2DP (已結業)

呢間店出名甜品，一直很多大排隊，但未有機會試。今日見有素食放題，只限中午，68蚊一位，要飲品或甜品，再加多10蚊。12點未夠，門外已經排了十幾人，我好彩第一輪入到，其後眼見門外排了長龍等入坐。呢個放題唔係出去任攞，而係比張紙仔你剔，我問咗係細碟，即係一口搞掂，剔定好多款，交咗張單，真係至少要等十分鐘先有第一道菜，先來了三款，芝麻醬凍豆腐，枝豆，玉子燒，全部細細碗，用透明膠碗盛裝，唔係好環保啦，可能佢哋有洗過再用，唔知呢...係就唔衛生喇。跟住再等一排，再來一個生菜包，再等一排又到炸物，再等都未等到個飯同春卷，於是問一問服務員，佢話幫我跟，話我個飯整緊，等多15分鐘都未見，再問，原來未整，依家先整，即係再等，個飯賣相ok,味道好一般，份量是正常吉野家丼size，咁樣先會飽，眼見各人都係等多過食，不斷催單，其實我張單都未出晒，翠玉瓜同雞脾都冇黎，整體食物質素超一般，有啲可以講低劣，唯一驚喜係咖哩角，可以再encore。由入店計總共用咗1小時30分，個飯仲要趕到倒入口，下次真係咪搞喇。

奧爾加心動同屋企一行四人到訪餐廳試菜，今次試食自助素餐，星期一至五12：00-5：30位位68蚊食足一個鐘，要任飲就要加多10蚊，即位78蚊一位。好彩我地十二點到，等左一陣就入座，坐低左見到人龍出現，大家黎食記得要早d黎排隊呀！裡面既格調都幾簡樸！推介有驚喜既沙爹雞串，上面有粒粒花生好滋味;甜品就以綠茶蕨餅為必食，綠茶口感清新，好似去左京都食咁！。其他小食份量以人頭計，所以建議少食多滋味咁，就試得開心又可以encore多幾次咁啦！

夜晚去左厚福街食飯，平時成日行過都見到今日決定試下。排隊排左10幾分鐘左右就入得。整身想試炸雞胸不過今日冇😥叫左炸雞搥，係好似腐皮卷入面有支雪條捧。不過我覺得有d貴，$39/4條。叫左個素牛impossible漢堡，呢個覺得幾好味，個素牛整得好似，質感同味道都好似。有淡淡嘅蕃茄味道，不過d菜好勁草青味。咸蛋黃炸豆腐大麥飯，頭幾啖係幾好味不過之後就覺得好heavy，而且啲油浸哂係個底度。同埋大麥太煙un，咬到個口好攰😂個薯條都以好味，有胡椒粉味同埋係大薯條啖啖薯仔。個芋頭豆乳唔夠熱，飲落麻麻地。

晚飯過後，打算另覓甜品鋪為朋友慶祝生日，可惜遇上了這間應該以後都會blacklist的餐廳。第一，難食。四個人叫了三個甜品（蜜瓜牛乳刨冰、燉木瓜桃膠、芋圓配桃膠），但三個甜品都不甜，頭兩道的蜜瓜和木瓜甚至是苦的。第二，有毒氣。當時餐廳仍有四檯客人、距離關門時間尚有1.5小時，卻突然滿室瀰漫著濃烈漂白水味 - 店員倒出一大盤滴露加熱水開始拖地！口腔吃著苦的食物，鼻子又要一直嗅著滴露味，很難受。第三，侍應黑面。由進店直至離開，店員一直黑面，像我們得罪了店家一樣似的。這是十分不愉快的用餐經驗，希望店家有緣留意到可作改善，但本人大概不會再光顧。

今次係我第二次黎，又係要排陣隊先入得去，其實我吾係素食者，所以我吾係特別鐘意素食😂⋯⋯但會令我再黎呢間店既原因，係佢既甜品，吾好以為食甜品一定要去甜品店食，呢間素食店既甜品都好吾錯咖!尤其是佢既牛乳刨冰呀，係令我一試難忘，上次點完蜜瓜牛乳刨冰，今次點西瓜牛乳刨冰，總結係兩樣都咁好果，蜜瓜同西瓜都夠甜，加埋牛乳，簡直係perfect match 熱食我就點左煙燻芝士素牛漢堡脆香素雞胸脆香素雞鎚佢既漢堡都吾錯，係幾好味，如果你身邊有素食者，可以帶佢地黎呢間，食材健康之餘，又好味間野長期有人排隊建議大家早早去

