係 牛奶冰底層有士多啤梨醬😭。3️⃣我朋友勁陰謀論地講：菠蘿飯的菠蘿蓋 係循環再用🙃代表呢間餐廳出名的南瓜飯的南瓜🎃眼見唔係循環再用😍

好耐都冇食素，知道尖沙咀呢一間餐廳係食素嘅，所以想清淡啲食下，平時食得太多肉類啦！但佢除左素食外，仲有唔同嘅甜品，係一間幾多選擇嘅餐廳🍴南瓜忌廉大麥飯，原個南瓜🎃盅$138呢一個飯係用本地南瓜整嘅，入面有一啲蘆筍，係個飯上面就有炸天使麵，整個配搭都覺得好新鮮好特別，而且賣相好出色。味道都幾creamy~唔錯唔錯！🤗🤗牛肝菌純素肉碎忌廉雜菌長通粉$98可以同餐廳講轉純素豆乳，不過我就冇轉到啦。我鍾意食牛肝菌，佢都有幾多下，正！😄玫瑰紅茶香檳$36就咁睇賣相真係以為佢係一杯酒，加埋個香檳杯好靚。有淡淡的玫瑰紅茶味，味道都幾出，我幾鍾意🥰柚子薄荷烏龍香檳$36真係飲到幾層嘅口感，但係互相平衡嘅，唔會話比其中一樣材料搶過啲味道👍蜜瓜牛乳刨冰🍧$108嘩！個蜜瓜冰真係好鬼靚呀！真係相機要瘋狂食先，有好多粒蜜瓜，沙冰好綿好奶，係我鍾意嘅口味，呢個係好睇又好食嘅系列🤩👍👍其他相片：

同好朋友相聚係最好嘅時光❤️😍同行有位朋友上年開始轉左食素，所以每次飯聚我地都會搵d素食餐廳，又或者explore 下d vegetarian friendly restaurant🌱🌱而加素食好多元化，唔再limited to 素雞，素叉燒呢一類traditional 齋菜，而係色彩繽紛，有營養又健康好味嘅菜式，有d甚至望落食落都唔似素食！🤩🤩🤩今次試左墨西哥香辣炒意粉，雖然冇肉，但好香好惹味，唔算太辣😋😋另外叫左焗大啡菇，大啡菇好厚身，食落好香好juicy 😋最後加左個炸魚手指，唔只賣相同平時一樣，食落同平時個d一樣味😱😱

I have not tried vegetarian dishes before. This is the first time i hv ever tried vegetarian dishes. Surprisely, vegetarian dishes are quite delicious. The staff here are very nice and helpful. I would try more vegetarian restaurant later.

間中會食素的我有日發現了尖沙咀呢間素食西餐廳就約埋朋友試試佢~餐廳位於厚福街中間,外觀睇落似Cafe~~但只賣茶飲,沒有咖啡。夏日將至,熱到有點無胃口,於是點左份素煙肉三文治同荔枝西柚紅茶。三文治份量好足,仲有粗薯條伴碟。麵包食落似麥包,但烘完一d都唔會乾。配埋荔枝西柚紅茶,荔枝的香甜+西柚的爽酸。飯後我加左個蜜瓜冰。呢個冰簡直不得了,冰的口感食落細綿幼滑!!一d都唔似食緊冰,實在太神奇!加埋整個鋪滿蜜瓜,實在大滿足!!夏天消暑一流!

很創新好味的毒食餐餐廳，健康得來又特別大麥飯很有咬口，一個字，正！但可惜飯的份量不夠多，而且價錢也不便宜，但味道絕對不馬虎，可以一試，當日吃了兩個飯加一個西瓜刨冰。