2DP (已結業)

係尖沙咀食完晚飯 黎到厚福街搵甜品食😝本身打算去食甜蜜蜜 點知見呢間仲吸引😍就入左黎食😝除左雪花冰等甜品其實呢到主打係新派素食💚下次黎試埋先٩(˃̶͈̀௰˂̶͈́)و蜜瓜牛乳刨冰 $108 (9.5/10)呢個份量啱曬兩人share食👅💕用上北海道特濃3.6牛乳刨冰🥛食落超重牛奶味！(係比韓國雪冰更重奶味😳！！)牛奶冰質感綿密 未算幼細輕盈個款 唔容易融❄️口感係介乎冰與雪糕之間✨淋上煉奶🥛越食越香牛奶味💙甜度亦啱啱好😋超正！蜜瓜份量多 又甜又多汁 好清爽香甜🍈配埋牛奶冰食有啲似食緊密瓜牛奶雪糕咁！雖然加埋一要$119一個冰都有啲小貴！但用料靚 蜜瓜又夠新鮮 份量夠兩個人食😝所以我都好推介💓亦會再回頭食🤤👍🏻

六點已經要排隊雖然今次有book位 但都等一陣先可以入。雖然係素食 但食物選擇都好多好吸引 一啲都唔似素食！首先點的是羽衣甘藍沙律 材料比相像中多！有nuts 牛油果 車厘茄 底下的羽衣甘藍也不少 最估唔到係會有藜麥喺底mix埋一齊 配埋佢個少少酸的sauce好refreshing！推介！ 再來是原個的南瓜飯 一開頭以為是risotto 點知 食落去係好有咬口有點彈牙的大麥飯 有啲似薏米既口感 ！有驚喜 原個的南瓜肉也焗得軟軟的 好食！會再點的一道Kimchi carbonara有微微的kimchi辣味 同平時食的carbonara好唔同 但朋友就覺得好奇怪但食落我覺得都幾特別 醬汁的濃厚度做得不錯 可以一試Pizza 薄批 不過可能多醬令到批底有點軟了 不夠香脆 但整體味道是不錯的最後一個小食 蕃薯條（大）分量很大的一個 五個女仔最終都食唔晒😂叫了兩杯野飲Earl grey milk tea 有點太普通 另一杯的berry yogurt 比較好但都沒有驚喜整體很不錯！不覺得在吃素 五個女仔點了五道 吃完也很飽哦！而最推介是羽衣甘藍沙律五人平均每人～110 價錢在尖沙咀來說很不錯吧

厚福街出名多甜品，係尖沙咀食完燒肉，我地轉戰食甜品，當日星期三晚上9點半，門口仍然有幾個人等緊，等左十多鐘就到我們由於甜品都大份，所以我地5個人叫左3份豆花，士多啤梨waffle配鐵音雪糕和哈蜜瓜雪花冰豆花料夠多，不過略為甜左些，加左太多黑糖Waffle 幾好，勝在鐵觀音雪糕夠清新哈蜜瓜雪花冰沒得頂😋好重奶味，不會好似出邊個d加左水，淡淡的蜜瓜非常甜，成個甜品很優質Minimum charge is hkd 50 per one

