18樓雞煲火鍋專門店

營業中

休息中

年頭至今因疫情緊張都未去過吃雞煲火鍋放題。之前同事推薦旺角地鐵站附近創興廣場的18樓雞煲火鍋專門店的雞煲，不用點醬油都好惹味，趁同表姊慶祝生日約了她一起去吃。到達18樓踏出𨋢口燈光照明，感覺生氣勃勃，週邊環境寬敞舒適，裝潢帶點懷舊feel 。先來個鎮店之寶，色香味齊全香噴噴的雞煲，不但夠惹味而且肉質鮮美和有口感👍😋。吃完雞煲跟著掃QR code 點可以任吃的火鍋配料，種類繁多有美國特級肥牛😋、雪花肥牛、紐西蘭羊肉、䐁肉、海鮮類有蝦、脆肉鯇魚和貝殼類，與別不同的丸都有幾種👍，尤其是手制嚮玲👍，脆口而不肥膩和有機的鮮嫩西洋菜😋，encon 好幾次。有口感的椰菓和脆爆珠加埋雪糕便是這餐完美的終結！

最近發覺旺角創興廣場整座大廈都係食火鍋、燒肉放題為主嘅食店。選擇十分多，之前喺荃灣試過這間18樓雞煲， 今次旺角新店，梗係要試下！款式種類同荃灣分店差不多，包括有靚牛肉、肥牛、海產類有沙白、 墨魚 、大海蝦、鯇魚……先點了一個小辣嘅雞煲， 果然保持水準，這款正宗重慶雞煲好有麻味，唔係淨係一味得辣字， 醬汁十分惹味。雞件肉質結實，雞皮較薄而且雞肉十分入味！ 之後就加湯底打邊爐，肥牛顏色鮮嫩，我們二人 重複 call 咗四五轉！海蝦新鮮結實，鯇魚片爽口。 水魷魚、牛柏葉都十分新鮮。

要揀我最鐘意既雞煲就一定係18樓雞煲~荃灣果間食過咁多次, 見到旺角開左分店, 就腳左咁多, 一定要去食啦!!6點幾上到去已經坐滿咁滯, 陣香味真係唔講得笑~食左咁多年都係呢個價錢, 抵食夾大件!!一行4人所以有成隻雞咁多, 今次叫小辣, 醬汁好正, 麻香味好勁!唔知係咪太耐無食, 覺得旺角分店仲好食! 雞肉又滑又入味, 愈食愈濃味!食到咁上下就打邊爐, 都係同荃灣一樣同APP落單, 唔洗幾分鐘已經送到上枱!最鐘意食脆肉鯇魚, 唔係到到都有得食架~除此之外, 牛肉/海鮮/菜都有好多選擇, 魚皮都脆卜卜好好食, 食材好新鮮!推介!!

好想打邊爐，就即刻吹雞搵個朋友出嚟旺角食飯，求其上咗創興18樓，食返個18樓雞煲先，加埋一都係百零蚊，仲要任食都幾抵。環境刻意做咗啲懷舊感，有啲菜檔街市嘅招牌，都幾得意。幾個朋友坐喺卡位，都幾闊落，任食打邊爐來講，算係超水準！任食梗係先食一個雞煲先，雞煲揀咗小辣，有少少沙嗲嘅感覺，又好鬼惹味，我同朋友都鍾意。跟住叫咗一大堆嘢食，都有質素，整體表現都唔錯，性價比好高。肥牛都唔係一般酒樓飲食咁嘅質素，睇落雪花都均勻，食落都好有牛味。花膠大大舊，索埋雞煲啲汁，一流，食2舊都夠回本。全程自己加湯，又方便，喺液程期間，有安全，我自己覺得好過求人幫忙。整體來講，想打個邊爐，平平地來講，呢度絕對無得輸。而且呢個價錢，去邊度食飯都要，食多食少都唔覺蝕底，對我呢啲老人家，又想試呢樣果樣的人來講，絕對唔錯。

勁惹味嘅雞煲，今日諗咗好耐都唔知食咩好，個frd 左揀右揀，終於都揀好要食雞煲，今次訂咗位先係openrice,唔怕人頭湧湧冇位座，仲有得儲里數，真係估唔到啊。叫咗個雞煲小辣，有3個仼食套餐，叫咗個B 餐都夠食，仲包左安格斯牛頸脊，食完仲有雪糕食。雞煲小辣醬汁超級惹味，有點似大埔的八妹雞煲醬汁濃郁蓋過雞肉，雞肉嫩滑多汁，配料也有不少蟹柳，豬紅，牛柏葉，萵筍，金菇，芝士腸，仲有真打烏冬，烏冬煙韌附滿湯汁。另外蟹柳煙韌不是粉粉的那種。最推介的是滑牛滑溜。

