1908bc British Chinese

營業中

休息中

星期日中午同屋企人去左上環既「1908bc British Chinese 」品嘗一餐豐富又美味既午餐，餐廳以中式及英式Fasion菜式，每道菜式好味之餘，見得出廚師既細心創新，而且餐廳環境高雅，情侶及家庭都啱。我哋嘅頭盤係豬腩肉割包🍔，個包皮好軟好Q彈，豬腩肉煮得好入味，肥瘦適中，再加上啲泡菜同埋青瓜絲，真係好好味！之後就嚟主菜啦，我哋點咗招牌炸魚薯條🍟同燒豉油雞🍗。炸魚薯條好香脆，魚肉好鮮美，薯條又香又脆，真係一流！而且配搭咖哩汁，夠晒創新口味。而燒豉油雞肉質好鮮嫩，皮脆，啲豉油味道好香濃，好好味！最後食埋集會脆麵🍜！啲麵條好脆身，醬汁好香濃，配埋啲蔬菜同啲肉片，真係好好味！總括黎講，「1908bc British Chinese」係一間好正嘅餐廳，菜式好有創新，好好味，環境又高雅。如果想食到中英式Fasion菜式，就要嚟「1908bc British Chinese」啦！👍

得知上環有一間以中英合壁做主題的餐廳，立即帶表姐來試，因為她從英國回港探親，知道她很惦掛中菜，於是一定要帶她來，好好回味中英菜。餐廳以典雅海軍藍配純白色做主色，望上去十分大氣有格調，而且配合室外座位，感覺更有外國風，多添一分輕鬆感。看到餐牌說香酥鴨肉配薄餅是招牌菜，我們也馬上點了一份試。有點像皮片鴨的，但這個鴨肉是撕成一絲絲，而且鴨肉是經炸過的，所以入口比較香脆，但也就因此而變得頗乾。但配以青瓜絲和京蔥絲再加醬一起吃，也很有口感。另外一道招牌菜，炸蝦多士，一份有四塊，其實是兩片方面對砌成三角，多士炸得很香脆，外表還沾滿黑白芝麻，視覺或是口感都提升了。最後是表姊最想念的楊州炒飯，也是最出色的，炒底炒得剛好，不會過濕或過乾，炒飯粒粒分明。加上楊州炒飯的精髓，蝦粒帶子粒菜芯粒打成芡，湯汁濃稠度剛剛好，而且很夠鑊氣！我們還點了兩杯雞尾酒，味道不錯，就是酒精濃度頗高😂第一口就有點頭昏腦漲😂但邊吃邊喝就很寫意喇～整體而言，這間餐廳是頗有特性的，因以英國菜加中菜做主題，可以說是fusion or crossover的感覺，有炸魚薯條也有咕嚕雞球，有中國茶也有雞尾酒，應有盡有，總有合你口味的。而且環境

表姐剛剛從英國返港，喺英國一直都表示好掛住中菜，所以我專登揀咗呢間1908餐廳，係用咗英式元素嘅中菜廳。餐牌都配以中西合璧嘅元素，有傳統嘅中菜例如宮保蝦球同楊洲炒飯咁，但又會有fish and chips同埋salad選擇，都幾有趣。餐飲亦會提供唔同款式嘅cocktail or mocktail或者中式熱茶。我哋嗌咗一份香酥鴨跟薄餅，同傳統中菜嘅片皮鴨大同小異；只係鴨肉係經炸過之後再撕成一絲絲。配料都一樣有京蔥絲同青瓜絲，醬料都係用上海鮮醬，同片皮鴨嘅一樣，味道口感都唔錯，但鴨肉略嫌過乾身同鞋口。再點咗都係餐廳嘅另一招牌菜，蝦多士配甜辣醬。多士係用上一整塊方包無去皮，砌成三角形，加埋一隻蝦落去炸，簡單直接無乜技巧可言；味道亦如是，包重油味，蝦無調味。整件係一塊好香脆好油嘅炸麵包加隻蝦最後點了一份炒雜碎，即係中菜入面嘅炒雜菜，雖然聽落好似平平無奇，但反而我覺得呢碟菜係最好食😂可能對佢期望無太大，所以有喜出望外嘅感覺。雜菜有小棠菜、雞髀菇、芽菜等等，加上gravy嘅味道啱啱好，唔太咸清清哋，唔會太稀又唔會太杰。整體來講餐廳係幾有格調，環境闊落，而且設有outdoor，可惜當日落雨無開，否則

