18樓雞煲火鍋專門店

營業中

休息中

#hkfoodmap旺角.一試呢間荃灣好旺場 開分店黎到旺角嘅雞煲放題店叫左微辣嘅雞煲～望落好似好辣咁但食落真係只係微麻微辣雞肉嫩滑而且仲好入味！食完雞煲可以掃QR 落配料打邊爐～菜類同飲品 醬油同埋雪糕就自己行去counter拎～肥牛質素比想像中好 雞煲放題黎講呢個質素嘅肥牛可以接受蝦片都唔差 幾香幾脆～不過是日海鮮嘅蜆就有沙同埋油麥菜應該係求其有啲無洗因為有幾條有啲小昆蟲喺上面🙈🙈整體黎講雞煲係幾好食嘅 其他火鍋配料就不過不失啦～

同埋屋企人一齊諗住食雞煲，呢間雞煲我地之前都係荃灣到食過，因為又抵又好食，2個鐘頭任飲任食，所以就慢慢變成左我地嘅聚會之地，見到佢而家係旺角新開左間分店，更加就我地腳，就立即叫埋屋企人一齊黎試下。茶、汽水、果汁任飲，而家仲多左自家製嘅冬瓜茶、茉莉綠茶同桂花烏龍，打邊爐熱辣辣又口渴，飲呢啲就岩哂，而飲落味道好天然清新，我地都飲左好幾杯。我地叫左個唔辣雞煲，事關我同家姐都唔食得辣，雞煲好快就到喇~ 味道依然KEEP到荃灣嘅水準，醬汁非常惹味同濃郁，雞件啖啖肉，多肉少骨，好足料，而且非常之入味，加埋啲洋蔥、芫茜，更加香口。食到咁上下無哂啲雞肉，就可以加埋豬骨湯落個煲到打邊爐火鍋配料嘅選擇種類同樣有好多，肥牛肥瘦適中，入口仲有好香牛肉味。海蝦好鮮甜肉質又彈牙，好新鮮，呢個價錢食到呢個質素真係物超所值。魚皮同響鈴脆卜卜，浸幾秒就食得，好食。水餃脹卜卜好足料，皮薄餡靚。食多啲蔬菜就可以中和番之前食左咁多肉嘅罪惡感而家只要係社交平台打卡同like就可以有88折優惠，抵上加抵!新店同總店一樣咁高質，下次都一定要再黎食~

俗話講：一場秋雨一場寒。今天下午下了一場雨，天氣轉涼又到了打邊爐的好時候了。今日放工後同朋友來到旺角覓食時出現了分歧，我想食雞煲，朋友偏向食火鍋，正當難做選擇之時，突然想起18樓雞煲火鍋專門店剛剛從荃灣拓展到旺角，倆人一於決定去旺角的18樓雞煲火鍋專門店，咁就同時滿足我地兩個的願望了。✧✧✧✧來到彌敦道創興廣場18樓只見全層燈火通明，店內裝修簡潔整齊，座位分隔合理完全達到防疫的要求。進門時侍應哥哥就問要乜嘢雞煲，他們提供的雞煲有辣（微、小、中和大各種唔同辣度）同完全唔辣任客選擇。秋風起喉嚨乾渴，我地點了唔辣的雞煲。坐低冇耐一大盤熱氣騰騰和香噴噴的雞煲就端了上抬，雞煲裡的雞塊夠大件，一啖咬落覺得雞肉嫩滑，醬汁香味濃鬱十分惹味，我地兩人食完一塊又一塊欲罷不能，很塊就食完雞煲準備打邊爐了。✧✧✧✧來到彌敦道創興廣場18樓只見燈火通明，店內裝修簡潔整齊，座位分隔合理完全達到防疫的要求。進門時侍應哥哥就問要乜嘢雞煲，他們提供的雞煲有辣（微、小、中和大各種唔同辣都）同完全唔辣任客選擇。秋風起喉嚨乾渴，我地點了唔辣的雞煲。坐低冇耐一大盤熱氣騰騰和香噴噴的雞煲就端了上抬，雞煲裡的雞塊夠大件，一啖咬落覺

餐廳個名好得意，叫18樓雞煲火鍋，原來佢真係喺18樓，另外一間分店喺荃灣都係18樓。睇嚟如果佢要再開分店，都幾難搵返18樓嘅舖位。哈哈。餐廳主打係雞煲，然後可以嗌埋其他火鍋材料打邊爐。雞煲嘅醬汁唔錯，味道好豐富有層次，而雞肉都好嫩滑唔會煮都老晒。唯一需要改善嘅就係可以將雞肉醃長時間少少，咁樣入邊就會更加入味。同埋可能我平時食得比較清淡，覺得個醬汁太多，有啲咸。同好多火鍋店一樣，除咗汽水，依家會有一啲台式飲品或者冷泡茶。非常推薦呢隻台灣冬瓜茶，有清香嘅冬瓜味，而且唔會太甜。響鈴同魚皮都好酥脆，值得一讚。

18樓雞煲火鍋專門店 (旺角)🐔🐣旺角彌敦道593-601號創興廣場18樓▪️▫️▪️▫️▪️▫️▪️▫️▪️▫️▪️▫️▪️▫️▪️▫️最近天氣涼涼地，自然就會想起雞煲/火鍋今次就選擇咗旺角呢間雞煲放題🐣🐔星期一至四$178位😆 (另收加一）餐廳有QR code點餐減少了漏單嘅情況😎雞煲非常惹味醬汁濃❤️肉質算嫩，不會太嚡火鍋配料都有非常多種類選擇分別有兩款牛肉特級肥牛和雪花肥牛🐮兩款牛肉都肉味濃郁😋以放題來說也不錯響鈴是自家鮮炸的，更加有口感飲品最特別有一些冷泡茶例如台式冬瓜茶/苿莉綠茶白鱔片和是日海鮮(蜆)非常新鮮份量有點少但係可以嗌多幾次😎😎😋性價比高CP值不錯❤️❤️值得推薦

因為新開既，地方新淨，環境都舒服，不過服務就一般，最後都無打到88折，因為訂位果時寫明喺有88折。食物同味道方面同荃灣果間都一樣好食，去到都只喺需要等咗5分鐘就入得去坐，唔洗等好耐，旺角分店，可以再考慮去多次既。

雞煲味道唔錯,麻辣嘅香味適中唔搶咗其他味道。但係唔知點解未嗌其他嘢嘅時候打邊爐配料都上曬, 初初以為係咪落錯單但係見枱枱都係咁，同埋手機落單嗰時候全部都顯示正確想退都退唔返, 材料品質幾好, 但係唔係全部都係我鍾意想食嘅配料, 搞到好似的逼住全部清曬。之後叫特級牛肉雪花肥牛同牛腩, 等咗幾個字都未到, 問咗其中一個侍應, 佢話會幫我入去睇睇, 之後望住佢行過去出第方向但係就轉咗彎行咗去第二邊繼續清理其他枱根本冇幫我跟進過, 之後見到我張單係有寫追加牛肉所以有等多幾個字, 到最後都係問第二個侍應, 嗰個即刻幫我入廚房攞。兩個鐘頭任食玩呢啲真係個半鐘都冇, 之後埋單嗰時候冇計返訂位嗰時候嘅88折, 又要追一輪。不過總結嚟講其實佢哋服務唔錯不過真係好多甩漏。