兩個女仔食完晚飯自然想食下甜品啦走到黎厚福街見到lee間咁多人排隊心想應該okk掛就跟住入點知好失望可能我期望太高啦首先我地俾安排坐到高檯度檯面抹得5太乾淨～隔離自助水吧d水杯有d跡搞到我地5敢飲😅😅見到個個食刨冰當然叫啦係好味ge！d蜜瓜好甜！d冰有濃濃牛奶味！怪得知咁多人叫！之後我5理朋友講一意孤行叫左普洱朱古力雪糕我想喊其實一d都5平但份量好少！仲要我完全食5出茶味😭😭😭中伏我應該5會再去食啦😣😣

宜家真係絕對唔可以睇少食齋，以前食齋唔飽既概念通通都要拎走😤😤😤撈起（$88）：材料十足有紅蘿蔔絲，木耳絲，青瓜絲，粉絲同百合，配埋柚子汁食落真係好開胃👅粉量都好多可能係預人當正餐食🤔黑松露薯條（$68）：手指咁粗既薯條食落可能略乾，但點埋備製既黑松露沙律醬都香口好味既👍🏼原隻南瓜忌廉大麥飯（$108）：望落可能唔覺大，但成個原隻南瓜有好多南瓜肉可以食🤤但大麥隻食落似意米，如果未必中意食咁粗既米可能未必岩食🔈火龍果紅茶乳酪（$42）：好鮮甜同奶味十足👍🏼環境：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️服務：⭐️⭐️⭐️⭐️

素食餐廳最近都大行其道，里間叫薄有名氣，不過真心的，唔改善應該好快被淘汰😑主食叫左日式野菜天婦羅烏冬，一上黎我以為自己叫左一碟紫菜，個紫菜個量尤如打開包紫菜，失手倒哂落去咁😪所謂嘅野菜天婦羅就係一舊幾近只有洋蔥嘅天婦羅餅，話說如果得一舊天婦羅餅就唔該改名叫天婦羅餅烏冬啦🤷🏼‍♀️俾個橫角度睇多次紫菜嘅厚度😑朋友叫完等左好耐好耐，同我主食一齊落單，到我幾乎食完都未到，幾乎以為佢漏單，之後頂唔順問佢，先話因為芋圓仲煮緊...要等唔緊要嘅，但點解唔一早講呢？里啲餐廳服務基本啦餐牌寫蘋果，張單寫雪梨，好在味道算過得去，唔太甜。之後本身諗住叫西瓜/蜜瓜嘅鮮奶冰，之後咁岩見到open kitchen有員工包緊啲蜜瓜(已經刮左肉嘅蜜瓜殻，相信用黎做鮮奶冰嘅碗)，或者我expect太多啦，既然每個order都係用半個蜜瓜，點解唔係有order先刮肉呢？都算，個員工包蜜瓜之前係一個疊一個，即係上面嘅蜜瓜嘅皮痴住下一個蜜瓜嘅肉，如果個蜜瓜係冇洗嘅，可以想像有幾污糟，亦因為見到，所以就冇叫🤮其實呢而家啲餐廳成日以為open kitchen幾好，真心，諗下自己啲員工信唔信得過先啦

聽講呢間人氣店有段時間啦，一直都唔得閑過來食下午茶，今日啱好得閑，就自己一個人出來行下，歎翻個下午茶。進來點咗一份天堂卷同埋一杯水蜜桃白茶蘇打。水蜜桃蘇打十分甜蜜，桃子味都好香，裏面仲有果肉，好好飲，天堂卷喺綠茶味嘅蛋糕卷，裏面仲有紅豆，味道都算幾好，雪糕球冇乜茶味，有少少失望。