今次去咗上環一間揉合西式同中式嘅餐廳食中菜，有無諗過可以一邊嘆cocktails、一邊食中菜？原來又有另一番風味。香酥鴨跟薄餅呢個香酥鴨賣相同片皮鴨有啲相似，唔同嘅係啲鴨唔係一片片，而係一絲絲的，鴨皮燒得十分香脆，味道略帶咸香，配上青瓜絲同京蔥絲，可中和油膩感，薄餅十分軟熟，捲著餡料再加上少許醬汁，十分滋味。蜜汁排骨排骨啖啖肉，肉質軟腍，外層有輕輕走油，口感香脆可口，味道似糖醋排骨，酸酸甜甜幾開胃。中國外賣式咖喱咖哩分別有招牌、雞球、大蝦同雜菜，我哋揀咗大蝦，大蝦剝埋殼，方便食用，入口新鮮彈牙，配料有洋蔥、三色椒、芽菜、白菜仔等，咖哩略帶辛辣，越食越惹味。仲有半碟炒飯同薯條，實在大滿足。蝦米粉絲雜菜煲食咗咁多肉，叫個雜菜煲清清味蕾，雜菜煲包括有西蘭花、白菜仔、芥蘭、雜菌、粉絲等，仲用咗蝦米同瑤柱弔味，湯頭味道略帶鮮甜。Suzie Wong以Gin加入荔枝、紅石榴同玫瑰，玫瑰味會較重，用了小雨傘作裝飾，份外吸引。St Clements用了橙同檸檬做主調，味道酸酸地，十分醒胃。

餐廳位於上環柏廷坊，由上環港鐵站A2出口只需步行3分鐘，位置清晰尋路零障礙。餐廳設計融合中西特色，輕奢低調實而不華。服務員除了推薦菜單講解菜餚外，更主動保持枱面整潔，已用完畢的餐具杯碟都快速被整理或更換。而且還記得我的訂枱名字加以稱呼，令我尤如貴賓般被接待。我的美食餐單：1️⃣Suzie Wong2️⃣Be My Honey3️⃣Nourishing Chinese Soup4️⃣Crispy Aromatic Duck5️⃣1908bc Fish and Chips6️⃣Special Crispy Noodles脆皮烤鴨果然是招牌菜，多汁的脆皮鴨肉手工撕成細絲、脆爽的黃瓜和新鮮的蔥，按照3：2：1的比例呈現。搭配溫熱的煙韌薄餅包裹著脆皮鴨肉及清新蔬菜，再加上特制醬汁，簡直是絕配，這道佳肴可以讓任何一天都變得不一樣。

經店員介紹，餐單6月有更新，多了一頁精選推介。我們選了小食拼盤，當中的芝麻蝦多士是頭盤中很多人推介，所以想試。果真有酥脆外皮和鮮嫩蝦肉，芝麻香氣很重，而其餘三款小食脆皮炸雲吞、蜜汁排骨、脆皮素春卷也很好吃,另外叫左杯酒，be my honey 都好好飲蒜蓉粉絲蒸大扇貝採用新鮮食材，尺寸真的巨大，而蒜蓉粉絲香氣濃郁又爽滑，讓人回味無窮香酥鴨跟薄餅很特別，因為將鴨切成絲塊然後用片皮鴨的食法還是第一次見。鴨肉份量足，薄餅柔軟，口感豐富，配上醬料，味道更加美妙蝦米粉絲雜菜煲的粉絲很入味，菜和菇亦煮得夠冧身，好吃