🎐骨妹臨時有野做唔得閒，但都唔會阻止到熊妹同基路妹覓食的雅興。📌尖沙咀「厚福街」出哂名係食街無人不曉，幾年前，《2DP》先以特色甜品打響名堂，近來更大搞素食唔知又有幾多人知呢？📌walkin 晚上8時來到，嘩，坐無虛席，睇黎都好多人追素而來，熊妹同基路妹唯有係門口等食客離座。📌等待期間無事幹就當然最好睇定食咩喇。📌果然係素食餐廳，全部menu都係素食主題，仲要係幾有新意的菜式幾吸引喎！有素牛漢堡，素菜意粉，素雞，素食甜品，價錢又大眾化幾合理。泰式冬陰醬蒟蒻麵，$58📌蒟蒻麵咁特別，好少地方見到有呢款，仲要冬陰公口味，一定要試下。材料有泰國露荀，豆乾，雜菌，全部都係素菜材料，聽落都好健康。嘩，冬陰公醬味好濃，係醬汁唔係湯汁，比較容易沾上本身無味的蒟蒻麵上，令成件事都充滿味道，基路妹非常欣賞咁樣的做法，話好聰明。眾所週知，蒟蒻麵係減肥恩物，零卡路里之飲又飽肚，食幾多都唔怕。原個南瓜盅。大麥飯，$138呢款大麥飯簡直係成個素食餐牌中的招牌菜，賣相以原個南瓜盅🎃呈上夠哂派頭之餘，內饀忌廉大麥飯仲會多到滿瀉，非常震撼。忌廉汁撈飯不嬲都好味，奶油味重又易入口，重點係唔係普通白飯🍚，係非常之有咬口的

餐廳位置環境一般，餐牌竟很爛，感覺也很污糟，第一感覺已不好，看價錢卻以為在大商場食肆，只是坐下了就既管一試。看電視介紹炸雞是讓素食者能再嚐炸雞的感覺，出來買相不怎給引，口感又乾乾又韌，只是炸乾了的麵筋，味道是很失望1牛肝菌長通粉，味道還是可以，但價錢、份量的性比很底，失望2另一款食物，pizza，餅底又乾又薄，沒有想像這樣的效果，失望3😭最失望的是侍應的服務態度，差點以為自己沒付錢食東西一樣🤦🏻‍♀️

在上手手提電話跟電話裡面的「開飯喇」戶口還未報銷之前，其實我早已經在尖沙咀「厚福街」巷口裡面，素食兼甜品餐廳「2DP」裡面，食過了一款新鮮蜜瓜牛奶刨冰甜品「蜜瓜碗 · 農場牛乳刨冰」。而且我曾經在上手「開飯喇」戶口食評裡面，評過「蜜瓜碗 · 農場牛乳刨冰」裡面的味道。至於「2DP」裡面的另外一款著名的牛乳刨冰甜品，食店因為「西瓜碗 · 農場牛乳刨冰」裡面的西瓜缺貨而未能提供。不過，今次重臨尖沙咀「厚福街」，我發現我今次的運氣總算挽回了一點點，因為今次「2DP」裡面終於都有西瓜現貨，提供到「西瓜碗 · 農場牛乳刨冰」給我享用了。截至今日為止，我手頭上還有幫襯了二十餘間食店，食過一兩款跟「西瓜碗 · 農場牛乳刨冰」味道口感類似的新鮮西瓜加牛乳刨冰甜品，包括今次的「2DP」在內。「2DP」裡面的原個新鮮西瓜果肉加牛奶刨冰甜品，「西瓜碗 · 農場牛乳刨冰」暫時是我食過的西瓜雪奶刨冰甜品裡面味道最甜，牛乳甜味最濃郁的雪奶刨冰甜品。雖然「西瓜碗 · 農場牛乳刨冰」載體「西瓜」的實際體積大小，始終不及「2DP」另一款牛奶刨冰甜品，「蜜瓜碗 · 農場牛乳刨冰」使用的新鮮蜜瓜那麼巨大。但是「2DP」「西