今日放工同朋友去鬆下揀咗創興廣場嘅任食火鍋知道呢間喺荃灣都好出名就嚟旺角試吓啦 嗌最平個餐 但都好ok!!大部分都係卡位 好坐我哋先食咗一個雞煲小辣原來一早已經煮好㗎啦 一上枱已經可以食甜味較重 越食越麻 好惹味啊兩個人都好夠食喇跟住就開始自己加湯落火鍋配料有幾款嘢食叫強烈推介脆鯇魚骨腩 蝦 🦐 蜆 響鈴超正我哋都encore左好多次另外啲丸好食 朋友仲有嗌萵筍同冬瓜吸晒啲湯 真係唔點豉油都夠味牛肉方面我就覺得幾款都唔錯想瘦啲就食滑牛薯粉都好正啊吸晒啲湯兩個鐘其實都好夠喇同朋友傾吓食吓嘆吓好快過我除咗火鍋之外佢仲有軟雪糕同乳酪飲品方面有三個大汽水櫃任君選擇性價比好高呀

呢間餐廳一直都好想食，但疫情問題，不斷delay，見疫情開始穩定，即刻過嚟食！一開頭，係食雞煲先！份量就不算好多，但覺得吾夠，大可以自己點多幾點雞😂所以可以自己掌握，好彈性！雞煲醬汁濃濃的，而且雞件索曬啲汁，好正🥰之後就揀左套餐A-精選美國雪花牛🐮我自己覺得雪花肥牛更優質，如果喜歡肥少少，就揀特級肥牛🙊兩者都好薄切，牛味香濃😌其他配料有好多款式，有幾樣係我好喜歡嘅，🥰肉類有羊肉🥰小食除了炸魚皮，有印尼蝦餅🥰海鮮係蝦和蜆🥰蟹子墨魚滑🥰蔬菜除了係自取區，蕃茄、粟米、菇類等都可以自己點不能盡錄。。。2小時的晚餐🥣，時間絕對足夠‼️店舖裝修得好靚，有懷舊主題，幾有意思🙂

18樓雞煲食佐兩次，荃灣同旺角地方夠大，座位寬敞舒適。但係可以提前兩日book定，因為門口真係超多人排隊，特別係星期五六日晚餐時段。今次叫小辣煲，雞肉入味，而且肉質比較嫩。食B餐，因為多海鮮同牛肉選擇。廣島蠔好鮮好大粒，扇貝就一般。但蝦食過兩次都非常新鮮。是日海鮮係蜆，都好大粒鮮甜。菜款式多，份量都適中，可以減少浪費，唔夠可以再自助落單，主要係感覺所有食材新鮮。新鮮乾淨，食材款式多，兩個鐘時間可以慢慢食，呢個價位值回票價

創興廣場成幢都係火鍋, 雞煲同放題, 近期發現左18樓開左間雞煲, CP值高兼冇伏!! 平日夜晚飲食2個鐘, 人頭$200有找。餐廳環境走懷舊香港風, 牆身設計到好似舊時既鋪頭咁, 好得意。另外幾中意佢依度既座位設計, 全部都係卡位, 而且同隔離枱都隔得好開, 坐得舒適!  蔬菜, 甜品同埋飲品都係自助區自己拎, 特別欣賞佢既蔬菜櫃, 一份份好咁包好哂放係雪櫃入面, 款式多, 而且衛生又整潔。雞煲叫左小辣, 一放低超香, 紫洋蔥等配料唔少得, 雞肉滑滑的, 最重要係個雞煲醬夠香又夠濃, 再加上辣味非常惹味。食到咁上下就用手機QR CODE落單, 同時餐廳已經預備好一支支既上湯, 可以逐少逐少加入去調番自己口味, 幾中意依個做法! 小食叫左份咖哩可樂餅, 估佢唔到係新鮮即炸, 熱辣辣脆卜卜, 非常香口, 有驚喜!肉類今晚主攻既係雪花肥牛, 特級肥牛, 新鮮滑牛肉同埋滑雞柳, 肥牛大大塊唔會碎濕濕, 特級肥牛味道仲幾濃添! 滑牛肉同滑雞柳亦都鮮嫩。蔬菜類除左出面拎既幾款菜之外, 仲ORDER左鮮准山, 秋葵, 鮮冬菇, 萵筍, 特別中意鮮准山爽脆口感, 好新鮮!海鮮類必點呀! 海蝦同是日海