餐廳位於上環文咸東街22-26號柏廷坊5樓😗 我地係網上面訂位，非常方便，我哋大概晚上1830時間去到，餐廳裝修非常有英倫風嘅風格，餐廳入邊亦都非常光猛，坐落亦都唔會有好迫嘅感覺，圖一張枱都有適當距離，令到顧客有絕對嘅distance, 呢個位做都唔錯，至少可以令到自己同朋友可以舒服啲傾偈！😂😂🤍Crispy Aromatic Duck, 香酥鴨係呢一間餐廳嘅招牌菜，非常值得推介俾大家，佢係會有好似片皮鴨嘅食法，但係英倫風係偏向鍾意食香酥鴨，大致上都係有青瓜同埋香蔥嘅配料，香酥鴨做得非常好食，亦都好熱，好明顯係即叫即炸，鴨嘅味道都條配得好好，再加埋熱辣辣嘅餅皮，配上佢特製嘅鴨汁，我同朋友都忍唔住食完一件又一件，非常香口，果然係呢一間餐廳嘅招牌菜！🤍Crispy Tofu w/ Spicy Salt, 佢係椒鹽豆腐嘅做法，同香酥鴨一樣都係做得非常之熱辣辣，唔係預早做好，豆腐非常香滑，佢嘅炸粉亦都唔會好厚，配上香辣嘅口感，送酒好夾，而作為飯前菜嚟講佢嘅份量亦都好多，非常抵食，同埋對得住呢個價錢！🤍Butterfly Prawn Toast, 佢係參照傳統茶餐廳蝦多士做法，蝦多士非常厚身，食

今日去咗上環呢一間英式嘅廣東菜食飯，由於晏啲去睇演唱會，所以我哋今日好早就食飯，booking係18:15，可惜今日落雨唔可以出去佢哋露台嘅位置坐，餐廳位置位於上環柏亭坊，地鐵站行過去，大概係3分鐘嘅路，非常方便，亦都相近蘭桂坊，鍾意飲酒嘅朋友，食完可以行過去蘭桂坊，或者蘇豪繼續暢飲 店員非常客氣同埋friendly，確定咗預約就安排我哋坐喺餐廳近露台嘅位置咁啱係happy hour,有買一送一優惠，我就叫咗lemongrass mojito, 杯酒嚟到嘅時候非常靚，忍唔住拎咗電話出嚟打卡，杯cocktail非常有特色，有好香嘅香茅味同埋薄荷葉既清新，夏天嚟講，呢一杯嘢飲非常消暑 餐廳亦提供買一送一嘅優惠，計返大概都係$60一杯多啲，CP值同埋性價比非常高！喺呢一區，飲一杯cocktail其實都差唔多要$100！酸辣湯既口感酸辣開胃，非常適合作為開胃菜或者湯品。湯本身既湯底非常鮮美可口，醋味和辣味既平衡非常唔錯，不會太過辣，調味做得唔錯，而且豆腐、木耳、筍絲、醋、辣椒、豬肉絲等都可以能夠增加湯既口感層次感，我同朋友都非常鍾意呢一個湯！比出邊普通上海餐廳做得更加精緻同出色蝦多士份量比我哋

同老公講起好掛住英國，就話不如揀返間英國餐廳，見呢間餐廳openrice都多好評，環境又舒服同優雅，所以weekday night趁出港島做野就拜訪下坐低後覺得好闊落，當晚其他客人都係講英文為主（有外國人又有ABC)，真係好似去咗外國咁chill。侍應好好咁主動搬咗一張凳俾我哋放袋。燈光稍暗，都幾有情調，所以我哋都忍唔住每人叫咗一杯Cocktail，我嗰杯叫St Clemente，以檸檬同橙為主，好適合女性飲我們點了4款菜式，當食完第2道菜已覺得很飽很滿足😆第一道先上「廚師推介小食拼盤」，裡面有芝麻蝦多士、蜜汁排骨、脆皮炸雲吞和脆皮素春卷，每一種都非常可口。我最中意芝麻蝦多士，外脆內嫩的口感和濃烈黑白芝麻味道，令我回味無窮第二道係「香酥鴨跟薄餅」，平時食得多扁平鴨，呢一種酥脆嘅煮法係第一次見。鴨肉酥脆可口，份量好多，而薄餅軟嫩香脆（偏厚身），搭配起黎非常好食～呢兩款只不過係前菜同頭盤，已經好飽跟住到「蒜蓉粉絲蒸大扇貝」，扇貝鮮甜多汁，搭配上蒜蓉同粉絲，唔錯唔錯。最後上埋「蝦米粉絲雜菜煲」，蔬菜種類亦多元化，湯汁濃郁，雖然唔係under 廚師推介list但覺得好正