朋友話近排腸胃唔好，想食清d，所以我地選擇左去食素。本身想打去book位，但只可以book 8 點，唔緊要啦 我地早d去walk in.大概5點10到，已經全場爆滿！😱但好彩出面冇人排，所以walk in各黎講我地係第一枱！但由於我地5個人，等枱都要耐d~ 入場前已冇3張2人枱入左！大概等左8個字倒，就入坐喇～素食黎講，d野食都幾新穎（因為平時有跟呀媽去食素）如果唔係專登講，可能都唔知係素😆冷盤～叫左個沙律！唔錯，中間有d藜麥，幾好咬口火龍果yogurt, yogurt咪係重既，但火龍果就唔出伯爵茶奶乳😭好失望呀。一睇杯野就唔覺值呢個錢🥺同奶茶冇咩分別。 茶味唔重，奶都係（飲得出係普通奶）原隻南瓜飯飯好有咬口，減肥食一流😆😆😆但其實個飯入面好似冇南瓜，食唔出。 味道有點淡。 最好食係出面蒸左既南瓜🤣🤣要護住佢唔好俾姐姐收左呀！泡菜卡邦尼意粉一開始叫時我就問：嘩會唔會唔match嫁？第一口，真係好唔match😱有2頭唔到岸既感覺泡菜食唔出，卡邦尼又食唔出😂😂😂 點知食到底時再食多啖，先出黎d味。其實卡邦尼同泡菜都match, 泡菜既辣解左卡邦尼既膩。所以食呢個時可以食碗底反碗面先😆😆😆水

之前見有評語已經話啲份量非常之少，唔抵食，但係因為鍾意食牛油果所以仍然點咗呢一個沙律。果然如之前嘅食評一樣，藜麥少少，紅菜頭少少幾粒， 人哋都有幾粒牛油果，我連幾粒牛油果都見唔到， 完全不值這個價錢

好失望，叫左個草莓冰，外表冇咩問題，但係一食落去就知中伏，啲冰入面既牛奶好似變壞左，有啲酸酸地既味，草莓食落都好唔新鮮，最後只能夠叫員工幫我哋取消左佢。價錢偏貴但係就無相應嘅品質,好失望，希望可以改善...

話說星期六要約朋友出尖沙咀食飯聚下, 朋友介紹左呢間食素的餐廳比我, 吾想搵其他餐廳, 就決定它啦 1.原個本地南瓜・忌廉大麥飯 _HKD138原個南瓜上，打卡一流，南瓜煮得好淋，可以輕易劃出南瓜蓉出來同大麥飯一起食，第一感覺這道菜好健康，味道方面，大麥飯好似平時食的蕙米，超有嚼口，而呢款蕙米吸汁不是好強，所以無一般意大利飯般濃郁，反而食得更輕盈，更附合健康主題，米飯有露荀，露荀夠爽甜，整體不錯, 愛健康人仕值得一試!2. 50/50 蕃茄自家製水牛芝士薄餅_HKD118薄餅係脆皮薄餅, 水牛芝士份量都幾多, 芝士味夠濃郁的, 而蕃茄係用比車厘茄大小小的小圓茄, 感覺蕃茄味更濃, 都好好食的. 3.黑松露薯條_HKD68份量算多, 炸薯條另配黑松露醬點, 黑松露醬好味的, 唯一薯條炸吾算好脆4.墨西哥脆片・伴自家製純素芝士醬_HKD78純素芝士醬好香濃點墨西哥脆片一流! 6.炸蕃薯條(小)_HKD26這個好食, 採用黃蕃薯去炸, 香香甜甜的, 實在忍不住不斷一條又一條地食.5.蜜瓜牛乳刨冰_HKD108朋友說這個超推薦, 就點左作為飯後甜品啦. 半個蜜瓜的份量, 蜜瓜劃出個個小球球的,

作為一個素食餐廳，今次我哋唔係去食素食，而係去食佢青BB嘅甜品😏？！========================蜜瓜牛乳刨冰 $108店員將半個蜜瓜果肉用匙羹刮空左整成一粒粒蜜瓜波波，空左嘅半個蜜瓜就會加入奶香味極香既牛奶刨冰，最後在將啲蜜瓜波波加係刨冰嘅面上🤘🏻牛奶刨冰嘅奶香味重到就好似我飲日本3.6牛奶個種濃度，微甜但又唔漏，牛奶魔鬼應該超鍾意🤤蜜瓜有感野都/甜爽口，咬落去非常Juicyyy🤪一個簡單嘅材料就喺度都可以整到咁好食，下次真係要試試佢嘅素食😆！========================巧味道指數👅：👧🏻👧🏻👧🏻👧🏻再食過指數🏃🏻‍♀️：👧🏻👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 2DP (尖沙咀)尖沙咀厚福街12至12號A藍馬商業大廈地下