一個月間唔中都想食下素食，所以去左尖沙咀呢間新派素食餐廳2DP，我試左佢2件新出嘅脆香素雞胸🐔口感香脆煙韌，點埋甜辣醬，就更加正😋韓國泡菜素煙肉卡邦尼意粉🍝 意粉軟硬度適中，素煙肉食落似火腿🥓因為加左韓式泡菜，所以會辣辣地🌶日式野菜天婦羅冷烏冬🍜野菜天婦羅好香脆，將烏冬同醬汁撈埋一齊之後，配埋紫菜食，簡直一流吖🤤蜜瓜牛乳刨冰🍈🍧 牛乳刨冰用上北海道特濃3.6，淋埋煉奶🥛食落真係好重牛奶味，密瓜球食落非常清甜多汁，仲好新鮮👍🏻 冰質細滑軟綿

店內外的環境同佈置會俾你一種新派時尚既感覺，坐位唔算窄，但同隔離無空隙試左兩款，西瓜牛乳刨冰同芋圓桃膠豆花，會試🍉牛乳刨冰完全，但見哈蜜瓜會多人食一D，因為門囗既海報介紹吸引入店🤣🍉牛乳刨冰味道好特別，首先外面既🍉波已經吸睛度高，清甜多汁之餘仲好冰涼，食完好爽。刨冰方面有驚喜，因為佢係用牛乳做冰，而唔係用水，所以本身只食冰已有濃濃既奶香，我估係用左日本北海道牛奶，因為唔算太甜，只有正常果糖，仲有少少既蜜糖，一般唔鐘意太甜既朋友，本身有既少少密糖已夠甜，我額外加多左之後簡直正（超鐘意甜野）🍯加🍼既滑滑刨冰，係口內融合，簡直無得彈😋芋圓桃膠豆花就普通左小小，整體味道偏淡，芋圓就無咩味道，不過有咬口，豆腐花亦算滑，有豆香 $62就情願比多幾十蚊食刨冰好過呢間糖水值得推薦一下，各位牛乳刨冰絕對值得一試，可以選擇蜜瓜呀如唔鐘意🍉

餐廳是以中式格局佈置，佈滿茶壺茶具，電視也是播放關於茶樹的節目，但相比起茶，這裡的素食反而搶眼，加上價錢也比同區的便宜，且做出來和傳統的麵筋的也吸引眼睛茶櫃也是滿佈茶葉，但小薯反而想吃甜品多dd🤤🤤🤤看到推廣忍不住未坐定就先點了 但原來只是腐皮+枝竹，骨頭則是用雪條棍。。。一口下就粉碎了。。。如果是用菌類，金針菇就會好d。。。半隻木瓜，再和桃膠煮成，味道平凡，價錢略貴數來數去，只有早午餐比較抵，大約70蚊，有餐湯送，18:00前來到都可以order

一間素食餐廳古五到甘受歡迎，幾多人噶，真系要試過先知。店入邊比較乾淨闊落，裝修比較簡約，做起來幾舒服。最特別又系最中意噶系個南瓜忌廉大麥飯，用成個南瓜裝住，好得意。而且超濃噶南瓜味，好香，大麥飯又有咬口，真系唔錯，強烈推薦啊！

2DP是提供素食的餐廳, 食物精美, 不會令人抗拒。點了泰式冬陰醬蒟蒻麵 $58, 可跟湯或沙律, 我選了湯。甘筍湯質感稠密, 滲出淡淡甘筍味。泰式冬陰醬蒟蒻麵, 冬蔭功香味樸鼻, 酸味味少少辣, 甚是開胃。麵條爽口彈牙, 每口均可發出索索聲。磨菇爽口, 豆腐乾偏實, 與磨菇及麵條的質感做成對比。整體份量不多, 沒有飽腹感。 脆香素雞胸 $28/件, 2件起素雞胸外表像炸雞, 肉質則像免治肉丸。味道有少少薑黃味, 不沾茄醬也好味, 沾醬反而被茄汁味搶去。吃畢, 剛巧6點前離座, 餐廳星期一至五6:00pm前離座, 免收加一, 好彩。

每次來都要點蜜瓜牛奶冰 今次試多一款泰式奶茶沙冰 結果好驚喜滿滿一大口 好似飲真正的泰式奶茶一般 開心🥳甜甜又蜜蜜的蜜瓜 冰冰又涼涼的牛奶冰 夏日清新之選真的好濃ge奶茶味