近年香港出現移民潮，身邊有不少朋友移民到英國，聽他們說，幸好當地有大量唐人餐館，才可以一解他們的思鄉之情🥰。唐人餐館匀是帶有英式元素的中菜館，你又有沒有試過呢🙋🏻‍♀️?! 回流香港的二代華裔sᴜᴢᴀɴɴᴀ ʜᴏ開設的𝟙𝟡𝟘𝟠 𝔹𝕣𝕚𝕥𝕚𝕤𝕙 ℂ𝕙𝕚𝕟𝕖𝕤𝕖💕•正正主打這類美食哦～ 餐廳在今年7月將踏入2週年🥳，為慶祝這個大日子，特別推出10道Tasting Menu及大優惠呀! 凡於7月份有「2」的日子(7月2日、7月12日、7月20至29日) 訂座，即享2人同行1人免費🥳，每次訂座最多4人哦～記得把握機會囉(⁎⁍̴̛ᴗ⁍̴̛⁎)!! 「 British Chinese Classic TASTING MENU🍽️$888/位 」 _芝麻蝦多士🦐、脆皮素春卷、涼拌青瓜本耳🥒 前菜有驚喜，蝦多士好香口，春卷香脆，青瓜木耳帶辣，好開胃。 _香酥鴨刈包✨ 開業時到訪過一次，當時已經好愛吃這個刈包。蒸包鬆軟，香酥鴨鹹香，好吃耶～ _蒜蓉粉絲蒸扇貝😍 由細到大都愛吃粉絲扇貝，粉絲充滿蒜香和扇貝的鮮味，令人吃不停口。 _安格斯黑蒜肉眼粒🥩 肉眼厚肉又大粒，且充滿肉汁，醬汁香甜，也不錯。 _京燒銀鱈魚🐟 朋友

事緣OpenRice 最多book 6個位，但我哋12個人，咁我哋咪分兩個人分開book，之後因為改期，餐廳知道我哋係一班人，要我哋落$1200 deposit都算喇，明明我哋喺OpenRice book位佢哋reject咗話我哋缺席，覆核咗之後，淨係比其中一個出席，原因就係因為我哋一齊坐😡我哋用呢個方法book其他餐廳都唔會咁。服務一般，set lunch一般，好過大家樂🙄西式中餐收呢個價錢，真係唔值。

位於上環的一間隱世餐廳，又中又英式嘅配搭很特別。一邊嘆白酒一邊食羅漢齋炒麵😂🥪蝦多士配甜辣醬 ($160)極推！📣食不停口！🤩以新鮮的蝦肉為主，經過炸製後外脆內嫩。但要趁熱食，因為油感會變重。搭配甜辣醬的酸甜辣味，亦能減少油膩感🫔香酥鴨跟薄餅 ($200)有啲似片皮鴨嘅感覺😂但鴨肉比較硬身，而且有啲鹹，所以配上薄餅和各種配料味道更平衡🍜集會脆麵 ($170)完全能品嚐到中餐的經典風味 — 羅漢齋炒麵🀄️但感覺沒有中式的鑊氣，配菜和味道感覺很健康😅~•~•~•~•~•~•~•~•~•~•~•~•~•~•~•~•~•~•價錢：💰💰💰味道：👅👅👅環境：🌇🌇🌇服務：👨🏻‍🍳👨🏻‍🍳👨🏻‍🍳賣相：📸📸📸整體推薦：👍🏻👍🏻👍🏻~•~•~•~•~•~•~•~•~•~•~•~•~•~•~•~•~•~•1908bc British Chinese (上環)⏰ 12:00-22:00📍上環文咸東街22-26號柏廷坊5樓