一向不太好素食的我，怕傳統素菜太油炸，今天巳改变對素菜的態度這間以中西日混合的素菜，加入高纖維有營材料，配上優質原材料，在巿道低迷之下，仍保持要排隊等位，实在有道理。南瓜大麥飯，芝士香，南瓜甜，大麥煙韌，好有飽肚感素雞腿用軟滑腐竹做，外脆內軟好味生菜包配素肉，好味程度不會比真肉遜息當然要食埋蜜瓜牛乳刨冰甜品才算完美飲品有優惠，跟主菜每杯減$10.-飲品好特式，真是每一杯都要打咭，但為了要食甜品，今次無點飲品，唯有下次再試!食物水準幾好，只是坐位坐得不舒適

與大同飯聚後食糖水，厚福街嘅選擇愈黎愈少。呢間環境裝潢比較現代化，適合年輕人閒聊聚會。蜜瓜。牛乳刨冰：粒粒蜜瓜排到好靚，但唔算好甜，驚喜的是牛乳刨冰，有煉奶的牛奶刨冰，係好味嘅，一般坊間刨冰就真係水制冰淋糖水，但係呢個有牛奶味。鐵觀音抹茶阿法奇朵：Affogato的意思為飄浮的雪糕，但淋左抹茶上去之後，個鐵觀音雪糕變左溶左嘅雪糕🤷🏻‍♀️一pat野咁。抹茶溫度太高了。自家製芋圓。芋泥豆花：豆花幾滑，芋圓芋泥就有啲普通。

2DP #尖沙咀位於厚福街嘅呢間素食餐廳深受歡迎，有主食又有甜品。南瓜忌廉大麥飯 $138成個飯都係用南瓜裝住，而且成個南瓜都係可以食，連啲皮都可以食，我哋將成個蓋食咗！南瓜就咁冇調味都好甜而且一整個都煮得好淋，可以刮啲肉同埋個忌廉飯撈埋一齊！至於大麥飯好似薏米咁樣，有少少咬口，都幾有趣！味道: 4.3/5性價比: 4/5 牛油果羽衣甘藍雜菜沙律配香橙油醋汁 $89講真呢次係第一次喺出面嘅餐廳order沙律，因為平時覺得喺街外帶菜好唔抵，而且我自己本身又唔係特別鍾意食菜。但係呢一個又真係出乎意料地好食喎，佢個香橙油醋汁好好味，令到每一條菜都有少少甜甜酸酸，好開胃！令我最驚嘆嘅係佢嗰啲nuts超級好食！我平時都幾鍾意nuts，亦都係超級市場買過唔少罐裝嘅nuts食，這Videos我食過咁多隻裏面最好食，佢個味道有啲似honey roasted，但係好香好香nuts味，亦都非常脆口！唯一係牛油果嘅份量反而比較少，只係得三四粒，不過成碗沙律嘅份量就真係好大，個碗又我個頭咁大！味道: 4.3/5性價比: 4/5 蜜瓜牛乳刨冰 $108個刨冰係用牛奶同埋淡忌廉整成，再加上好甜嘅蜜瓜同埋少少煉奶，

店內一名較年長的店員多次於上菜時呼喝客人。坐下15分鐘後，當我們請求店員提供水，佢說旁邊有水自取。但由於水是一早倒好（放了很久的樣子），我們再次請店員可否倒兩杯水。店員再次拒絕並說，我們是好心一早倒好放到一旁比客人飲用的。🥵