禁夜晚堂食後 三月終於放監！好開心終於可以約朋友食晚飯!!!為左大肆慶祝，佢揀左雞煲放題，因為佢話要食到盡( 癲左？) 好啦，雞煲我都可以 咁就陪佢去旺角呢間 18樓雞煲癲下啦～我地六半就到，當時已有六成滿，跟住八半走嗰時，係全場爆滿！勁多人！ 好講返雞煲先，雞煲有唔同辣度可以選擇，我唔太食得辣，所以迫佢揀左微辣，隔左陣雞煲就到左，雞件唔算多因為之後仲要預肚打邊邊吖，雞肉好滑味而且個雞煲係超惹味，因為用左好多香料去整～～食完雞煲就可以加左豬骨湯底開始打邊爐啦～～～ 呢度啲任食火鍋料選擇都好多，牛豬雞羊都有 我地主力食雪花肥牛同羊 肥牛牛味濃郁，羊肉片亦好正～～試完肉類，海鮮佢地都有！ 好似脆鯇魚、白鱔片，海蝦、魷魚鬚同墨魚滑另外最大推係佢個每日海鮮：係勁大隻既卜卜蜆，佢好鮮肉身彈牙，我encore左勁多round ! 另外，仲有豆皮魚腐丸類都唔少得呀，冰豆腐豆卜吸晒啲湯超邪惡！魚皮響鈴當然都係必點啦佢地仲有甜品吧，可以自制雪糕，但我地真係太飽了 唯有下次再去試hahah

18樓雞煲之前係荃灣食過,估唔到開到黎旺角, 仲要都係18樓! 實在太易記, 而家開左黎旺角就方便好多, 18樓雞煲真係少有既高質抵食雞煲!我地叫左個最平既套餐A, 因為主要係想食下雞同打下邊爐,呢個餐其實都真係抵食! 一人唔駛$200 就有唔同野食! 一坐黎店員就問我地個雞煲要咩辣, 我地就揀左小辣, 然後等左陣雞煲就上得! 出面都有個醬料區, 但其實雞煲食完之後加湯,D 雞煲汁都夠哂味, 唔駛另外點醬汁都OK! 而野飲都係出去自己拎, 有好多唔同既野飲,有糖同無糖, 仲有杯裝既茶飲, 真係唔同既口味都可以滿足! 通常可樂飲一罐都好夠, 之後就想飲下茶! 菜都係係出面任拎! 每款菜都放左係雪櫃分好哂, 唔駛自己再夾, 淨係開雪櫃拎你想要既款式,感覺好乾淨衛生, 特別係而家呢段時間! 而去到最後出面都有乳酪雪糕同普通軟雪糕, 乳酪雪糕真係會令人忍唔住食多左幾杯……… 仲可以自己加D 想要既配料! 正!講番個雞煲, 雞既份量都真係好多! 同埋唔會係俾D 頭頭尾尾你, 舊舊都好有肉! 食完雞就自己再加湯, 湯都可以係出面自己拎! 加湯既份量唔駛多, 加完就可以QR CODE落其他打邊爐既配

18樓雞煲火鍋專門店，一聽呢個名一定唔會唔知呢間餐廳究竟係喺幾多樓。餐廳一共有兩間分店，一間喺荃灣，而令一間就喺旺角，兩間同時都開係18樓，可想而知老闆對餐廳個名係有一種莫名嘅堅持。因為知道佢喺旺角開咗新分店，所以即刻捉埋朋友一齊嚟食下，而且呢排天氣開始轉涼，又係時間開始打邊爐同食雞煲啦！因為我哋一早就已經book咗枱，所以基本上唔需要點樣等，一上到嚟餐廳就可以入座啦。餐廳入面每一張枱都有一樽湯底，等客人可以起食完雞煲之後自己加入湯底打邊爐。因為我同朋友都唔係好食得辣，所以雞煲揀咗微辣。而我哋都好滿意雞煲調校嘅辣度，真係啱啱好，連我朋友唔鍾意食花椒八角嘅都覺得好好食，而且啲雞肉好嫩滑，一啲都唔鞋，特別係雞皮吸晒啲汁，到咗到咗。我哋居然係搶食雞皮，因為實在太好食啦！食完雞煲我哋就開始打邊爐，呢間餐廳係用手機落單嘅，入面基本嘅打邊爐配料都好齊全，例如有蘿蔔、鮮蝦、肥牛、豬紅、魷魚、萵筍、冬瓜、魚滑、芋絲、羊肉、豆腐、魚肉等等⋯同埋外面有一個大雪櫃係裝住唔同種類嘅菜，菜嘅種類真係好齊全，分別有生菜、白菜仔、西洋菜、娃娃菜、油麥菜。打完邊路唔少得嘅梗係要食埋佢嘅雪糕，食