香港是中西合璧的代表地方，你試過中西合璧的晚餐嗎？在1908bc British Chinese 的體驗就一次結合了兩個世界的精華的奇妙體驗。餐廳空間感超強，外面還有後花園，感覺很舒服。你可以嘗試一些令人垂涎欲滴中西合璧的創意菜餚，以下是我推薦的兩道必食菜式～1- 蝦吐司--炸到好香脆,用上滿滿的原隻鮮蝦蝦肉好彈牙~麵包皮薄香脆，上面灑滿芝麻～　配上甜醬一起食，超幸福的～2- 香酥鴨跟薄餅 ——店員說這道菜是每個英國人都會點的一道菜。一般食到嘅「片皮鴨」不一樣，鴨肉片是手撕的，咸度剛剛好。鴨鬆好香又脆口食落好有層次！配上青瓜絲，蔥絲和薄餅包著一起食，油膩感減半～滋味滿滿～聽說餐廳的ｃｏｃｋｔａｉｌ都好好飲的，希望下次可以來試一下！如果您想體驗最好的中西美食，那麼您一定要來這家餐廳看看！

餐廳名稱1908是以英國首間中菜館既年份命名，而「bc」並非指公元前，而是「British Chinese 英籍華人」。店主將英式之烹調風格融入中菜當中，風味略有別於一般傳統中式酒家，每道菜餚都洋溢著中西合璧的撮合，做到色香味俱全！餐廳以灰藍色為主調，設計雅緻，時尚垂燈設計，充滿格調，環境寬敞舒適，設有吧枱位及室外雅座，非常寫意！1908BC Chef's Appetiser Platter 中式炸物拼盤(春卷 , 雲吞, 蝦多士)炸物炸得香脆可口，蝦多士非常岀色，用上原隻鳳尾蝦，面層塗了一層彈牙蝦滑，多士配上黑白芝麻，鬆脆但不油膩，味道層次豐富。Crispy Aromatic Duck 香酥鴨乃屬唐人街出名菜式，香濃鴨絲、青瓜、蔥條、秘制醬汁，卷起薄餅一同進食，口感豐富惹味。鴨肉不羶，脂肪及肉質比例適中。1/2 Roast Chicken, served with a Garden Salad 大推！烤雞皮脆肉質相當嫩滑，切開肉汁馬上浸岀，以香草作醃料，清新香口。配菜田園沙律酸酸甜甜，減卻油膩感Sweet & Sour Pork & Steamed Rice咕嚕肉外皮薄而香脆，沒有厚

甚麼是英式中菜？係咪就係英國唐人街的「老外唐餐」，咕嚕肉、酸辣湯嗰啲？即管來體驗一下。好友 William 牛一，壽星說想吃中菜；在網上找間較有特色的，選了這間「1908bc British Chinese」。餐廳開業約一年，菜式是將英式風味融入中菜，有別於傳統中式菜餚。 1908bc 中的「bc」並非指公元前，而是「British Chinese 英籍華人」，至於「1908」則代表英國首間中菜館於倫敦 Piccadilly 開設的年份 (我沒有特別去考究)。有趣有趣。話說回來，倫敦唐人街也是位於 Piccadilly Circus 附近，去過倫敦遊玩的朋友應該有到過。這晚有機會和店主閑聊了一會。她是在英國布里斯托出生和成長的華裔第二代，她説中菜在英、美等地是一種飲食款式，對當地的華人來說卻是情懷。她家人20年來一直在當地經營中菜館，去年她與退休的母親回流香港定居，發覺香港即使有不少中西合璧，甚至遷就老外口味的 fusion 中菜館，就是沒有英國唐人街元素的那款，於是便開設了此餐廳。餐廳位於大廈5樓，淺木色地板配灰藍色調，牆身有鏡飾，亦且富有設計感的天花垂燈：餐廳出面有個綠意盎然的小露