18樓地表最強雞煲 個名好架勢 2小時任飲任食 晚上17:00-零晨3:00。有套餐A-C 價錢由低到高我地主要食雞同牛加上食唔到好多，所以揀左套餐A。而家用QR落單，店舖非常大，裝修好有心思，每個角落都有主題特色，氣氛感覺好好。驚喜：佢有任飲自家制台式茶，冬瓜茶，茉莉茶。几好飲阿。雞煲：好香，味道濃香，醬汁均勻，雞肉嫩滑。份量對我們說還可以 我們還要打邊爐。（如要再添加雞，要另加$40。）雞煲到時候，我地叫左炸芋頭同豬腸，咁樣一齐撈雞汁嚟食係好正架。打邊爐：每張枱都有雞湯，自己加。打邊爐菜式都係果d.任食肥牛，都ok佢個響鈴，炸魚皮都ok 係新鮮熱辣辣。仲有熟食台灣腸同埋服務員都ok. 佢地送菜都快 又夠人手執野碗碟。最後要大贊有乳酪雪糕食，好正，食左2杯先走。二百蚊雞煲邊爐ok la ，會再食。

今晚天氣轉涼，好想打下邊爐，經過到旺角創興，見到新開任飲任食既雞煲加邊爐先每位$178起再加一，趁新開張一於試下。好彩暫時walk in 都有位，我地要左套餐a肥牛任食。餐廳都好方便，用手機掃qr code 落單，以防止漏單既情況，入面環境好大，裝修好有香港特色，加配好多唔同懷舊招牌，打卡都一流。首先我地先食雞煲要左bb辣，雞件數量唔少，都好嫩滑，好惹味，bb辣一啲都唔辣，嗜辣者建議中辣或以上。食完雞煲之後當然加湯打邊爐，湯係自助形式，清湯唔油膩。肉方面都有肥牛，豬，海鮮，仲有花膠，菜就自己去櫃拎，都好新鮮，最特別係野飲有台式冷泡飲品，本人推介冬瓜茶，唔會太甜，岩哂消滯。仲有甜品雪糕機，可以任加配料。呢個價錢絕對物超所值！

朋友推薦左旺角一間新開既雞煲專門店比我，話好抵食而且仲有frozen yoghurt做甜品，是日收工就約左住附近既朋友去試，聽講荃灣都係開係18樓，唔知老闆係咪要等到其他區有18樓吉舖先再開分店呢 朋友果然冇介紹錯，雞煲加任食配料同飲品甜品等都係178一位，而且仲有大量卡位，坐得舒服，難怪星期四夜晚都幾乎滿座；講返間舖既靈魂雞煲先，上到黎嚇左一跳，雞件份量充足，入口厚肉彈牙，而且好入味，又甜又辣，唔錯 飲品全部放左係雪櫃，可以任飲，我要左自家製桂花烏龍茶，解膩一流 食左好耐仲未清哂雞件既我地唯有將d雞夾埋一邊先，加水變火鍋放其他野落去，因為驚食唔哂所以我地小小地每樣要住一份先，值得讚係上菜速度超快打邊爐良物-肥美既雪花肥牛雖然唔係入口即融但睇得出幾新鮮，輕輕一煮已經好美味；不過最有驚喜係蟹子墨魚滑，味道鮮嫩；其實menu幾豐富仲有好多野可以order，我地除左要左大量菜之外，仲點左台灣一口腸，是日海鮮、白鱔片等  唔記得幫frozen yoghurt影相但推薦yoghurt口味，雲呢拿雖然都okay但普普通通，可以自己玩擠雪糕好開心，食落同出面frozen yoghurt專門店既味道係